Новости за 22.12.2021

(Яшел Үзән, 22 декабрь, «Татар-информ», «Яшел Үзән» ). Комбинат приютка бәйрәмчә бизәлгән чыршы бүләк итте һәм бүләкләр тапшырды. Барлык әниләр дә косметика кибетенә сертификат, ә балалар — татлы бүләкләр алды. Кар кызы приютта чын бәйрәм үткәрде, уеннар, әйлән-бәйлән һәм шигырьләр сөйләделәр. «Колыбель» приютында авыр хәлдә калган йөкле хатын-кызлар һәм сабыйлары булган аналар яши. Бүген әлеге бина 9 хатын-кыз һәм 19 балага кешечә яшәү мөмкинлеге бирә. Яшел Үзән сөт комбинаты даими нигездә приютка бу елның сентябреннән ярдәм күрсәтә башлады. Читать дальше...

(Казан, 22 декабрь, «Татар-информ», Эльза Кузнецова). «Казан» Гаилә үзәгенең күзәтү мәйданчыгы ачылганнан алып беренче тапкыр кышкы каникулда — 31 декабрьдән 9 гыйнварда эшләячәк. «Без бу форматны сынап карарга булдык, чөнки туристлар һәм күп кенә шәһәрлеләр сорый. Кешеләрнең кышын күзәтү мәйданчыгында булу теләге бар. Бу форматка ихтыяҗ булырга мөмкин», — диде «Татар-информ» агентлыгына Скверлар һәм парклар дирекциясе матбугат секретаре Диләрә Әхмәтгалиева. Казанда яшәүчеләр һәм кунаклар анда менеп Казан Кремлен һәм Яңа ел кичен карый ала.

(Казан, 22 декабрь, «Татар-информ»). Яшүсмерләргә коронавирустан прививканы бары тик ата-аналар гаризасы буенча гына ясаячаклар. Әле бер документ таләп ителәчәк — әгәр балага унбиш яшь булмаса, ата-аналарның ризалыгы яки, унбиш яшь тулса, баланың ризалыгы. «Бу вакцинацияне ясату-ясатмау ирекле булуын гарантияли», — диде Сәламәтлек саклау министрлыгының профилактик медицина буенча баш штаттан тыш балалар белгече Ләйлә Намазова-Баранова сөйләде. Бу хакта «Российская газета» хәбәр итә. Табиб искә төшергәнчә... Читать дальше...

(Казан, 22 декабрь, «Татар-информ»). Татарстанда яшәүчеләрне алда Яңа ел каникуллары көтә. «Быел 31 декабрь ял көне дип санала. Россия Хезмәт кодексының 112 маддәсе буенча 1, 2, 3, 4, 5, 6 һәм 8 гыйнвар — Яңа ел каникулы, ә 7 гыйнвар — Раштуа көне, эш көне булмаган бәйрәм көне булып тора», дип хәбәр итә Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәте. 2022 елда 1 һәм 2 гыйнвар ял көннәренә туры килә. Шуңа күрә Россия Хөкүмәте карары белән яллар шимбә, 1 гыйнвардан 3 майга... Читать дальше...

(Казан, 22 декабрь, «Татар-информ», Егор Никитин). Владимир Путинның зур матбугат конференциясендә пандемиянең икътисади нәтиҗәләренә каршы көрәш һәм социаль мәсьәләләр төп темалар булырга мөмкин. «Төп глобаль тема — ул пандемия, өлкән яшьтәге халыкны һәм балаларны вакцинацияләү мәсьәләләре. Һәм, әлбәттә, Россия Президенты бу мәсьәләләр буенча үз позициясен яңгыратачак. Икенче мөһим тема — икътисад: керем кимү, товар бәясе арту, инфляция, бу пандемия нәтиҗәләре факторлары», — дип фаразлады «Татар-информ»... Читать дальше...

(Казан, 22 декабрь, «Татар-информ», Наталья Рыбакова). Бер атнада Татарстанда эшсезләр саны 414 кешегә кимегән. Хәзер 11,5 мең кеше рәсми теркәлгән эшсез булып калган. «Эш бирүчеләр республика халык мәшгульлеге үзәкләре аша 592 мең вакансия тәкъдим итә. Бер атнада алар 1,8 мең яңа вакантлы эш урыны тәкъдим иткән», — дип хәбәр итә Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәте. Моннан тыш, бер атнада Татарстанның барлык җиде моношәһәрендә дә эшсезләр саны кимеде. Читать дальше...

(Казан, 22 декабрь, «Татар-информ»). Бүген Татарстан Премьер-министры, Директорлар советы рәисе Алексей Песошин җитәкчелегендә «Татспиртпром» АҖ Директорлар советы утырышы узды. «Татспиртпром» җәмгыяте матбугат хезмәте хәбәр иткәнчә, утырышта катнашучыларга предприятиенең 9 айда финанс-хуҗалык эшчәнлеге нәтиҗәләре тәкъдим ителде һәм 2021 елның якынча нәтиҗә ясадылар. Шулай ук 2022 елга компаниянең керем һәм чыгым бюджетын раслауга тәкъдим иттеләр. Утырышта «Татспиртпром» АҖ генераль директоры Руслан Максудов һәм урынбасарлары катнашты. Читать дальше...

(Казан, 22 декабрь, «Татар-информ»). Татарстанда гражданнарга Covid-19 пандемиясенә бәйле рәвештә ярдәм күрсәтү өчен «Бердәм Россия» партиясенең 170тән артык волонтер җәлеп ителде. Бу хакта ТР Дәүләт Советы Рәисе, партиянең Татарстан төбәк бүлеге секретаре Фәрит Мөхәммәтшин видеоконференциядә әйтте. «Бүгенге көндә бөтен республика буенча партиядән 170тән артык волонтер эшли, вазгыять һәм өстәмә ресурслар кирәк булган очракта, аларны арттыру өчен резерв бар. Без, Россиянең барлык субъектлары кебек үк... Читать дальше...

(Казан, 22 декабрь, «Татар-информ»). Татарстанда алты кеше коронавирус инфекциясе корбаны булган. «Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», диделәр республика Сәламәтлек саклау министрлыгы матбугат хезмәтендә. 1951 һәм 1961 елларда туган ике ир-ат һәм 1957, 1934, 1963 и 1939 елларда туган дүрт хатын-кыз ковид корбаны булган. Шулай итеп, 22 декабрьгә булган мәгълүматлар буенча Татарстанда Covid-19 инфекциясеннән 1395 кеше үлгән.

(Казан, 22 декабрь, «Татар-информ»). Татарстан Президенты Рөстәм Миңнеханов Татарстан Хөкүмәт Йортында Россия гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министры урынбасары Андрей Гурович белән очрашты. ТР Президенты матбугат хезмәте хәбәр иткәнчә, очрашуда Россия Гадәттән тыш хәлләр министрлыгы белән Татарстан арасында хезмәттәшлекне үстерү, матди-техник базаны ныгыту турында сөйләштеләр. Аерым алганда, янгын-коткару техникасын сатып алу һәм капиталь ремонтлау... Читать дальше...

(Казан, 22 декабрь, «Татар-информ»). Юлларда агрессив йөртү өчен җинаять җаваплылыгы турындагы законнан тыш, Дәүләт Думасы депутатлары куркыныч йөртүгә каршы көрәш өчен өстәмә чаралар эшләргә планлаштыра. Бу хакта парламентның түбән палатасы спикеры Вячеслав Володин белдерде. РИА Новости хәбәр иткәнчә, 22 декабрьдә пленар утырышта парламентарийлар икенче һәм шунда ук өченче укылышта юл хәрәкәте кагыйдәләрен бозган өчен каты җәза кертүне хуплады. Аерым алганда, хәрәкәт тизлеген 60 км/сәгатьтән дә... Читать дальше...

(Казан, 22 декабрь, «Татар-информ», Гөлнар Гарифуллина). Татарстанда коронавирустан вакцинация узмаган 30 укытучы прививка ясатып, кире эшкә кайткан. Татарстанның мәгариф һәм фән министры Илсур Һадиуллин бу хакта журналистлар белән очрашуда әйтте. «Вакцинация узмаган 30 укытучы эштән читләштерелгән иде. Аларга прививка ясатырга мөмкинлек бирделәр, вакцинация узуга, кире эшкә кайттылар», — диде. Министр әйтүенчә, Татарстанда мәгариф өлкәсе хезмәткәрләренең 95 проценты коронавирустан вакцинацияләнгән. Читать дальше...

(Казан, 22 декабрь, «Татар-информ», Гөлнар Гарифуллина). Татарстанның мәгариф һәм фән министры Илсур Һадиуллин «Татар-информ» хәбәрчесе соравына җавап биреп, «Мобиль укытучы» проектына карата фикерен әйтте. Искәртеп үтик, Татарстанда бу проект беренчеләрдән булып Алабугада гамәлгә ашырыла. Укытучылар җитмәгән авылларга мөгаллимнәр барып укыта. «Алабуга хакимияте җитәкчесенә проблеманы шулай хәл иткәне өчен рәхмәт. Бу ничек тә булса проблемадан чыгу юлы — укытучы бер мәктәптә укыта да, башка мәктәпкә барып укытырга мөмкин... Читать дальше...

(Казан, 22 декабрь, «Татар-информ»). Коронавирус сәбәпле, Илкүләм хоккей лигасы 23-26 декабрьдә узарга тиешле уеннарны һәм тренировкаларны күчерү турында карар кабул итте. ТАСС хәбәр иткәнчә, мондый карар клуб уенчылары һәм хезмәткәрләре арасында ковид йоктыручылар арту белән бәйле. 19 декабрьгә йөздән артык хоккейчының ковид йоктыруы теркәлгән. Чемпионатта Раштуа паузасы 24 декабрьдән соң башланырга тиеш иде. Әмма бу көнгә планлаштырылган биш матч күчерелде. 27 декабрьдән башлап клублар коронавируска... Читать дальше...

(Казан, 22 декабрь, «Татар-информ», Гадел Әхмәтҗанов). «Гадел әңгәмә» тапшыруының яңа чыгарылышында җырчы Гөлназ Асаева катнашты. Тапшыруның алып баручысы Гадел Әхмәтҗановка ул шәхси тормышы, иҗаты, Башкортстан һәм Татарстан тамашачысы, эстрададагы дуслары һәм башкалар турында сөйләде. Җырчы шулай ук тормыш иптәше Вилдан Шәмсетдиновның «Элвин Грей» лейблы белән булган җәнҗалына аңлатма бирде, әни булу бәхете белән уртаклашты. Гөлназ Асаева белән «Гадел әңгәмә»не «Татар-информ»ның Ютуб-каналында карый аласыз .

(Казан, 22 декабрь, «Татар-информ», Арсений Кәримов). Татарстан Президенты Рөстәм Миңнеханов РФ Федераль Җыены Федерация Советы каршындагы цифрлы икътисадны үстерү советы утырышында катнашты. Анда икътисадка һәм социаль өлкәгә ясалма интеллект технологияләрен кертү турында фикер алыштылар. «Татарстан — илебезнең IT-өлкәсен үстерүдә лидерларның берсе. Республика „Сколково“ рейтингында төбәкләрне цифрлаштыру буенча беренче урында тора. Татарстан Республикасы IT-индустриясендә 3 меңгә якын компания һәм 40 меңнән артык белгеч бар. Читать дальше...

(Казан, 22 декабрь, «Татар-информ»). Иртәгә, 23 декабрьдә, Россия Президенты Владимир Путинның матбугат конференциясе уза. Анда Татарстанның биш массакүләм мәгълүмат чарасы вәкиле катнаша. Алар — «Татар-информ» мәгълүмат агентлыгының баш мөхәррире — «Татмедиа» АҖ генераль директоры урынбасары Ринат Билалов, «Яңа Гасыр» телерадиокомпаниясе» АҖ хәбәрчесе Лина Зиннәтуллина, «Татарстан» журналының баш мөхәррире — «Татмедиа» АҖ филиалы — «Татарстан» журналы редакция җитәкчесе Татьяна Вафина, «Матбугат.ру»... Читать дальше...

(Казан, 22 декабрь, «Татар-информ»). Иртәгә, 23 декабрьдә, төньяк киңлекләрдән килгән һава йогынтысында Татарстанда көчле салкыннар көтелә. Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, төбәктә аязучан болытлы һава торышы була. Урыны белән кар яварга мөмкин. Төньяк-көнбатыштан уртача тизлектә искән җил көн дәвамында юнәлешен көньяк-көнбатышка үзгәртәчәк. Юлларда бозлавык саклана, дип хәбәр итә синоптиклар. Төнлә һәм иртән һава температурасы -20..-25 градус, ә аязганда -30 градус һәм аннан да түбәнрәк (Казанда ... Читать дальше...

(Казан, 22 декабрь, «Татар-информ»). 2022 елның 1 гыйнварыннан XVIII Казан халыкара мөселман киносы фестиваленә гаризалар кабул ителә башлый. Гаризаларны 2022 елның 1 июненә кадәр җибәрергә мөмкин. Казан халыкара мөселман киносы фестивале Казанда 7-11 сентябрьдә Татарстан Президенты Рөстәм Миңнеханов ярдәме һәм «Россия — ислам дөньясы» стратегик караш төркеме белән партнерлыкта узачак. Бу хакта «Татаркино» хәбәр итә. Казан халыкара мөселман киносы фестивале-2022 регламенты нигезендә, фестивальдә... Читать дальше...

(Казан, 22 декабрь, «Татар-информ»). Шәхси максатларда кулланыла торган җиңел автомобильләрне һәм мототранспорт чараларын мәҗбүри даими техник карау гамәлдән чыкты. Бүген Дәүләт Думасы өченче һәм соңгы укылышта шул турыда закон проектын кабул итте. ТАСС хәбәр иткәнчә, мәҗбүри процедурадан гражданнарның бары тик үз ихтыяҗлары өчен генә кулланыла торган җиңел автомобильләр һәм мотоцикллар азат ителәчәк. Шул ук вакытта техосмотр такси һәм пассажирлар йөртү өчен кулланыла торган башка транспорт өчен... Читать дальше...

(Казан, 22 декабрь, «Татар-информ», Полина Шевчук). Тикшерү Казан федераль университеты ректоры Илшат Гафуровны кулга алуны таләп итә. ТАСС хәбәр иткәнчә, Гафуровка заказга кеше үтерүне оештыруда гаепләү белдерелгән. Көч структурасы хезмәткәрләре Казан федераль университеты ректоры Илшат Гафуровны кулга алды , дип хәбәр иткән иде «Татар-информ» агентлыгы.

(Казан, 22 декабрь, «Татар-информ», Павел Климчак). Бүген көндез ашыгыч хезмәтләрне чакыру 112 номеры буенча өч кешенең, шул исәптән бер баланың, Дәрвишләр бистәсендәге Совет урамында урнашкан фатирда агулануы турында хәбәр алынган. Ашыгыч ярдәм табиблары зыян күргән өч кешене – 31 яшьлек хатын-кызны, 29 яшьлек ирне һәм дүрт яшьлек баланы «сөрем газы белән уртача авырлыктагы агулану» диагнозы куеп, хастаханәләргә салган. Хатын-кызны ир бала белән Балалар Республика хастаханәсенә китергәннәр, ир-атны 7нче шәһәр хастаханәсенә озаталар. Читать дальше...

(Казан, 22 декабрь, «Татар-информ», Сергей Гаврилов). 2018 елгы Олимпия чемпионы Алинә Заһитова Санкт-Петербургта фигуралы шуу буенча Россия чемпионатында күрсәтмә номер белән чыгыш ясаячак, бу хакта турнир башланыр алдыннан матбугат конференциясендә әйтелде. Заһитова инде берничә ел рәсми ярышларда катнашмый, ул җәмәгать эшчәнлеге белән шөгыльләнә. 19 яшьлек Заһитова 2018 елда ил чемпионатында җиңү яулады, элек көмеш призер булган иде. Бу хәлне Россиянең фигуралы шуу федерациясе генераль директоры Александр Коган аңлатты. Читать дальше...

(Казан, 22 декабрь, «Татар-информ», Зилә Мөбәрәкшина). Татарстан Фәннәр академиясенең Галимҗан Ибраһимов исемендәге Тел, әдәбият һәм сәнгать институты татар шагыйре Габдулла Тукайның тормышы һәм иҗаты турында өч томлык басмасын тәкъдим итте. «Яңа хезмәттә документаль материалның төрлелеге (архив чыганаклары, хат, көндәлек, истәлекләр, журнал һәм газетада чыккан язмалар, төрле оешмаларның рәсми документлары) Тукайның тормыш һәм иҗат юлын чорны милли-мәдәни мохитенә бәйле күзалларга мөмкинлек бирә»... Читать дальше...

(Казан, 22 декабрь, «Татар-информ»). Татарстанда узган тәүлектә коронавирусның 100 яңа очрагы теркәлгән. Аларның берсе читтән кертелгән, калганнары – контактлы очрак, дип хәбәр итә ТР Сәламәтлек саклау министрлыгы матбугат хезмәте. «Утыз бер кеше хастаханәгә салынды, 69 кеше өйдә дәвалана», — диделәр ведомствода. Авыручыларның күбесе Казанда теркәлгән, анда 68 кеше чир йоктырган. Чаллыда — сигез, Түбән Кама районында алты очрак теркәлгән. Барлыгы 15 муниципалитетта чир йоктыру очраклары ачыкланган. Читать дальше...