هرات کې د فوټبال سيالۍ؛ تورغونډۍ لوبډلې زنده جان ته ماتې ورکړه
هرات د ولسوالیو ترمنځ د فوټبال سیالیو په دوام نن تورغونډۍ لوبډلې د هرات د زنده جان ولسوالۍ لوبډلې ته ماتې ورکړه.
د هرات د ورزشي ادارې فنی مدیر ضیاالحق ضیا نن ازادي راډیو ته وویل، چې دغه سیالۍ د لوبغاړو د هڅوونې او د فوټبال په غوره لیګ کې د غوره لوبغاړو د ټاکلو لپاره پیل شوي.
د ښاغلي ضیا په خبره په دغو سیالیو کې د شینډنډ،کرخ، زنده جان، شهرک، تورغنډۍ،ګلران،کهسان او ګذرې لوبډلو ګډون کړی.
د هرات د ورزش ادارې چارواکي وايي، تراوسه ٩ لوبې شوې چې لومړنۍ مرحله به یې د پنجشنبې په ورځ پای ته ورسېږي.
تمه ده چې په اونۍ کې له هرې لوبډلې دوه مخکښ ټیمونه پایلوبې ته لار پیدا کړي.