Новости за 06.08.2021

(Казан, 6 август, «Татар-информ»). Татарстан авыл хуҗалыгы һәм азык-төлек министры урынбасары Рафаэль Фәттахов «Зәй шикәре» агрофирмасы» ҖЧҖенең 55 еллыгына багышланган чарада чыгыш ясады. «Зәй шикәре» заводы — Россиядә иң зур шикәр җитештерүчеләрнең берсе. Бүгенге көндә ул иң куәтле җитештерү мәйданчыкларының берсе булып тора. Предприятиенең эшкәртү куәте тәүлеккә 8000 тоннага җитә, эшкәртү күрсәткече 1200 тоннадан артып китә. Әлеге күрсәткечләр буенча предприятие Россиянең иң яхшы биш заводы арасына керә. Читать дальше...

(Казан, 6 август, «Татар-информ»). Россия Федерациясе Авыл хуҗалыгы министрлыгы җитештерүчеләрнең яшелчә продукциясенә бәяләре кимүен терки. Хәзерге вакытта кәбестәгә җитештерүчеләрнең бәяләре узган елның шул ук чоры белән чагыштырганда 4 процентка кимрәк, диелә Россия Федерациясе Авыл хуҗалыгы министрлыгы хәбәрендә. «4 августка алынган мәгълүматларга караганда, бәрәңгегә бәяләр бер ай эчендә 1,8 процентка, кишер - 3,2 процентка кимегән. Бер ай эчендә кыяр бәясе - 17,5 процентка, помидор - 22,8 процентка... Читать дальше...

(Казан, 6 август, «Татар-информ»). 2023-2024 елларга Россиядә өч сменалы мәктәпләр калмаска тиеш. РФ Президенты Владимир Путин РФ Хөкүмәтенә шундый йөкләмә белән мөрәҗәгать итте. Министрлар Кабинетының беренче хисабы 15 декабрьдә, аннары алты айга бер тапкыр тәкъдим ителәчәк. Моннан тыш, Министрлар Кабинеты һәм башкарма хакимият органнары Россиянең барлык белем бирү учреждениеләре өчен Интернетка өзлексез керүне тәэмин итәргә тиеш. Шул ук вакытта шәһәр мәктәпләре өчен тизлек 100 Мбит/сек, авыл... Читать дальше...

(Казан, 6 август, «Татар-информ»). 11 август көнне «ТАТМЕДИА»ның «Әдәби кафе»сының җәй­ге верандасында яшь татар авторлары — Алмаз Мансуров, Лилия Гыйбадуллина, Булат Ибраһимов, Гөлн­аз Газизова, Ләйлә Хәбибуллинаның шигырь китаплары тәкъдим ителәчәк. Әдәби чара көндезге икедә башлана. Чараның программ­асында авторлар белән танышу, шигырьләр уку, махсус акциял­әр, музыкаль чыгышлар көтелә., диелә ТР Язучылар берлеге хәбәрендә. Әлеге җыент­ыкларда яшь авторл­арның моңарчы бер ки­тапта да басылмаган иҗат үрнәкләре урын алган.

(Казан, 6 август, «Татар-информ», Лилия Шәйхетдинова). Якындагы өч елда инглиз теле һәм тарих БДИ тапшырганда мәҗбүри фәннәр булмаячак. Бу хакта ТР мәгариф һәм фән министры Илсур Һадиуллин WorldSkills стандартлары нигезендә һөнәри осталык буенча Татарстан җыелма командасы әгъзалары белән очрашуда сөйләде. «Инглиз теле буенча мәҗбүри имтихан 2021 елда ук тапшырылырга тиеш иде, әмма бу хәл килеп чыкмады. 2022 елда аны гамәлгә кертергә җыенмыйлар. Тарих фәненә килгәндә, бу хакта сөйләшүләр алып барыла. Читать дальше...

(Казан, 6 август, «Татар-информ»). Иртәгә Казанда «Җиңү өчен тест» акциясенең чираттагы этабы узачак. Махсус мобиль хезмәт Камал театры янындагы мәйданда урнашачак һәм теләүчеләрне 15.00 сәгатьтән 19.00 сәгатькә кадәр кабул итәчәк, дип хәбәр итә оештыручылар. Белгечләр шулай ук консультацияләр үткәрәчәк, катнашучыларның сорауларына җавап бирәчәк һәм аларга зарарлану мөмкинлеген булдырмау турында сөйләячәк. Проект Президент грантлары фонды акчасына тормышка ашырыла. Тест аноним үткәрелә, нәтиҗәне шунда ук алырга мөмкин. Читать дальше...

(Казан, 6 август, «Татар-информ», Павел Климчак). Бүген көндез махсус хезмәтләрне чакыру 112 номерына Югары Ослан районының Печище авылындагы Заречье урамында грунт җимерелүе турында хәбәр алынган. Шуның аркасында якындагы йортка җимерелү куркынычы туган. Килгән оператив төркем туфракның җимерелүе суүткәргеч торба шартлавы белән бәйле булуын ачыклаган. Бу хәл аркасында берәү дә зыян күрмәгән. Йорттан җир ишелгән урынга кадәр ераклык – 15 метр. Йортта яшәүчеләрне вакытлыча урнаштыру пунктына күчергәннәр. Читать дальше...

(Казан, 6 август, «Татар-информ», Лилия Шәйхетдинова). Татарстан территориясендәге барлык югары уку йортлары да абитуриентның WorldSkills хәрәкәтендә катнашуын игътибарга алырга тиеш. Бу хакта ТР мәгариф һәм фән министры Илсур Һадиуллин WorldSkills стандартлары һәм һөнәри осталык буенча Татарстан җыелма командасы әгъзалары белән очрашуда белдерде. «Әгәр без шундый белдерү ясасак, аны барлык уку йортлары үтәргә тиеш. Әгәр керү имтиханнары «Яшь профессионаллар» (WorldSkills Russia) илкүләм чемпионатын үткәрү көннәренә туры килсә... Читать дальше...

(Казан, 6 август, «Татар-информ»). Башкортстанның тикшерү органнары балалар шифаханәсендә 11 бала һәм дүрт олы кеше коронавирус инфекциясе белән авыруы аркасында тикшерү башлап җибәрде, дип хәбәр итә РФ тикшерү комитетының төбәк тикшерү идарәсе. Бу хакта РИА Новости җиткерә. Тикшерү РФ Җинаять кодексының «Иминлек таләпләренә җавап бирми торган хезмәтләр күрсәтү» маддәсендә каралган җинаять билгеләре буенча үткәрелә, дип хәбәр итә ведомство. Тикшерү мәгълүматлары буенча, Октябрьский шәһәрендәге... Читать дальше...

(Казан, 6 август, «Татар-информ»). Татарстанда тагын өч кеше яңа коронавирус инфекциясе корбаны булды. Үлем сәбәбе патологоанатомик экспертиза вакытында билгеләнгән. « Вирус идентификацияләнгән » ,- дип хәбәр итә ТР Сәламәтлек саклау министрлыгы матбугат хезмәте. 1952 һәм 1956 елларда туган ике хатын-кыз, шулай ук 1954 елда туган ир-атның гомере өзелә. 2021 елның 6 августына республикада Covid-19 авыруыннан 631 үлем очрагы теркәлгән.

(Казан, 6 август, «Татар-информ»). Иртәгә Татарстан территориясендә кабат эссе һава торышы көтелә. Көндезге сәгатьләрдә һава температурасы 25-30 градуска җитәчәк, дип хәбәр итә ТР Гидрометеорология үзәге. Синоптиклар хәбәр итүенчә, иртән һәм көндез урыны белән кыска вакытлы яңгыр, шулай ук талгын җил фаразлана. Төнлә температура 11-16 градустан түбән төшмәячәк. Элегрәк «Татар-информ» Татарстанда урманнарда янгын куркынычы югары булу сәбәпле, янә шторм кисәтүе озайтылуын хәбәр иткән иде.

(Казан, 6 август, «Татар-информ»). Туризмны үстерү комитеты директоры Дарья Санникова Казан шәһәре Думасына сайлауда катнаша. Бу хакта ул Instagram сәхифәсендә хәбәр итте. Санникова «Дәрвишләр» торак бистәсе мәнфәгатьләрен якларга ниятли. Ул аны бу районда туып-үсүе һәм җирле халыкның проблемалары яхшы таныш булуы белән аңлата. «...мин һәрвакыт шартларны яхшы якка үзгәртергә тели идем, һәм хәзер моның өчен мөмкинлекләрне күрдем. Гүя балачагыма әйләнеп кайткандай булдым, үземдә көч тойдым һәм яраткан... Читать дальше...

(Казан, 6 август, «Татар-информ»). Башкортстанда туып-үскән рәссам Радик Мусин Каралачык авылында элекке җимерек янгын станциясе диварларына Шүрәле рәсемнәрен ясаган. «Башинформ» хәбәр итүенчә, ул диварларда «Уллары белән Лаокоон», «Яз», «Гамлет», Марк Шагалның «Шәһәр өстендә» классик сюжетларын сурәтләгән. Әмма сюжетлар төрки халыкларның мәҗүси образы – Шүрәле рәвешендә ясалган. Рәсемнәр башкорт телендә язылган язулар һәм афоризмнар белән үрелеп бара. Рәссам аларның күргәзмәсен үз социаль челтәрләрендә анонслаган. Читать дальше...

(Казан, 6 август, «Татар-информ»). Суның сыйфаты канәгатьләнерлек булмаганга күрә, Татарстанның тугыз пляжы коену өчен имин саналмый. Бу хакта Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе матбугат хезмәте хәбәр итә. Шулай итеп, су Зур Аккош күлендә, «Локомотив» пляжында, Зәй һәм Мөслим районы сулыкларында санитар-химик таләпләргә; ә «Комсомол», «Түбән Заречье», «Локомотив» пляжларында, шулай ук Чаллы, Әлмәт, Лениногорск... Читать дальше...

(Казан, 6 август, «Татар-информ»). 7 июльдә Шамил Шәйдуллин белән хушлашу була/ 2021 елның 3 августында Татарстан сәнгате зур югалту кичерде - Татарстанның атказанган сәнгать эшлеклесе, Татарстан Республикасының халык рәссамы, Россиянең атказанган рәссамы, Габдулла Тукай исемендәге Дәүләт премиясе лауреаты Шамил Мортазович Шәйдуллин вафат булды. Хушлашу иртәгә, 7 июльдә, 10.00 сәгатьтә Ф.Әмирхан урамы, 3 нче йорт адресы буенча урнашкан «Казан нуры» мәчете янында узачак.

(Казан, 6 август, «Татар-информ», Гүзәл Хөсәенова). Узган елның декабреннән башлап Татарстан Covid-19 инфекциясеннән миллион дозадан артык вакцина алган. Бу хакта «Татар-информ»га ТР Сәламәтлек саклау министрлыгының матбугат хезмәтендә хәбәр иттеләр. ТР сәламәтлек саклау министры урынбасары Владимир Жаворонков матбугат конференциясе вакытында билгеләп үткәнчә, хәзер республикада вакцинация өчен Россия препаратларының барлык төрләре бар. Шулай итеп, 4 августта чираттагы «Спутник V» партиясе кайтты. Читать дальше...

(Казан, 6 август, «Татар-информ», Павел Климчак). Социаль челтәр кулланучылар Яшел Үзәндә берничә бала эскәмиядә утырып торучы бабайга шартлаткыч «бомбалар» ыргыткан дигән хәбәр таратты. «Татар-информ»га ТР прокурорының өлкән ярдәмчесе Руслан Галиев хәбәр иткәнчә, полициягә бу турыда гариза килмәгән. Хәзерге вакытта полиция хезмәткәрләре әлеге балаларны эзли, тикшерү барышын күзәтчелек ведомствосында контрольгә алганнар.

(Казан, 6 август, «Татар-информ», Алексей Угаров). Казан һәм Татарстан митрополиты Кирилл сүзләренчә, ТР Дәүләт Киңәшчесе Минтимер Шәймиев кешеләрне изге максатларга ирешү, изге урыннарны торгызу өчен берләштерә. «Татарстан туристларны һәм гыйбадәт кылырга килүчеләрне җәлеп итү урыны булып тора. Беренче тапкыр килүчеләр бик канәгать, тарихи мираска мондый игътибар, мөнәсәбәт булыр дип уйламаганнар. Сез бүген Татарстанның җаны, рухы булып торасыз, сез үз илегез, Ватаныгыз хакына хезмәт куючы кешеләргә күп көч бирәсез»... Читать дальше...

(Казан, 6 август, «Татар-информ»). Өч ел элек 51 яшендә һәлак булган хәрби журналист Орхан Джемальне Мәскәү Татарлары штабында искә алдылар. Орхан Джемальне искә алу кичәсенә журналистның гаилә әгъзалары, хезмәттәшләре, дуслары һәм аның белән җәмәгать эшләре буенча аралашкан кешеләр килгән иде. Кичәдә азәрбайҗан, татар, гагауз, кумык, кыргыз һәм башка халыкларның милли автономия җитәкчеләре дә булды, дип хәбәр итте оештыручылар. Аны хезмәттәшләре Кирилл Радченко һәм Александр Расторгуев белән... Читать дальше...

(Казан, 6 август, «Татар-информ»). «Татмедиа» республика матбугат һәм массакүләм коммуникацияләр агентлыгы интернет массакүләм мәгълүмат чаралары өчен «Теле барның юлы бар» — «Знание языка открывает возможности» республикакүләм журналистик конкурста катнашуга гаризалар кабул итә. Конкурсның максаты — интернетта проектларны үстерүче массакүләм мәгълүмат чараларны, журналистларны һәм редакцияләрне ачыклау, бүләкләү. Конкурсның гомуми приз фонды 141 000 сум тәшкил итә. Конкурста I, II, III урыннарда җиңүчеләр билгеләнәчәк. Читать дальше...

(Казан, 6 август, «Татар-информ»). Чиләбе өлкәсенең Кунашак авылында «Яз чәчәкләре» дип аталган яңа проектның чираттагы этабы узды. Бу хакта Бөтендөнья татар конгрессының матбугат хезмәте хәбәр итә. Проектта катнашучылар туган якны өйрәнү этабы кысаларында авыл тарихы музеенда булды һәм Бөек Ватан сугышы елларында фронтка киткән бабаларыбыз истәлегенә чәчәкләр куйды. Шуннан соң кызларны тагын бер танып белү бәйгесе («Авыл») көтә иде. Анда «Яз чәчәкләре» проектында катнашучылар урманда үсә торган... Читать дальше...

(Казан, 6 август, «Татар-информ»). Татарстан Республикасы Дәүләт Киңәшчесе, «Яңарыш» фондының Попечительләр Советы Рәисе Минтимер Шәймиев, проектны гамәлгә ашыру өчен команда туплап, Богородица монастыреның Казан Изге Ана иконасы чиркәвен яңадан торгызуга рухландырган кеше булды. Шәймиевнең чиркәүне яңадан торгызуда катнашучылар белән очрашуында Татарстан Республикасы Аппараты җитәкчесе Әсгать Сәфәров шулай дип белдерде. Сәфәров искәрткәнчә, Татарстан Президенты Рөстәм Миңнеханов 21 июльдә узган тантанада чиркәүне яңадан торгызу... Читать дальше...

(Казан, 6 август, «Татар-информ», Алексей Угаров). ЮНЕСКО Бөтендөнья мирас комитетының 45 нче сессиясе Казанда Сабан туе бәйрәме көнне узачак. «Бу вакыйганы Сабан туена туры китермәкче булабыз. Ул вакытта бөтен дөнья берәр шатлыклы күренештә «менә бездә Татарстанда Сабан туендагы кебек дип әйтерлек булсын», — дип әйтте Татарстан Дәүләт Киңәшчесе, Татарстан тарих һәм мәдәният һәйкәлләрен торгызу буенча республика фонды Попечительләр советы рәисе Минтимер Шәймиев Казан Изге Ана иконасы соборын торгызуда катнашучылар белән очрашуда. Читать дальше...

(Казан, 6 август, «Татар-информ», Надежда Гордеева). Бүген ТР Премьер-министры Алексей Песошин республика алдынгыларына Россия һәм Татарстанның дәүләт бүләкләрен тапшырды. Бүләккә барлыгы 49 кеше лаек булды. Чара Казан Кремлендә узды. «Бу залда мәгариф, сәламәтлек саклау өлкәсе вәкилләре, сәнгать эшлеклеләре, сәнәгать предприятиеләре, дәүләт хакимияте органнары хезмәткәрләре, финанс институтлары, азык-төлек сәнәгате, авыл хуҗалыгы, төзелеш, спорт комплексы һ.б. тармакларда эшләүчеләр утыра», — диде ТР Хөкүмәте башлыгы. Читать дальше...

(Казан, 6 август, «Татар-информ»). Казан дәүләт медицина университетын тәмамлаган һәм «Волонтер-медиклар» хәрәкәтендә катнашучы Ләйсән Сибгатуллина «Стоматология» юнәлеше буенча «Мин — профессионал» олимпиадасының дүртенче сезонында алтын медаль яулады. Татарстан Сәламәтлек саклау министрлыгы хәбәр иткәчә, «Мин-профессионал» — «Россия-мөмкинлекләр иле» Президент платформасының флагман проектларының берсе. Олимпиада РФ Мәгариф һәм фән министрлыгы ярдәме белән тормышка ашырыла. «Мин — профессионал» Бөтенроссия студентлар олимпиадасы ... Читать дальше...