Новости за 17.11.2021

(Чирмешән, 17 ноябрь, «Татар-информ», « Безнең Чирмешән », Гөлсирә Шәрифуллина). Чирмешән Балалар сәнгать мәктәбе һәм Татарстан халыклары ассамблеясенең райондагы вәкиллеге үзләренең иҗат проектлары белән республикакүләм бәйгедә катнашып, 500 мең сум күләмендә грант отканнар. «Әлеге акчаларны райондагы Дуслык йортын җиһазландыруга юнәлдерәбез. Манекеннар, милли киемнәр, мультимедиа җиһазлар алырга планлаштырабыз», — диде җиңү яулаган «Этнотәнәфес» проектын эшләүче, район мәдәният йорты директоры, вәкиллекнең җитәкчесе Әлфия Закирова. Читать дальше...

(Казан, 17 ноябрь, «Татар-информ»). 16 ноябрь көнне шагыйрә, Татарстанның атказанган мәдәният хезмәткәре Фирдәвес Әһлия Казан шәһәренең 77 нче мәктәбендә 6 нчы сыйныф укучылары белән иҗади очрашу уздырды. Татарстан Язучылар берлеге хәбәр иткәнчә, силли мәсьәләләр буенча директор урынбасары Айгөл Карманова Айгөл, татар теле укытучылары Гөлназ Әхтәмова, Гүзәлия Мөбәрәкшина, Илгизә Тимершина һәм Зилә Хәмитгатина Зилә зур тырышлыклар куеп, шушы дәресне әзерләгәннәр. Балалар татарча Фирдәвес Әһлия шигырьләрен укыган... Читать дальше...

(Казан, 17 ноябрь, «Татар-информ»). Россия Федерациясе Президентының «Гаилә ипотекасы» ташламалы ипотека кредиты программасы шартларын яхшырту буенча күрсәтмәләрен үтәү максатыннан, аны гамәлгә ашыру кагыйдәләренә үзгәрешләр кертелде. «Гаилә ипотекасы» ташламалы ипотека кредиты программасы Россия Федерациясе Финанс министрлыгы тарафыннан гамәлгә ашырыла. Бу турыда Татарстан Авыл хуҗалыгы һәм азык=төлек министрлыгы хәбәр итте. Ул «Демография» илкүләм проекты составында «Балалар туганда гаиләләргә... Читать дальше...

(Казан, 17 ноябрь, «Татар-информ»). 16 ноябрьдә Мәскәү өлкәсенең Волоколамск шәһәр округында «Герой-панфиловчыларга» мемориаль комплексы янында истәлек митингы узды. Биредә Россия, Казахстан һәм Кыргызстан мөселманнары катнашты. Россия Мөфтиләр шурасы хәбәр итүенчә, чарада РФ һәм ТР мөселманнары Диния нәзарәте рәисе урынбасары, Мәскәү өлкәсе Диния нәзарәте рәисе, мөфти Рушан Аббясов, аның урынбасары Феликс Җамалиев, Казахстан Республикасы мөфтие урынбасары Ершат Онгар, генерал Панфиловның оныгы Айгөл Байкадамова катнашкан. Читать дальше...

(Казан, 17 ноябрь, «Татар-информ»). Казанда «Хозур» нәшрият йорты «Тимергали хәзрәт вәгазьләре» китабын бастырып чыгарды. Татарстан мөфтие Камил хәзрәт Сәмигуллин инстаграмдагы сәхифәсендә хәбәр иткәнчә, динебездә башкаларны күркәм сүз белән нәсыйхәтләүгә, аларга Коръәни Кәримебез аятьләрен, Расүлебез салләллаһу галәйһи вә сәлләмнең хәдисләрен искә төшерүгә зур әһәмият бирелә. Нәсыйхәт, вәгазь күңелләрне нур белән тутыра, кешенең Аллаһыга якынаюына, әхлагын камилләштерүенә сәбәпче булып тора. ... Читать дальше...

(Казан, 16 ноябрь, «Татар-информ»). « Бердәмлек » газетасында Гали авылының «Ак калфак» хатын-кызлар оешмасы җитәкчесе Кәүсәр Шәйхетдинованың «Гали авылының үткен һәм тапкыр яшьләре» дигән язмасы чыкты. Бөтендөнья татар конгрессының мәгълүмат хезмәте һәм массакүләм мәгълүмат чаралары белән элемтә идарәсе җитәкчесе Гөлназ Шәйхи шалтыратып: «Кәүсәр апа, сезне ТНВ каналының „Башваткыч“ ташыруында катнашырга чакырабыз», — дигәч, бераз икеләнеп тордым. Кемне дәшәргә, кем безнең авылда иң тапкыр һәм үткен кеше? Читать дальше...

(Казан, 17 ноябрь, «Татар-информ»). Үзбәкстанның Карши шәһәрендә Халыкара толерантлык көненә һәм Милли толерантлык атналыгына багышланган акцияләрдә татар-башкорт милли мәдәни үзәге вәкилләре дә катнашкан. Катнашучылар сынлы сәнгать һәм халык-гамәли иҗат әсәрләре, милли мәдәни үзәкләрнең күргәзмәләре, фольклор ансамбльләр һәм милли мәдәни үзәкләрнең үзешчән артистлары чыгышлары белән танышкан, конференциядә булган. Бу турыда Татарстанның Үзбәкстан Республикасындагы вәкиллеге хәбәр итте. Илдар... Читать дальше...

(Казан, 17 ноябрь, «Татар-информ»). Санкт-Петербургта бушлай татар теле курсларына тыңлаучылар җыю дәвам итә. Дәресләр барлык теләүчеләр өчен һәм Каюм Насыйри институтының белем бирү-мәдәни үзәгендә укыган кешеләр өчен үткәрелә. Бу хакта Татарстан Республикасының Санкт-Петербург шәһәрендәге һәм Ленинград өлкәсендәге даими вәкиллеге хәбәр итә.  Дәресләр шимбә көнне 13.00 - 15.00 сәгатьләрдә онлайн форматта үтәчәк. Татар телен Алинә Хәйруллина укыта. Курсларга +7(951)061-1935 телефоны буенча... Читать дальше...

(Казан, 17 ноябрь, «Татар-информ»). Татарстанда киләсе елдан транспортта йөрү өчен айлык бердәм социаль билетның бәясе 547 сумга кадәр артачак. ТР Министрлар Кабинетының тиешле карары «Рәсми Татарстан» порталында чыкты. «2022 елга транспортта йөрү өчен айлык бердәм социаль билет бәясен — 547 сум, балаларга транспортта йөрү өчен айлык бердәм социаль билет бәясен 333 сум күләмендә билгеләргә», — диелә документта. Быел мондый билетның бәясе 526 сум, ә балаларныкы 320 сум тәшкил итә. Татарстанда Бөек Ватан сугышы ветераннары һәм инвалидлары... Читать дальше...

(Казан, 17 ноябрь, «Татар-информ»). Татарстанда тагын дүрт кеше — өч ир-ат һәм бер хатын-кыз Covid-19 коронавирусыннан үлгән. «Татарстанда коронавирус инфекциясеннән дүрт үлем очрагы теркәлде», — дип хәбәр итә ТР Сәламәтлек саклау министрлыгының матбугат хезмәте. Covid-19 авыруыннан 1932, 1954 һәм 1956 елларда туган ир-атлар, шулай ук 1932 елда туган хатын-кыз вафат. «Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — дип ачыклык кертә министрлык. Читать дальше...

(Казан, 17 ноябрь, «Татар-информ»). Казанда метанол белән агуланган студентларның тагын берсен Мәскәүдә хастаханәгә салганнар. «Татар-информ» агентлыгына Татарстан Сәламәтлек саклау министрлыгының баш токсикологы Алия Насыйбуллина хәбәр иткәнчә, Казанда дустының туган көнен бәйрәм иткәндә метанол белән агуланган тагын бер студент кызны Мәскәү хастаханәләренең берсенә салганнар. «Студент кыз Мәскәү хастаханәсендә ята. Ул реанимациядә стабиль авыр хәлдә, үз аңында», — ди Насыйбуллина. Шулай ук тагын бер кызның Башкортстанга китүе билгеле. Читать дальше...

(Казан, 17 ноябрь, «Татар-информ», Полина Шевчук). Казанда студентлар агуланганнан соң, полиция хезмәткәрләре сертификаты булмаган хәмер сатучыны да, сатучылар чылбырын да ачыклый алган. Казанда яшәүче дүрт ир-ат ялган хәмер сату белән шөгыльләнгән. Аларны тоткарлаганнар. ТР буенча Эчке эшләр министрлыгы матбугат хезмәте мәгълүматларына караганда, полиция хезмәткәрләре ачыклаганча, студентлар бер ир-аттан биш литрлы савытта спиртлы сыекча сатып алган. Бу хәмер белән туган көненгә килгән кунакларны сыйларга җыенганнар. Читать дальше...

(Казан, 17 ноябрь, «Татар-информ»). Татарстан Президенты Рөстәм Миңнеханов социаль челтәрләрдә язылучыларын көчле кар яву турында кисәтте. «Синоптиклар Татарстанда буран фаразлый. Юлларда, бигрәк тә төнге вакытта сак булыгыз. Юлларда сак булыгыз!» — дип язган республика җитәкчесе Instagram, Twitter һәм «ВКонтакте» социаль челтәрләрендәге шәхси сәхифәләрендә. Язылучылар комментарийларда: «Безнең Президентыбыз һава торышы турында, синоптикларга караганда да тизрәк кисәтә!», «Кисәтү өчен рәхмәт белдерәбез!» ... Читать дальше...

(Казан, 17 ноябрь, «Татар-информ», Эвелина Килесёва). Казанда метанол белән агуланганнан 12 студентта офтальмологлар уңай динамика күрә. Бер кыз комада, тагын ике кеше авыр хәлдә. Бу хакта ТР Сәламәтлек саклау министрлыгының баш токсикологы Алия Насыйбуллина сөйләде. «Хәзерге вакытта пациентларның хәле элеккечә кала, өч авыр пациент реанимациядә. Бер кызның хәле бик авыр, икесенеке — тотрыклы авыр», — дип билгеләп үтте табиб. Тотрыклы авыр хәлдә булган ике кызны гемодиализ аппаратына тоташтырганнар. Читать дальше...

(Казан, 17 ноябрь, «Татар-информ»). Бүген Дәүләт Думасы беренче укылышта россиялеләрнең чит ил паспортларын гамәлдән чыгару өчен нигезләрне төгәлләштерә торган закон проектын кабул итте. Документ нигезендә, чит ил паспорты югалса, хуҗасының РФ гражданлыгы алынса, документ яраксыз дип табылса, чит илдә хезмәт командировкасы тәмамланганнан соң хуҗасы Россиягә кире кире кайтмаган яки үлгән очракта, РФ гражданинының чит ил паспорты гамәлдән чыгарыла. Бу хакта РИА Новости хәбәр итә. Шулай ук, яңа закон... Читать дальше...

(Казан, 17 ноябрь, «Татар-информ»). «Яңарыш» сайтында Рәүфә Кангазинаның «Кешегә ярдәм итә белүенә шатлана» дигән язмасы чыкты. Яркәү районы, Ваңгы авылы фельдшер-акушер пунктында эшләүче югары категорияле фельдшер Индира Мөлекованың эш көне гадәти җыештырудан башлана. Башка авыллардагы кебек үк, Ваңгы авылы халкы да иртәнге сигездән фельдшер-акушерлык пунктына дару алырга, дәваланырга, укол куйдырырга, яки киңәш сорарга ашкыналар. Сабыр холыклы, үз вазифасына зур җаваплылык белән караган фельдшер биредә 400дән артык кешенең сәламәтлеген... Читать дальше...

(Казан, 17 ноябрь, «Татар-информ», Надежда Гордеева). 18 ноябрьдән Татарстанда күп функцияле үзәкләрнең барлык офислары элеккеге эш режимына кайта. Хәзерге вакытта алар ял көннәрсез эшли, дип хәбәр итте брифингта Татарстан Республикасында КФҮ директоры Ленара Мозаффарова. Казандагы барлык офислар октябрь уртасыннан алып хәзерге вакытта кадәр, ЕСИА хисап язмасын раслау буенча хезмәт күрсәтү өчен өстәмә вакытны исәпкә алып, 8.00 дән 20.00 гә кадәр эшләде. 18 ноябрьдән, кичке якта мөрәҗәгатьләр аз булу сәбәпле... Читать дальше...

(Казан, 17 ноябрь, «Татар-информ»). Россиянең Цифрлаштыру министрлыгы һәм Икътисади үсеш министрлыгы күп функцияле үзәкләрдә вакцинация яки коронавирустан чирләп савыгуны раслый торган QR-кодлы кәгазь сертификатлар бастырып чыгара башлады, дип хәбәр итә Цифрлаштыру министрлыгы. «Әлеге эш Россия Хөкүмәте рәисе Михаил Мишустин кушуы буенча башкарылды», — дип министрлык хәбәрен РИА Новости җиткерә. Бу төр хезмәтеннән россиялеләр дә, Россиядә яшәүгә рөхсәте булган чит ил кешеләре дә файдалана ала. Читать дальше...

(Казан, 17 ноябрь, «Татар-информ»). Дәүләт Думасы вәкилләре пленар утырышлар залына QR-кодлары булган очракта гына керергә тиеш, дип белдерде РФ Хөкүмәте рәисе урынбасары Вячеслав Володин. Ул билгеләп үткәнчә, коронавирустан вакцинация үткәрү турындагы сертификатларны тикшерү турындагы закон проекты барлык депутатларга да кагылырга тиеш. «Сезнең урынга килүчеләрнең барысында да менә шундый QR-код булырга тиеш. Дәүләт Думасы аппаратынан кертү системасы буенча тиешле карарлар кабул итү сорала. Фикер... Читать дальше...

(Казан, 17 ноябрь, «Татар-информ»). 19 ноябрьдә «Казан утлары» журналы «Әдәби кафе»да Илшат Билаловның «Тауда язылган язмыш» китабын тәкъдир итә.  «Тауда язылган язмыш» — «Казан утлары» китапханәсе» сериясендә чыккан җиденче китап. Аның авторы Илшат Винзел улы Билалов 1967 елның 22 апрелендә Казанда туган. 1984 елда 83нче мәктәпне алтын медаль белән тәмамлап, ул Казан дәүләт медицина институтының дәвалау факультетына укырга керә. 1990 елда аны кызыл диплом белән тәмамлап, башта хирургия кафедрасында ординатурада... Читать дальше...

(Казан, 17 ноябрь, «Татар-информ»). Татарстан Президенты Рөстәм Миңнеханов Мәскәүдә уза торган «Чикләрсез композитлар» форумында катнашты. Республика җитәкчесе ТР территориясендә җитештерүләр үсеше һәм бу өлкәдә, башка төбәкләргә дә файдалы була алырдай, уникаль эшләнмәләр турында сөйләде. «2035 елга кадәр композитлар тармагын үстерү стратегиясе» пленар утырышында катнашучылар алдында чыгыш ясаганда, Татарстан Президенты республиканың ни өчен композитлар юнәлешен үстерүгә зур игътибар бирүе турында сөйләде. Читать дальше...

(Казан, 17 ноябрь, «Татар-информ»). Бер компонентлы «Спутник Лайт» препараты 60 яшькә кадәрге гражданнарны вакцинацияләү өчен туры килә. Өстәвенә, бу ревакцинациягә дә, авыру кичергәннән соң ясала торган прививкаларга да кагыла, дип хәбәр итә «Известия» табиб-инфекционист Евгений Тимаковка сылтама белән. Табиб билгеләп үткәнчә, «Спутник Лайт» препараты иммунитет күнегүләренә ярдәм итә, шулай ук иммунологик хәтер формалаштыра. «Спутник V» һәм «Спутник Лайт»ны эшләгән Н.Ф. Гамалея исемендәге үзәк директоры элек билгеләп үткәнчә... Читать дальше...

(Казан, 17 ноябрь, «Татар-информ», Павел Климчак). Бүген пассажир ташучылар ассоциациясе ярдәм сорап Татарстан Эчке эшләр министры Артем Хохоринга мөрәҗәгать итте. Дүшәмбедән, 22 ноябрьдә, җәмәгать транспортында QR-кодсыз йөрү тыелачак. Шуңа бәйле рәвештә пассажир йөртүчеләр ведомство  башлыгыннан ярдәм итүләрен сорый. QR-кодларны тикшерү нигезендә конфликтлы хәлләр килеп чыгарга мөмкин. Мондый очракларда пассажир ташучылар полиция хезмәткәрләреннән аларны чакырганнан соң тиз арада килеп җитүләрен сорый. Читать дальше...

(Казан, 17 ноябрь, «Татар-информ», Павел Климчак). Тикшерүче Казанда 13 студентның метанол белән агулану очрагыннан соң кузгатылган җинаять эшен тикшерүнең барышы турында хәбәр итте. Искәртеп узабыз, эш «Сатып алучыларның тормышы һәм сәламәтлеге таләпләренә җавап бирми торган продукция сату» маддәсе буенча кузгатылган иде. Бу хәл 15-16 ноябрь төнендә булган, 18 яшь кеше Салмачы бистәсендәге коттеджда туган көн билгеләп үткән. Аларның ундүртесе хәмер эчкән, шуннан соң чирләүләрен сизеп, табибларга мөрәҗәгать иткән. Читать дальше...

(Казан, 17 ноябрь, «Татар-информ»). 18 ноябрьдә 15:00 сәгатьтә Лаеш районы Мәдәният йортында, 19 ноябрьдә 18:00 сәгатьтә Питрәч районы Мәдәният йортында «Казан Егетләре» төркеменең «Татарстаным минем, сиңа!» проекты тәкъдим ителәчәк. Программада халык музыка кораллары белән бергә төркемнең иң популяр җырлары яңгыраячак: «Тала-тала», «Җомга», «Ак чәчәкләр», «Яшьлегемә кайтам», «Каеннарым» һәм башкалар, дип яза төркемнең матбугат хезмәте. Проект Татарстан Республикасы Мәдәният министрлыгы белән берлектә эшләнгән. Читать дальше...