Новости за 21.11.2021

(Арча, 22 ноябрь, «Татар-информ», « Арча хәбәрләре »). Арча районында балалар бакчаларына йөрүчеләр арасында «Сөмбелә» бәйрәме үткәрелде. Ел саен район күләмендә балалар бакчаларында тәрбияләнүчеләр арасында «Нәни Сөмбелә» бәйгесе үткәрелә. Анда бакчаның иң сәләтле, тырыш баласы катнаша. Аның татар телендә матур итеп сөйләшә белүе дә мөһим, диелә хәбәрдә. «Быел бакчабыз данын икенче номерлы мәктәпкә әзерлек төркеменнән Габдрахманова Айзилә яклады. Аңа дуслары да ярдәмгә килде. Алар бергәләшеп „Сөмбеләдә кунакта“ күренешен күрсәттеләр. Читать дальше...

(Зәй, 21 ноябрь, «Татар-информ», « Зәй офыклары », Ләйлә Мостафина). Зәйдә «Лучший внук — Иң яхшы оныгым» республика фотоконкурсы җиңүчесен бүләкләделәр. «Лучший внук — Иң яхшы оныгым» республика фотоконкурсы «Бөек Ватан сугышында Җиңүнең 75 еллыгы», «Минем гаиләм тарихы» һәм «ТАССРга 100 ел» номинацияләрендә үткәрелде. Конкурста 1000гә якын эш катнашты. «Минем гаиләм тарихы» номинациясендә оныгы Хәлил белән Зәй районында яшәүче Миләүшә Хәйруллина җиңүче булды. Миләүшә Хәйруллина Югары Мәлем авыл мәдәният йортының сәнгать җитәкчесе булып эшли.

(Әлмәт, 21 ноябрь, «Татар-информ», « Әлмәт таңнары »). ЗАГС идарәсе белгечләре Әлмәттә 1900 нче бала туу турындагы актны теркәде Сабый 9 ноябрь көнне Луиза Сергей кызы һәм Ришат Ринат улы Низаметдиновлар гаиләсендә туган. Балага Эмилия дип исем кушканнар. Бәхетле ата-ананы ЗАГС идарәсе белгечләре тәбрикләде һәм тантанага килгән әти кешегә сабыйның беренче дәүләт документын — туу турындагы таныклыгын тапшырдылар, диелә хәбәрдә. «Сезне кызыгыз туу белән котлыйбыз! Сабыегыз сәламәт, бәхетле булып үссен! Читать дальше...

(Казан, 21 ноябрь, «Татар-информ»). «Сәләт» берләшмәсе лидерларының берсе һәм «Аргамак» лагере директоры Айдар Якупов Төркиядә ял вакытында батып үлгән. Айдарның дусты Тимур Назаров үзенең Instagram-аккаунтында язуынча, алар бергә ял иткән. Фаҗига 19 ноябрь көнне Газипаша аэропорты янында булган. Тимур Назаров сүзләренчә, диңгездә бик көчле дулкын чыккан. Айдар Якупов шуның эчендә кала, үзләре аңа ярдәм итә алмый. Әмма бер балыкчы, бата башлаган Айдар янына килеп, аны катерга өстерәп кертә алган. Читать дальше...

(Казан, 21 ноябрь, «Татар-информ»). Озын гомернең сере — картаю процессын я тизләтә, я тоткарлый торган көндәлек гадәтләр булу, дип яза Бөекбритания газетасы Daily Express. Мәкаләнең авторлары организмның картаюын җиңә торган өч мөһим көндәлек гадәт турында яза. РИА Новости җиткерүенчә, Бөекбритания журналистлары шикәрне чама белән кулланунының мөһим булуын ассызыклый. «Шикәрне күп куллану диабет һәм йөрәк-кан тамырлары авыруларын китереп чыгара. Шуңа күрә, рациондагы шикәр микъдарының кимүе картаюны акрынайта... Читать дальше...

(Казан, 21 ноябрь, «Татар-информ», Рифат Каюмов). Татарстанның Санкт-Петербургтагы һәм Ленинград өлкәсендәге даими вәкиле Ренат Вәлиуллин Санкт-Петербургның татар медиафорумында галим Лев Гумилевны татар тарихында зур шәхес буларак искә алды. 2022 елның сентябрендә галим һәм язучы Лев Гумилевның тууына 110 ел булачак. Казан үзәгендә — Петербург урамы башында аңа һәйкәл дә куелды. Лев Гумилев: «Мин рус кешесе булсам да, гомер буе татарларны якладым», — дип язып калдырган булган. Ренат Вәлиуллин... Читать дальше...

(Казан, 21 ноябрь, «Татар-информ»). Дүшәмбе, 22 ноябрьдә, юлда буран һәм бозлавык булачак. Көндез дә, төнлә дә көнбатыштан җил исәчәк. Тизлеге секундына 15-17 метрга кадәр җитәчәк. Татарстан Республикасы Гидрометеорология һәм әйләнә-тирә мохитне күзәтү идарәсе синоптиклары көчле бозлавык фаразлый.  Татарстан юлларында хәл катлаулы булырга мөмкин, игътибарлы һәм сак булыгыз, дип кисәтә метеорология үзәге.

(Казан, 21 ноябрь, «Татар-информ», Павел Климчак). Бүген 12.25 сәгатьтә, Мишә елгасындагы ике балыкчыга ярдәм сорап, 112 хезмәтенә мөрәҗәгать килә. Лаеш районының Рождествено авылы янында ике ир-ат юка боз өстенә чыккан. Коткаручылар ярдан 700 метр ераклыкта булган балыкчылар янына махсус җайланмада килгән. Коткаручы, кабартылган трап ярдәмендә, 60 яшьлек балыкчыларны куркыныч янаган урыннан чыгарган. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хезмәтендә хәбәр иттеләр. Читать дальше...

(Казан, 21 ноябрь, «Татар-информ»). Татарстанда соңгы тәүлек эчендә 263 кеше яңа коронавирус инфекциясе йоктырган. Биш кеше чирне республикага читтән алып кайткан, калганнары авыру кеше белән очрашудан соң авырый башлаган. «93 кеше хастаханәгә салынды, 170 кеше өйдә дәвалана», – диелә ТР Сәламәтлек саклау министрлыгы хәбәрендә. Казанда 144 ковид очрагы теркәлгән, Чаллыда - 28. Районнар арасында иң күп авыручылар Чистай (18), Түбән Кама (12), Питрәч (9) муниципалитетларында ачыкланган. Пандемия башланганнан бирле... Читать дальше...

(Казан, 21 ноябрь, «Татар-информ»). Россиядә яшәү минимумының күләме 2022 елда җан башына - 12 654 сум, хезмәткә яраклы халык өчен - 13 793 сум, пенсионерлар өчен - 10 882 сум, балалар өчен - 12 274 сум тәшкил итәчәк. 2022-2024 елларга федераль бюджет проектына Владимир Путин шундый төзәтмә кертте. Бу саннар, дәүләт башлыгының тагын ике төзәтмәсе белән бергә, җомга көнне Дәүләт Думасының бюджет һәм салымнар комитеты тарафыннан хупланды, дип яза РИА Новости. Пәнҗешәмбе көнне узган социаль мәсьәләләр... Читать дальше...

(Казан, 21 ноябрь, «Татар-информ»). Лотереяда оту балалар пособиесеннән мәхрүм итү өчен сәбәп була алмый, дип белдерә РФ Хезмәт һәм социаль яклау министрлыгы.  Пособие гаиләнең кеременә карап билгеләнә. Ә лотереяда оту гаиләнең керем суммасын арттыра, дип яза РИА Новости. Бу 3 яшьтән алып 7 яшькәчә балалар тәрбияләүче аз керемле гаиләләргә, 8 - 17 яшьлек балалар үстерүче ялгыз ата-аналарга һәм иртә срокларда исәпкә баскан йөкле хатыннарга кагыла. Министрлык билгеләп үткәнчә, мондый гаиләләрнең керемен санаганда... Читать дальше...

(Казан, 21 ноябрь, «Татар-информ»). Россия Президенты Владимир Путин салым органнары хезмәткәрләрен һәм ветераннарын һөнәри бәйрәмнәре белән котлады. Телеграмма Кремль сайтында урнаштырылган. Дәүләт башлыгы билгеләп үткәнчә, озак еллар Россия Федераль салым хезмәте һәм аның территориаль органнары салым системасын камилләштерү, салымнар һәм җыемнар турында РФ законнары үтәлешен тикшереп тору өлкәсендә дәүләт сәясәтен гамәлгә ашыру буенча зур һәм эчтәлекле эш алып бара. Путин ассызыклаганча, яңа технологияләрне... Читать дальше...

(Казан, 21 ноябрь, «Татар-информ»). 26 ноябрь көнне Габдулла Тукай әдәби музеенда Әниләр көненә багышланган «Синең исем балкысын» дип исемләнгән чара узачак. Казанда яшәүчеләр шагыйрьнең туганнары һәм якыннары турында, аның әниләргә багышланган әсәрләрен ишетә алачак, дип хәбәр итә «Иске шәһәр» префектурасы. Оештыручылар сөйләвенчә, чара рус һәм татар телләрендә интерактив дәрес форматында узачак. Катнашучыларга шулай ук Тукайның иң якын кешеләре белән турыдан-туры бәйле мемориаль предметлар да күрсәтеләчәк. Читать дальше...

(Казан, 21 ноябрь, «Татар-информ»). Татарстан Президенты Рөстәм Миңнеханов «КАМАЗ-мастер» командасы спортчылары һәм җитәкчелеге белән очрашты. Республика җитәкчесе К5 кабинасы базасында яңа буын спорт йөк машиналары белән танышты һәм шәхсән яңа «КАМАЗ» автомобилен сынап карады, дип хәбәр итә аның матбугат хезмәте. Очрашу, гадәттәгечә, Чаллының Тарловка спорт полигонында узды. Ул «КАМАЗ-мастер» командасын «Дакар-2022»халыкара раллида катнашуда әзерләүгә багышланган иде. Рөстәм Миңнехановка автомобиль дизайнын һәм башка эшләнмәләр эшләү... Читать дальше...

(Казан, 21 ноябрь, «Татар-информ»). Россия Хөкүмәте кайбер төбәкләрдә яшәүче пенсионерларга социаль өстәмә түләүләр өчен 1,1 миллиард сумнан артык акча бирәчәк, дип хәбәр итә Министрлар Кабинеты матбугат хезмәте. Акчаны 15 субъект алачак, аларда өстәмә түләүләр алучылар саны арткан. Аерым алганда, сүз Бурятия, Карелия, Якутия, Яһүд автономияле өлкәсе, Байкал арты крае, Амур, Ленинград, Магадан, Мурманск һәм Новосибирск өлкәләре турында бара. «Эшләмәүче пенсионерларга төбәк социаль өстәмәләренә 1,1 миллиард сумнан артык акча юнәлдереләчәк. Читать дальше...

(Казан, 21 ноябрь, «Татар-информ»). Россиядә Covid-19 вирусы тагын 36 970 кешедә табылган. Кичә авыручылар саны күбрәк булган - 37 120 очрак теркәлгән, дип хәбәр итә RT. Пандемия башланганнан бирле илдә коронавирус аркасында 9,3 миллион кеше авырган, 8 миллион кеше савыккан. Соңгы тәүлектә йогышлы чир 1252 кешенең гомерен өзгән, бу вирустан илебездә барлыгы 264 мең кеше үлгән.

(Казан, 21 ноябрь, «Татар-информ»). Бүген, 2021 елның 21 ноябрендә «Казан Кремле» музей-тыюлыгының Ислам мәдәнияте музеенда Халыкара ислам мәдәнияте көне уңаеннан «Традиция белән диалогта» күргәзмәсе ачыла. Шулай ук, шамаил сәнгатен үстерү тарихы, таҗхиб сәнгате һәм классик гарәп каллиграфиясенең фәнни аспектлары буенча семинар һәм тугра язу буенча мастер-класс үтәчәк, дип хәбәр итә музей-тыюлыкның матбугат хезмәте. Бөтендөнья ислам мәдәниятенә кергән татар мөселман сынлы сәнгатенең үзенчәлекләре, аның кертелүе тәкъдим ителәчәк. Читать дальше...

(Казан, 21 ноябрь, «Татар-информ»). 2021 елның ноябрь башында Городище районының Урта Әләзән авылындагы «Кәшшәф һәм Зөләйха» мәчетенең эчендә капиталь ремонт тәмамланды. Ислам хәзрәт Коләхмәтов сүзләренә караганда, бу елның август ахырында мәчет эчендә капиталь ремонт ясау турында карар кабул ителгән. Бина үзе моннан 25 ел элек төзелгән һәм шул вакыттан бирле бернинди ремонт эшләре башкарылмаган, дип, Пенза өлкәсе мөселманнарының Диния нәзарәте хәбәренә таянып, Россия Мөфтиләр шурасы сайты хәбәр итә. Читать дальше...

(Казан, 21 ноябрь, «Татар-информ»). 2022 елның 1 гыйнварыннан пенсия түләүнең яңа кагыйдәләре үз көченә керә. Россиядә 2022 елның 1 гыйнварыннан пенсияләрне түләү һәм аларның исәпләнүен контрольдә тоту буенча яңа кагыйдәләр үз көченә керә. Хезмәт һәм социаль яклау министрлыгы раслаган яңартылган кагыйдәләр нигезендә гадәттән тыш хәл режимы кертелгән территорияләрдә пенсияләр билгеләнгән датадан алдарак бирелә ала. Моның өчен алучыга Пенсия фондына гариза язарга кирәк, дип хәбәр итә «Парламентская газета». Читать дальше...

(Казан, 21 ноябрь, «Татар-информ», Надежда Гордеева). Татарстанда бүген М7 трассасыннан Ижевскига һәм Пермьгә китә торган юлның бер өлеше капиталь төзекләндерелүдән соң ачылды. 11 километрга сузылган юл участогы буенча хәрәкәтне ачуда Татарстан Республикасы Президенты Рөстәм Миңнеханов һәм Федераль юл агентлыгы җитәкчесе урынбасары Андрей Самарьянов катнашты.  Юл төзүчеләр Татарстанның Менделеевск районының өч торак пункты буйлап уза торган юлның 4нче километрыннан алып 15 километрына кадәр булган участогында ремонт эшләре башкарды. Читать дальше...

(Казан, 21 ноябрь, «Татар-информ»). Буран аркасында, республикада шәһәрара автобуслар хәрәкәте туктатылган иде. Хәрәкәт бүген, 21 ноябрьдә, иртәнге алтыда кабат ачылды. Һава торышы начар шартларда машина йөртүчеләр юлларда бик игътибарлы һәм сак булырга, шулай ук юл хәрәкәте кагыйдәләрен үтәргә тиеш, дип искәртә Республика Дәүләт автоинспекциясе.

(Казан, 21 ноябрь, «Татар-информ»). Узган тәүлек эчендә Covid-19 вирусы Татарстанда 10 кешенең гомерен өзгән. Вирус экспертиза вакытында идентификацияләнгән, туганнарының һәм якыннарының кайгыларын уртаклашабыз, дип билгеләп үттеләр ТР Сәламәтлек саклау министрлыгының матбугат хезмәтендә. Дүрт ир-ат Һәлак булган (1946, 1954, 1941 һәм 1944 елларда туган) һәм алты хатын-кызның гомере өзелгән (1943, 1957, 1936, 1935, 1959 1952 елларда туган). Хәзерге вакытка коронавирус 1164 татарстанлының үлеменә сәбәпче булган.

(Алабуга, 21 ноябрь, «Татар-информ», « Алабуга нуры »). Яңа елда «Мир» терлекчелек комплексының 1,1 мең башка исәпләнгән икенче чиратын төзү дәвам итәчәк. Инвестор, беренче чиратта, 1,1 мең башка исәпләнгән терлекчелек комплексын төзегән иде инде. Шуның белән бәйле рәвештә, районда сыерлар саны узган ел белән чагыштырганда 34 процентка, ә сөт савымы 56 процентка арткан. Матбугат конференциясендә район башлыгы Рөстәм Нуриев хәбәр иткәнчә, инвесторларның берсе — «Аммоний Агротехнологии» предприятиесе. Читать дальше...

(Лениногорск, 21 ноябрь, «Татар-информ», «Заман сулышы », Розалия Мостафина). Лениногорск Мәдәният сараенда Татарстанда Туган телләр һәм халык бердәмлеге елы уңаеннан, Казан дәүләт мәдәният институты тарафыннан республика муниципаль берәмлекләре җитәкчеләрен татар телендә халык алдында чыгыш ясау сәнгатенә өйрәтү буенча укулар үткәрелде. Чараны Казан дәүләт мәдәният институты мөгаллимнәре Илсөяр Шиһапова, Земфира Ибәтова, Әлфис Галиуллиннар алып барды. Әлеге проект Татарстанда беренче тапкыр оештырыла. Читать дальше...

(Зәй, 21 ноябрь, «Татар-информ», « Зәй офыклары », Николай Шамионов). Зәй районы ветераннар һәм пенсионерлар советы рәисе Геннадий Хәлиуллин актив җәмәгать эшчәнлеге алып барган һәм юбилейлары уңаеннан хезмәт ветераннары Александр Черновка һәм Нина Симоновага ветераннар советы Рәхмәт хатларын тапшырды. Александр Николаевич бу көннәрдә 70 яшьлек юбилеен билгеләп үтте. Ул төрле елларда җаваплы вазифалар башкарды: «Сельхозтехника» берләшмәсендә техник хезмәт күрсәтү буенча директор урынбасары, автотранспорт... Читать дальше...