په قطر کې د افغانستان سفیر عبدالحکیم دلیلي ومړ
د افغانستان د بهرنیو چارو وزارت په خبرپاڼه کې څرګندوي چې دلیلي د زړه د حملې له امله وفات شوی دی.
دغه وزارت د دلیلي مړینه یوه ستره ضایعه بللې ده او ویلي یې دي چې ده د سولې د خبرو په برخه کې د اسانتیاوو په رامنځته کولو کې مهمه ونډه لرله.
دلیلي په غزني کې زیږیدلی او د قطر په پوهنتون کې یې انجنیري لوستې وه.
دی په دیارلس سوه اته نویم کال کې په قطر کې سفیر ټاکل شوی و.