Казанда тәүлек буе эшли торган икенче вакцинация пункты ачыла

(Казан, 1 ноябрь, «Татар-информ», Эвелина Киселева). 2 ноябрьдән Казанда тәүлек буе эшли торган яңа коронавирус инфекциясенә каршы прививка ясый торган тагын бер пункт ачыла. «Мобиль комплекс бүгеннән Казанның 7нче шәһәр клиник хастаханәсе территориясендә тагын бер вакцинация пункты буларак эшли. Бүген биредә 16.00 сәгатькә кадәр прививка ясатырга була», — диделәр шәһәрнең сәламәтлек саклау идарәсе матбугат хезмәтендә. Иртәгә үк Чуйков урамы, 54 йорт адресы буенча 2 һәм 3 терминаллары арасында 8.00 сәгатьтә мобиль комплекс ачыла, көн саен һәм тәүлек буе алдан язылмыйча гына халыкны кабул итүне дәвам итәчәк. Мобиль комплекс эчендә урнашкан бүлмәләр буенча маршурт: элек терәү урыны (2 бүлмә), 3,4,5 бүлмәләрдә терапевтка күренергә, 6,7 бүлмәләрдә вакцинация ясатырга була. Клиникада көтеп утыру урыны да каралган. Комплекс белән янәшә җылы палата куелган. Сәламәтлек саклау идарәсендә бу комплекска килү өчен алдан язылырга кирәк булмавын, ә 7нче хастаханәгә яки поликлиникага прививкага язылучылар нәкъ бирегә килергә тиешлеген искәрттеләр. Шулай итеп, 7 хастаханәдә 312 бүлмәдә, 2нче поликлиникада 217 бүлмәдә кабул итәләр. Искәртик, тәүлек буе эшли торган беренче вакцинация пункты «Мега» үзәгендә ачылды.