Новости за 25.12.2021

(Чирмешән, 25 декабрь, «Татар-информ», « Безнең Чирмешән », Кадрия Гамирова). Үзәк китапханә хезмәткәрләре Чирмешән лицееның өлкән сыйныф укучыларына татар халкының милли йоласы — «Каз өмәсе» күренешен күрсәтте. Егетләр һәм кызлар монда тамашачы ролендә генә булып калмыйча, үзләре дә бу бәйрәмдә актив катнашты. Китапханә хезмәткәрләре әлеге милли йоланың элеккеге елларда ничек узуын тулысынча күрсәтте. Укучылар «Каз өмәсе» нең барлыкка килү тарихы белән танышты, андагы җырлы-биюләрдә, уеннарда да катнашты. Читать дальше...

(Алабуга, 25 декабрь, «Татар-информ», « Алабуга нуры »). Алабуга районы башлыгы Рөстәм Нуриев «Адымнар — Алабуга» күптелле белем бирү мәктәбендә ачык дәрестә булды. Ул тулысынча татар телендә барган рәсем сәнгате дәресен күзәтте. Балалар төрле техникаларда рәсем ясады һәм татар телендә ирекле аңлашты, ә тел белән авырлыклар кичерүчегә педагог ярдәм итте. Мәктәптән соң Рөстәм Нуриев Университет мәктәбенә юнәлде, анда җитәкчелек белән аралашты һәм белем йортының торышын бәяләде. Район башлыгы сүзләренчә, мәктәпләрнең торышы аны бик куандырган. Читать дальше...

(Казан, 25 декабрь, «Татар-информ», Гөлия Хәсбиуллина). Бүген Казанның «Ак Барс» хоккейчылары Череповец шәһәреннән килгән «Северсталь» командасына җиңелде. Уен исәбе — 3:4. Матч Казанның «Татнефть Арена» боз сараенда узды. Бүгенге уен аренаның гөмбәзенә һөҗүмче Алексей Чупин свитерын башка легендар хоккейчылар рәтенә күтәрүдән башланды. Алексей Чупин бозга «Ак Барс» составында 12 ел чыккан һәм Казан командасы өчен 541 уен үткәргән. Аның 18нче санлы свитерын Татарстан Республикасында хоккей үсешенә зур өлеш керткәне өчен күтәрделәр. Читать дальше...

(Казан, 25 декабрь, «Татар-информ»). Түбән Камада яңа модель ПАЗ Вектор автобусларына D категорияле машина йөртүчеләр таләп ителә. Эш бирүче тулы социаль пакет һәм рәсми рәвештә эшкә урнашу вәгъдә итә. Бу хакта Түбән Кама муниципаль районы рәсми сайты нда хәбәр ителә. Машина йөртүчеләрнең хезмәт хакы — 50 мең сумнан, кондукторларның хезмәт хакы 28 мең сумнан башлана. Белешмә өчен телефоннар: 8 8555- 43-07-17; 8-917-874-80-81. Электрон почта:  mku.cdop@yandex.ru

(Казан, 25 декабрь, «Татар-информ»). Бүген Татарстанда 26 нчы автоспорт сезонына йомгак ясалды. Чарада катнашкан Татарстан Президенты Рөстәм Миңнеханов ТР узышчыларының казанышларын искә төшерде, аларны сезонны ябу белән котлады һәм иң яхшыларны бүләкләде. Бу хакта ТР Президенты матбугат хезмәте хәбәр итә. «Безнең узышчылар ел саен үзләренең һөнәри осталыкларын исбатлыйлар. Безнең көндәшлек көчле булуы куандыра: гамәлдәге чемпионнар үз позицияләреннән тайпылмый, талантлы, яшь һәм кыю спортчылар үсә», — дип билгеләп үтте Рөстәм Миңнеханов. Читать дальше...

(Казан, 25 декабрь, «Татар-Информ», Гөлнар Гарифуллина). Дәүләт Думасына сайлау кампаниясе барышында Татарстан депутатларына халыктан 5,5 меңнән артык мөрәҗәгать килгән. «Меңләгән мөрәҗәгать килде, аларны кире кагып булмый», — диде Татарстан парламенты рәисе Фәрит Мөхәммәтшин. Дәүләт Советы Рәисе шәһәр һәм авыл җирлекләрендә яшәүчеләрдән күрсәтмә-тәкъдимнәр алу зур эш булуын билгеләп узды. «Гамәлгә ашырып булырлык барлык мөрәҗәгатьләр төбәк һәм муниципаль программаларда чагылыш таба», — диде. Читать дальше...

(Казан, 25 декабрь, «Татар-информ», Зилә Мөбәрәкшина). Ульяновск татар мәдәният үзәгендә яңа елга багышлап «Яңа елга иске җырлар белән!» дип исемләнгән бәйрәм концерты үткәрелгән. «Аның программасы быел узган гасырның 1960-1970 елларында язылган иң популяр җырлардан һәм заманча бию, хореографик күренешләрдән төзелде. Җырчылар — өлкәнең төрле район, авылларыннан һәм ел дәвамында һәртөрле конкурсларда лауреат исеменә лаек булучылар», — диде «Татар-информ» Ульяновск өлкәсенең Татар милли-мәдәни автономиясе рәисе Рәмис Сафин. Читать дальше...

(Казан, 25 декабрь, «Татар-информ»). Коронавирус пандемиясе башлангач җитди зыян күргән авиация тармагы янә кыен хәлдә калды. Җомга көнне дөньяда 2200 авиарейсны кичектергәннәр. Моңа «омикрон» штаммы таралу сәбәп булган, шул исәптә экипаж пилотлары һәм әгъзалары арасында да. «Российская газета» Flightaware порталына сылтама белән хәбәр иткәнчә, шимбә, бүген 1200дән артык рейсны гамәлдән чыгару көтелә, бу киеренке бәйрәм алды сезонында тәртипсезлек тудырачак. Рейсларның күпчелеге Кытайның China Eastern һәм Air China... Читать дальше...

(Казан, 25 декабрь, «Татар-информ»). Коронавирусның «омикрон» штаммы дөньяның 110 илендә ачыкланган. «22 декабрьгә булган мәгълүматлар буенча, ковидның «омикрон» штаммы Бөтендөнья сәламәтлек саклау оешмасының барлык алты төбәгенең 110 илендә ачыкланган», дип хәбәр итә халыкара оешмага сылтама белән РИА Новости. Бөтендөнья сәламәтлек саклау оешмасы белгечләре сүзләренчә, беренчел мәгълүматлар буенча «омикрон» штаммы «дельта»га караганда күпкә тизрәк тарала. Шул ук вакытта ул алай ук җитди дә булмаска мөмкин. Читать дальше...

(Казан, 25 декабрь, «Татар-информ», Зилә Мөбәрәкшина). Чүпрәле районында татар әдәбияты классигы, 1970 нче елларда Татарстан Язучылар берлеге рәисе, «Казан утлары» журналы мөхәррире Зәки Нуриның 100 еллыгына багышланган кичә узган. «Чүпрәле районы башлыгы Марат Гафаров кунакларны сәламләп: «Зәки Нури элек тә, хәзер дә районыбыз горурлыгы булып кала, диде. Кунаклар район мәдәният йорты каршына куелган Зәки Нури бюстына чәчәкләр салды. Алга таба тамаша мәдәният йортында дәвам итте», — диде «Татар-информ»... Читать дальше...

(Казан, 25 декабрь, «Татар-информ»). Татарстан һәм Россия җитәкчелеге тарафыннан коронавирус таралуын булдырмау өчен күрелгән гамәлләр киләчәктә үзенең дөреслеген исбатлаячак һәм вакцинага каршы булучылар өчен җавап булачак. Мондый фикерне Татарстан Премьер-министры урынбасары Ләйлә Фазлыева «Татарстан 24» телеканалы җитәкчесе Андрей Кузьминга «Интервью без галстука» тапшыруы өчен биргән әңгәмәсендә әйтте. «Алар [вакцинациягә каршы кешеләр] бар, алар булачак. Алар белән сөйләшергә кирәк. Алардан качарга кирәкми. Читать дальше...

(Казан, 25 декабрь, «Татар-информ», Зилә Мөбәрәкшина). Казанның 90нчы гимназиянең татар теле һәм әдәбияты укытучысы Илүсә Сәлахова XV Бөтенроссия туган тел укытучылары остаханәсе бәйгесендә «Укытучы — новатор» номинациясендә җиңү яулаган. «Бәйге ике төрле үтә: укытучылар да ярыша, укучыларның да иҗади эшләренә бәя бирәләр. Мин татар телен укытуда кулланган методика, алымнар турында сөйләдем. Дәрес эшчәнлеген күрсәттем. Бәйгегә 250 эш җибәрелгән булган, шулар арасыннан 40 укытучыны финалга сайлап алдылар», — диде ул «Татар-информ» хәбәрчесенә.

(Казан, 25 декабрь, «Татар-информ», Гөлнар Гарифуллина). Татарстан җир биләмәсеннән бушлай файдалануга дәгъва итә алырдай табибларның исемлеге киңәйтелә. Җир кодексына үзгәрешләр ТР Дәүләт Советы утырышында хупланды. «Хәзер бу мөмкинлек дәвалау, акушерлык, шәфкать туташы юнәлешләре табибларына бирелә. Бу исемлеккә 21 белгечлек вәкилләре өстәлер дип көтелә», — диде Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев. Закон проекты нигезендә, кардиолог... Читать дальше...

(Казан, 25 декабрь, «Татар-информ»). Республика Яңа ел чыршы бәйрәмендә Татарстан Президенты Рөстәм Миңнеханов ТР балалар һәм яшьләр оешмалары вәкилләре, төрле олимпиадалар һәм конкурсларда җиңүчеләр белән очрашты. Балалар аның белән экология проблемалары һәм республикада балалар ИТ-түгәрәкләрен үстерү турында фикер алышты, шулай ук ТР җитәкчесенең ни турында хыяллануы белән кызыксынды. Президент яшь татарстанлыларның һәрвакыт дәрәҗәле федераль һәм халыкара мәйданчыкларда лаеклы нәтиҗәләр күрсәтүләрен сөйләде. Читать дальше...

(Казан, 25 декабрь, «Татар-информ», Полина Шевчук). Соңгы тәүлектә Россиядә коронавирустан 981 кеше үлгән. Бу 12 октябрьдәге саннарга караганда азрак. ТАСС оператив штабка сылтама белән хәбәр иткәнчә, бер көн элек 998 үлем очрагы теркәлгән. Пандемия башланганнан алып, Россиядә 303 меңнән артык кеше ковид инфекциясеннән үлгән. Авырудан шартлы үлем очрагы 2,92 процент тәшкил итә, төгәл процентны эпидемия тәмамланганнан соң гына билгеләп булачак.

(Казан, 25 декабрь, «Татар-информ»). Татарстан Премьер-министры урынбасары Ләйлә Фазлыева «Татарстан 24» телеканалы җитәкчесе Андрей Кузьминга «Интервью без галстука» тапшыруы өчен биргән әңгәмәсендә гражданнарга коронавирустан вакцинация өчен түләүләр идеясе уңаеннан үз фикерен әйтте.  «Бу бик үк дөрес түгел. Һәркем үзе карар кабул итәргә тиеш», — диде программа кунагы. Аның сүзләренчә, стимуллаштыручы чаралар коронавируска каршы көрәш буенча республика оператив штабы киңәшмәләрендә тикшерелгән, әмма кабул ителмәгән. Читать дальше...

(Казан, 25 декабрь, «Татар-информ»). Татарстанда гражданнарның аерым категорияләрен торак белән тәэмин итү программасы буенча барлык чаралар үтәлде, анда 739 гаилә кертелгән иде. ТР төзелеш, архитектура һәм торак-коммуналь хуҗалык министры Марат Айзатуллин Хөкүмәт Йортында шимбә киңәшмәсендә шул хакта хәбәр итте. Министр искәрткәнчә, Россия Президенты Владимир Путин инициативасы белән чыккан алты илкүләм проектның 12 федераль программа буенча республикада 102 объект төзелә һәм ремонтлана. Бу хакта... Читать дальше...

(Казан, 25 декабрь, «Татар-информ»). 2021 елда Татарстанның агросәнәгать комплексында актив техник модернизация алып барылды.Хөкүмәт Йортында республика авыл хуҗалыгы һәм азык-төлек министры Марат Җәббаров шимбә киңәшмәсендә шул хакта сөйләде.  Хуҗалыклар 13,6 млрд сумнан артык суммага 4,6 мең берәмлектән артык авыл хуҗалыгы техникасы һәм җайланма сатып алган. Алар арасында 508 трактор, 328 ашлык җыю комбайны, 80 азык җыю комбайны, 115 үзйөрешле сиптергеч һәм 3,6 мең берәмлектән артык төрле техника һәм җайланма бар. Читать дальше...

(Казан, 25 декабрь, «Татар-информ», Лия Шәйхетдинова). Республика Яңа ел чыршысы гадәттәгечә Казанда Баскет-холлда узды. Укуда, спорт ярышларында, иҗади һәм иҗтимагый тормышта үзләрен таныткан, шулай ук якланмаган категориягә керүче сигез меңнән артык бала программа кунаклары булды. Бәйрәмдә талантлы балаларны Татарстан Президенты Рөстәм Миңнеханов сәламләде һәм якынлашып килүче Яңа ел белән котлады. «Узып баручы елда сез барыгыз да республикабызны олимпиада, иҗади бәйге, спорт ярышларында, «Озын тәнәфес» бөтенроссия конкурсында... Читать дальше...

(Казан, 25 декабрь, «Татар-информ»). Язучы Альберт Лиханов вафат булган. Аңа 86 яшь иде. Аның әсәрләрен күп кенә илләрдә яратып укыганнар. Аның китаплары күп буынны игелекле гамәлләр кылырга тәрбияләгән, диелә Россиянең Иҗтимагый палатасы телеграм-каналындагы хәбәрдә. Альберт Лиханов — язучы, җәмәгать эшлеклесе. Ул Россия балалар фондын һәм Балаларны яклау фондын җитәкләгән.

(Казан, 25 декабрь, «Татар-информ»). Узган тәүлектә Татарстанда тагын 102 кеше коронавирус йоктырган. Алар барысы да чирне авыру кеше белән аралашканда эләктергән. «39 кеше хастаханәгә салынган, 63 кеше өйдә дәвалана», диелә Татарстан Сәламәтлек саклау министрлыгының матбугат хезмәте хәбәрендә. Иү күп авыручылар (30 кеше) Казанда, Чаллыда (22 кеше) ачыкланган. Арча һәм Түбән Камада алтышар, Яшел Үзән белән Сарманда бишәр, Югары Осланда дүрт авыру очрагы теркәлгән. Шулай ук Алексеевск, Әтнә, Лаеш... Читать дальше...

Как(Казан, 25 декабрь, «Татар-информ», Полина Шевчук). Массакүләм мәгълүмат чараларында Казанда аек булмаган хатын-кыз имезгәндә яңа туган улын гәүдәсе белән каплап үтергән дигән мәгълүмат таралды. Әлеге мәгълүматны шәһәрнең Вахитов районы прокуратурасы тикшерә. Бу хакта «Татар-информ»га Татарстан прокурорының өлкән ярдәмчесе Руслан Галиев сөйләде. «Күзәтчелек ведомствосы бу хәл килеп чыгу сәбәпләрен, шулай ук гаиләнең иминлеген һәм ата-ана вазифаларының тиешенчә үтәлүен тикшерә. Моннан тыш,... Читать дальше...

(Казан, 25 декабрь, «Татар-информ», Арсений Кәримов). Бүген Казанда Баскет-холлда 12:00 һәм 15:00 сәгатьләрдә Республика Яңа ел чыршысы уза. Барлык теләүчеләр өчен сылтама буенча яңа ел тамашасының онлайн-трансляциясе оештырыла. «Яңа ел. Перезагрузка» — быелгы мюзикл темасы. Цифрлаштыру елы алдыннан республика балаларын гаилә тормышы аша югары технологияләр белән таныштырачаклар — Алинә ясалма интеллекты ярдәмендә Камил әти, Карина әни, уллары Илдар һәм кызлары Динә башлары белән виртуаль дөньяга чумган. Читать дальше...

(Казан, 25 декабрь, «Татар-информ», Полина Шевчук). Бүген Казанның Вахитов һәм Зур Крыловка урамнары чатында юл-транспорт һәлакәтендә ир-ат үлгән. «Татар-информ» агентлыгына Дәүләт автоинспекциясендә хәбәр итүләренчә, 14нче модельле «Лада» автомобиле өлкән яшьтәге ир-атны таптатып үтергән. «Карап торышка җәяүлегә 70 яшь чамасы. Ир-ат алган җәрәхәтләрдән шунда ук үлгән. Урында юл-патруль хезмәте хезмәткәрләре эшли. Фаҗига килеп чыгу сәбәпләрен ачыклыйлар», — диделәр ЮХИДИ матбугат хезмәтендә.

(Казан, 25 декабрь, «Татар-информ»). Татарстанда планнан 2 миллионнан артык кеше ковидтан прививка ясаткан. «План — күмәк иммунитетны бергә тәэмин итә торган кешеләр төркеме. Бүген ул 92 процент диярлек (сүз план буенча олы яшьтәге халыкның 80 проценты турында бара). 2 миллионнан артык кеше прививка ясаткан, без планны тулысынча үтәүгә якын режимда торабыз», — дип сөйләде «Татарстан 24» телеканалы җитәкчесе Андрей Кузьминга «Интервью без галстука» тапшыруы өчен биргән интервьюда ТР Премьер-министры урынбасары Ләйлә Фазлыева. Читать дальше...