Новости за 21.12.2021

(Казан, 21 декабрь, «Татар-информ»). Түбән Камада Татарстан Президенты Рөстәм Миңнеханов катнашында Куркынычсызлык советы утырышында күтәрелгән мәсьәләләр каралды. Якындагы 5-7 елда Татарстан өстәмә эшче көчләргә мохтаҗ булачак. Мондый кытлык чыгарылыш сыйныф укучыларына карата таләпләрнең артуы, шулай ук яшьләрнең һөнәри күнекмәләре алар көткән хезмәт хакына туры килмәве белән бәйле. Бүген эшче белгечлекләргә ихтыяҗ елына 2,5 мең кеше тәшкил итә. Бу сан уртача 10 процентка арта һәм 2023 елга 7 меңнән артып китәчәк. Читать дальше...

(Казан, 21 декабрь, «Татар-информ»). Россия Президенты Владимир Путин пенсияләрнең тупланма өлешен «туңдыруга» кагылышлы законга кул куйды. Ул 2024 елга кадәр озайтылды, канун хокукый мәгълүмат рәсми порталында басылып чыкты. Шулай итеп, 2024 елда мәҗбүри пенсия иминиятенә иминият взносларын исәпкә алу үзгәрмәячәк, ул 2014 елдан 2023 елга кадәрге кебек калачак. Законны кабул итү федераль бюджеттан РФ Пенсия фондына трансфертны 773 млрд сумга киметергә мөмкинлек бирәчәк. Исегезгә төшерәбез, Россия... Читать дальше...

(Казан, 21 декабрь, «Татар-информ», Павел Климчак). Россия Президенты Владимир Путин полиция вәкаләтләрен киңәйтә торган законны имзалады. Тиешле закон хокукый мәгълүмат рәсми интернет-порталында басылып чыкты. Бу хакта РИА Новости хәбәр итә. Шулай итеп, полиция хезмәткәрләре хәзер тоткарлау өчен торакка һәм башка биналарга үтеп керә, шулай ук биналарны һәм территорияне камап ала ала. Аларга каршылык күрсәтми башлагач кына, үзләренең кем икәнен әйтергә рөхсәт ителә. Моннан тыш, полицейскийлар хәзер... Читать дальше...

(Казан, 21 декабрь, «Татар-информ», Зилә Мөбәрәкшина). Казанның «Штаб» үзәгендә «Син кая?» проектын тәкъдим иттеләр. Проект төрле илләрдә яшәүче татарлар җибәргән открыткалардан тора. «Син кая?» — татарларның яшәү географиясен чагылдыруга багышланган проект. «Штаб» үзәгендә «Син кая?» дигән дөнья картасы куелган. Карта төрле илләрдән килгән открыткалар белән бизәлгән. Проект катнашучылары татарларга теләкләрен язып, төрле илләрдән Казанга открыткалар җибәргән. «Быел сентябрь башыннан барлыгы 87 илдән открытка килде... Читать дальше...

(Казан, 21 декабрь, «Татар-информ», Гөлнар Гарифуллина). Биектауда бүген яңа сырхауханә ачылды. УЗИ белгече Фирдәвес Зыятдинова медицина оешмасына ихтыяҗ зур булганын әйтте. Ул бу хастаханәдә 38 ел эшләгәнен әйтте. «Бу сырхауханәне көттек инде без. Ихтыяҗ зур иде. Балалар да кечкенә генә җирдә кабул ителде. Стоматология табибларына да җайлы түгел иде. Хәзер монда стоматологиягә тулы бер мәйдан бирелде. Хатын-кызлар консультациясенә дә аерым зур урын бүленгән. Гинекологик авырулары булганнарны ... Читать дальше...

(Казан, 21 декабрь, «Татар-информ», Гөлнар Гарифуллина). Быел Мәгариф һәм фән министрлыгы линиясе буенча 14,5 мең балага Яңа ел бүләкләре каралган. Татарстанның мәгариф министры урынбасары Алсу Әсәдуллина Хөкүмәт йортында брифингта, ата-ана тәрбиясеннән мәхрүм калган, авыр тормышка дучар, сәламәтлек мөмкинлекләре чикле булган һәм коррекцион мәктәпләрдә белем алучы балаларга күчтәнәчләр әзерләнгәнен әйтте. «Бу балаларга бүләкләр өчен финанс чаралары республика бюджетыннан бүлеп бирелә», — диде. Читать дальше...

(Казан, 21 декабрь, «Татар-информ», Гөлнар Гарифуллина). Казан шәһәре Башкарма комитетының Мәдәният идарәсе башлыгы Азат Абзалов Казанда Черек күлдә шугалакның кайсы көнне ачылачагын әйтте.  «Көн суытуы яхшы булды. 27 декабрьдә Черек күлдә шугалак ачылачак. Бу Казанда тимераякта шуу өчен халыкның яраткан урыннарының берсе», — диде ул Хөкүмәт йортында брифингта. Азат Абзалов Казанда барлыгы 21 шугалакта прокатка тимераяклар алып булачагын әйтте.  Шулай ук, Казанда 82 хоккей тартмасы әзерләнә. Анда да шуу мөмкинлеге булачак. Читать дальше...

(Казан, 21 декабрь, «Татар-информ»). Татарстан Республикасы Президенты Рөстәм Миңнеханов һәм «Газпром» ГАҖ Идарәсе рәисе Алексей Миллер хезмәттәшлек турында килешү имзалады. Тантана бүген Татарстан Республикасы Президентының Санкт-Петербургка эш сәфәре кысаларында узды. Бу хакта ТР Президенты матбугат хезмәте хәбәр итә. Исегезгә төшерәбез, алдагы документ 2001 елның мартында имзаланган иде. Татарстан Республикасы белән «Газпром» ГАҖ арасындагы яңа килешү срогы чикләнмәгән. Бүген имзаланган документ... Читать дальше...

(Казан, 21 декабрь, «Татар-информ», Гөлия Хәсбиуллина). Бүген Казанның «Ак Барс» хоккейчылары Чиләбенең «Трактор» командасын җиңде.  Уен исәбе — 5:1. Матч Казанның «Татнефть Арена» боз сараенда узды. Әлеге уенда «Трактор» командасы составында Казан хоккей мәктәбе шәкертләре капкачы Эмиль Гарипов, һөҗүмче Владимир Ткачёв һәм сакчы Альберт Яруллин бозга чыкты. Алар — 2018 елда, «Ак Барс»та уйнап, Гагарин Кубогын алган хоккейчылар.  Бу өч хоккейчыны «Татнефть Арена» трибуналары җылы каршы алды, аларны игълан иткәндә алкышлады. Читать дальше...

(Казан, 21 декабрь, «Татар-информ», Гөлнар Гарифуллина). Балалар бакчаларында балаларның Яңа ел бәйрәменә ата-аналарның берсе генә һәм QR-кодын күрсәтеп кенә керә алачак.  Бу хакта бүген ТР Министрлар Кабинетында брифингта билгеле булды. ТР Премьер-министры урынбасары Ләйлә Фазлыева әйтүенчә, әти яки әни коронавируска каршы вакцинацияләнгән булырга тиеш. «Бу регламент бинада берьюлы булырга рөхсәт ителгән кешеләр санын исәпкә алып, балаларны һәм олыларны саклау өчен кертелде», — диде ул. Вице-премьер сүзләренчә... Читать дальше...

(Казан, 21 декабрь, «Татар-информ»). Татарстан Президенты Рөстәм Миңнеханов «Газпром» идарәсе рәисе Алексей Миллер белән очрашты. Яклар Татарстанда участокларга кадәрге газлаштыру, шулай ук Можга — Алабуга газүткәргече икенче тармагын төзү турында фикер алышты, дип хәбәр итә ТР Президенты матбугат хезмәте җитәкчесе Лилия Галимова. Искәртеп узыйк, бүген Татарстан Республикасы Президенты Рөстәм Миңнеханов эш сәфәре белән Санкт-Петербургка килде. Анда ул автомобильләрне газ белән тәэмин итә торган 10... Читать дальше...

(Казан, 21 декабрь, «Татар-информ», Гөлнар Гарифуллина). Казанның Төп чыршы шәһәрчеге Яңа ел төнендә төнге 3 кә кадәр эшләячәк.  ТР Министрлар Кабинетында брифингта бу хакта Казан шәһәре Башкарма комитетының Мәдәният идарәсе башлыгы Азат Абзалов сөйләде. «Төп бәйрәм „Казан“ Гаилә үзәге чыршысы янында узачак. Казанлыларны һәм кунакларны чыршы тирәсенә Яңа ел каршы алырга чакырабыз. Зур экранда ил һәм республика җитәкчелеге мөрәҗәгатен тыңлап булачак», — диде Абзалов. Көндәлек режимда исә, Казанның... Читать дальше...

(Казан, 21 декабрь, «Татар-информ», Гөлүзә Василова). Бүген, 21 декабрьдә, «Әкият» курчак театрында «Татарча Чыршы бәйрәме» узды. Әлеге чарада «СалаваTik» төркеме, Кыш бабай һәм Кар кызы, шулай ук тылсымлы урманда яшәүчеләр катнашты. Бәйрәмгә җыелган балаларны котларга «Татмедиа» акционерлык җәмгыяте генераль директоры Шамил Садыйков килгән. Тамашада шулай ук «Салават күпере» һәм «Сабантуй» журналларының баш мөхәррире Зилә Хөснетдинова, «СалаваTik»ларны әзерләүче җырчы Гөлназ Гафурова да бар иде. Читать дальше...

(Казан, 21 декабрь, «Татар-информ»). Татарстанда коронавирус инфекциясеннән тагын биш үлем очрагы расланган, дип хәбәр итә ТР Сәламәтлек саклау министрлыгы. Коронавирустан 1941, 1954, 1955 һәм 1956 елгы дүрт хатын-кыз, шулай ук 1958 елгы ир-ат вафат булган. Пандемия вакытында коронавирустан Татарстанның 1389 кешесе үлгән. Элегрәк «Татар-информ» узган тәүлектә Татарстанда  Covid-19 инфекциясенең 97 яңа очрагы ачыкланганлыгын хәбәр иткән иде.

(Казан 21 декабрь, «Татар-информ», Рузилә Мөхәммәтова). Кариев театры Яңа ел тамашасы буларак, «Камыр батыр» әкиятен тәкъдим итә. Бүген театрда яңа спектакльнең премьерасы булды. Спектакль «Камыр батыр» дип аталган татар халык әкияте нигезендә эшләнгән. Әкият башта эскиз рәвешендә «Tamga» театр лабораториясе кысаларында тәкъдим ителгән иде. Соңрак драматург Алексей Житковский балалар белән драматургия лабораториясе кысаларында әкиятнең дәвамын яздылар. Бүген алар үз иҗатларының сәхнәдә гәүдәләнешен күрергә театрга килгән иде. Читать дальше...

(Казан, 21 декабрь, «Татар-информ»). «Русское Радио Сургут» «Үз күлмәгем» дигән яңа проектта төрле милләтләр белән таныштыра. Татар автономиясе вәкиле дә тапшыруда катнашачак. Әлеге проект кысаларында һәр ай саен радио тыңлаучылар билгеле бер милләт, аның гореф-гадәтләре, милли аш-сулары белән танышачак. Барлыгы алты милләт тормышы турында сөйләячәкләр, дип хәбәр итә Бөтендөнья татар конгрессы матбугат хезмәте . Розалия Сабитова татар милләтен тәкъдим итәчәк. Кичә проект кысаларында беренче съемка булган инде, диелгән хәбәрдә.

(Казан, 21 декабрь, «Татар-информ»). Татарстанда 10 яңа автомобиль автомобильләргә газ салу буенча өстәмә компрессор станциясе файдалануга тапшырылды. Санкт-Петербургта «Газпром» ГАҖ офисыннан видеоконференция режимында эшләтеп җибәрү тантанасында Татарстан Республикасы Президенты Рөстәм Миңнеханов һәм «Газпром» ГАҖ Идарәсе рәисе урынбасары Виталий Маркелов катнашты. Яңа АГНКС Казанда, Түбән Камада, Әлки, Апас, Яшел Үзән Лаеш, Менделеевск, Питрәч һәм Тукай районнарында урнашкан. Аларның гомуми җитештерүчәнлеге елына 90,3 млн. Читать дальше...

(Казан, 21 декабрь, "Татар-информ"). Бүген Татарстан Республикасы Президенты Рөстәм Миңнеханов Санкт-Петербургка эш сәфәренә килде. Сәфәре барышында Рөстәм Миңнеханов «Газпром» ГАҖдә берничә очрашу уздырачак. Бу турыда Татарстан Президентының матбугат хезмәте хәбәр итте. Видеоэлемтә буенча Татарстан Президенты Татарстан территориясендә урнашкан 10 яңа АГНКСны файдалануга тапшыру тантанасында катнашачак, диелә хәбәрдә.

(Казан, 21 декабрь, «Татар-информ»). Медицина хезмәткәрләре ноябрь, декабрь һәм гыйнвар айлары өчен махсус түләүләрне вакытында алачак. Шул максатларга Министрлар Кабинеты 50 миллиард сумнан артык акча бүлеп биргән. Бу хакта коронавируска каршы көрәш буенча координацион советы президиумы утырышында РФ Премьер-министры Михаил Мишустин хәбәр итте. «Бу акча гыйнвар бәйрәмнәрендә стационар социаль хезмәт күрсәтү учреждениеләрендә эшләүче медицина һәм социаль хезмәткәрләргә Президент тәкъдиме буенча ике тапкыр арттырылган түләүдән тыш бирелә» ... Читать дальше...

(Казан, 21 декабрь, «Татар-информ», Гөлнар Гарифуллина). «Әкият» дәүләт курчак театрында Яңа ел тамашаларына 19980 билетның 19438е сатылган. Татарстан Хөкүмәте йортында мәдәният министры Ирада Әюпова шул хакта әйтте. Ул Татарстанда Яңа ел бәйрәмнәрендә узачак төрле чараларга күзәтү ясады. Дәүләт театр, музей учреждениеләрендә балалар, гаиләләр өчен йөзләгән чаралар үткәрү ниятләнә. Дәүләт музейларында — 50, театрларда 250 дән артык уникаль вакыйгалар, филармонияне дә кертеп, концерт оешмаларында йөздән артык чара узар дип көтелә. Читать дальше...

(Казан, 21 декабрь, «Татар-информ»). Россия Президенты Владимир Путин төбәкләрдә идарә системасын стандартлаштыра торган РФ субъектларында хакимият оештыру турындагы законны имзалады. Документ хокукый мәгълүмат порталында урнаштырылган. Яңа канун төбәкләрнең һәм федераль үзәкнең уртак карамагындагы мәсьәләләр буенча вәкаләтләрен билгели. Документта, аерым алганда, губернаторларга рәттән ике срокка сайланырга рөхсәт ителүе, губернатор срокларының төгәл санын төбәкләрнең закон чыгару җыены билгели алуы күрсәтелә. Читать дальше...

(Биектау, 21 декабрь, «Татар-информ», Гөлнар Гарифуллина). Татарстан Дәүләт Советы Рәисе Фәрит Мөхәммәтшин бүген Биектау районы Биектау тимер юл станциясе бистәсендә ачылган яңа сырхауханәдә кыйбатлы җиһазлар тик тормасын дигән теләктә калды. «Иң заманча җиһазлар кайтарылган. Алар халыкның сәламәтлеген саклау өчен хезмәт итәчәк. Мин, мондагы табиблар шушы заманча җиһаз-җайланмалар белән эшли беләләрме, дип кызыксындым. Министр да, баш табиб та, „эшли алалар, бер дә борчылмагыз“ диделәр. Димәк,... Читать дальше...

(Казан, 21 декабрь, «Татар-информ», Павел Климчак). Бүген Яшел Үзәндә Төзүчеләр урамындагы торбаүткәргечтәге авария аркасында җылылык белән тәэмин итү өзелгән. Җир астында 500 мм диаметрлы торбаүткәргеч тишелгән. «Татар-информ»га Яшел Үзән районы хакимияте матбугат хезмәтендә сөйләүләренчә, җылылык трассасын карап чыккан вакытта, җылылык камерасында өзеклек табылган. «Яшел Үзән җылылык челтәрләре предприятиесе хезмәткәрләре шунда ук өзеклекләрне бетерүгә кереште, җылылык камерасында эретеп ябыштыру эшләре дәвам итә. Читать дальше...

(Казан, 21 декабрь, «Татар-информ», Ләйсән Рәхмәтуллина). Татарстанның Нурлат шәһәрендә журналистлар хөрмәтенә һәйкәл куелачак. «Журналистлар хөрмәтенә ясалган һәйкәл-стела бары тик иганәчеләр акчасына куелды. Аны булдыру идеясе минеке. Быел безнең „Дуслык“ газетасының 90 еллыгы иде. Бездә — Нурлатта журналистлар скверы да ачылды. Һәйкәлне дә шунда куярга булдык», — дип хәбәр итте «Татар-информ» хәбәрчесенә «Нурлат-информ» җитәкчесе Резидә Гиняева. Аның ачылышы декабрь ахырында булыр дип көтелә.... Читать дальше...

(Казан, 21 декабрь, «Татар-информ», Арсений Кәримов). 2021 елда Татарстанның ун спорт мәктәбе «Демография» илкүләм проектының «Спорт — тормыш нормасы» федераль проекты буенча инвентарь һәм кирәкле җиһазлар сатып алуга 46 млн сум акча алган. Бу хакта «Татар-информ» мәгълүмат агентлыгында узган матбугат конференциясендә ТР Спорт министрлыгының спорт резервын әзерләү секторы җитәкчесе Наталья Алькаева сөйләде. «Спорт әзерлеге белән шөгыльләнә торган оешмалар өчен биш микроавтобус сатып алынды. Шулай ук 30 млн сумлык җиһазлар һәм инвентарь... Читать дальше...