Новости за 30.08.2021

(Казан, 30 август, «Татар-информ», Гөлнар Гарифуллина). Бүген шәһәр һәм Республика көне «Казан» гаилә үзәгендә бәйрәм хөрмәтенә концерт һәм салют-шоу белән тәмамланды. Бәйрәм концерты дүрт сәгать барды. Биредә Айдар Мөхәрләмов, Регина Мартынина, Дарина Гыйззәтуллина, Казан шәһәр филармониясе солисткасы Гөлназ Гафурова, Алсу-Фәридә дуэты, Айдар Габдинов, Гөлшат Имамиева, Илгиз Зәкиев, Артур Исламов һәм башкаларның җырларын ишетергә, «Казан» бию коллективы биюләрен күрергә була иде.  Казан тамашачысы һәм кунаклары алдында шулай ук... Читать дальше...

(Казан, 30 август, «Татар-информ»). Буа мөхтәсибәтендә II Әхмәр хәзрәт Толымбаи укулары үткәрелде. Укуларда Татарстан мөфтие Камил хәзрәт Сәмигуллин катнашты.  Әлеге чара Россия Федерациясе Мәдәният министрлыгы тарафыннан үткәрелүче Халыкара мәдәни үзәкнең «Культурное пространство усадьбы: от двора до салона» фестивале кысаларында узды, дип яза ТР Диния нәзарәте матбугат хезмәте. Әхмәр бине Юныс әл-Толымбаи (1763-1819) — заманында Идел буенда данлыклы ишан буларак танылган шәхес. Ул, Бохарада белем алып... Читать дальше...

(Казан, 30 август, «Татар-информ»). Иртәгә, 31 август көнне, Татарстанда яңадан алмашынучан болытлы һава торышы көтелә, явым-төшемсез, җил көньяк-көнбатыштан исәчәк, дип хәбәр итә ТР Гидрометеорология үзәге. Төнлә һава температурасы 3-8 градус тәшкил итәчәк, көндез термометр баганалары 20-25 градуска кадәр күтәреләчәк. Урыны белән кыска вакытлы яңгыр яварга мөмкин.

(Казан, 30 август, «Татар-информ»). Татарстан Президенты Рөстәм Миңнеханов Казан Кремлендә Tat Cult Fest заманча татар мәдәнияте фестивале мәйданчыкларында булды. Аны ТР Дәүләт Киңәшчесе Минтимер Шәймиев, Казан мэры Илсур Метшин һәм РФ Төзелеш министры урынбасары Никита Стасишин озатып йөрде, дип хәбәр итә ТР Президенты матбугат хезмәте. Рөстәм Миңнеханов фестиваль мәйданчыклары белән танышты, яшь татар дизайнерларының кием-салым һәм бизәнү әйберләре күргәзмәсендә булды. Моннан тыш, ул фестивальнең мультимедиа зонасын карады.

(Казан, 30 август, «Татар-информ»). Татарстан Президенты Рөстәм Миңнеханов «Казан» ат-спорт комплексында республика көненә багышланган традицион ат чабышларында булды. Бәйрәмдә шулай ук Казан мэры Илсур Метшин һәм РФ Төзелеш һәм ТКХ министры урынбасары Никита Стасишин да булдылар. Бәйрәм чаралары Татарстан Республикасы Авыл хуҗалыгы һәм азык-төлек министрлыгы ярдәме белән оештырылды. Спорт комплексының вестибюлендә ярминкә-экспозиция кысаларында республика авыл хуҗалыгы товарлары җитештерүчеләренең продукциясе тәкъдим ителде... Читать дальше...

(Казан, 30 август, «Татар-информ», Рузилә Мөхәммәтова). Tat cult fest яңа татар мәдәнияте фестивале быел тамашачысына өр яңа сәхнә тәкъдим итте. Мультимедиалы сәхнәдә этномузыкантлар һәм медиарәссамнар катнаш чыгышлар ясыйлар. Казан Кремлендә традицион Tat cult fest яңа татар мәдәнияте фестивале бара. Фестиваль кысаларында ике сәхнә, мультимедиалы зона тәкъдим ителә, белем бирү мәйданчыгы, китап ярминкәсе, балалар мәйданчыгы эшли. «Кабулханәләрнең икенче катында яңа сәхнә ачтык. Бу безнең яңалыгыбыз. Читать дальше...

(Казан, «Татар-информ», Ләйсән Рәхмәтуллина). Бүген Галиәсгар Камал театры каршындагы мәйданда «Уйнагыз, гармуннар!» халык иҗаты республика бәйрәме узды. Бу фестиваль беренче тапкыр 1985 елда үткәрелгән була. Бүгенгесе 36нчысы иде. Быелгы бәйрәмдә 32 төбәктән 48 коллектив, меңгә якын кеше катнашты. Чувашия, Удмуртия, Марий Эл, Башкортстан республикаларыннан, Чиләбе, Омск, Киров һәм Самара өлкәләреннән дә килгәннәр. «Уйнагыз, гармуннар!» фестиваленең оештыручылары: Татарстан Республикасы Мәдәният министрлыгы... Читать дальше...

(Казан, 30 август, «Татар-информ»). Татарстан Президенты Рөстәм Миңнеханов мотойөрештә катнашты. Чарада Россиянең барлык төбәкләре һәм чит илләрдән 600дән артык байкер катнашырга теләк белдерде. «Рөстәм Миңнеханов „Урал“ мотоциклында Казан Кремленнән Ипподромга кадәр колоннаның башында барды», — дип хәбәр иттеләр ТР Президентының матбугат хезмәтеннән.

(Казан, 30 август, «Татар-информ»). Яңа уку елыннан Россия мәктәпләрендә дәүләт флагын күтәрү тантанасы үткәрелә башлаячак. РФ мәгариф министры Сергей Кравцов брифингта шулай дип белдерде. Ул билгеләп үткәнчә, бу – кайбер төбәкләрдә инде кулланыла торган яхшы тәҗрибә, әмма «биредә формализм булмаска тиеш». Мәктәпләрдә шундый традицияне кертү инициативасы белән «Артек»та тәрбияче булып эшләүче Вячеслав Антипов чыкты. Ул аны Россия Президенты Владимир Путин белән очрашуда тәкъдим итте. Дәүләт башлыгы... Читать дальше...

(Казан, 30 август, «Татар-информ», Павел Климчак). Казанның Боевая урамында өч автомобиль катнашында юл-транспорт һәлакәте булган. Авариядә беркем дә зыян күрмәгән. Автомобильләр шәһәр ягына таба хәрәкәт итү полосасын тулысынча томалаган, урамда гаять зур «бөке» хасил була. Шуңа күрә машина йөртүчеләргә аварияне каршы як полосадан әйләнеп узарга туры килә.

(Казан, 30 август, «Татар-информ»). Татарстан Президенты Рөстәм Миңнеханов «Урам» экстрим-паркының өсте ябулы өлешендә булды. Бу хакта ТР Президентының матбугат хезмәте хәбәр итә. Бинаның ике катында төрле экстрим-зоналар, шул исәптән эйр-парк, стрит-плаза, бетон боул һәм скейт-йорт урнашкан. Моннан тыш, кунаклар өчен мәдәни киңлекләр (заманча музыка үзәге, диджеинг мәктәбе, скейт-шоп, бию залы, галерея, лекторий, кафе, ял зонасы һ.б.) тәкъдим ителгән. ТР яшьләр эшләре министры Дамир Фәттахов хәбәр иткәнчә... Читать дальше...

(Казан, 30 август, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 49 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, бер кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «22 кеше хастаханәгә озатылган, 27 кеше өендә дәвалана», - диелә ведомство хәбәрендә. Казанда – 23, Чаллыда – 14, Зәй һәм Лаеш районнарында – икешәр, Әгерҗе, Актаныш, Бөгелмә, Алабуга, Лениногорск... Читать дальше...

(Казан, 30 август, «Татар-информ»). Россиядә пенсионерларга бер тапкыр түләү өчен 454 миллиард сум акча бүлеп биреләчәк. Россия Президенты Владимир Путин йөкләмәсе белән гражданнар сентябрь аенда унар мең сум акча ала башлаячак, дип хәбәр итә Россия Хөкүмәтенең матбугат хезмәте. «Дәүләт башлыгы пенсия рәсмиләштергән кешеләрнең барысын да 10 мең сум күләмендәге бер тапкыр бирелә торган пособие белән тәэмин итәргә кушты. Акчаны шулай ук эшләүче һәм хәрби пенсионерлар да алачак. Әлеге максатларга Хөкүмәт... Читать дальше...

(Казан, 30 август, «Татар-информ»). Татарстан – Россиянең Идел буендагы ышанычлы терәге, шулай ук күп кенә милләт вәкилләре өчен кунакчыл йорт. Федерация Советы рәисе Валентина Матвиенконың котлау телеграммасында шундый юллар бар. Ул ТР Президенты Рөстәм Миңнеханов һәм ТР Дәүләт Советы Рәисе Фәрит Мөхәммәтшин адресына юлланган. Матвиенко билгеләп үткәнчә, Татарстанда яшәүчеләр республика традицияләрен һәм мәдәниятен күз карасыдай саклый, ә Казан - «төбәкнең энҗесе» - хаклы рәвештә Россиянең өченче башкаласы дип атала. Читать дальше...

(Казан, 30 август, «Татар-информ», Павел Климчак). 29 август төнендә Яшел Үзән районының Октябрьский бистәсендәге Яр буе урамында 46 яшьлек ир-атның мәетенә юлыкканнар. Әлеге җинаятьтә шикләнелүче 40 яшьлек Казан кешесен тоткарлаганнар. Тикшерүчеләр фаразлавынча, Казанда яшәүче ир-ат төнлә барга килгән, анда хезмәткәрләрнең берсе һәм аның танышы белән сөйләшергә керешкән. Кайсыдыр мизгелдә тагын бер ир-ат бар хезмәткәре белән гауга куптарган, шуннан соң Казан кешесе җәнҗал чыгарган ир-атка кулдан ясалган пистолеттан берничә тапкыр аткан. Читать дальше...

(Казан, 30 август, «Татар-информ»). Россия мөселманнары Диния нәзарәте һәм Россия Мөфтиләр шурасы рәисе мөфти шәех Равил Гайнетдин Татарстан халкын Республика көне белән котлады. Бу хакта Россия Мөфтиләр шурасы матбугат хезмәте хәбәр итә. «Россия Федерациясенең иң алдынгы һәм көчле төбәкләренең берсе буларак, Татарстан Республикасы күпгасырлык гореф-гадәтләр, яшәү тизлеге белән бергә рухи һәм мәдәни мирас, заманча зәвык һәм технологияләр бербөтенлеген, аларның чын бердәмлеген дөньяга танытучы үрнәк икәнлегенә ышанам. Читать дальше...

(Казан, 30 август, «Татар-информ»). Пенсионерлар түләүләрне өстәмә формальлекләрдән башка гына алырга тиеш, дип белдерде РФ Хөкүмәте Рәисе Михаил Мишустин вице-премьерлар белән киңәшмә вакытында. Бу хакта РИА Новости агентлыгы хәбәр итә. «Кешеләрнең бу акчаларны мөмкин кадәр тизрәк, өстәмә формальлекләрдән башка гына, үзләренә ничек уңайлы булса, шулай алуы бик тә мөһим», - диде Мишустин. РФ Президенты Владимир Путин инициативасы белән бер тапкыр бирелә торган акчаны Россиянең барлык пенсионерлары (унар мең сум)... Читать дальше...

(Казан, 30 август, «Татар-информ»). ТР Дәүләт Киңәшчесе Минтимер Шәймиев тиздән республикада үз эшчәнлеген төгәлләячәк Казахстанның Татарстандагы Генераль консулы Жанболат Мурзалин белән очрашты. Сентябрь аеннан Ерлан Искаков Казахстанның Татарстандагы Генераль консулы вазифасына керешәчәк. Бу хакта ТР Президентының матбугат хезмәте хәбәр итә. Дәүләт Киңәшчесе Татарстанга күрсәткән ярдәме һәм нәтиҗәле хезмәттәшлек иткән өчен Мурзалинга рәхмәт белдерде. Ул аның нәтиҗәле эшен, шулай ук консулның Россия... Читать дальше...

(Казан, 30 август, «Татар-информ», Павел Климчак). Социаль челтәрләрдә Казанның тимер юл вокзалы территориясендә башы белән капкага кысылып калган болан баласы сурәтләнгән видео чыкты. Ролик авторы сүзләренчә, гадәттән тыш хәл кичә көндез булган. Шаһитлар җәнлеккә капкыннан котылырга булышкан, шуннан соң болан баласы үз юлын дәвам иткән.

(Казан, 30 август, «Татар-информ»). Июль аенда яңа төрдәге Covid-19 коронавирус инфекциясе 44,1 меңнән артык кешенең үлемендә төп сәбәп булган. Росстат мәгълүматлары шуны раслый. Шул ук вакытта, 38 922 очракта коронавирус үлем сәбәбе буларак төгәл билгеләнгән, ә тагын 5206 очракта «үлемнең төп сәбәбе дип фаразлана, әмма өстәмә рәвештә медицина тикшеренүе үткәрергә кирәк». Моннан тыш, статистика белгечләре китергән мәгълүматлар буенча, июль аенда якты дөнья белән хушлашкан 6,3 меңнән артык пациентта Covid-19 өстәмә авыру буларак билгеләнгән. Читать дальше...

(Казан, 30 август, «Татар-информ»). Татарстан Президенты Рөстәм Миңнеханов Республика һәм Казан шәһәре көнендә «Казан» бию ансамбле видеосын урнаштырды. Анда артистлар шәһәр урамнарында, аның истәлек урыннары (Кремль, Миллениум күпере, «Казан» Гаилә үзәге һ.б.) фонында чыгыш ясый. «Казан» бию ансамбле һәм ТНВ телеканалыннан бәйрәм кәефе», - дип язган Рөстәм Миңнеханов Instagram социаль челтәрендәге видео астына. ТР Президенты элегрәк Республика көненә багышланган ролик урнаштырган иде.

(Казан, 30 август, «Татар-информ», Гөлүзә Ибраһимова). Казанның Зур Кызыл урамындагы 57Б йортында Кави Нәҗми һәм Сәрвәр Әдһәмовага истәлек тактасы ачылды. Чарада Татарстан Президенты Рөстәм Миңнеханов катнашты. «Республика, шәһәребез көнендә Кави Нәҗми, Сәрвәр Әдһәмова исемнәрен мәңгеләштерәбез. Алар безнең милләт, республика өчен бик күп хезмәт куйган кешеләр», — диде Президент. Язучылар берлеге рәисе Ркаил Зәйдулла Кави Нәҗминең Татарстан язучылар берлегенең беренче рәисе булуын искә алды. «Кави... Читать дальше...

(Казан, 30 август, «Татар-информ»). Татарстан Президенты Рөстәм Миңнеханов Казанның Яңа Савин районы территориясендә урнашкан «Кече Акчарлак күле» паркында булды. Бу хакта ТР Президентының матбугат хезмәте хәбәр итә. Проектка керә торган территория Фатих Әмирхан, Маршал Чуйков, Академик Лаврентьев һәм Адоратский урамнары арасында урнашкан. Уңайлы булсын өчен төзекләндерү эшләре ике чиратта (Кече һәм Зур Акчарлак күлләре) алып барыла. Аларның беренчесе – якын-тирәдәге йортларда яшәүчеләрнең яраткан ял урыны... Читать дальше...

(Казан, 30 август, «Татар-информ»). Татарстан Президенты Рөстәм Миңнеханов һәм Казан мэры Илсур Метшин Маршал Чуйков урамындагы 25нче йортның ишегалдын карады. Ул «Безнең ишегалды» республика программасы буенча яңартылган. Бу хакта ТР Президентының матбугат хезмәте хәбәр итә. Рөстәм Миңнеханов бирегә җыелган халыкның барысын да Республика көне, шулай ук йорт яны территориясенең яңартылуы белән котлады. «Дөньялар тыныч булсын, ә республика һәм Казан тагын да матурайсын, - дип мөрәҗәгать итте ул чарага килгән кунакларга. Читать дальше...

(Казан, 30 август, «Татар-информ», Рифат Каюмов). Бөтендөнья татар яшьләре форумы рәисе Ленария Мөслим «Татарча диктант» акциясенә бер миллион татарны җәлеп итү максаты куелганын әйтте. «Татарча диктант» акциясендә катнашучылар саны соңгы ике елда геометрик прогрессиядә үзгәрде. Быел безнең максат — җир шарында яшәүче татарларның 10 процентын, ягъни бер миллион татарны әлеге акциядә катнаштыру. Диктантны узган елда 375 меңнән артык кеше язды. Аңарчы йөз меңгә тутырган идек», — диде Ленария Мөслим... Читать дальше...