World News in Chechen

Оьрсийчоьнан чоьхьарчу гIуллакхийн министраллан сайта тIехь Байсаров Сайд-Хьамзат а, Иминова Карина а лоьхуш ду аьлла, карточкашца хаам хIоттийна. Нохчийчуьра йедда Эрмалойчу дIайахна хилла Баймурадова Iайшат йерна цу шиннах шеконаш йу. Бехкзуламан артиклаца ший а лоьхуш ду, ткъа Иминова билгалйаьккхина доь доцуш йайна йу аьлла. Хетарехь шен гергарчу наха а цхьана иза лоьхуш йолчух тера ду. Иминован карточкаш тIехь чоьхьарчу гIуллакхийн министралло шина къоман векал санна билгалйаьккхина иза, ткъа Байсаровх лаьцна хаамаш банне а бац... Читать дальше...

Цхьана кIиранчохь шолгIа а даккхий догIанаш даьхкина хи тIедаьллера Дагестанехь. Мел лахара а ворхI стаг велла, зенаш хилларш бу 50 эзар сов. Хи тIедаьлча нисбеллачу токхамаша хIаллакдина бIенашкахь цIенош а, некъаш а, охьадогIу хи бехделлера, иттаннашкахь эзарнаш нах бисира ток йоцуш. Меттигерчу Iедалхоша чIагIонаш йо, хьал шайн тергонехь латтош ду шаьш бохуш, ткъа хиллачунна бехкебо бен-башха доцуш гIишлош йина нах а, и гIишлош хьалайан царна бакъо йелла хьаькамаш а. Ткъа хIун аьлла хета цунах лаьцна шайна... Читать дальше...

Масийтаза кадыровхошна йукъахь хаавелла "Германина альтернатива" партин декъашхо Дадаев Мурад Нохчийчу веана. Меттигерчу парламентан кхеташонехь дакъалецира цо, цхьанакхийтира вице-премьерца а, Кадыровн цIарах йолчу лерринчу полкан командирца а. Ишта масех видео дIайазйина цо герз а карахь.

ВорхI шо а ду шен вешина йиттинчу полисхошна таIзар дайта хьийза Моздокера йахархо. Йуьхьанца ХIирийчохь пикеташка йуьйлура Мельниченко Юлия, тIаккха- Москвахь, Оьрсийчоьнан Коьртачу прокуратурина хьалха.

Бусалба нехан беза мархийн бутт болабаларца Нохчийчохь хаъал тIедиттина мехаш йуучунна хIинцале а, оцу хьоло эргIадалла гIаттийна бахархошлахь. Цара латкъамаш до Iедалхоша цу хьолана беш тIеIаткъам бац бохуш. Амма мархийн бутт герга кхочучу заманчохь Кадыров Рамзана хьаькамашна тӀедиллира базарашна а, туьканашна а тӀехь терго латтор а, мехаш "даима а Ӏуналлехь латтор" а. Тхан сайто теллира, мел эвсара хилла и болх экономикан а, социалан а, динан а агӀор, цу батто базарашна муха Ӏаткъам бо а. Беттан... Читать дальше...

Нохчийн а, гӀалгӀайн а къаьмнаш махках даьхна 82 шо кхачарна лерина гулам дӀабаьхьира Венехь. Нуьцкъала махкахбаьхна нах дагалаца а, церан сий дан а гулделлера адам.

Оьрсийчоьнан православин килсера керста нехан а, бусулбанийн а цхьааллех лаьцна ша йазйинчу книгана йеш йолу критика тIе ца эцна "Ахмат" спецназан буьйранчас, Оьрсийчоьнан инарла волчу Алаудинов Аптис.

Дагестанера 19 шо долчу салтичун Хизбулаев Магомедбекан дас кхайкхам бина мехкан депутаташка, шен кӀантана Оьрсийчоьнан эскарехь йиттина бохуш дуьйцург талла аьлла. 20 дийнахь кхетамчуьра ваьлла хан йаьккхина жимачу стага, ткъа ша меттавеача цо дIахьедина, шена йиттина аьлла.

Къилбаседа Кавказехь доьзал дӀасакъаьстинчул тӀаьхьа бераш ненера схьадахарх лачкъор ца олу, дукха хьолахь "бер шен дайх дIатоьхна" олу. Цунна тIехь гуш ду шерашкахь наноша шайн берашна тIе ден некъаш, цаьрца зIе латторхьама хьоьгу къа а. Наношна луург коьрта хIунда ца хета, ткъа доьзална а, къаношна а хетарг а низамал а деза стенна хета, къастийра тхан редакцино. ГӀалгӀайчуьрчу жимчу зудчо Евкурова ПятIимата ворхӀ шарахь къийсира, шен хиллачу хIусамдас нуьцкъала дӀавигина кӀант ган бакъо. Кхин шен кIант маракъовла йиш йоцуш, кхелхира иза. Читать дальше...

Кадыровн кхаа кӀентан долахь йу Соьлж-ГӀалахь 2 млрд сов мах болу хIусамаш. ГIишлош карийна «Можем объяснить» проектан журналисташна Росреестрера кхаьчначу хаамашкара.