Новости за 29.11.2021

(Казан, 29 ноябрь, «Татар-информ»). ТР Президенты Рөстәм Миңнеханов республикада яшәүчеләрне Татарстан байрагы көне белән котлады. Ул Инстаграмдагы сәхифәсендә республика символикасына багышланган видео куйган. Видеода байрак тарихы — аны кабул итү көне (1991 елның 29 ноябре), авторы Тавил Хаҗиәхмәтов, триколор символикасы һәм башка кызыклы фактлар турында турында сөйлиләр. Искәртеп үтик, бәйрәм хөрмәтенә Казан телебашнясы Татарстан байрагы төсенә керәчәк.

(Казан, 29 ноябрь, «Татар-информ»). Башкортстанның «Китап» нәшрияте үз укучыларына башкорт һәм рус телләрендә «Бәхет күле» әкиятләр җыентыгын тәкъдим итә. «Башинформ» хәбәр иткәнчә, басмага башкорт халык әкиятләренең борынгыдан сакланган һәм буыннан буынга тапшырылган үрнәкләре кертелгән. Җыентык Башкортстан Республикасы Башлыгының Яңа ел чыршысы бәйрәменә чакырылган балаларга бүләк буларак та әзерләнгән.

(Казан, 29 ноябрь, «Татар-информ»). Россия Президенты Владимир Путин төбәк хакимиятенә коронавирус пандемиясе белән бәйле чикләү чараларын үтәүне, шулай ук вакцинация темпларын күзәтүне шәхси контрольдә тотарга кушты. Кремль сайтында 10 ноябрьдә Хөкүмәт әгъзалары катнашында узган киңәшмә нәтиҗәләре буенча дәүләт башлыгының йөкләмәләр исемлеге чыкты. Бу хакта «Российская газета» хәбәр итә. «COVID-19 коронавирус инфекциясе таралуга каршы юнәлтелгән чикләү чараларын вакытында кертүне һәм үтәүне шәхси контрольгә алырга», диелгән документта. Читать дальше...

(Казан, 29 ноябрь, «Татар-информ», Алинә Фәйзрахманова). Татарстанда яшәүчеләр өчен 2022 елның апрелендә баланы беренче сыйныфка кабул итү турындагы документларны электрон рәвештә бирү мөмкинлеге булачак. Элек онлайн рәвештә гариза гына биреп булды. Аннары ата-аналар биш эш көнендә мәгариф оешмаларына кирәкле документларны тапшырырга тиеш иде. Хәзер барлык документларны электрон рәвештә гаризага беркетергә мөмкин булачак. Бу хакта «Татар-информ»да матбугат конференциясендә Татарстан мәгариф һәм фән минситры урынбасары... Читать дальше...

(Казан, 29 ноябрь, «Татар-информ»). Яңа Чишмә мөхтәсибәте Бакташ авылында яңа мәчет ачылды. Әлеге мәчет бер ел эчендә авыл халкы һәм күпләгән иганәчеләрнең тырышлыгы белән Аллаһ йорты төзелеп бетте, дип хәбәр итә ТР Диния нәзарәте матбугат хезмәте. Тантана Коръән сүрәләрен укып дога кылу белән башланды. Татарстан мөфтиенең мөхтәсибәтләр белән эшләү буенча урынбасары, көньяк төбәк казые, Аксубай районы имам-мөхтәсибе Равил хәзрәт Зөфәров яңа гына сафка баскан «Мәсәния» мәчетен төзүдә булышучы, төзелеш барышында чыгымнарны үз өстенә алучы... Читать дальше...

(Казан, 29 ноябрь, «Татар-информ», Алинә Фәйзрахманова). Татарстанда быел дәүләт хакимияте органнарында норматив-хокукый актларның һәм аларның проектларының коррупциягә каршы бәйсез экспертизасы нәтиҗәсендә 30 документта коррупциоген факторлары ачыкланды. Шул ук вакытта 3 328 проект тикшерелде. «Әгәр җирле үзидарә органнары турында сөйләсәк, 26 303 муниципаль норматив-хокукый акт буенча коррупциягә каршы экспертиза үткәрелде, 208 актта төрле коррупциоген факторлар ачыкланды», — диде «Татар-информ»... Читать дальше...

(Казан, 29 ноябрь, «Татар-информ», Егор Никитин). Казанда яшәүче олы яшьтәге кешеләр арасында ковидка каршы прививканың бер компонентын ясатучылар саны 71 процентка җиткән. «Шәһәрдә яшәүче 691 980 кеше вакцинация узган. Искәртәм, Казанда 18 яшьтән өлкәнрәк 977 056 кеше яши. Халыкның 71 проценты прививканың бер компонентын булса да ясаткан, 590 675 кеше тулысынча вакцинация узган», — дип сөйләде мэриядә эшлекле дүшәмбедә Татарстан Сәламәтлек саклау министрының урынбасары — Казан Сәламәтлек саклау идарәсе җитәкчесе Владимир Жаворонков. Читать дальше...

(Казан, 29 ноябрь, «Татар-информ»). Россия хакимияте коронавирус белән авырткан яки вакцинация ясату турындагы QR-кодлы документның атамасын үзгәртү мөмкинлеге турында фикер алыша. Мисал өчен, ул «сәламәтлек паспорты», «яшел паспорт», «санитар паспорт» яки «ковипас» дип аталырга мөмкин. Россия Президенты администрациясенә, шулай ук Россия Хөкүмәтенә якын әңгәмәдәшкә сылтама белән РБК хәбәр иткәнчә, хакимият кодлы документның үз исеме булырга тиеш дип саный, чөнки QR — ул флешка сыман мәгълүмат тапшыру ысулы гына булып тора. Читать дальше...

(Казан, 29 ноябрь, «Татар-информ», Егор Никитин). Беренче көннәрдә кыенлыклар булуга карамастан, республикада җәмәгать транспортында QR-код кертү халыкны сәламәтлеген кайгырту булып тора. Казан мэры Илсур Метшин эшлекле дүшәмбедә бедергәнчә, узган атна шәһәр транспортында QR-код кертү сәбәпле, Казан хакимияте өчен киеренке булды. «Барысына да авыр булды: автобуска һәм метрога керә алмаучыларга да, шулай ук йөртүчеләргә һәм кондукторларга да. Республика җитәкчелегенең бу карары турында күп сөйләргә була... Читать дальше...

(Казан, 29 ноябрь, «Татар-информ»). Коронавирус инфекциясе белән авырган кешеләрнең ковидның «омикрон» штаммын йоктыру куркынычы зур. Бөтендөнья сәламәтлек оешмасы төгәлрәк мәгълүмат якын арада билгеле блулачагын әйтте. Гамәлдәге тестлар бу штаммы ачыкларга сәләтле. Бу хакта Бөтендөнья сәламәтлек оешмасына сылтама белән РИА Новости хәбәр итә. Элегрәк оешма вирусның борчу тудыра торган яңа Көнья Африка төрен таныды. Күпсанлы мутацияле вирус иммунитеты түбән, шул исәптә ВИЧ-инфекцияле кешедә барлыкка килергә мөмкин дип уйлый галимнәр.

(Казан, 29 ноябрь, «Татар-информ», Павел Климчак). Кичә кич ике исерек егет автобуста юл бәясен түләүдән баш тарткан. Алар Вахитов тукталышында кондуктор белән сугыша башлаган. «Йөртүче автобусны туктаткан, низагны туктатырга теләгән. Егетләрнең берсе шешәне ваткан һәм шуның белән йөртүченең күкрәгенә суккан, аннары качкан. Бу хакта «Татар-информ» агентлыгына Татарстан Автотранспорт предприятиесе ассоциациясе рәисе Сергей Темляков хәбәр итте. Урынга полиция хезмәткәрләрен чакырганнар.

(Казан, 29 ноябрь, «Татар-информ»). Коронавирус инфекциясенең беренче тапкыр Көньяк Африка Республикасында ачыкланган яңа төре ВИЧлы кеше организмында барлыкка килергә мөмкин. «Андый авырулы кешеләрдә яңа вариантлар ешрак барлыкка килә», — диде Россия Фәннәр академиясенең әгъза-мөхбире, В.А. Энгельгардт исемендәге Молекуляр биология институтының тукымалар пролиферациясе лабораториясе мөдире Петр Чумаков ura.ru порталына. Аның сүзләренчә, иммунитеты түбән, шул исәптә ВИЧ-инфекцияле кешеләр вирус... Читать дальше...

(Казан, 29 ноябрь, «Татар-информ», Зилә Мөбәрәкшина). Япон егете, татар телен өйрәнгән һәм халыкара олимпиадада җиңгән Юто Хишияма Токио мәчетендә ислам дине кабул иткән. «Ислам динен кабул иттем. Кичә, татарлар нигез салган Токио мәчетендә, татар түбәтәен киеп, мөселман булдым», — дип язган ул инстаграм сәхифәсендә. «Аллаһ каршында һәркем тигез дигән фикер мине җәлеп иткәнгә, һәм өйләнергә җыенган кызым мөслимә булганга, ислам динен кабул итәргә булдым. Гаиләм минем ислам динен кабул итүемә каршы булмады»... Читать дальше...

(Казан, 29 ноябрь, «Татар-информ»). 30 ноябрьдән Япония чит ил кешеләре өчен чикләрне яба. Шулай итеп, 8 ноябрьдә чит ил бизнесменнары һәм студентлары өчен йомшартылган чикләүләр үз көчен югалта. Бу хакта Япониянең премьеры Фумио Кисида хәбәр итә. Чикләү чараларын катгыйлату дөньяда коронавирусның «омикрон» яңа штаммы таралу белән бәйле һәм ул вирусның бу вариантының куркыныч булу дәрәҗәсен ачыклаганчы гамәлдә булачак. «30 ноябрьдән барлык илләрдән чит ил кешеләрен кертү тыела», дип җиткерә аның сүзләрен РИА Новости. Читать дальше...

(Казан, 29 ноябрь, «Татар-информ»). Дүшәмбе, 29 ноябрьдә, 17.00-22.00 сәгатьләрдә Россия телевизион һәм радио тапшырулар челтәренең Казан телебашнясы Татарстан байрагы көне хөрмәтенә архитектура-сәнгать төсләре бәйрәм сценариен кабызачак. Республика байрагының яшел төсе язны, яңарышны символлаштыра, ак төс — пакълык төсе, ә кызыл — өлгергәнлек, энергия, көч һәм тормыш символы. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә. Читать дальше...

Бөек татар җырчысы, ТАССРның халык артисты Рәшит Ваһап улы Ваһапов 1908 елның 7 маенда Түбән Новгород губернасы, Сергач өязе — хәзер Түбән Новгород өлкәсе Кызыл Октябрь районындагы Актук авылында, өченче мәхәллә имамы Ваһап мулла Хәйретдинов гаиләсендә дөньяга килә. Рәшит башлангыч белемне дөньяви фикерле әтисе мәктәбендә ала. 1920–1926 елларда читтән торып Түбән Новгород татар педагогика техникумында укый. 1926–1928 елларда Петрякс, аннан соң Печә, Рбишча, Актук, Кызылъяр мәктәпләрендә укытучы булып эшли, соңгысында мөдир була. Читать дальше...

(Казан, 29 ноябрь, «Татар-информ»). Ульяновск шәһәренең «Печатный двор» типографиясендә «Татары Симбирского-Ульяновского края» китабының икенче басмасы дөнья күрде. Өлкә татар милли-мәдәни автономиясе, «Өмет» газетасы хезмәткәрләре тырышлыгы белән әзерләнгән энциклопедия 1200 данәдә нәшер ителде, дип хәбәр итә «Өмет» газетасына сылтама белән Бөтендөнья татар конгрессы. Анда төбәкнең татар тормышында актив катнашкан һәм чит өлкәләрдә югары дәрәҗәләргә ирешкән милләттәшләребезнең исемнәре кертелде. Читать дальше...

(Казан, 29 ноябрь, «Татар-информ»). Бөтендөнья татар конгрессы Башкарма комитеты җитәкчесе урынбасары Илгиз Халиков Киров өлкәсе Сосновка шәһәрендә «Идел» халык җыр ансамбленең 30 еллык юбилей чарасында катнашты. Илгиз Халиков Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев исеменнән ансамбльне котлады һәм рәхмәт хатлары тапшырды, дип хәбәр итә Бөтендөнья татар конгрессы .

(Питрәч, 29 ноябрь, «Татар-информ», « Алга », Люция Сираҗиева). Питрәчнең балалар шәһәрчегендә реконструкция дәвам итә. Быел планлаштырылган эшләрнең 90 проценттан артыгы инде үтәлгән. Мәйданчыкта амфитеатр, сәхнә, каршылыклар полосалары, ятаклар, эскәмияләр, таганнар, турниклар, чүп савытлары урнаштырылды. Боларның барысы да агачтан ясалган. Хәзер биредә зур таучык ясыйлар. Ә мәйдан уртасында декоратив панель төзиләр. Конструкция инде әзер диярлек, берникадәр детальләр генә калды. Шулай ук бу атнада видеокүзәтү системасын монтажлыйлар. Читать дальше...

(Казан, 29 ноябрь, «Татар-информ», Гөлия Хәсбиуллина). Татарстанның ике хоккей командасы каршылыгында җиңүне «Ак Барс» яулады. «Нефтехимик» — «Ак Барс» матчы исәбе — 2:3. Уен Түбән Каманың «Нефтехим Арена» боз сараенда узды. Беренче период. Бишенче минутта, «Ак Барс» азчылыкта, бишкә өч форматында, уйнаганда, «Нефтехимик» һөҗүмчесе Егор Попов исәпне ачты (1:0). Икенче период. Унбишенче минутта, «Нефтехимик» күпчелектә уйнаганда, Тимур Хафизов Казан командасы капкасына икенче алканы кертте (2:0). Өченче период. Читать дальше...

(Түбән Кама, 29 ноябрь, «Татар-информ»). Түбән Кама ЗАГС идарәсендә Андрей һәм Гөлназ Андрияновлар гаиләсендә туган яңа туган игезәкләрне теркәү тантанасы булды. ЗАГС хезмәткәрләре Андрей һәм Гөлназ Андрияновларга балалары туу турында тантаналы төстә таныклыклар тапшырды, дип хәбәр ителә Түбән Кама районы рәсми сайтында. Сабыйлар 24 сентябрьдә туган, аларга Ариана һәм Артем исемнәре кушканнар. Гөлназ Андриянова үзе дә ЗАГС идарәсендә эшләгән. 6 ел дәвамында ул сабыйларга туу турында таныклык рәсмиләштерү хезмәтен башкарган. Читать дальше...

(Алабуга, 29 ноябрь, «Татар-информ», « Алабуга нуры »). Узган эш атнасы КФУның Алабуга институтында бәйрәм чарасы белән тәмамланды, анда елга йомгак ясалды һәм иң яхшы хезмәткәрләрне бүләкләделәр. Бәйрәмдә катнашкан Алабуга районы башлыгы Рөстәм Нуриев билгеләп үткәнчә, КФУның Алабуга институты — районыбызда төп уку йорты. Быел Казан федераль университетына — 217, ә Алабуга институтына 123 ел тулды. «КФУ үзенең күп гасырлык тарихында озын һәм бай юл узды. Бөтен коллективның тырыш хезмәте нәтиҗәсендә... Читать дальше...

(Казан, 29 ноябрь, «Татар-информ»). 22-26 ноябрь көннәрендә Россия ислам институты каршындагы Дини оешмалар хезмәткәрләренең һәм уку йортлары мөгаллимнәренең квалификациясен күтәрү үзәге, Татарстан Республикасы мөселманнарының Диния нәзарәте белән берлектә, «Дини оешмаларда дин һәм дини тәрбия бирү» программасы буенча курслар үткәрде. Бер атна дәвамында ZOOM платформасы ярдәмендә дистанцион рәвештә узган әлеге курсларда Ютазы һәм Азнакай мөхтәсибәтләреннән 40тан артык мөгаллим катнашты, дип хәбәр итә ТР Диния нәзарәте . Читать дальше...