Новости за 08.09.2021

(Аксубай, 8 сентябрь, «Татар-информ», «Авыл таңнары» ). Бүген Аксубай районына эш сәфәре белән Татарстан икътисад министры урынбасары Равил Сираҗиев килде. Район эшләре белән танышу Яңа Ибрай авылында Ильяс Сөләймановның крестьян-фермер хуҗалыгына барудан башланды. Икътисад министрлыгы вәкиле 150 баш сыерга роботлаштырылган югары технологияле ферма бинасын карады, фермердан җитештерү, кадрлар мәсьәләләре белән кызыксынды. Равил Сираҗиев шулай ук «Аксу Агро» ҖЧҖнең сөт комплексында да булды. 2021... Читать дальше...

(Казан, 8 сентябрь, «Татар-информ», Наталья Рыбакова). Бу көздә Татарстанда иң югары хезмәт хакы түләнә торган вакансияләр исемлеге билгеле. «Тәкъдим ителә торган хезмәт хакына караганда, иң кызыклы вакансияләр арасында сәүдә вәкилләре, күчемсез милек буенча белгечләр, проектларның баш инженерлары, исәпләү үзәкләре директорлары бар. Аларның хезмәт хакы 150 меңнән 300 мең сумга кадәр тирбәлә», — дип хәбәр итте «Татар-информ» мәгълүмат агентлыгына ТР хезмәт, халыкны эш белән тәэмин итү һәм социаль яклау министры урынбасары Клара Таҗетдинова. Читать дальше...

(Казан, 8 сентябрь, «Татар-информ», Гөлия Хәсбиуллина). Бүген «Ак Барс» хоккей командасы Мәскәүнең «ЦСКА» командасына җиңелде. Матч исәбе — 1:2. Уен Казанда «Татнефть Арена» боз сараенда узды. Моңа хәтле «Ак Барс» рәттән ике уенда җиңелгән иде, ә «ЦСКА», киресенчә, өченче уенында җиңде. Командаларга яңа сезонда беренче тапкыр өстәмә вакыт бирелде, хәлиткеч алка шунда керде. Беренче периодта голлар булмады. Икенче периодның тугызынчы минутында «Ак Барс» һөҗүмчесе Дмитрий Кагарлицкий исәпне ачты (1:0). Читать дальше...

(Казан, 8 сентябрь, «Татар-информ»). Ульяновск өлкәсенең Павловка районы Евлейка авылында туып үскән, хәзер Яңа шәһәрдә гомер итүче Рәшит Шабакаевның «Үткән еллар, үткән юллар…» дип исемләнгән шигъри җыентыгы дөнья күрде. «Өмет» газетасы хәбәр иткәнчә, автор әлеге китабын хәләл җефете Венера ханым белән 60 ел бергә гомер кичергән чорга багышлый. Каләм иясе үзенең шигырьләрендә ерак томаннар артында калган гөнаһсыз балачагын, гүзәл яшьлеген, кендек каны тамган туфракны, газиз туган авылын сагына. Читать дальше...

(Казан, 8 сентябрь, «Татар-информ»). Россиянең күп кенә төбәкләрендә, шул исәптән Татарстанда да Үзбәкстан мәдәнияте көннәре бара. Алар илнең бәйсезлегенең 30 еллыгына багышлана. Бүген Татарстан Халыкларының дуслык йортында бәйрәм тантанасында Татарстан Дәүләт Советы Рәисе, Татарстан халыклары ассамблеясы советы рәисе Фәрит Мөхәммәтшин, Үзбәкстан Премьер-министры урынбасары Азиз Абдухакимов һәм Үзбәкстанның Казандагы консулы Фариддин Насриев катнашты, дип хәбәр итте Татарстан Дәүләт Советының матбугат хезмәте. Читать дальше...

(Казан, 8 сентябрь, «Татар-информ»). Россиядә яшәүче кайбер кешеләрнең берьюлы ике пенсия алу мөмкинлеге бар. Аның берсе көч ведомстволарыннан, ә икенчесе Россия Пенсия фондыннан түләнәчәк. Россия Пенсия фондына сылтама белән РИА Новости хәбәр иткәнчә, мондый хокукка элеккеге хәрбиләр, прокуратура, Оборона министрлыгы, Эчке эшләр министрлыгы, Иминлек федераль хезмәте һәм башка структура хезмәткәрләре ия. Россия Пенсия фонды линиясе буенча пособие алу өчен дүрт шартны үтәргә кирәк: пенсия яшенә җитәргә... Читать дальше...

(Казан, 8 сентябрь, «Татар-информ»). Башкортстан Баймак районында Ишмөхәммәт авылыннан җиде чакрым ераклыкта 620 гектар мәйданда урманнар яна иде. 20.35 сәгатьтә янгынны сүндереп бетерделәр. Бу хакта Башкортстанның Гадәттән тыш хәлләр министрлыгына сылтама белән «Башинформ» хәбәр итә. «Төп эш локализация буенча барганга күрә, янгыннар бетте. Әгәр локализацияләмәсәк, безнең 50 мең гектар мәйданда урман янар иде. Янгын сүндерүчеләргә, шулай ук урман янгыннарын сүндерергә ярдм иткән кешеләргә зур рәхмәт», — диде Башкортстан Башлыгы Радий Хәбиров. Читать дальше...

(Казан, 8 сентябрь, «Татар-информ»). «Туган як» газетасы хәбәр иткәнчә, Түбән Новогород татарлары Кави Нәҗмигә Уразавылның үзәк мәйданына һәйкәл куелырга тиеш дип саный. Бу турыда Румия Хәмзина яза. Казанда якташ-милләттәшебез, язучы, СССР Дәүләт премиясе лауреаты Кави Нәҗми һәм аның тормыш иптәше, тәрҗемәче Сәрвәр Әдһәмованың истәлегенә мемориаль такта ачылды . Тантаналы чарада Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев, республиканың бөтен сәяси җитәкчелеге һәм иҗади интеллигенция вәкилләре катнашты. Читать дальше...

(Казан, 8 сентябрь, «Татар-информ», Дарья Сәйфиева). Татарстанның Менделеевск муниципаль районы сәнәгать өлкәсендә дә, авыл хуҗалыгында да уңышлы үсеш ала. Бу хакта ТР Дәүләт Советы Рәисе Фәрит Мөхәммәтшин район җәмәгатьчелеге вәкилләре белән очрашуда әйтте. Татарстан парламенты башлыгы сүзләренчә, муниципалитетның күп кенә производстволары бүгенге көнгә модернизацияләнгән, ә районда уртача хезмәт хакы республика буенча уртача күрсәткечтән югарырак. «Менделеевск районы — Президент программаларын гамәлгә ашыру буенча алдынгылар рәтендә... Читать дальше...

(Казан, 8 сентябрь, «Татар-информ»). 11 сентябрьдә Самара өлкәсе Камышлы районының Иске Ярмәк авылы клубында Мәдәният шимбәсе дигән чара үтәчәк. «Самара татарлары» сайтында чараның программасы чыкты. 14 сәгатьтә Илшат Галимов чыбыркы үрү буенча мастер-класс уздыра. 16 сәгатьтә «Яшьлегем эзләреннән» дип аталган ретро-концерт була. 17.00 сәгатьтә Наил Галимуллин «Ярмәк вагы»н биергә өйрәтә. Бу хакта авылның Халикъ Садри исемендәге Мәдәният йорты хәбәр итә.

(Казан, 8 сентябрь, «Татар-информ»). Бүген Татарстан Дәүләт Советы Рәисе Фәрит Мөхәммәтшин Менделеевск районында булды, анда ул Президент программаларын гамәлгә ашыру белән танышты . Менделеевск үзәк район хастаханәсе табиблары авылдагы белгечләр өчен җир бирү турында законга үзгәреш кертергә сорады. Фәрит Мөхәммәтшин капиталь ремонттан соң ачылган район хастаханәсендә булды, табиблар һәм медицина персоналы белән аралашты, яңа архив бинасын ачу тантанасында катнашты, шулай ук район активы белән очрашты. Читать дальше...

(Казан, 8 сентябрь, «Татар-информ», Арсений Кәримов). Соңгы елларда Казанда берничә зур спорт вакыйгасын уздырганнан соң җитди спорт инфраструктурасы формалашты. Шуның ярдәмендә Татарстан башкаласы 2036 елгы җәйге Олимпия уеннарын кабул итәргә әзер. Бу хакта Татарстан Президенты Рөстәм Миңнеханов «Матч ТВ» телеканалы эфирында әйтте. Ул эфирда виртуаль рәвештә катнашты. «Олимпия уеннарына килгәндә, мин мондый зур вакыйгалар узганнан соң бернинди проблема да күрмим. Спорт һәм транспорт инфраструктурасы... Читать дальше...

(Казан, 8 сентябрь, «Татар-информ»). Россия мөселманнары Диния нәзарәте рәисе Мөфти Шәех Равил Гайнетдин Татарстанның халык артисты, Кырым Республикасы атказанган сәнгать эшлеклесе, Муса Җәлил исемендәге премия лауреаты Гөлзада Сафиуллинаны юбилее белән котлады. Бу турыда Россия Мөфтиләр шурасы матбугат хезмәте хәбәр итә. «Мөхтәрәм Гомәр кызы Гөлзада ханым! Тормышыгызның олуг юбилее уңаеннан Сезне ихлас калбемнән котлыйм вә бүгенге истәлекле көндә Сезгә дөнья вә ахыйрәт бәхет-сәгадәте, җан вә тән сәламәтлеге... Читать дальше...

(Казан, 8 сентябрь, «Татар-информ»). Татарстан Президенты Рөстәм Миңнеханов Халыкара компьютер спорты федерациясе генераль секретаре, идарә әгъзасы Бобан Тотовски белән очрашты. Очрашу «Казан Экспо»да «Россия — спорт державасы» форумы кысаларында узды. Әңгәмә барышында Рөстәм Миңнеханов һәм Бобан Тотовски Казанда киберспорт буенча дөнья чемпионатын уздыру перспективалары турында фикер алыштылар. Бу турыда Татарстан Президентының матбугат хезмәте хәбәр итте. International e-Sports Federation (IESF) — 2008 елда оештырылган халыкара спорт оешмасы.

(Казан, 8 сентябрь, «Татар-информ»). 8 сентябрьдә «Казан-Экспо» күргәзмәләр үзәгендә «Спорт дөньясы» фестивале башланды. Анда футбол буенча Россия җыелма командасының элеккеге баш тренеры Леонид Слуцкий булды. Бирегә Россия спорт министры урынбасары Одес Байсултанов та килде. Слуцкий булачак спортчылар өчен күрсәтмә күнегүләр үткәрде һәм футболда зур нәтиҗәләргә ирешү турында сөйләде, дип хәбәр итте оештыручылар. Фестивальнең «Вконтакте» төркемендә хәбәр итүләренчә, фигуристлар Алексей Ягудин һәм Татьяна Тотьмянина... Читать дальше...

(Казан, 8 сентябрь, «Татар-информ»). Бүген Татарстан Президенты Рөстәм Миңнеханов Казанда Россия Олимпия комитеты президенты Станислав Поздняков белән очрашты. Очрашу «Казан Экспо» күргәзмә үзәгендә «Россия - спорт державасы» форумында узды. Алар Татарстан спортчыларының Россия җыелма командасы составында Токиодагы Олимпия уеннарында чыгыш ясау нәтиҗәләре, аларны Пекинда 2022 елда узачак кышкы Олимпия уеннарына әзерләү турында фикер алышты. хакында да сөйләште. Бу хакта Татарстан Президенты матбугат хезмәте хәбәр итә. Читать дальше...

(Казан, 8 сентябрь, «Татар-информ»). Ленинград блокадасы корбаннарын искә алу көне 8 сентябрьдә билгеләп үтелә. Петербург татарлары Муса Җәлил һәйкәле янына җыелды. Татарстанның Санкт-Петербургтагы һәм Ленинград өлкәсендәге даими вәкиле Ренат Вәлиуллин татар җәмәгатьчелеге активистлары белән бергә Ленинград һәм Волхов фронтларында сугышкан Муса Җәлил һәйкәленә чәчәкләр салды. Бу турыда Татарстанның Санкт-Петербургтагы һәм Ленинград өлкәсендәге даими вәкиллеге матбугат хезмәте хәбәр итә. Муса... Читать дальше...

(Казан, 8 сентябрь, «Татар-информ», Дарья Сәйфиева). Татарстан Дәүләт Советы Рәисе Фәрит Мөхәммәтшин Менделеевск районы башлыгы Валерий Чершинцев белән бергә Химиклар урамындагы ишегалды территориясен төзекләндерү эшләренең барышы белән танышты. Бу ишегалды «Безнең ишегалды» республика программасына кертелгән. Йортта яшәүчеләр белән килештерелгән проект кысаларында балалар һәм спорт мәйданчыкларын төзекләндерү, яңа тротуарлар ясау, эскәмияләр һәм чүп савытлары кую, яңа асфальт җәю һәм машина кую өчен өстәмә урыннар булдыру планлаштырыла. Читать дальше...

(Казан, 8 сентябрь, «Татар-информ»). Татарстан Президенты Рөстәм Миңнеханов Россия Гадәттән тыш хәлләр министрлыгы башлыгы Евгений Зиничев вафатына бәйле рәвештә кайгы уртаклашуын белдерде. Ул мәрхүм министрның хатыны Натальяга шул хакта телеграмма җибәрде. «Ирегез, Россия гражданнар оборонасы эшләре, гадәттән тыш хәлләр һәм табигый бәла-каза нәтиҗәләрен бетерү министры, армия генералы Евгений Николаевич Зиничевның һәлак булуы турындагы хәбәрне ишетеп тетрәндем», — диде ТР Президенты. «Дәүләт... Читать дальше...

(Казан, 8 сентябрь, «Татар-информ»). Ульяновск өлкәсе татарларының «Өмет» газетасы өлкәнең Татар милли-мәдәни автономиясенең Яңа Малыклы район советы җитәкчесе Ринат Сәйфетдиновка 7 сентябрьдә 65 яшь тулуын хәбәр итте. Танылган милләттәшебез Ринат Сәйфетдинов гомере буе туган җиренә тугрылык саклап яши. Ул озак еллар район күләмендә җитәкче урыннарда эшли. Ә соңгы егерме ел дәвамында татар милли-мәдәни автономиясенең җирле бүлекчәсен әйдәп бара. Ринат Сәйфетдинов 1956 елның 7 сентябрендә Яңа Малыклы районы Урта Исәнтимер авылында дөньяга килә. Читать дальше...

(Казан, 8 сентябрь, «Татар-информ», Эвелина Киселева). Иртәгә Казан метрополитены станцияләре янында Covid-19 коронавирусына каршы вакцинация мобиль пунктлары эшләүдән вакытлыча туктаячак. «Салкынайту сәбәпле, 9 сентябрьдән метро станцияләре янында вакцинация пунктлары вакытлыча эшләүдән туктый. Көннәр җылыткан очракта мобиль бригадалар үз эшләрен яңадан башлаячак», — дип аңлаттылар «Татар-информ» мәгълүмат агентлыгы хәбәрчесенә Татарстан Сәламәтлек саклау идарәсе матбугат хезмәтендә. Метро янында... Читать дальше...

(Казан, 8 сентябрь, «Татар-информ»). Бүген, 8 сентябрьдә, рәссам, каллиграф, Россия һәм Татарстан Рәссамнар берлеге әгъзасы Зөлфия Мөхәммәтдинованы соңгы юлга озаттылар. Ул кичә үз фатирында вафат булган. Рәссамга 62 яшь иде. Бу турыда «Челнинские известия» хәбәр итә. Якыннары сүзләренчә, ул соңгы вакытта йөрәге авыртуга зарланган. Зөлфия Хафиз кызы Мөхәммәтдинова Мөслим районының Метрәй авылында туган. Ул Лениногорск музыка-сәнгать училищесын тәмамлаган. Татар милли сәнгате шамаилны яңадан торгызучы буларак билгеле. Читать дальше...

(Казан, 8 сентябрь, «Татар-информ»). Яңа коронавирус инфекциясе белән авырган кешеләрнең 20 процентка якыны тире авырулары белән чирли. «Галимнәрнең тикшеренүләрендә тире авырулары яңа коронавирус инфекциясе белән чирләгән пациентларның 20 процентында барлыкка килүе турында язылган», — диде Covid-19ка каршы көрәш буенча оператив штаб аккаунтында махсус туры эфирда табиб-дерматовенеролог, косметолог Гөлнар Яфясова. Шул ук вакытта тире авыруларының төрлесе — кан тамырлары авыруларыннан алып алсу төстәге лишайга кадәр булырга мөмкин. Читать дальше...

(Казан, 8 сентябрь, «Татар-информ»). Бүген Татарстан Президенты Рөстәм Миңнеханов РФ Президенты ярдәмчесе Игорь Левитин һәм ФИНА президенты Хөсәен Әл-Мусаллам белән «Казан Экспо»да «Россия — спорт державасы» форумында очрашты. Бу хакта республика җитәкчесенең матбугат хезмәте хәбәр итә. Рөстәм Миңнеханов Татарстан белән ФИНА арасындагы мөнәсәбәтләрнең бай тарихын билгеләп үтте. «ФИНА коллегаларыбыз белән берлектә уздырылган барлык чаралар югары дәрәҗәдә оештырылган иде. Безнең дустанә мөнәсәбәтләребез ныгыр гына дип өметләнәбез», — диде ул. Читать дальше...

(Казан, 8 сентябрь, «Татар-информ», Рузилә Мөхәммәтова). Казан халыкара мөселман киносы фестивалендә синди телендә төшерелгән бердәнбер нәфис фильм - Рахул Айджазның «Поездлар чүлне кисеп үтә» кыска метражлы фильмы күрсәтелде. Автор әсәрен төзәлмәс чирдән вафат булган абыйсы истәлегенә төшергән. Рахул Айджаз Пакистанда һәм Һиндстанда яшәүче синди милләте вәкиле. Бу югалып баручы телләрнең берсенә керә. «Синди шактый киң таралган мәдәният булса да, бу телдә бер генә кино да төшерелмәгән», — ди режиссер. Читать дальше...