Новости за 11.09.2021

(Казан, 11 сентябрь, «Татар-информ») Язучы Рәхимә Арсланованың «Дүрт җайдак» исемле балалар өчен язылган шигырьләр китабы чыкты. Китап балалар өчен генә түгел, аларның әти-әниләренә һәм укытучыларга да кызыклы булыр дип саныйбыз, дип хәбәр итә Татарстан Язучылар берлеге матбугат хезмәте.

(Казан, 11 сентябрь, «Татар-информ»). Мәскәүнең Дәүләт Көнчыгыш музеенда «Изге урыннар образы. Мәккә һәм Мәдинә – ислам рәсем сәнгате һәйкәлләрендә» дигән күргәзмә ачылды. Бу хакта Россия мөселманнары Диния нәзарәтенең матбугат хезмәте хәбәр итә. Экспозициядә Мәскәү, Казан, Новосибирск һәм Ялтадагы коллекцияләрдә сакланучы XVIII-XIX йөзләргә караган ислам кулъязмаларының моңарчы билгеле булмаган миниатюраларын, шулай ук Көнчыгыш музее, Казан җыелмалары һәм Мәрҗани фонды коллекцияләреннән алынган татар... Читать дальше...

(Казан, 11 сентябрь, «Татар-информ», Гөлия Хәсбиуллина). Кичә Нур медиасәнгать фестивалендә Казанның утлы музыка сәнгатен югары дәрәҗәгә күтәрүчеләрне искә алдылар.  Милли китапханәдә «Прометей» студентлар конструкторлык бюросы хакында документаль фильм премьерасы күрсәтелде. «Прометей. Казан уты поэмасы» документаль фильмында Булат Галиевның ут һәм музыка кушылган тамашаларны зур мәйданга чыгаруы әйтелде. «Прометей»да бергә эшләгән вакытларын аның чордашлары искә алды. Фильмда күрсәтелгәнчә, Булат... Читать дальше...

(Казан, 11 сентябрь, «Татар-информ», Гөлия Хәсбиуллина). Бүген «Ак Барс» хоккейчылары «Витязь» командасын 2:1 исәбенә җиңде.  Матч Подольск шәһәрендә узды. Моңа хәтле «Ак Барс» Казанда рәттән өч уенда җиңелгән иде. Беренче период. Унөченче минутта, Казан командасы һөҗүмчесе Пер Линдхольм исәпне ачты (0:1).  Икенче период голларсыз үтте. Өченче период . Җиденче минутта, «Витязь» күпчелектә уйнаганда, Даниэль Одетт исәпне тигезләштерә алды (1:1). Өч периодтан соң командаларга өстәмә вакыт бирелде. Читать дальше...

(Казан, 11 сентябрь, "Татар-информ"). Яшьләр эшләре министрының беренче урынбасары Тимур Сөләйманов яшьләр эшләре министры итеп билгеләнде. Бу хакта "Татар-информ" агентлыгына үз чыганакларыннан билгеле булды. Яшьләр эшләре министры Дамир Фәттахов 9 сентябрьдә яшьләр эшләре буенча федераль агентлык җитәкчесе урынбасары вазифасына билгеләнгән иде. Тимур Җәүдәт улы Сөләйманов 1987 елның 4 гыйнварында Казанда туган. Казан дәүләт университетының икътисад һәм Гранада шәһәре (Испания) университетының икътисад факультетын тәмамлый... Читать дальше...

(Казан, 11 сентябрь, «Татар-информ», « Өмет »). Россия Хөкүмәте рәисе урынбасары Марат Хөснуллин Ульяновскига эш сәфәре вакытында шәһәр яшьләре белән очрашты. Ул егет-кызларга төзүче һөнәренең үзенчәлекләре турында сөйләде. Әлеге очрашу илебез данлыклы кешеләренең яшьләр өчен лекция-экскурсияләре циклы кысаларында оештырылган иде. Аны Россиянең «Белем» («Знание») җәмгыяте үткәрә. Очрашуда Президентның «Россия — мөмкинлекләр иле» платформасына кергән «Твой ход» һәм «Большая перемена» проекты активистлары катнашты. Читать дальше...

(Әлки, 11 сентябрь, «Татар-информ», « Әлки хәбәрләре », Ләйлә Әхмәтшина). Әлки районында Актай ярларын ныгыту, төбен тирәнәйтү, тирә-ягын тәртипкә китерү мәсьәләсе гел күтәрелә килде. Һәм ниһаять быел сүздән эшкә күчтеләр: республиканың «Татмелиоводострой» җәмгыяте көчле техника ярдәмендә Актай ярларын ныгытуга кереште. «Елганың буадан Үзәк Усадьбага кадәр өлешен төзекләндерүгә республика бюджетыннан акча бүлеп бирелде. Быелга план буенча ярларны карт агачлардан, куе үскән куаклыклардан чистарту... Читать дальше...

(Әгерҗе, 11 сентябрь, «Татар-информ», « Әгерҗе хәбәрләре »). Әгерҗе районының Көчек авылында фельдшерлык-акушерлык пункты ачылды. Бу — районда республика программасы буенча ачылган ундүртенче медицина учреждениесе. Көчек авылында яшәүчеләрнең шатлыгын уртаклашырга район башлыгы Азат Вәлиев та килде. Ул хәзерге вакытта сәламәтлек кеше өчен иң мөһиме булуын әйтте. Хөкүмәт программалары буенча районда бик күп социаль объектларның сафка басуына басым ясады.  Район үзәк хастаханәсе баш табибы Эдуард Овчинников... Читать дальше...

(Яшел Үзән, 11 сентябрь, «Татар-информ», « Яшел Үзән »). Яшел Үзән районы башлыгы Михаил Афанасьев балаларны бакчаларын һәм мәктәпләрне җылылык белән тәэмин итүне йөкләде, традицион көзге уртача тәүлеклек температураны көтеп тормыйча, ягу сезонын башларга кушты. «8 сентябрьдә без Михаил Афанасьев кушуы буенча балалар бакчаларын, мәктәпләрне, өстәмә белем бирү учреждениеләрен һәм Яшел Үзән районының тернәкләндерү үзәкләрен җылылык белән тәэмин итү эшен башладык. Бүгенге көндә балалар бакчасының 80 проценты җылылык белән тәэмин ителгән... Читать дальше...

(Минзәлә, 11 сентябрь, «Татар-информ», «Минзәлә-информ» , Илдус Шаһиев). Россия Дәүләт Думасы депутаты Әлфия Когогина Минзәләнең ике микрорайонын табигый газга тоташтыру тантаналарында катнашып чыгыш ясаганнан соң, шәһәр үзәгенә килгән үзенең мобиль кабул итү пунктында гозерләре белән килгән кешеләр белән очрашты. Район башлыгы Айдар Салахов белән алар үз йортлары янында контейнер мәйданчыгын кую проблемасын күтәргән кешегә аңлатма бирде. Әлфия Когогинага депутатлык эшчәнлеге чорында 1800гә якын мөрәҗәгать кергән булган. Читать дальше...