Новости за 24.08.2021

(Бөгелмә, 24 август, «Татар-информ», «Бөгелмә авазы» ). Чираттагы шәһәр өмәсе Бөгелмәдә планлаштырылган. Бу хакта бүген шәһәр мэриясендә узган эшлекле дүшәмбе вакытында хәбәр иттеләр. Шәһәр урамнарын җыештыру 28 августка планлаштырылган. Хәзерге вакытта җәмәгать киңлекләрен карап тоту, паркларда һәм скверларда чисталык урнаштыру буенча эшләр дәвам итә. Исегезгә төшерәбез, 21 августта шәһәр һәм районда күмәк өмә үткәрелде. Анда предприятиеләр, иҗтимагый оешмалар, волонтерлар һәм битараф булмаган гражданнар катнашты. Читать дальше...

(Арча, 24 август, «Татар-информ», « Арча хәбәрләре », Гөлсинә Зәкиева). Бүген Арча шәһәрендә 2020-2021 уку елы нәтиҗәләре буенча «Сәнгать», «Журналистика», «Спорт» номинацияләрендә Халыкара, Бөтенроссия, Республика бәйгеләре, фестивальләре, ярышлары, олимпиадалары җиңүчеләрен һәм призерларын бүләкләү тантанасы узды. Укучы балалар, аларның педагогларына Арча муниципаль районы башлыгы Илшат Нуриевның Рәхмәт хатлары, акчалата бүләкләр тапшырылды.

(Минзәлә, 24 август, «Татар-информ», «Минзәлә-информ», Дилфас Галиев). Республиканың 43 районы арасында Минзәлә районы терлекчеләре бер сыерга уртача савым буенча өченче урында бара. Район авыл хуҗалыгы һәм азык-төлек идарәсенең 23 августка булган оператив мәгълүматлары буенча, районда тулай савым 48,5 тонна тәшкил итә. Район буенча бер сыердан уртача 25,8 килограмм сөт савып алына. Узган елның шул чоры белән чагыштырганда сөт савып алу 11,1 тоннага күбрәк.

(Әлки, 24 август, «Татар-информ», « Әлки хәбәрләре », Люция Низамиева). Әлки районында «урман ашханәләре» оештыру турында кайгырталар. Елның елында егерьләр, җәмәгать инспекторлары кышкы айларда җәнлек-җанварлар ачка интекмәсен өчен азык запасы хәзерләп куялар. Быел җәй коры килде, печән, иген дә әллә ни уңмады. Шулай да урман җәнлекләренә шактый гына азык әзерли алганнар инде. Татарстан Биологик ресурслар буенча дәүләт комитетының районара бүлеге җитәкчесе Андрей Ерусланов әйтүенчә, гомуми аучылык... Читать дальше...