World News in Albanian

Stevo Pendarovski, kandidat i 31 partive në pushtet të udhëhequr nga Lidhja Social-Demokrate, është shpallur fitues në rrethin e parë të zgjedhjeve presidenciale në Maqedoninë e Veriut, por me një diferencë shumë të ngushtë kundrejt Gordana Siljanovskës të opozitës maqedonase. Sipas të dhënave paraprake të Komisionit shtetëror të zgjedhjeve, nga 98 për qind të vendvotimeve të numëruara, Pendarovski ka fituar me një diferencë prej rreth 1 mijë votave, 316.716 apo 42,72% kurse Siljanovska 315.651 apo 42,58% për qind. Читать дальше...

Takimi i Berlinit, në të cilin, më 29 prill, do të mblidhen liderët e Ballkanit Perëndimor dhe ku nikoqir do të jenë kancelarja gjermane, Angela Merkel dhe presidenti francez, Emanuel Macron, për liderët institucional të Kosovës do të jetë rast për të shtruar çështjet me interes për vendin që drejtojnë, përfshirë këtu çështjen e liberalizimit të vizave për qytetarët e Kosovës, vlerësojnë njohësit e zhvillimeve politike. Se çështja e liberalizimit të vizave për qytetarët e Kosovës do të shtrohet në takimin e Berlinit, këtë e kanë konfirmuar edhe presidenti i Kosovës, Hashim Thaçi dhe kryeministri Ramush Haradinaj. Читать дальше...

Protestuesit nën nofkën “Xhaketat e Verdha” në Francë, kanë ndezur zjarre simbolike përgjatë marshit në Paris, për të dërguar mesazhin tek presidenti Emmanuel Macron se rindërtimi i katedrales Notre Dame, nuk është problemi i vetëm që Franca duhet ta zgjidhë. Sikur uniformat që mbajnë protestuesit për të rënë në sy, zjarret simbolike raportohet se janë bërë për të tërhequr vëmendjen e presidentit nën moton “Më shiko edhe mua – edhe unë kam nevojë për ndihmë”. Policia ka hedhur ujë dhe gaz lotsjellës në drejtim të protestuesve për të vënë nën kontrollë situatën. Читать дальше...

Më shumë se 200 persona janë vrarë dhe rreth 500 të tjerë janë plagosur në Shri Lankë më 21 prill, si pasojë e një varg shpërthimesh që janë dëgjuar në disa hotele dhe kisha në kryeqytetin e këtij vendi, Kolombo, në të cilin besimtarët kanë festuar Pashkët. Të paktën për gjashtë shpërthime është raportuar në mëngjesin e së dielës, ndërkohë për një tjetër shpërthim është raportuar më vonë gjatë ditës. Në disa raportime është thënë se sulmet janë kryer nga sulmues vetëvrasës. Ministri i Mbrojtjes së këtij vendi ka thënë se shtatë të dyshuarit e lidhur me këto shpërthime, tashmë janë arrestuar. Читать дальше...

Asnjë objekt kulturor në Kosovë nuk ka sistem të mbrojtjes kundër zjarrit dhe kjo paraqet rrezik për shkatërrimin e trashëgimisë kulturore, ka thënë Kaltrina Thaçi, arkitekte në organizatën “Cultura Heritage Without Borders” (Trashëgimia Kulturore pa Kufij), zyra në Kosovë. Shumë vende në Evropë kanë filluar t’i shikojnë masat mbrojtëse kundër zjarrit në ndërtesa me rëndësi të veçante kulturore, pas zjarrit në Katedralen mesjetare, Notre Dame, në Paris. Katedralja mesjetare, Notre Dame, në zemër të Parisit, është përfshirë nga zjarri ditën e hënën, mirëpo zjarrfikësit arritën të shpëtojnë strukturën kryesore të gurit të ndërtesës gotike, të vjetër 850 vjet, pavarësisht se maja dhe çatia u shembën. Читать дальше...

Mbretëresha e Britanisë së Madhe, Elizabeth, monarkja me jetëgjatësinë më të madhe në botë, ka festuar të dielën 93 vjetorin e lindjes, duke marrë pjesë në manifestimin tradicional të Pashkëve në Kështjellën Uinsdor. Ajo u shoqërua nga anëtarët e familjes, përfshirë princin William dhe Harry. Bashkëshortja e princit Harry, Merghan Markle, nuk ka marrë pjesë në ceremoni për shkak të ditëve të fundit të shtatëzënisë. Elizabeth kishte lindur më 21 prill, 1926 ne Bruton, në qendër të Londrës dhe u bë mbretëreshë më 1952 në moshën 25 vjeçare, ku vazhdon të mbajë titullin tash e 67 vjet. Читать дальше...

Të rinjtë kosovarë do të zgjidhnin një punë në sektorin publik, para atij privat, kryesisht për shkak të pagës më të lartë dhe respektimit të Ligjit të Punës. Ndërsa për një pjesë, nuk ka rëndësi sektori, por vetëm punësimi.

Votuesit në Ukrainë të dielën do të hedhin votën e tyre në raundin e dytë të zgjedhjeve presidenciale, që përcakton fatin e presidentit aktual Petro Poroshenko. Sipas sondazheve, rivali i Poroshenkos, 41 vjeçari komedian, Volodymyr Zelenskiy, ka mbështetje më të madhe. Një sondazh i publikuar më 18 prill, tregon se 57.9 përqind e votuesve thonë se do të votojnë për Zelenskiyn, derisa 21,7 përqind mendojnë të votojnë për Poroshenkon. Zelenskiy, që ka udhëhequr fushatën e tij kryesisht në rrjete sociale, ka përfituar nga rënia ekonomike, korrupsioni endemik dhe lufta e vazhdueshme kundër separatistëve pro-rusë në lindje të Ukrainës. Читать дальше...

Në Maqedoninë e Veriut, në orën 7:00 të mëngjesit janë hapur kutitë e votimit ku rreth 1.8 milion qytetarë me të drejtë vote do të zgjedhin presidentin e ri të shtetit.

Të dhënat e para të Komisionit Shtetëror të Zgjedhjeve në Maqedoninë e Veriut, tregojnë se dalja në votime deri në orën 10:00 ka arritur në 6.05 përqind. Këto të dhëna kanë të bëjnë me të dhënat e përpunuara nga 75 % të vendvotimeve. “Dalje më e lartë e qytetarëve në votime është shënuar në Prilep, Demir Hisar, mbi 10 për qind. Më e ulët dalja ka qënë te viset e banuara me shqiptarë si Bogovina, Likova ku dalja e votuesve ka qenë nën 1 për qind”, ka theksuar zëdhënësja e Komisionit Shtetëror të Zgjedhjev, Lubka Guguçevska. Читать дальше...