Tatar-inform.tatar

Кукмара район башлыгы Сергей Димитриев, район Башкарма комитеты җитәкчесе Азат Гарифуллин, шәһәр башкарма комитеты җитәкчесе Ринат Хәйруллин, «Чиста шәһәр» оешмасы җитәкчесе Фирдәил Шәрипов «Җиңү паркы»ның «Хәтер бакчасы»на агач үсентеләре утыртты. Утырту өчен балан, кара миләш, алыча, алмагач үсентеләре сайлап алынган иде. Бу хакта «Хезмәт даны» сайтында Алсу Сәләхетдинова яза.

Әтнә районы Күңгәр авылында яшәүче Гөлүсә Гатиятуллинаның махсус хәрби операция зонасына бер тапкыр кулланыла торган ашлар әзерләп җибәрүе хакында хәбәр иткән идек инде. Гыйнварь аенда Гелүсә хәрбиләргә ике төрле аш, үзе ясаган пакетлы чәйләр һәм «коры душ» әзерләп җибәргән иде. Бу хакта «Әтнә таңы» хәбәр итә.

Ел саен Чернобыль һәлакәтен искә алу көне үз гомерләрен кызганмыйча фаҗигале нәтиҗәләргә каршы көрәшкән каһарман райондашларыбыз хөрмәтенә куелган һәйкәл янында үткәрелә.һәлакәт нәтиҗәләренә каршы көрәштә 600 меңгә якын кеше катнаша. Алар арасында 120дән артык азнакайлы да була. Бүгенге көндә аларның 51е исән. Бу хакта «Маяк» сайтында Ландыш Габитова хәбәр итә.

Чаллыда Габдулла Тукайның туган көненә багышланган бәйрәм чарасы шагыйрьнең һәйкәле янында узды. Бирегә кечесеннән алып олысына кадәр милли җанлы, шигырь сөюче шәһәрлеләр җыелды. Бу хакта «Шәһри Чаллы» сайтында Айзирә Имамова яза.

26 апрельдә бөек татар шагыйре Габдулла Тукайның 138 еллыгын билгеләп үттеләр. Аны искә алалар, хөрмәт итәләр. Шулай ук бу көнне Туган тел көне дә билгеләп үтелә. Бу хакта https://nkamsk-rt.ru/ сайтында Фәридә Зарипова яза.

Блогер Татар-малай (Ринат Галиәхмәтов) Туган тел көнендә татар шагыйре Габдулла Тукай каберенә чәчәк куюга онлайн-заказ биргән. Бу турыда «Татар-информ» яза.

Әлки районы волонтерлары махсус хәрби операция зонасына чираттагы гуманитар ярдәм партиясен җибәрде. Бу хакта «Татар-информ»га протоиерей Андрей Зиньков сөйләде.

Татарстанның Россиядәге Тулы вәкаләтле вәкиллегендә Яшьләр советы активистлары белән очрашу узды. Сөйләшү вакытында студентлар клублары җитәкчеләре үз проектлары турында сөйләде һәм тәҗрибә уртаклашты. Бу хакта Вәкиллекнең телеграм-каналында хәбәр ителә.

Татарстанда Корбан бәйрәмендә чалу өчен вак терлек җитәрлек санда бар. Бу хакта Татарстан Министрлар Кабинеты Баш ветеринария идарәсенең хайваннарның йогышлы авырулары һәм эпизоотиягә каршы чаралар оештыру бүлеге җитәкчесе Солтан Латыйпов «Татар-информ»да матбугат конференциясендә белдерде.

Казан мэры Илсур Метшин Бөек Ватан сугышы ветераны 96 яшьлек казанлы Александр Шахназаров һәм аның хатыны Людмиланы якынлашып килүче Җиңү көне белән котлады. Бу турыда Казан мэриясе хәбәр итте.