Новости за 06.11.2021

(Казан, 6 ноябрь, «Татар-информ», «Әгерҗе хәбәрләре» ). Әгерҗе районы башлыгы Азат Вәлиев халыктан вакцинациягә кушылуларын сорап мөрәҗәгать итте. Бу хакта районның Инстаграмдагы рәсми аккаунтында хәбәр ителә. Мөрәҗәгатендә ул вакцинациянең сәламәтлекне саклап калу өчен никадәр мөһим булуын билгеләп үтте. Прививка ясаргамы, юкмы — бу һәрберебезнең үз алдыбызда һәм туганнарыбыз һәм якыннарыбыз алдындагы җаваплылык дәрәҗәсе, дип ассызыклады ул. Коронавирстан һәм аның авыр нәтиҗәләреннән дәвалануга караганда, вакытында прививка кую кулайрак. Читать дальше...

(Казан, 6 ноябрь, «Татар-информ», «Әлмәт таңнары» ). Әлмәт авыр атлетчысы Рашад Гасыймов авыр атлетика буенча Россия беренчелегендә 2 урынны яулады. Ярышлар Грозный шәһәрендә узды, дип хәбәр итә шәһәрнең физик культура, спорт һәм туризм идарәсе. Рашад 61 кг. га кадәр категориядә чыгыш ясаган. Спортчы Әлмәттә футбол буенча спорт мәктәбендә шөгыльләнә.

(Казан, 6 ноябрь, «Татар-информ», «Алабуга нуры» ). Бөтенроссия халык санын алу 15 октябрьдән 14 ноябрьгә кадәр дәвам итә. КФУның Алабуга институты ветераны, профессор Анатолий Разживин сан алу чарасының мөһимлеге турында сөйләде. Әлеге әңгәмә район басмасында чыкты. — Анатолий Ильич, Сезнең карашка, халык санын алуда катнашу ни өчен әһәмиятле? — Петр заманыннан алып (XVIII гасыр башы), халык санын алуларның барысының да мәгънәсе илдә яшәүчеләрнең санын анык исәпләү, бу финанслар системасы тотрыклы... Читать дальше...

(Казан, 6 ноябрь, «Татар-информ», «Шәһри Чаллы» ). Чаллы мэры Наил Мәһдиев боерыгы буенча 48/20 йортында яшәүчеләр финанс ярдәм ала башладылар.  Акча йортта теркәлгән кешеләргә түләнелә, дип яза район басмасы. Башкарма комитет җитәкчесе вазифаларын башкаручы Илья Зуев хәбәр иткәнчә, хәзерге вакытта зыян күргән подъездда өемнәрне сүтү һәм җимерелгән конструкцияләрне сүтү эшләре бара. Киләсе атнада демонтаж эшләре төгәлләнер дип планлаштырыла. 10 нчы подъездда фатирларның торышын тикшергәннән соң 14... Читать дальше...

(Казан, 6 ноябрь, «Татар-информ», Гөлия Хәсбиуллина). Бүген Казанның «Ак Барс» хоккейчылары Екатеринбург шәһәренең «Автомобилист» командасын 5:4 исәбе белән җиңде. Матч Казанның «Татнефть Арена» боз сараенда узды. Бүген аренаның гөмбәзенә Казанның Урицкий исемендәге спорт клубы сакчысы Сергей Закамскийның свитерын башка легендар хоккейчылар рәтенә күтәрделәр. (Урицкий исемендәге спорт клубы — 1958-1990 еллардагы Казан хоккей командасы исеме.) Беренче период. Бишенче минутта «Ак Барс» һөҗүмчесе Джордан Уил исәпне ачты. Читать дальше...

(Казан, 6 ноябрь, «Татар-информ»). «Яңарыш» сайтында Гөлнур Вәлиеваның Төмән районы, Индрәй урта гомуми белем бирү мәктәбенең туган тел (татар) һәм әдәбияты укытучысы Рузилә Исмәгыйлева белән әңгәмәсе чыкты. Ел саен педагогик эшчәнлектәге казанышлары өчен премияне өлкәнең иң яхшы педагоглары алып килә. Укытучыларның конкурс материалларын региональ һәм федераль экспертлар бәяли. Конкурс «Мәгариф» милли проекты кысаларында үткәрелә. 4 октябрьдә Төмән өлкәсе губернаторы Александр Моор Укытучылар көне алдыннан быелгы җиңүчеләрне бүләкләде. Читать дальше...

(Казан, 6 ноябрь, «Татар-информ»). 27 ноябрьдә Дагыстанның Казбек районы Дылым авылында Коръән-хафизлар конкурсы узачак. Россия мөселманнары Дини җыены Үзәкләштерелгән Дини оешмасының матбугат хезмәте хәбәр иткәнчә, бәйге дүрт номинация (Коръәннең 30нчы өлешен яттан сөйләү; «Әл-Фатиха» сүрәсеннән биш җүзне бишенче җүз ахырына кадәр яттан сөйләү; Коръәнне тулысынча яттан сөйләү; Коръәннең бер битен матур һәм дөрес итеп уку) буенча үткәрелә. Республика конкурсы ике этапта узачак. Беренче этап кысаларында... Читать дальше...

(Казан, 6 ноябрь, «Татар-информ»). 30 октябрьдә Үзбәкстанның Нәваи шәһәрендәге «Илм-Маърифат» мәдәният һәм ял паркында Нәваи өлкәсенең Татар-башкорт милли-мәдәни үзәге оештырган татар һәм башкорт халкының милли бәйрәме – Сабан туе узган. Татарстанның Үзбәкстандагы вәкиллеге матбугат хезмәте хәбәр иткәнчә, бәйрәмдә Нәваи шәһәрендә яшәүче татарлар, шулай ук төрле милләт вәкилләре һәм шәһәр халкы булган. Сабан туенда Нәваи өлкәсенең Корея, Рус, Казах, Еврей милли-мәдәни үзәкләре актив катнашкан. Шулай ук күргәзмәләр оештырылган... Читать дальше...

(Казан, 6 ноябрь, «Татар-информ»). РФ Премьер-министры Михаил Мишустин 2021 елда фән һәм техника өлкәсендә Хөкүмәт премияләрен тапшыру турындагы боерыкны имзалады, алар арасында Татарстанның ике коллективы да бар. Бүген аларны иртәнге киңәшмәдә Татарстан Республикасы Президенты Рөстәм Миңнеханов котлады. Аерым алганда, әлеге бүләк белән йөзмә атом-төш җайланмалары, пассажир суднолары һәм күп максатлы «Ансат» вертолеты, экологик яктан куркынычсыз поликарбонатлар җитештерү, сәнәгатьтә ресурс саклаучы... Читать дальше...

(Казан, 6 ноябрь, «Татар-информ»). Бүген «Ак Барс» көрәш сараенда «Автодор» дәүләт компаниясе призларына көрәш буенча бөтенроссия ярышлары һәм «Автодор кубогы» грек-рим көрәше буенча республика ярышлары ачылды. Ачылыш тантанасында Татарстан Республикасы Президенты Рөстәм Миңнеханов, РФ спорт министрының беренче урынбасары Азат Кадыйров һәм «Автодор» дәүләт компаниясе идарәсе рәисе Вячеслав Петушенко катнашты. Бу турыда Татарстан Президентының матбугат хезмәте хәбәр итте. «Көрәш — безнең республикада иң яраткан спорт төрләренең берсе. Читать дальше...

(Казан, 6 ноябрь, «Татар-информ»). Чиләбе өлкәсе чик буе территориясенең бер өлешен Башкортстан Республикасына бирәчәк. Әлеге карар Россия Федерациясе субъектлары — Чиләбе өлкәсе һәм Башкортстан Республикасы арасындагы чикләрнең урынын тасвирлау турындагы килешүдә беркетелгән. Бу хакта « Башинформ » агентлыгы Дәүләт Җыены — Башкортстан Корылтае матбугат хезмәтенә сылтама белән хәбәр итә. «Башкортстан һәм Чиләбе өлкәсе чигендә безнең республика өчен зур тарихи әһәмияткә ия территория бар. Бу урыннарда... Читать дальше...

(Казан, 6 ноябрь, «Татар-информ»). Татарстанда Россиядә эшләми торган көннәр кертелүгә бәйле рәвештә бизнеска ярдәм күрсәтү өчен грант алуга исәп тоткан 25,4 мең эшмәкәр бар. ТР Премьер-министры урынбасары — икътисад министры Мидхәт Шаһиәхмәтов шимбә көнне узган республика Хөкүмәте утырышында шулай дип белдерде. Грант — бер хезмәткәргә хезмәткә түләүнең минималь күләменнән (12 792 сум) чыгып бер тапкыр бирелә торган акча ул. Федераль салым хезмәтенең 3 ноябрьгә булган мәгълүматларыннан күренгәнчә... Читать дальше...

(Казан, 6 ноябрь, «Татар-информ»). SARS-CoV-2 соңгылыкта (плацентада) бик тиз үрчергә мөмкин, бу исә карындагы баланы вакытыннан алдан тудыру яки яралгы үлү куркынычын арттыра. Моны булдырмас өчен, көмәнле хатыннарга прививка ясатырга кирәк. Бу хакта РИА Новости агентлыгы Швейцария вирусология һәм иммунология институты тикшеренүчеләренә сылтама белән хәбәр итә. Берн һәм Лозанна галимнәре коронавирус инфекциясенең соңгылык күзәнәкләренә зыян китерергә һәм анда үрчергә мөмкин икәнлеген ачыклаган. Читать дальше...

(Казан, 6 ноябрь, «Татар-информ»). Татарстан Республикасы Президенты Рөстәм Миңнеханов Халыкара волейбол федерациясе (FIVB) техник директоры Стивен Таттон белән очрашты. Очрашу Татарстан Республикасы Хөкүмәте Йортында узды. Татарстан Президентының матбугат хезмәте хәбәр иткәнчә, яклар Казанда 2022 елгы Волейбол буенча дөнья чемпионаты матчларын әзерләү һәм уздыру мәсьәләләре буенча фикер алыштылар. Ир-атлар командалары арасында Волейбол буенча дөнья чемпионаты Россиядә 2022 елның 26 августыннан 11 сентябренә кадәр узачак. Читать дальше...

(Казан, 6 ноябрь, «Татар-информ»). Бөтендөнья татар конгрессы Бөтенроссия халык санын алу кампаниясе барган көннәрдә кайнар элемтә эшләвен хәбәр итте. «Бу көннәрдә +7 (843) 236-59-16) телефонына шалтыратып яки Бөтендөнья татар конгрессы почтасына (tatar-congress@mail.ru) хат җибәреп, үзегезне кызыксындырган сорауларга җавап алырга мөмкин», диелә бу хәбәрдә.

(Казан, 6 ноябрь, «Татар-информ»). Татарстанда социаль һәм мәдәни өлкә объектларын капиталь ремонтлау буенча республика программаларына 3,5 мең объект кертелгән (3481), ә финанс күләме 23 миллиард сумнан артып китә. Бүгенге көндә алар буенча эшләр күләме 95 процентка үтәлгән. Татарстан Президентының матбугат хезмәте хәбәр иткәнчә, Татарстан Республикасы Хөкүмәте йортында узган республика киңәшмәсендә ТР төзелеш, архитектура һәм ТКХ министры Марат Айзатуллин шулай дип белдерде. Киңәшмәне ТР Президенты Рөстәм Миңнеханов уздырды. Читать дальше...

(Казан, 6 ноябрь, «Татар-информ»). Ноябрь аенда Казанда һава торышы нормадан югары булачак. Күпьеллык күзәтүләрдән күренгәнчә, уртача алганда кар катламы 17-20 ноябрьдә ята. КФУның Экология һәм табигатьтән файдалану институты метеорология, климатология һәм атмосфера экологиясе кафедрасы доценты Тимур Әүхәдиев шул хакта сөйләде. «Ноябрь аенда температура нормадан югарырак булыр, ягъни „плюс“ тамгасы белән 1 градус тирәсе тәшкил итәр дип көтелә. Бу айда температураның күпьеллык нормасы -3,5 градуска тигез», — диде Әүхәдиев. Читать дальше...

(Казан, 6 ноябрь, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 217 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, дүрт кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «60 кеше хастаханәгә озатылган, 157 кеше өендә дәвалана», — диелә ведомство хәбәрендә. Казанда — 121, Чаллыда — 26, Түбән Кама һәм Алабуга районнарында — җидешәр, Кукмара районында — бишәр... Читать дальше...

(Казан, 6 ноябрь, «Татар-информ», Арсений Кәримов). Татарстан Конституциясе көнендә, 6 ноябрьдә, республика Президенты Рөстәм Миңнеханов республикада муниципаль берәмлекләр арасында узган бәйгедә җиңүчеләрне бүләкләде. Җиңүчеләргә район ихтыяҗлары өчен 93 яңа җиңел автомобиль, ә шәһәр округларына җиде микроавтобус тапшырылды. «Без инде күп еллар муниципаль берәмлекләргә ярдәм күрсәтәбез. Соңгы елларда 2,5 меңнән артык яңа автомобиль тапшырылды. Мин муниципалитетларда эшләгән кешеләр безнең таянычыбыз дип саныйм. Читать дальше...

(Казан, 6 ноябрь, «Татар-информ», Полина Шевчук). Россия Тикшерү комитеты башлыгы Александр Бастрыкин Татарстан Тикшерү комитеты җитәкчесенә узган елларда булган, кеше үтерү белән бәйле зур шау-шу кузгаткан кайбер җинаятьләрне тикшерү турында хәбәр итәргә кушты. Бу гаммәви мәгълүмат чараларында хәбәр ителгән һәм ачылмаган җинаятьләр турындагы мәгълүмат белән бәйле. Россия Тикшерү комитетының ТР буенча идарәсе җитәкчесе Валерий Липский мәкаләдә телгә алынган барлык җинаять эшләре буенча доклад тәкъдим итәргә тиеш булачак.

(Казан, 6 ноябрь, «Татар-информ»). Самара өлкәсенең Похвистнево районы Гали мәктәбе укучылары «Татарстан – Яңа гасыр» телеканалында эфирга чыга торган «Башваткыч» интеллектуаль-күңел ачу тамашасының чираттагы чыгарылышын төшерүдә катнашты. «Самар татарлары» сайты хәбәр иткәнчә, педагоглар – И.А.Латыйпов һәм Г.Г.Гозәерова үз көчләрен сынап карады. Сәфәрне оештыруда финанс ярдәме күрсәткәне өчен иганәчеләргә рәхмәт белдерәләр. Гали мәктәбе укытучылары катнашындагы тапшыруны «Татарстан – Яңа гасыр» телеканалында ... Читать дальше...

(Казан, 6 ноябрь, «Татар-информ»). Республикада Covid-19га кагылышлы агымдагы вәзгыять яңа чикләү чаралары кертергә мәҗбүр итә. Бүген бу хакта Татарстан Республикасы Президенты Рөстәм Миңнеханов Татарстан Республикасы Хөкүмәте Йортында узган традицион киңәшмәдә хәбәр итте. ТР Президенты билгеләп үткәнчә, Татарстанда моңарчы кертелгән эш көннәре булмаган режим 7 ноябрьдән соң озайтылмаячак. Шул ук вакытта катгый чикләүләр (кайбер объектлар эшенә һәм тамаша-күңел ачу һәм массакүләм чаралар үткәрүгә)... Читать дальше...

(Казан, 6 ноябрь, «Татар-информ»). Уфада XI «Идел» Халыкара башкорт-татар җыры фестиваль-бәйгесе үтәчәк. Бөтендөнья татар конгрессының матбугат хезмәте хәбәр иткәнчә, проектта югары һәм махсус урта уку йортларының иҗади бүлекләрен тәмамлаган яшьләр һәм студентлар катнаша, алар башкорт яки татар телендә җыр башкарачак. Конкурста 6-15 яшьлек катнашучылар өчен махсус номинация дә (балалар) каралган. Узган ел проект үзенең 10 еллыгын билгеләп үтте. Жюри составына ике республиканың күренекле сәнгать эшлеклеләре (Идрис Газиев... Читать дальше...

(Казан, 6 ноябрь, «Татар-информ», Полина Шевчук). Бүген иртәнге бишләр тирәсендә республиканың Арча районындагы Яңа Ашыт торак пункты янында юл һәлакәте булган. Аварияне күргән кешеләр агентлыкка белдергәнчә, 7нче модельле «Жигули» автомобиленең йөртүчесе зур тизлектә килеп, юл кырыендагы трактор тагылмасына бәрелгән. «Нәтиҗәдә, машина йөртүче һәм пассажир салонда кысылып калган. Аларны машинадан чыгару өчен коткаручыларны чакыртырга туры килгән. Зыян күрүчеләрне салоннан чыгарып, табибларга тапшырганнар», — дип сөйләде шаһитлар.

(Казан, 6 ноябрь, «Татар-информ»). Үзбәкстанның яңадан сайланган Президенты Шәүкәт Мирзияев шимбә көнне ил парламентының ике палатасы уртак утырышында ант бирде. Бу хакта РИА Новости агентлыгы хәбәр итә. Үзбәкстанда Президентны биш елга бер тапкыр сайлыйлар, чираттагы сайлау 24 октябрьдә узды. Үзәк сайлау комиссиясе барлык бюллетеньнәрне санаганнан соң Мирзияевның 80,12 процент тавыш җыеп җиңү яулавы хакында хәбәр итте, тавыш бирүдә сайлаучыларның 80,4 проценты катнашкан. 2016 елда узган сайлауда Мирзияев 88,6 процент тавыш җыйган иде... Читать дальше...