Новости за 29.11.2021

(Казан, 29 ноябрь, «Татар-информ»). «Түбән Кама Нефтехим» «Россиянең югары социаль нәтиҗәгә ия оешмасы» илкүләм бәйгесенең төбәк этабында җиңү яулаган. Белгечләр предприятие тәҗрибәсен югары бәяләгән. Бу турыда Түбән Кама муниципаль районы рәсми сайты нда хәбәр ителә. «Түбән Кама Нефтехим» берьюлы дүрт номинациядә аерылып торган: «Җитештерү өлкәсенә караган оешмаларда җәрәхәт алу һәм һөнәри авырулар санын киметкән өчен», «Җитештерү өлкәсенә караган оешмаларда кадрлар потенциалын үстергән өчен», «Җитештерү... Читать дальше...

(Казан, 29 ноябрь, «Татар-информ»). «Спутник V» һәм «Спутник Лайт» вакциналары коронавирусның яңа омикрон- штаммына каршы нәтиҗәле булып кала, әмма Гамалея үзәге, беркетмәләргә нигезләнеп, адаптацияне башлады. Бу хакта Россия турыдан-туры инвестицияләр фонды хәбәр итте, дип җиткерә РИА Новости. «Гамәлдәге беркетмәләргә таянып, „омикрон“ штаммына каршы „Спутник“ вакцинасының яңа версиясен эшләүгә кереште инде», — диелә белдерүдә. «Спутник»ның яңа версиясе 45 көннән соң күпләп җитештерүгә әзер булырга мөмкин. Читать дальше...

(Казан, 29 ноябрь, «Татар-информ»). Уфада татар язучысы Рөстәм Галиуллинның башкорт телендә «Гипнозчы малай» дигән китабы басылып чыкты. Тәржемә авторы — Айгиз Баймөхәмәтов, рәссамы — Альбина Такалова. Җыентыкка мәктәп яшендәге балалар өчен мавыктыргыч хикәяләр тупланган, дип яза « Шоңкар ». «Рөстәм Галиуллинның әсәрләре зур тәрбияви әһәмияткә ия, — дип билгеләп узды тәрҗемә авторы Айгиз Баймөхәмәтов. — Икенчедән, әдәбият һәрчак безнең халыклар арасында дуслык күпере булды. Рөстәм Госман улы ... Читать дальше...

(Казан, 29 ноябрь, «Татар-информ», Полина Шевчук). Социаль челтәрләрдә һәм мессенджерларда Казан сәүдә үзәгенә килгән ир-ат  QR-код күрсәтүен сораган каравылчыга пычак белән һөҗүм иткәнлеге турында мәгълүмат пәйда булды. «Татар-информ»га ир-атның тоткарлануы турындагы мәгълүматны ТР буенча Росгвардия идарәсе матбугат хезмәтендә расладылар. Бүген кичке сәгать дүртләр тирәсендә Коләхмәтов урамындагы «Уңыш» сәүдә үзәгеннән чакыру булган. Россия гвардиячеләре 48 яшьлек һөҗүмчене тоткарлый алган. Аны «Мәскәү» полиция бүлегенә илтәләр. Читать дальше...

(Казан, 29 ноябрь, «Татар-информ», Полина Шевчук). Узган ялларда гына да Татарстанда алты бала юл-транспорт һәлакәтендә имгәнгән. Бу хакта «Татар-информ»га республика Дәүләт автоинспекциясендә сөйләделәр. Аварияләрнең берсе шимбә көнне, 27 ноябрьдә, Түбән Кама районында булган. «Лада» машинасын йөрткән 32 яшьлек исерек ир-ат зур тизлек белән идарә итә алмыйча юл кырыена төшеп киткән. Юл-транспорт һәлакәтендә 14 яшьлек үсмер һәм ике яшьлек сабый зыян күргән. Шул ук көнне Түбән Кама районында «Лада»... Читать дальше...

(Казан, 29 ноябрь, «Татар-информ»). Иртәгә Татарстан территориясендә һава шартларының сизелерлек бозылуы көтелә. Шулай итеп, буран һәм секундына 25 метрга кадәр көчле җил аркасында шторм кисәтү игълан ителде, дип хәбәр итә ТР Гидрометеорология үзәге матбугат хезмәте. Һава торышы җылы булачак. Синоптиклар быел 30 ноябрьдә күзәтүләр тарихында иң җылысы булырга мөмкин, дип фаразлый. Алдагы рекорд - +3,7 градус — 2012 елда куелган иде. Иртәгә төнлә температура -2дән +3 градуска кадәр, көндез 0-5 градуска кадәр... Читать дальше...

(Казан, 29 ноябрь, «Татар-информ»). «Омикрон» исеме алган коронавирусның яңа штаммының төп симптомнары булып арыганлык һәм йөрәк тибешенең ешаюы тора. Бу хакта Вакцинация һәм иммунизация буенча бәйсез уртак комитет әгъзасы Адам Финн белдерде, дип хәбәр итә РИА Новости. Белгеч сүзләренә караганда, Көньяк Африка Республикасы мәгълүматлары яңа штаммнарның «аеруча куркыныч» булмавын раслый. Шул ук вакытта «омикрон»га, «Дельта» штаммы кебек үк, ис һәм тәм югалту хас түгел. «Интерфакс» хәбәр итүенчә... Читать дальше...

(Казан, 29 ноябрь, «Татар-информ»). Швейцариядә «омикрон» коронавирусының яңа штаммы барлыкка килү сәбәпле, 2021 елгы Кышкы Универсиада гамәлдән чыгарылды. Ул Люцернда булырга тиеш иде, дип хәбәр итә ТАСС халыкара университет спорты федерациясе (FISU) чыганагына сылтама белән. «Карар Швейцария хакимиятенең Африка илләреннән килүчеләр өчен мәҗбүри 10 көнлек карантин кертүе белән бәйле. Нәтиҗәдә, Люцерндагы Универсиаданың була алмавы ачыкланды», — диде агентлык әңгәмәдәше.

(Казан, 29 ноябрь, «Татар-информ»). Соңгы тәүлектә Татарстанда коронавирустан тагын сигез кеше вафат булган. Пандемия башланганнан бирле үлем очракларының гомуми саны 1248 очракка җиткән. «Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — дип хәбәр итә ТР Сәламәтлек саклау министрлыгы матбугат хезмәте. Коронавирус инфекциясеннән 1942 һәм 1964 елларда туган ике ир-ат үлгән. Шулай ук республиканың 1932, 1937, 1938, 1949 елларда һәм тагын икесе 1953 елда туган алты хатын-кыз инфекция корбаны булган.

(Казан, 29 ноябрь, «Татар-информ»). Татарстанның Күп функцияле үзәкләре (КФҮ) вакцинация яки кичерелгән авыру турында QR-кодлы 62 меңнән артык сертификат биргән. Әлеге сертификатлар яңа хезмәт эшли башлаганнан алып 13 көн эчендә бирелгән. Бу хакта Татарстан Республикасында Күп функцияле үзәк матбугат хезмәте хәбәр итә. «Медицина каршылыгы турында яки вакцинаның икенче компонентын керткәнче каралган вакытлы QR-кодлы республика белешмәләре КФҮ тарафыннан бирелми. Аларны бары тик медицина учреждениеләре генә бирә»... Читать дальше...

(Казан, 29 ноябрь, «Татар-информ», Гөлнар Гарифуллина). Алабугада яшәүче публицист, журналист Ленар Мифтах татарларга этник флаг кирәк, дип саный. Ул татарларда этник флаг сыйфатында Татарстан флагын куллану дөрес әйбер түгел, дигән фикердә. «Еш кына Татарстаннан читтә безнең халык җәмгыятьләре Татарстан дәүләт флагын татарларның этник флагы итеп күтәрә. Бу Татарстан гражданнары флагы. Аны этник флаг буларак Түбән Новгород, Уфа, Пенза, себер якларында күтәрәсең икән, татарлар үзләрен мигрантлар хәленә куя. Читать дальше...

(Казан, 29 ноябрь, «Татар-информ»). Төбәкләрнең коронавирус йогышы пандемиясе аркасында кертелгән кайбер аерым вәкаләтләре 2022 елга озайтылды. Аерым алганда, алар катлаулы эпидемиологик вазгыятьтә бюджетлар үтәлешенә кагыла. Бүген Россия Президенты Владимир Путин тиешле законга кул куйды. Шулай итеп, субъектлар бюджет кредитларын реструктуризацияләүдән килгән акчаларын Covid-19га каршы көрәшкә һәм аның нәтиҗәләрен бетерүгә юнәлдерә алачак. Моннан тыш, төбәкләр пандемия нәтиҗәләрен кисәтү һәм... Читать дальше...

(Казан, 29 ноябрь, «Татар-информ»). Коронавирусның Көньяк Африка Республикасында ачыкланган яңа омикрон-штаммы авыруларның бөтен дөнья буенча таралуына китерергә мөмкин. Бу хакта Бөтендөнья сәламәтлек саклау оешмасында бастырылган инфекция таралуга каршы көрәш өчен өстенлекле чаралар исемлегендә әйтелә. «Әлеге характеристикалардан күренгәнчә, киләчәктә Covid-19 авыруларының яңа дулкыны булырга һәм җитди нәтиҗәләргә китерергә мөмкин. „Омикрон“ яңа штаммы белән бәйле глобаль куркыныч бик югары дип бәяләнә», — диелә документта. Читать дальше...

(Казан, 29 ноябрь, «Татар-информ», Гадел Әхмәтҗанов). «Гадел әңгәмә» тапшыруының яңа чыгарылышында блогер, эшмәкәр Гөлия Вәлиәхмәтова катнашты. Тапшыруның авторы һәм алып баручысы Гадел Әхмәтҗановка ул бизнесы, шәхси тормышы, кызы, әти-әнисе, авыру балага ярдәм итүе һәм башкалар турында сөйләде. Тапшыруны «Татар-информ»ның Ютуб-каналында карый аласыз .

(Казан, 29 ноябрь, «Татар-информ»). Ижевск шәһәрендә татар биюе буенча мастер-классларга чакыралар. Татар биюенең барлык матурлыгын танып белергә омтылучылар өчен без «Мирас» дип исемләнгән мультимедияле белем бирү программасы оештырдык, дип хәбәр итә «Яңарыш» сайты. Проектта татар милли хореографиясенең нигезен һәм үзенчәлекләрен ачып бирә торган мастер — класслар куелган. Бию осталары гади һәм аңлаешлы рәвештә үз тәҗрибәләре белән уртаклашалар.

(Казан, 29 ноябрь, «Татар-информ»). Дәүләт Думасының сәламәтлек саклау комитеты рәисе урынбасары Сергей Леонов «QR-код» төшенчәсен «иммун паспорт» дигән төшенчәгә алмаштырырга тәкъдим итә . Бу исем, аның фикеренчә, коронавирус белән авырган һәм аңа каршы прививка алган кешеләр турындагы закон проектында тәкъдим ителә торган норманың мәгънәсен төгәл җиткерә, шулай ук бу терминга бәйле рәвештә җәмәгатьчелек ярсуын киметергә ярдәм итәчәк. «Мин аны "иммун паспорт" дип атауны тәкъдим итәм. Иммунитет ике ысул белән ... Читать дальше...

(Казан, 29 ноябрь, «Татар-информ»). Мәскәүдә Татар милли-мәдәни үзәге китапханәсендә Мирхәйдәр Фәйзине искә алу кичәсе узды. Бөтендөнья татар конгрессы матбугат хезмәте хәбәрендә күрсәтелгәнчә, Мирхәйдәр Фәйзи үзенең иҗат юлын Октябрь революциясенә кадәр үк башлаган. Татар театры тарихында беренче музыкаль драма - «Галиябану» спектакле куелышыннан соң ул гомуммилли танылу ала. Кайберәүләр әсәрне «Ромео һәм Джульетта»ның татар варианты дип тә атый. Китапханә мөдире Розалия Хәнәфиева Мирхәйдәр Фәйзи тормышы... Читать дальше...

(Казан, 29 ноябрь, «Татар-информ», Павел Климчак). Җомга, 26 ноябрь көнне, Чаллы шәһәренең Җәлил урамындагы йорт фатирында 50 яшьлек ир-ат мәете табылган. Аның көч кулланып үтерелүе ачыкланган: башында җәрәхәт һәм күкрәгендә пычак ярасы булган. Җинаятьтә шикләнелеп, Башкортстанның Октябрьский шәһәрендә яшәүче 35 яшьлек ир-ат тоткарланган, ул урлау һәм талау буенча бер елдан артык федераль эзләнүдә булган. Тикшерү барышында ачыкланганча, Чаллы автовокзалында ул ике ир-ат белән танышкан һәм берничә көн дәвамында аларның берсендә хәмер эчкән. Читать дальше...

(Казан, 29 ноябрь, «Татар-информ», Гадел Әхмәтҗанов). Татарстан Республикасы Дәүләт җыр һәм бию ансамбле татар милли хореографиясе турында «Мирас» дигән мультимедияле программа тәкъдим итте. «Проектта татар милли хореографиясенең нигезен һәм үзенчәлекләрен ачып бирә торган осталык дәресләре куелган. Бию сәнгатенә нигез салучы һәм аны саклап калучылар турында сөйләдек», — диде Дәүләт җыр һәм бию ансамбле директоры, Татарстанның атказанган мәдәният хезмәткәре Юрий Жуков «Татар-информ»да узган матбугат очрашуында. Читать дальше...

(Казан, 29 ноябрь, «Татар-информ», Павел Климчак). Татарстанда шторм кисәтүе игълан ителде. Бүген кич, шулай ук 30 ноябрьдә, төнлә һәм көндез республика территориясендә көчле җил көтелә. Моннан тыш, урыны белән кар һәм яңгыр, кайбер районнарда көчле буран, юлларда бозлавык һәм томан көтелә. Шул сәбәпле, Россия Гадәттән тыш хәлләр министрлыгының Татарстан буенча Баш идарәсе матбугат хезмәте начар һава шартлары вакытында үтәргә тиешле кагыйдәләрне искә төшерә. Көчле җил вакытында урамда калсагыз, реклама щитлары... Читать дальше...

(Казан, 29 ноябрь, «Татар-информ»). Узган тәүлектә Татарстанда коронавирус йоктыруның 248 яңа очрагы теркәлгән. Барлык пациентлар да чирне авыру кеше белән аралашканда эләктергән. «94 кеше хастаханәгә салынган, 154 кеше өйдә дәвалана», диелә Татарстан Сәламәтлек саклау министрлыгының матбугат хезмәте хәбәрендә. Чир йоктыручыларның күбесе (118 очрак) Казанга туры килә, аннары — Чаллы (24 кеше) һәм Яшел Үзән (21 очрак). Узган тәүлектә Чистайда 9 кеше, Түбән Камада 8 кеше, Кукмарада 6 кеше коронавиурс белән авырган. Читать дальше...

(Казан, 29 ноябрь, «Татар-информ»). 17 декабрьдә Санкт-Петербург дәүләт академик капелла сәхнәсендә Сәидә Мөхәммәтҗанованың концерты була. Анда виртоуз, татар халык уен коралларында уйнаучы Ринат Вәлиев та катнаша. Бу хакта Татарстанның Санкт-Петербург шәһәрендәге һәм Ленинград өлкәсендәге даими вәкиллеге матбугат хезмәте хәбәр итә. Сәидә Мөхәммәтҗанова ундүрт яшендә танылды, ул вакытта «Голос. Дети» тамашасының икенче сезоны финалына җиткән иде. Ул биш яшьтән бирле җырлый. Бүгенге көндә Сәидә Бөтенроссия һәм Халыкара конкурслар лауреаты... Читать дальше...

(Казан, 29 ноябрь, «Татар-информ»). Коронавирусның «омикрон» штаммы барлыкка килү сәбәпле, Россиядә яңа чикләүләр кертелергә мөмкин. «Коронавируска каршы оператив штабның соңгы утырышы Татьяна Голикова җитәкчелегендә узды. Анда җомга көнне карарлар кабул ителде. Оператив штаб алар турында игълан итәр дип көтәбез», — диде РИА Новости агентлыгына Россия Тышкы эшләр министрлыгы җитәкчесенең урынбасары Евгений Иванов

(Казан, 29 ноябрь, «Татар-информ»).  Коронавирусның «омикрон» яңа штаммын йоктыру очраклары тулысынча вакцинация узган кешеләр арасында да күзәтелергә мөмкин. «Яңа штаммны йоктыру очраклары вакцинацияләнгән кешеләр арасында да теркәлергә мөмкин, әмма вакцинаның нәтиҗәлелегенә бәйле рәвештә андый очраклар күп булмаска тиеш», — дип хәбәр итә Бөтендөнья сәламәтлек саклау оешмасының документына сылтама белән РИА Новости. Бөтендөнья сәламәтлек саклау оешмасы илләрне вакцинацияләү процессын тизләтергә өндәде. Читать дальше...

(Казан, 29 ноябрь, «Татар-информ»). 28 ноябрьдә Ульяновск шәһәренең «Киндяковка» мәдәният йортында Татар теле һәм мәдәнияте көне үткәрелде. Ул Тимер юл районы татар милли-мәдәни автономиясе советының җитәкчесе, Ульяновск шәһәре Думасы депутаты Рамил Абитов ярдәмендә оештырылды. Бөтендөнья татар конгрессы матбугат хезмәте хәбәр иткәнчә, чара Әниләр көнен бәйрәм итү кысаларында оештырылды. Бәйрәмдә Әминә Яхинаның татар телендәге «Аккошым минем» пьесасы буенча яңа спектакль күрсәтелде. Аны «Нур» халык... Читать дальше...