Новости за 01.11.2021

(Казан, 1 ноябрь, «Татар-информ»). Балтач районы командасы бадминтон буенча Арча муниципаль районының ачык шәхси-команда беренчелегендә катнашты һәм уңышлы чыгыш ясады: Азалия Мөхәммәтгалиева — 1нче урын;  Нәргизә Мортазина — 1нче урын;  Баязит Габдуллин — 1нче урын;  Азат Мөхәммәтгалиев — 2нче урын; Рияз Гыйбадуллин — 2нче урын;   Кәрим Газизов — 3нче урын. Гомумкоманда зачетында балтачлылар 1нче урын яулады, дип хәбәрү итә Балтач районы матбугат хезмәте.

(Казан, 1 ноябрь, «Татар-информ», Гөлия Хәсбиуллина). Бүген Казанның «Ак Барс» хоккейчылары Омск шәһәренең «Авангард» командасын 2:1 исәбенә җиңде. Матч Казанның «Татнефть Арена» боз сараенда узды. Әлеге ике команда әле күптән түгел, 22 октябрь көнне, шулай ук Казан бозында очрашкан иде, ул вакытта да җиңүне «Ак Барс» яулады. «Ак Барс» һәм «Авангард» командалары капитаннары Данис Зарипов белән Алексей Емелин кайчандыр бергә уйный иделәр, алар икесе дә — 2009 һәм 2010 елларда «Ак Барс» составында Гагарин Кубогын откан хоккейчылар. Читать дальше...

(Казан, 1 ноябрь, «Татар-информ»). Яшел Үзән шәһәрендә эшләүче яшьләр арасында «Наше время — Безнең заман» телевизион фестиваленең йомгаклау зона этабы узды. Фестивальдә Чүпрәле районының эшләүче яшьләре дә катнашты, дип яза районның матбугат хезмәте. «Бию юнәлеше (ансамбльләр) номинациясендә чүпрәлеләр «Бездә шулай, сездә ничек?» номеры белән чыгыш ясады. «Бию юнәлеше (кече формалар) номинациясендә «Джигитлар» биюе башкарылды. «Музыкаль юнәлеш (ансамбльләр) номинациясендә «Чамрак чух» җыры башкарылды. Читать дальше...

(Казан, 1 ноябрь, «Татар-информ»). «Совет рынка» коммерцияле булмаган партнерлык электр энергиясе өчен түләмәгән өчен штрафларын ике тапкыр арттырырга тәкъдим итте. Бу турыда «Известия» газетасына партнерлык ассоциациясе идарәсе рәисе Максим Быстров хәбәр итә. Аның сүзләренчә, санкцияләрне электр утын сүндерми торган кулланучыларга — торак-коммуналь хуҗалык предприятиеләренә һәм тормыш өчен кирәкле объектларга, шулай ук куркыныч производстволарга таратырга телиләр. «"Совет рынка" коммерцияле булмаган... Читать дальше...

(Казан, 1 ноябрь, «Татар-информ», Эвелина Киселева). 2 ноябрьдән Казанда тәүлек буе эшли торган яңа коронавирус инфекциясенә каршы прививка ясый торган тагын бер пункт ачыла. «Мобиль комплекс бүгеннән Казанның 7нче шәһәр клиник хастаханәсе территориясендә тагын бер вакцинация пункты буларак эшли. Бүген биредә 16.00 сәгатькә кадәр прививка ясатырга була», — диделәр шәһәрнең сәламәтлек саклау идарәсе матбугат хезмәтендә. Иртәгә үк Чуйков урамы, 54 йорт адресы буенча 2 һәм 3 терминаллары арасында 8.00 сәгатьтә мобиль комплекс ачыла... Читать дальше...

(Казан, 1 ноябрь, «Татар-информ», Наталья Рыбакова). Татарстан Халыклар бердәмлеге көне һәм Татарстан Конституция көне бәйрәмнәре бәйле рәвештә бу эш атнасы өч көнгә кыскарды. «Җитештерү календаре буенча 4, 5, 6 һәм 7 ноябрь эшләми торган ял көннәре булып тора. РФ Хезмәт кодексының 112 маддәсе нигезендә 4 ноябрь — Халыклар бердәмлеге көне — ял көне булып тора. Татарстан Республикасы Законы нигезендә 6 ноябрь — Татарстан Республикасы Конституциясе көне эшләми торган бәйрәм көне булып тора», диелгән Татарстан Хезмәт... Читать дальше...

(Казан, 1 ноябрь, «Татар-информ»). Бүген коронавирустан бары тик вакцинация кешеләрне чирнең авыр формасыннан һәм үлем очракларыннан коткара ала. «Хәзер дару препаратларын эшлиләр һәм якын киләчәктә аларны куллана башлаячаклар. Бүген хезмәттәшләр белән шул хакта сөйләштек. Әмма үзеңне саклауның иң яхшы ысулы — вакцинация узу һәм үз вакытында ревакцинация ясату», — диде Россия Президенты Владимир Путин Оборона министрлыгы һәм Оборона һәм сәнәгать комплексы вәкилләре белән киңәшмәдә. Президент сүзләренчә... Читать дальше...

(Казан, 1 ноябрь, «Татар-информ»). Татарстан Президенты Рөстәм Миңнеханов республика Дәүләт архивының кайбер биналарында булды. Ул архивтан бушаган объектларны карады һәм аларны алга таба файдалану мәсьәләсе буенча фикер алышты. ТР Дәүләт архивы үзенең Казан филиаллары фондларын Столбище бистәсендә барлык заманча таләпләр, документларны саклау, туплау һәм исәпкә алу шартлары буенча җиһазландырылган махсус бинага күчерә. Бу хакта республика җитәкчесе матбугат хезмәте хәбәр итә. Президент катнашында... Читать дальше...

(Казан, 1 ноябрь, «Татар-информ», Наталья Рыбакова). 2022 елда Татарстан Хезмәт, халыкны эш белән тәэмин итү һәм социаль яклау министрлыгы социаль ярдәм билгеләү буенча кайбер чараларны Россия Пенсия фондының Татарстан бүлегенә тапшырачак. «Россия Пенсия фондының мәгълүмати технологияләр һәм ресурслар кулланып, «бердәм тәрәзә» принцибы буенча социаль ярдәм чараларына күчү сәбәпле, 2022 елның 1 гыйнварыннан Татарстан Хезмәт, халыкны эш белән тәэмин итү һәм социаль яклау министрлыгы кайбер социаль... Читать дальше...

(Казан, 1 ноябрь, «Татар-информ»). ТР Дәүләт Советы Рәисе Фәрит Мөхәммәтшин РФ Дәүләт Думасының икътисади сәясәт комитеты рәисе Максим Топилин белән очрашты. Бу хакта республика парламентының матбугат хезмәте хәбәр итә. «Депутат хезмәттәшлегенең мондый формасы бер генә көн эшләми. Дәүләт Думасы комитетлары эшчәнлегенең юнәлешләренә ярашлы рәвештә Дәүләт Думасы депутатлары яки РФ сенаторлары җитәкләгән эшче төркемнәр барлыкка килә, алар Федераль Җыенда республиканы тәкъдим итә. Эш төркемнәре составына Дәүләт Советы депутатлары... Читать дальше...

(Казан, 1 ноябрь, «Татар-информ»). Россия 2021 елның языннан Covid-19 коронавирусы пандемиясенең бишенче фазасында тора. Бу хакта РФ Куркынычсызлык советы рәисе урынбасары, элеккеге президент һәм элеккеге премьер Дмитрий Медведев «Россия газетасында» басылган «Бер пандемиянең алты сабагы» мәкаләсендә белдерде. «Пандемиянең бишенче фазасына без бу елның язында кердек, һәм бу чор һаман да дәвам итә. Хәзер без авыручыларның чираттагы тапкыр артуын күзәтәбез <…>, — диде сәясәтче. Шул ук вакытта... Читать дальше...

(Казан, 1 ноябрь, «Татар-информ»). «Болгар радиосы» IX Милли музыкаль премиясен тапшыру тантанасы онлайн форматта уза. Премияне онлайн форматта уздыру — радио өчен беренче тәҗрибә түгел. Билгеле булганча, эпидимиологик хәл сәбәпле 2020 елның музыкаль премиясе дә онлайн форматта узды. Узган елны статистик мәгълүмат буенча онлайн концертны уртача 600 меңләп кеше караган. Айфон да уйнатылган иде. Быел да «Болгар радиосы» Милли музыкаль премиясе «Кайнар хит» җиңүчеләренә, зәвыклы җырчыларга «Алтын йолдыз» тапшыру белән генә чикләнми. Читать дальше...

(Казан, 1 ноябрь, «Татар-информ»). Онкологик авырулар коронавирустан вакцинация өчен каршылык түгел. Шуңа да карамастан, авыручыларга химиотерапия курсын үткәнче яки аннан соң бер ай үткәч, прививка ясарга кирәк. Бу хакта ТАСС сораштырылган экспертларга сылтама белән хәбәр итә. «Бүген онкология авырулары вакцинация өчен каршылык булып саналмый. Бүгенге көндә дә онкология белән авыручылар өчен чикләүләр юк, химиотерапиядә булганнардан тыш. Аларга бераз вакыт тыелып торырга һәм йоктырмас өчен элемтәләрне максималь рәвештә чикләргә киңәш ителә»... Читать дальше...

(Казан, 1 ноябрь, «Татар-информ»). Транспортны куркыныч йөрткән өчен РФ административ хокук бозулар турында яңа кодекста каралган штраф 3 мең сум тәшкил итәчәк. «Юлларда тәртипне сакламау һәм куркыныч маневрлар ясау 2016 елдан бирле гамәлдә булган хокукый билгеләмәне генә түгел, ә тәгаен чикләү чараларын да алырга мөмкин. Алар яңа административ хокук бозулар турында яңа кодекс проектында тәкъдим ителде», — дип китерә Федерация Советының конституцион законнар комитеты рәисенең беренче урынбасары Ирина Рукавишникова сүзләрен РИА Новости. Читать дальше...

(Казан, 1 ноябрь, «Татар-информ», Ләйсән Рәхмәтуллина). «Мәдәни җомга» баш редакторы Вахит Имамов Башкортстанның төньяк-көнбатыш районнарында бер генә башкорт авылы бар икәнен әйтте. «Мисалга Бүздәк районын китерәм. Анда 79 авыл бар. Шуның берсе генә чиста башкорт авылы, ләкин җанисәп буенча 53-57 процент башкортлар яши дип әйтәләр. Кушнаренко районының 79 авылының берсе дә башкорт авылы түгел», — ди Вахит Имамов «Татар-информ» мәгълүмат агентлыгында узган матбугат конференциясендә. Баш мөхәррир... Читать дальше...

(Казан, 1 ноябрь, «Татар-информ», Ләйсән Рәхмәтуллина). «Казан утлары» журналы баш мөхәррире Рөстәм Галиуллин Башкортстан китапханәләрендә татар китаплары юк диярлек, дип белдерде. Бу хакта татар газета-журналлары баш мөхәррирләренең Башкортстан сәфәренә багышланган матбугат конференциясендә әйтелде. «Безне Башкортстан китапханәләрендәге әдәби китаплар торышы борчый иде. Кайсы гына авылга барсак та, китапханәгә кермичә үтмәдек. 80-90 процент китапханәләрдә соңгы татар китабы 70-80 нче елларда килгән китаплар. Читать дальше...

(Казан, 1 ноябрь, «Татар-информ», Ләйсән Рәхмәтуллина). «Безнең мирас» журналы баш мөхәррире Ләбиб Лерон татар-башкорт шәхесләренең исемнәрен торгызырга кирәк дип саный. Бу хакта ул татар газета-журналлары баш мөхәррирләренең Башкортстан сәфәренә багышланган матбугат конференциясендә әйтте. «Уртак халыкның, башкорт белән татарның шушы шәхесләрне зурлап һәйкәлләр кую, урам исемнәрен бирү, музейлар булдырырга кирәк. Безгә ике милләт арасына чөй тыгып яшәү кирәкми», — ди «Безнең мирас» журналы баш мөхәррире. Читать дальше...

(Казан, 1 ноябрь, «Татар-информ»). Казанда бүген Күп функцияле үзәкнең яңа офисы ачылды. Ул бер көндә меңнән артык гариза бирүчене кабул итә алачак. Ул Чистай урамында, 5 нче Яңа күпфункцияле үзәк Ямашев, 82 адресы буенча ябылган «Яңа Савин» бүлеге графигы буенча эшли. Бу хакта Күп функцияле үзәкнең матбугат хезмәте хәбәр итә. Татарстанның Күп функцияле үзәк директоры Ленара Мозаффарова аңлатуынча, коллектив мөрәҗәгать итүчеләрне иркенрәк һәм уңайлырак бинада кабул итә.  «Минемчә, яңа офиска элек... Читать дальше...

(Казан, 1 ноябрь, «Татар-информ», Полина Шевчук). Республика клиник хастаханәсендә Чаллыда газ шартлаган фатир хуҗасы үлгән. Республика клиник хастаханәсендә «Татар-информ» агентлыгына хәбәр итүләренчә, ир-ат интенсив терапия палатасында яткан. Табиблар атна дәвамында аның гомере өчен көрәште, әмма бүген төнлә сәгать өчтә Чаллы кешесе үлгән. «Татар-информ» мәгълүмат агентлыгы хәбәр иткәнчә, 25 октябрьдә Чаллының Татарстан урамындагы биш катлы йортларның берсендә шартлау булды. Нәтиҗәдә 22 яшьлек кыз һәлак булды. Читать дальше...

(Казан, 1 ноябрь, «Татар-информ»). Узган тәүлектә Татарстанда коронавирус йоктыруның 189 яңа очрагы теркәлгән. Ике кеше чирне республикадан читтә йоктырган, калганнары авыру кеше белән аралашканда эләктергән. «54 кеше хастаханәгә салынган, 135 кеше өйдә дәвалана», диелә Татарстан Сәламәтлек саклау министрлыгының матбугат хезмәте хәбәрендә. Авыручыларны күбесе Казанда теркәлгән, анда 107 кеше ковид йоктырган. Чаллыда 28, Чистай районында алты, Алабуга, Яшел Үзән, Лаеш, Түбән Кама һәм Спас районнарында... Читать дальше...

(Казан, 1 ноябрь, «Татар-информ»). Татарстан Президенты Рөстәм Миңнеханов халык санын алуда катнашты. Моның өчен республика җитәкчесе күп функцияле үзәктә исәпкә алу участогында булды.  «Бөтенроссия халык санын алуда катнаштым! Моны күп функцияле үзәктә, „Дәүләт хезмәтләре“ порталында эшләргә яки исәпкә алучының өйгә килгәнен көтәргә мөмкин», — дип язган Рөстәм Миңнеханов инстаграмдагы сәхифәсендә. Бөтенроссия халык санын алу 15 октябрьдә башланды һәм 14 ноябрьгә кадәр дәвам итәчәк. Татарстанда стационар исәпкә алу участоклары оештырылган... Читать дальше...

(Казан, 1 ноябрь, «Татар-информ»). Татарстан Президенты Рөстәм Миңнеханов Төбәкара клиник-диагностика үзәгендә булды. 15 ел эшләү дәверендә биредә 77 меңнән артык операция үткәрелгән. Рөстәм Миңнеханов операция һәм реанимация блогында булды. «Әйдәп баручы хирурглар үзләре эшли торган инструментарийларны күрсәтте, шулай ук операцияләр ясау буенча яңа технологияләр турында сөйләделәр, аерым алганда, борын аша баш миенә операция турында», — дип хәбәр итте Президентның матбугат хезмәте җитәкчесе Лилия Галимова. Читать дальше...

(Казан, 1 ноябрь, «Татар-информ»). Татарстан Президенты Рөстәм Миңнеханов Казанның Тынычлык бистәсендә чаңгы узышлары һәм биатлон буенча спорт комплексы төзелешенең барышы белән танышты. «Рөстәм Миңнехановка комплекс концепциясен тәкъдим иттеләр, башкарылган эшләр турында җиткерделәр, алар тәмамлану стадиясендә», диелә республика җитәкчесенең матбугат хезмәте хәбәрендә.  Президент чаңгы прокаты пунктын, биатлон һәм ату өчен спорт коралын саклау бүлмәсен карады. Рөстәм Миңнеханов төзелеш темпларын... Читать дальше...

(Казан, 1 ноябрь, «Татар-информ», Эльза Кузнецова). Чаллыда объектларда ковидка каршы чараларны үтәү буенча эш дәвам итә. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәт 17 оешма һәм предприятиене тикшерде, аларның бишесендә кагыйдәләрне бозу очраклары ачыкланды. «Барлыгы 17 объект тикшерелде. Биш объектта ковидка каршы кагыйдәләрне бозу ачыкланган, вазифаи затларны беркетмә төзергә чакырдылар», — диде аппарат киңәшмәсендә Автошәһәрнең баш санитария табибы Илгизәр Бариев. Читать дальше...

(Казан, 1 ноябрь, «Татар-информ», Эльза Кузнецова). Чаллыда 48/20нче йортта газ шартлаганнан соң, шәһәр мэры Наил Мәһдиев һәр фатирны тикшерергә йөкләде. «Муниципалитетның бурычы — тикшерү үткәрү. Бу эшне барлык торак йортларда, барлык фатирларда оештырырга кирәк.Бу атнада күпчелек гражданнар өйләрендә булачак», — диде шәһәр мэры бүген аппарат киңәшмәсендә. Мәһдиев сүзләренчә, тикшеренүне физиологик үзенчәлекләре аркасында адекват булмаулары белән аерылып торган гражданнарның фатирыннан башларга кирәк. Читать дальше...