Новости за 03.08.2021

(Бөгелмә, 3 август, «Татар-информ», «Бөгелмә авазы» ). Июль аенда әти-әниләр балаларына иң популяр исемнәр арасыннан Радмир, Матвей, Виктория, ә иң сирәк очрый торганнардан Даниэль, Нурлан, Аурелия, Мөслимә дип кушкан. Агымдагы елның июль аенда Бөгелмә ЗАГС бүлегендә 60 туу турында акт, шул исәптән бер игезәк бала теркәлде. Июль аенда 36 малай һәм 24 кыз туган. 2021 елның 7 аенда ЗАГС бүлегендә барлыгы 469 туу турында акт теркәлгән, шул исәптән 253 малай һәм 210 кыз. Июль аенда алар 16 гаиләдә, 22 гаиләдә икенче балалар дөньяга килгән. Читать дальше...

(Казан, 3 август, «Татар-информ»). Чаллыда «Нур-Ихлас» мәчете каршындагы ислам, гарәп каллиграфиясе нигезләрен өйрәтү курсларын оештыру өчен уку корпусын төзү төгәлләнеп килә. Мәдрәсә быел ачылырга мөмкин. Бу хакта « Челнинские известия » басмасы хәбәр итә. Ике катлы бинада алты сыйныф, ике фатир була. Фатирларның берсе — мәчет имамына яшәү өчен билгеләнгән, икенчесе — әлегә буш, шулай ук буш бүлмәләр бар, алар киләчәктә арендага тапшырылачак. Беренче кат ирләргә, икенче кат хатын-кызлар өчен бирелә. Читать дальше...

(Казан, 3 август, «Татар-информ»). Татарстанның экология һәм табигый ресурслар министрының яңа урынбасары итеп Ольга Мадиничева билгеләнде. Татарстан Премьер-министры Алексей Песошин шул хакта боерыкны имзалады. Моңа кадәр Ольга Мадиничева ведомствода бәяләү һәм планлаштырылган эшчәнлек бүлеген җитәкли иде. «2021 елның 4 августыннан Манидичева Ольга Владимировнаны Татарстан Республикасы экология һәм табигый ресурслар министрлы урынбасары вазифасына билгеләргә», — диелә боерыкта.

(Казан, 3 август, «Татар-информ»). Төркиянең Кемер шәһәреннән ерак түгел урында, борынгы антик порт шәһәре – Парионда казу эшләре барышында археологлар 1900 еллык тарихы булган кабер ташы тапкан. Бу хакта Daily Sabah басмасына сылтама белән РИА Новости хәбәр итә. Казу эшләре җитәкчесе, профессор Келеш журналистлар белән сөйләшкәндә бу «бик мөһим табылдык», дип искәртә. Аның сүзләренчә, бер метрга бер метр зурлыктагы кабер ташы — соңгы вакытта бу төбәктә табылган ташларның иң матурларның берсе. Стелада ике төп фигура ... Читать дальше...

(Казан, 3 август, «Татар-информ»). Уфада татар һәм башкорт әдәбиятлары классигы Мәҗит Гафуриның туган көне уңаеннан очрашу булды. Әлеге очрашуда катнашу өчен Казаннан Татарстан Язучылар берлеге рәисенең оештыру эшләре буенча урынбасары, шагыйрь Рифат Җамал һәм күренекле татар шагыйрәсе Нәҗибә Сафина барды, дип хәбәр итте Татарстан Язучылар берлеге. Мәҗит Гафурига багышланган чаралар Гафури районында дәвам итте. Ул әдипнең туган авылы Җилем-Каранда шагыйрь һәйкәленә чәчәкләр салудан башланды. Бәйрәм... Читать дальше...

(Казан, 3 август, «Татар-информ»). Татарстанда тагын өч кеше: 1942 һәм 1951 елда туган ике хатын-кыз һәм 1947 елда туган ир-ат коронавирус инфекциясеннән вафат булган. « Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диелә ТР Сәламәтлек саклау министрлыгы хәбәрендә. 3 августка белешмә буенча, республикада Covid-19 инфекциясеннән 623 үлем очрагы теркәлгән.

(Казан, 3 август, «Татар-информ», Рузилә Мөхәммәтова). Грозный шәһәрендә узачак «Федерация» театр фестивалендә быел Татарстанның ике театры катнаша. «Федерация» милли театрлар фестивале программасына Буа дәүләт театрының « Шобага» һәм Кариев яшь тамашачы театрының «Озын-озак балачак » спектакльләре кертелгән. Фестиваль Чечня Республикасының Грозный шәһәрендә 11 — 19 сентябрь көннәрендә була. Программага татар, саха, балкар, башкорт, хакас, черкес, коми, чечен һәм башка театрлар — барлыгы 14 милли театр кертелгән. Читать дальше...

(Казан, 3 август, «Татар-информ», Павел Климчак). Әлмәт районының Аппак авылында печән төягән трактор тәгәрмәче астында калып, 7 яшьлек малай үлде. Шуннан соң җинаять эше ачылган. Тикшерү фаразлаганча, 1 августта Аппак авылында 37 яшьлек ир-ат тракторда печән ташыган. Аның трактор йөртү өчен таныклыгы булмаган. Балалар мәйданчыгы аша узганда, биредәге балалар трактор арбасына салынган печән өеменә ябыша. 7 яшьлек малай тәгәрмәч астына эләгә һәм шунда ук үлә. «Саксызлык аркасында үлемгә китерү» маддәсе буенча җинаять эше кузгатылган... Читать дальше...

(Казан, 3 август, «Татар-информ»). Татарстан Диния нәзарәтенең «Хәләл» стандартлаштыру комитеты рәисе Әббәс Шляпошников һәм Казахстан Диния нәзарәтенең «Хәләл Даму» стандартлаштыру һәм сертификацияләү учреждениесе директоры Айбәк Әскәрбәкулы дуслык һәм хезмәттәшлек турында меморандум имзалады. Казахстан мөселманнары Диния нәзарәте хәбәр иткәнчә, әлеге документ Казахстан Диния нәзарәте делегациясе Казанда «Россия — Ислам дөньясы: KazanSummit» XII халыкара икътисади саммитында катнашкан чакта имзаланган. Читать дальше...

(Казан, 3 август, «Татар-информ», Павел Климчак). Социаль челтәрләрдә республиканың Биектау районында автомобиль йөртүчеләрнең берсе төшергән видео барлыкка килде. Көчле җил берничә агачны юлга аударган, шуның аркасында машина йөртүчеләргә каршы як полосага күчеп барырга туры килә. Россия Гадәттән тыш хәлләр министрлыгының ТР буенча Баш идарәсе матбугат хезмәтендә агентлыкка яңа шторм кисәтүе килүе турында хәбәр иттеләр: якындагы 1-3 сәгатьтә Татарстан территориясендә яшенле, бозлы яңгыр һәм көчле җил көтелә. Читать дальше...

(Казан, 3 август, «Татар-информ»). Санкт-Петербург биржасында Аи-92 бензинының бер тоннасы 57 602 сумга — рекордлы дәрәҗәгә җитте. РИА Новости хәбәр итүенчә, Санкт-Петербург халыкара товар-чимал биржасында Аи-92 маркалы бензин һәм сыекландырылган углеводород газларының (СУГ) бәясе сишәмбе көнне сату-алу нәтиҗәләре буенча янә рекордлы күрсәткечкә менгән. АИ-92 маркалы бензинның бәясе сишәмбе көнне Россиянең Европа өлешендәге территориаль индекс буенча 0,31 процентка арткан һәм яңа рекорд — бер тоннасы 57 602 сум тәшкил иткән. Читать дальше...

(Казан, 3 август, «Татар-информ»). ТР мөселманнары Диния нәзарәте Дагыстан мөфтие, шәех Әхмәд Әфәнденең «Благонравие праведников» китабы буенча Бөтенроссия бәйгесендә катнашырга чакыра. Бәйге Дагыстан Республикасы мөфтияте тарафыннан үткәрелә, диелгән Татарстан мөселманнары Диния нәзарәте хәбәрендә. «Благонравие праведников» китабы Дагыстанда гына түгел, аннан читтә дә танылган. Бестселлер хәзерге вакытта җәмгыятькә һәм кешеләргә хас булган кимчелекләр турында сөйли, анда рухи авырулар турында Пәйгамбәребезнең... Читать дальше...

(Казан, 3 август, «Татар-информ», Дарья Сәйфиева). Мәскәүдә 14, 15 һәм 18 августта Татарстан мәдәнияте көннәре һәм аларга багышланган чаралар узачак, дип хәбәр итә Татарстан Республикасының Россия Федерациясендәге Тулы вәкаләтле вәкиллеге. Коронавирус пандемиясе чикләүләр белән бәйле рәвештә, быел бәйрәм чаралары саны кыскартылган. Шимбә көнне, 14 августта, 16.00 сәгатьтә Новокузнецкий урамындагы скверда Габдулла Тукай һәйкәленә чәчәк салалар. Тантанага теләге булган һәркем кушыла ала. Шул ук... Читать дальше...

(Казан, 3 август, «Татар-информ»). Коронавирус инфекциясе белән хастаханәләргә салынган пациентларның барысы да диярлек вакцинация узмаган. Бу хакта Россия сәламәтлек саклау министры Михаил Мурашко сүзләренә сылтама белән ТАСС хәбәр итте. «Госпитализацияләүгә килгән пациентларның 98 проценттан артыгы — вакцинация узмаган пациентлар. Бу вакцинациянең бүген эшләве, кеше тормышын саклавы һәм коткаруы турында сөйли», — диде министр. Аның сүзләренчә, коронавирус инфекциясе белән авырыйм дип шикләнгән... Читать дальше...

(Казан, 3 август, «Татар-информ», Гүзәл Хөсәенова). Төркия хөкүмәте урман янгыннары белән бәйле вазгыятьне контрольдә тота. Бу хакта «Татар-информ»га Төркиянең Казандагы Генераль консулы Исмет Эрикан сөйләде. Аның сүзләренчә, республикада хәзер көнлек уртача температура 40 градуска җитә. Янгын урыннарында утны сүндерү буенча актив эшләр бара. Туристик зоналарда янгыннар бик аз кала. Татарстанлылар өчен булган рейслар турында аңа берни дә билгеле түгел. Дипломат янгын зонасында калган туристларга туроператорлар белән элемтәгә керергә кирәк... Читать дальше...

(Казан, 3 август, «Татар-информ»). Табиб Александр Мясников россиялеләр арасында коронавирусны төп таратучыларны атады. Россиядә коронавирус йоктыруның 80 проценты диярлек «супертаратучылар» аркасында килеп чыга, дип язган Instagram сәхифәсендә табиб һәм телевидениедә тапшырулары алып баручы Александр Мясников, дип хәбәр итә РИА Новости. Аның сүзләренә караганда, мондый кешеләр авыручыларның гомуми санының уртача 20 процентын тәшкил итә, шул ук вакытта аларда ковидның типик симптомнары юк. «Бу <…>... Читать дальше...

(Казан, 3 август, «Татар-информ»). «Җырлыйк әле, матурым!» яңа татар шоуының беренче йолдызлы кунагы җырчы Лэйна Кукмарада узган чарада Яшел Үзәннән катнашучыны сайлады, аның белән дуэт җырлады һәм Казанда романтик очрашуга барды. «Җырлыйк әле, матурым!» татар уен онлайн-шоуы 31 июльдә старт алды. Проектта татар эстрадасының буйдак артисты Татарстанда икенче яртысын эзли һәм онлайн-концерт белән чыгыш ясый.

(Казан, 3 август, «Татар-информ», Павел Климчак). Республикада көчле яңгырлар һәм җил аркасында шторм кисәтүе игълан ителде. Шуңа бәйле рәвештә Россия Гадәттән тыш хәлләр министрлыгының ТР буенча Баш идарәсе һава торышы бозылган вакытта иминлек кагыйдәләре турында искә төшерә. Көчле җил булганда өйдә калырга, тәрәзә һәм ишекләрне ныгытып ябарга кирәк. Урамда реклама щитларыннан, элмә такталардан, юл билгеләреннән, электр линияләреннән ераграк торыгыз. Автомобильне биек үскән агачлар янында калдырмагыз. Читать дальше...

(Казан, 3 август, «Татар-информ»). Башкортстанның Туймазы районы Төмәнәк авылы янында ачык һавада урнашкан «Бабай утары» тарихи-мәдәни музей комплексында биш көн дәвамында «Бабай утары-2021» исемле агачтан эшләнгән сыннар фестивале узды. Фестивальдә Башкортстаннан һәм якын 12 төбәктән 19 сынчы үз көчләрен сынап карады, дип хәбәр итә Бөтендөнья татар конгрессы. Ярышның төп максаты булып татар халык әкиятләре персонажларын тасвирлау, пропагандалау иде. Катнашучыларга фестивальнең бүләк фонды да өстәмә көч биреп торды... Читать дальше...

(Казан, 3 август, «Татар-информ»). Иртәгә, 4 августта, Татарстан территориясендә һава шартларының начарлануы көтелә. ТР Гидрометеорология һәм әйләнә-тирә мохитне күзәтү идарәсе шторм кисәтүе игълан итте. 3 августта 22 сәгатьтән 4 августның 22 сәгатенә кадәр төнлә һәм көндез, республикада урыны белән яшенле яңгыр көтелә, шулай ук җилнең тизлеге секундына 17-22 метрга кадәр, көчәйгәндә 25 метрга кадәр җитәргә мөмкин. Казанда 4 августта һава торышының әлеге күренешләре 3-10 сәгатьләрдә булырга мөмкин, дип искәртә синоптиклар. Читать дальше...

(Казан, 3 август, «Татар-информ», Гөлүзә Ибраһимова). Быел Татарстанда хезмәт саклау өлкәсендә закон бозу очрагы буенча 83 җинаять эше кузгатылган. Суд иректән мәхрүм итү карарын чыгарган очраклар да бар. «Быел хезмәт саклау өлкәсендә закон бозу һәм эш урынында имгәнү алу буенча 83 җинаять эше кузгатылган. Аларның бишесе буенча гаепләү карары чыгарылган инде. Эш бирүчеләр игътибарына: ул штраф кына түгел. Суд карары буенча иректән мәхрүм итү каралган җинаять эшләре дә бар. Ул шартлы рәвештә сынау... Читать дальше...

(Казан, 3 август, «Татар-информ»). Россия Хезмәт һәм социаль яклау министрлыгы хатын-кызларга «авиамеханик» белгечлеге буенча эшләргә рөхсәт итте, әлеге норма 2022 елның 1 мартыннан үз көченә керәчәк. Бу хакта РИА Новости агентлыгы Федерация Советының социаль комитет башлыгы Инна Святенкога сылтама белән хәбәр итә. «Моннан бер ай элек югары уку йортларын тәмамлаган кызлар социаль челтәрләрдә миңа хәбәрләр җибәргән иде. Алар анда дипломнарының фотосын урнаштырган һәм алган белемнәребезне тормышта... Читать дальше...

(Казан, 3 август, «Татар-информ»). «Созвездие-Йолдызлык» фестивале лауреатлары Кырымда 18 көн ял итеп, бүген аларның поезды Казанга кайтып төште. Традицион җәйге иҗади смена Татарстан Президенты һәм Татарстан Яшьләр эшләре министрлыгы ярдәме белән узган. Татарстанның 17 муниципаль берәмлегеннән фестивальнең 230 лауреаты Кырымның Саки шәһәрендә урнашкан «Зәңгәр дулкын» шифаханәсенең балалар сәламәтләндерү лагерендә ял итте, дип хәбәр итә фестивальнең матбугат үзәге. Смена программасында балаларның... Читать дальше...

(Казан, 3 август, «Татар-информ», Гөлүзә Ибраһимова). Эш урынында имгәнү һәм бәхетсезлек очракларының өчтән бер өлеше биеклектән егылу белән бәйле. «Бәхетсезлек очракларының, гадәттә, утыз проценты биеклектән егылу белән бәйле. Очракларның якынча 20 проценты юл-транспорт һәлакәте сәбәпле була», — дип сөйләде Татарстанның хезмәт, халыкны эш белән тәэмин итү һәм социаль яклау министры Эльмира Зарипова. Аның сүзләренчә, бәхетсезлек очраклары, нигездә, эшкәртү, төзелеш, файдалы казылмалар чыгару тармагына туры килә. Читать дальше...

(Казан, 3 август, «Татар-информ», Лилия Шәйхетдинова). Бүген эссе көн көтелә: Казанда термометрның терекөмеш баганасы +36 градуска кадәр күтәреләчәк, бу климатик нормадан 8-9 градуска югарырак. Казан федераль университеты профессоры, география фәннәре докторы Юрий Переведенцев «Татар-информ» агентлыгына шулай дип белдерде. «Әмма төнлә салкын фронт узачак, нәтиҗәдә температура түбәнәячәк, һәм алдагы көннәрдә ул климатик нормага якын булачак», — дип искәртте ул. Россия Гидрометеоүзәге фаразлавынча... Читать дальше...