Новости за 19.09.2021

(Казан, 19 сентябрь, «Татар-информ»). Идел буе Болгар дәүләтендә ислам динен кабул итүнең 1100 еллыгын бәйрәм итү алдыннан Балтач мөхтәсибәтенең Бөрбаш авылы мәхәлләсе 1100 төп агач утыртачак. Татарстан мөселманнары Диния нәзарәте матбугат хезмәте хәбәр иткәнчә, акциядә районның башка мәчетләре дә катнашачак. Татарстанның баш казые, Балтач районы имам-мөхтәсибе Җәлил хәзрәт Фазлыев республика мөхтәсибләренә бу акциягә мәктәп укучыларын җәлеп итәргә киңәш итте.  Балтач районында агачларны якын... Читать дальше...

(Казан, 19 сентябрь, «Татар-информ», Зилә Мөбәрәкшина). Татарстан Республикасы Үзәк сайлау комиссиясе рәисе Андрей Кондратьев сүзләренчә, Россия Федерациясенең Федераль Җыены Дәүләт Думасына VIII чакырылыш депутатларын сайлауларда республика халкының 10 проценты өйдән тавыш биргән. «Халык өйдән тавыш бирүне кулайрак саный. Татарстан халкының 10 проценты өйдән тавыш бирде. Бу пандемия белән дә бәйле, икенче яктан, онлайн тавыш бирү уңай да. Яшьләр дә калышмый, тавыш бирүдә актив катнаша. Алар күзәтүчеләр арасында да бар... Читать дальше...

(Казан, 19 сентябрь, «Татар-информ»). Чаллы шәһәрендә «Челныгорстрой» тукталышыннан соң ГЭС бистәсе юнәлешендәге юлда дүрт автомобиль бәрелешкән. Шаһитлар авария урыныннан «Татар-информ» агентлыгына җибәргән фотода күренгәнчә, Volkswagen Tiguan автомобиле һәм өч «Лада» машинасы бәрелешкән. Зыян күрүчеләрнең берсе җимерелгән автомобильдә кысылып калган. Шаһитлар сүзләренчә, аны коткаручылар чыгарган, аннары ашыгыч ярдәм машинасы хастаханәгә алып киткән. Юл-транспорт һәлакәте шаһитлары сүзләренчә, өч кеше төрле дәрәҗәдә имгәнгән.

(Казан, 19 сентябрь, «Татар-информ»). Быел антициклоннар йогынтысында, Россиядә кыш салкын булачак. Бу хакта URA.RU агентлыгына «Үзәк Гидрометеорология һәм әйләнә-тирә мохитне күзәтү үзәге» ФДБУ метеорология һәм климат бүлеге башлыгы Николай Терешонок сөйләде.  «Антициклонлы һава торышы өстенлек итү ихтималы бар һәм, көчле салкыннар булырга мөмкин, — диде климатолог. Европада да шул ук хәл. Минем фикеремчә, бу хәл Ла-Манштан алып Уралга кадәр булыр». Бөтендөнья кыргый табигать фондының климат... Читать дальше...

(Казан, 19 сентябрь, «Татар-информ»). Дәүләт Думасына сайлауларның икенче көнендә Россия сайлаучыларының 31 проценттан артыгы тавыш биргән. Үзәк сайлау комиссиясенә сылтама белән РИА Новости хәбәр иткәнчә, Мәскәү вакыты белән 20.00 сәгатькә булган мәгълүматлар буенча Россиядә сайлачуыларның 31,51 проценты тавыш бирергә килгән. Бу санга электрон тавыш бирүчеләр кермәгән. «Татар-информ» агентлыгы хәбәр иткәнчә, ике көндә Татарстанда сайлаучыларның 57 проценттан артыгы тавыш биргән.

(Чаллы, 19 сентябрь, «Татар-информ», « Шәһри Чаллы »). Чаллыда балалар бакчаларын ремонтлау программасы үтәлде. Шушы көннәрдә «Канәфер» 75нче балалар бакчасын ачу тантанасы узды. Капиталь ремонтны «Евростиль» компаниясе төзүчеләре башкарды. Бакча 43 ел элек төзелгән, бу вакыт эчендә биредә капиталь ремонт үткәрелмәгән. Балалар бакчасы мөдире Айгөл Ногманова мэрга ремонтка кадәр һәм ремонттан соң барлыкка килгән аерымлыкларны чагылдыручы фотографияләрне күрсәтте. Бүгенге көндә әлеге балалар бакчасында 237 бала шөгыльләнә... Читать дальше...

(Кукмара, 19 сентябрь, «Татар-информ», « Хезмәт даны », Ризилә Корбанова). Кукмарада сайлау көнендә Атлас Булатов исемендәге ял паркында республикада Туган телләр һәм халыклар бердәмлеге елы кысаларында «Сагындыра гармун моңнары» дигән гармунчылар фестиваль-бәйгесе узды. Анда районның төрле авылларыннан ансамбльләр һәм аерым гармунчылар катнашты.  «Районда гармунчылар бәйгесе күптәннән үткәрелеп килә. Бары тик соңгы елларны пандемиягә бәйле рәвештә туктатылып торган иде. Быел без аны кабат яңартырга булдык»... Читать дальше...

(Казан, 19 сентябрь, «Татар-информ»). Удмуртия Республикасының Милли китапханәсе ачылды. Легендар «Ленин исемендәге китапханә»нең янә үз ишекләрен ачу зур шатлык, чөнки бу вакыйганы республика халкы 10 ел көтте. 1958 елда ачылган китапханә бинасы 2011 елда авария хәлендә дип ябылып, фондлар башка биналарга күчерелгән иде. Китапханәне реконструкцияләү 2019 елда башланды. Бу турыда «Яңарыш» газетасы хәбәр итә. Бинада «Удмуртия Республикасының Милли китапханәсе» дип язылган барельеф барлыкка килгән. Читать дальше...