Новости за 23.06.2021

(Казан, 23 июнь, «Татар-информ»). Самара өлкәсенең Иске Ярмәк авылында Бәдия Йосыпованың шәхси музее эшли. Социаль тернәкләнү бүлегенә йөрүчеләр еш кына экскурсияләр оештырып, аның өендәге музейга бара. Бу турыда «Самара татарлары» сайтында хәбәр ителә. Анда музей хуҗасының әтисе Мусин Хәлилдән сакланып калган тарихи экспонатлар, халкыбызның мәдәниятен, бүгенгесен һәм узганын чагылдырган материаллар тупланган. 1931 елгы, 1941 елгы район газеталары җыентыгы, шул чорларның документлары, фронттан хатлар... Читать дальше...

(Казан, 23 июнь, «Татар-информ»). Юлларны ярылып китүдән саклау өчен, Казан юл хезмәтләре эссе көннәрдә урамнарга көн саен су сибә. Артык югары температура да юл өслегенең җимерелүенә һәм асфальтта ярыклар барлыкка килүгә китерергә мөмкин. Һава температурасы төшкәнче юлларга су сибү дәвам итәчәк. Бу хакта Татарстан башкаласының матбугат хезмәте хәбәр итә. Юл өслеген саклау өчен һава температура +25 градустан югары булганда 11.00-15.00 сәгатьләрдә су сибәләр. Беренче чиратта, бу эш хәрәкәт күп булган урамнарда үткәрелә. Читать дальше...

(Казан, 23 июнь, «Татар-информ», Гадел Әхмәтҗанов). Краснодар өлкәсе Сочи шәһәре татарларының милли һәм дини лидеры, Сочи шәһәре мөселманнарының «Ясин» дини оешмасы рәисе Вәлид Ильясов яман шеш авыруыннан вафат булган . Аны иртәгә, 24 июньдә, Сочида җирләячәкләр. Бүген кич Сочи татарларының милли лидеры Вәлид Ильясов вафат, дип язган идек. «Вәлид Ильясовта онкологиянең дүртенче стадиясе иде. Аның Сочида яшәүче татарлар тормышына керткән өлешен бәяләп бетергесез. Аның ярдәме белән Сочида „Минем... Читать дальше...

(Казан, 23 июнь, «Татар-информ»). Иртәгә, 24 июньдә, көндез һәм кич белән Татарстанда яшенле һәм бозлы яңгырлар көтелә. Татарстан синоптиклары хәбәр иткәнчә, республикада һәм Казанда яшен вакытында җил тизлеге кыска вакытка 15-20 м\с-ка кадәр көчәергә мөмкин. Шквал вакытында җил тизлеге секундына 23 метрга җитүе ихтимал. Төнлә температура +17.+22 градус була. Көндез һава +30.+35 градуска кадәр җылыначак.

(Казан, 23 июнь, «Татар-информ», Эвелина Киселева). Татарстан Республика клиник хастаханәсенең реанимация бүлегендә коронавирус белән авыручы алты йөкле хатын-кыз ята. Бу хакта махсус туры эфир вакытында Татарстан Сәламәтлек саклау министрлыгының баш акушер-гинекологы Татьяна Шиһабетдинова сөйләде. «Бүгенге көндә Республика клиник хастаханәсенең перинаталь үзәгендә уртача авыр хәлдә 40 пациент ята, шуларның алтысы реанимациядә», — диде спикер. Татарстан Сәламәтлек саклау министрлыгы боерыгы буенча... Читать дальше...

(Казан, 23 июнь, «Татар-информ»). Татарстан Президенты Рөстәм Миңнеханов «Россия — Ислам дөньясы» стратегик караш төркеменең Төркия вәкилләре белән очрашты. Очрашуда ул хезмәттәшләренә актив эшләре өчен рәхмәт әйтте. Бу хакта ТР Президентының матбугат хезмәте җитәкчесе Лилия Галимова хәбәр итә. «Россия Президенты Владимир Владимирович Путин мөселман илләре белән хезмәттәшлеккә зур игътибар бирә. Бу Россиянең тышкы сәясәтенең өстенлекле юнәлешләренең берсе», — диде Рөстәм Миңнеханов. Ул 2020 елда төркем дистәдән артык зур чара уздыруы... Читать дальше...

(Казан, 23 июнь, «Татар-информ»). Краснодар өлкәсе татарлары Сочи шәһәре татарларының милли һәм дини лидеры, Сочи шәһәре мөселманнарының «Ясин» дини оешмасы рәисе Вәлид Ильясов вафат булуын хәбәр итте. Вәлид Ильясов Ростов өлкәсенең Шахты шәһәрендә туган. 1968 елдан бирле Сочида яши һәм төрле вазифаларда эшли. Ул үзен Сочи кешесе дип саный, дип язалар Краснодар татарларының инстаграмдагы рәсми сәхифәсендә. 1994 елда Сочи шәһәрендә мөселманнарның дини оешмасы барлыкка килә. Аңа беренче рәисе Равз Рамазанов һәм Вәлид Ильясов нигез сала. Читать дальше...

(Казан, 23 июнь, «Татар-информ», Полина Шевчук). Әлмәт районының Яңа Елань авылында трактор катнашында юл һәлакәте булган. Якынча мәгълүматлар буенча 55 яшьлек ир-ат шәхси йорт ишегалдыннан чыгып барганда идарәсен югалткан. Татарстан буенча Эчке эшләр министрлыгы матбугат хезмәте хәбәр иткәнчә, тракторчы җитди имгәнүләр алган һәм һәлакәт урынында ук үлгән. Ир-ат трактор белән таныклыгы булмаган килеш идарә иткән.

(Истанбул, 23 июнь, «Татар-информ», Рушания Алтай). Төркиядә яшәүче татар балалары Истанбулда төзекләндерелгән Тукай һәйкәленең ачылу тантанасында татар халкының бөек шагыйре Габдулла Тукай шигырьләрен сөйләде.  Чарага Татарстан Президенты Рөстәм Миңнеханов һәм Истанбул мэриясе генераль секретаре Җан Акын Чаглар катнашты. Алар Истанбулда үсеп килүче татар балалары Айнэль Хурамшина, Сәйдәр Гайфетдинов, Кубрат Алтай, Мелиса Кайыш, Сафия Ганиева, Иделбикә һәм Нурбикә Нәҗиповаларның чыгышларын тыңлады. Читать дальше...

(Казан, 23 июнь, «Татар-информ»). 24-27 июньдә Татарстанда билбаулы көрәш буенча ир-атлар арасында дөнья чемпионаты һәм яшүсмерләр арасында дөнья беренчелеге узачак. Турнирда 25 илдән 200гә якын спортчы катнашачак. Ир-атлар 11 үлчәү категориясендә һәм яшүсмерләр 9 категориядә дөнья чемпионы исеме өчен көрәшәчәк. Бу хакта Татарстан Спорт министрлыгы матбугат хезмәте хәбәр итә. Ир-атлар арасында абсолют авырлык категориясендә җиңүче автомобильгә ия булачак. Беренчел ярышлар 26 июньдә 11:00 сәгатьтә... Читать дальше...

(Казан, 23 июнь, «Татар-информ»). Төркиягә эш сәфәре кысаларында Татарстан Президенты Рөстәм Миңнеханов «Мәгълүмати технологияләр үзәне» технологик үсеш зонасында булды. Анда Татарстан Президентына Төркиянең беренче TOGG электромобилен күрсәттеләр. Бу турыда республика җитәкчесенең матбугат хезмәте хәбәр итә. 2021 елда «Долина»ның I этабы ачылды. Проект барлыгы 5 этаптан торачак. Тикшеренүләрнең төп юнәлешләре: мобиль кушымталар, компьютер һәм мобиль уеннар, киберкуркынычсызлык системалары, дизайн технологияләре... Читать дальше...

(Казан, 23 июнь, «Татар-информ»). Югары уку йортларында уку елын 1 сентябрьдә башлау планлаштырыла, соңгы карар августта кабул ителәчәк. Бу турыда Россия фән һәм югары белем бирү министры Валерий Фальков сүзләренә сылтама белән РИА Новости хәбәр итә. «Киләсе уку елын илнең барлык уку йортларында 1 сентябрьдә башларга планлаштырабыз. Шул ук вакытта уку елы башлану форматы турында соңгы карар агымдагы елның августында эпидемиологик вәзгыятьне һәм белгечләрнең фикерен исәпкә алып кабул ителәчәк», ... Читать дальше...

(Казан, 23 июнь, «Татар-информ»). «Гебким» махсус сәнәгать зонасында Татарстан Президенты Рөстәм Миңнеханов Төркия Сәнәгать һәм сәүдә министрлыгы башлыгы Мостафа Варанк белән очрашты. Чарада шулай ук Коджаэли провинциясе губернаторы һәм «Гебким» сәнәгать зонасы оешмасы идарәсе рәисе дә катнашты. Бу хакта ТР Президентының матбугат хезмәте җитәкчесе Лилия Галимова хәбәр итә. «Татарстанда махсус икътисади зоналар ясаганда, без Төркия тәҗрибәсенә дә таяндык», — диде Рөстәм Миңнеханов. Аның сүзләренчә... Читать дальше...

(Казан, 23 июнь, «Татар-информ», «Хезмәт даны» , Алсу Гатауллина). Бүген Кукмара районына Татарстан премьер-министры урынбасары Васил Шәйхразиев һәм Татарстан Президенты Аппараты, республиканың Мәгариф һәм фән министрлыгы, Иҗтимагый Палата вәкилләре һәм башкалар килде. Кунаклар районда туган телләрне укыту, саклау буенча эшчәнлек белән танышты.  Башта Лельвиж урта мәктәбендә, балалар бакчасында, музейда булдылар. Очрашу Кукмарада дәвам итте, анда алар үзәкләштерелгән китапханәләр системасы эше белән таныштылар. Читать дальше...

(Казан, 23 июнь, «Татар-информ», Полина Шевчук). Бүген Актаныш районының Чалманарат авылында көчле җил ферманың түбәсен кубарып аткан. 15.47 сәгатьтә ашыгыч хезмәтнең 112 бердәм номерына шул хакта хәбәр иткәннәр. Барлыгы 2,5 мең кв. метр түбәгә зыян килгән. Давыл вакытында фермада терлекләр булмаган, аларны көтүгә чыгарганнар. Моннан тыш, шул ук авылда шәхси йортның 180 кв.метр мәйданда түбәсенә зыян килгән. Табигый бәла-казада имгәнүчеләр булмаган. Мамадышта көчле җил агачны аударган һәм... Читать дальше...

(Казан, 23 июнь, «Татар-информ», Зилә Мөбәрәкшина). Татарстан Милли музеенда ислам тарихының мөселман мәдәнияте музей коллекциясеннән сайлап алынган раритетлар күргәзмәсе ачылды. Биредә беренче тапкыр XIX гасыр татар намазлыгы һәм мөһере куелган. Күргәзмәдә хаҗ кылу белән бәйле сирәк әйберләр тәкъдим ителде. Мәсьәлән, хаҗ тәмамлангач, хаҗ кылучыларга таратыла торган Кәгъбәтулла рәсеме төшерелгән кәгазьләр (хаҗда булучыларның таныклыгы). Шулай ук Мәккәгә барган хаҗига 1905 елда бирелгән чит ил паспорты да куелган. Читать дальше...

(Казан, 23 июнь, «Татар-информ»). Пандемия чорында чит илгә сәяхәт итү Россия кешеләр өчен куркыныч булырга мөмкин. Бу хакта Россия Президенты Владимир Путин сүзләренә сылтама белән РИА Новости хәбәр итә. «Чит илгә килгәч гаилә әгъзаларыннан кемдер авырып китәргә мөмкин. Нишләргә, кая барырга? Ничек дәваланырга? Кайда? Күп илләрдә хастаханә бусагасына чит ил кешеләрен кертмиләр», — диде ул. Аның фикеренчә, авырып киткән очракта сәяхәт итүчеләрнең хастаханәгә мөрәҗәгать итү белән генә түгел, ә... Читать дальше...

(Казан, 23 июнь, «Татар-информ»). Татарстан Президенты Рөстәм Миңнеханов Төркиягә сәфәрендә «Гебким» сәнәгать зонасында булды. Бу илдәге химия сәнәгате предприятиеләрен урнаштыруда махсуслашкан беренче сәнәгать зонасы оешмасы. «Президентка сәнәгать зонасында урнашкан берничә предприятиене күрсәттеләр, шулай ук компанияләр өчен булдырылган инфраструктура белән таныштырдылар», — дип хәбәр итте ТР Президентының матбугат хезмәте җитәкчесе Лилия Галимова. Бүгенгә 66 участокта 34 завод эшли, тагын 14 производство төзелә. Читать дальше...

(Казан, 23 июнь, «Татар-информ»). Татарстан Республикасының Рәшит Ваһапов исемендәге татар мәдәнияте иҗтимагый фонды «Яңа татар җыры» конкурсын игълан итә. Конкурсның максаты — татар эстрадасын камилләштерү, татар җырчыларының репертуарын баету, яңа заман авторларын таныту, киләчәк буыннарга сыйфатлы иҗади мирас калдыру, дип хәбәр итә Ваһапов фонды матбугат хезмәте. Бәйгедә яшь буенча да, география буенча да чикләүләр юк. Конкурс Татарстан Президенты һәм Мәдәният министрлыгы ярдәме белән оештырыла. Читать дальше...

(Казан, 23 июнь, «Татар-информ», Эвилена Киселева). Балага узганчы яңа коронавирустан прививка ясатканнан соң ана карынында яралган бала яхшы үсә. Бу хакта махсус туры эфирда Татарстан Сәламәтлек саклау министрлыгының баш акушер-гинекологы Татьяна Шиһабетдинова сөйләде. «Минем шәхсән шундый мәгълүматларым бар, хатын-кыз пациентлар бер прививканы ясатканнан соң ике-өч атнадан балага узган, алар хәтта белмәгән дә. Хәзер мин шундый җиде кешене күзәтәм. Скрининг бик яхшы уза. Барлык сабыйлар да сәламәт, бернинди тайпылышлар юк», — дип сөйләде ул.

(Казан, 23 июнь, «Татар-информ»). Дөньяда коронавирус инфекциясенең яңа штаммнары барлыкка килү һәм таралу дәвам итә. Бу турыда Бөтендөнья сәламәтлек саклау оешмасы Европа бюросы вәкиле сүзләренә сылтама белән «Известия» хәбәр итә. Аның сүзләренчә, бу уңайдан гражданнарның өстенлекле төркемнәрен прививка белән тәэмин итәргә, шулай ук СОVID-19 инфекциясе таралу юл куймау чараларын үтәргә кирәк. Коронавирусның яңа вариацияләре таралу бөтен Европа төбәге буенча авыру йоктыручыларның яңа очраклары кинәт артуга китерергә мөмкин. Читать дальше...

(Казан, 23 июнь, «Татар-информ», Наталья Рыбакова). Шанхай һәм Идел елгаларына килеп чыга торган ерганакка ниндидер күбек агып төшү факты буенча Казанның Отар бистәсендә экологлар административ тикшерү ачкан. Бу хакта «Татар-информ»га ТР Экология һәм табигать ресурслары министрлыгында хәбәр иттеләр. «Татарстан министрлыгына Отар бистәсендә Аркылы-Отар урамыннан агып төшкән явым-төшем суларын түгү турында хәбәр килде. Урында су ага торган торбалардан пычраткыч матдәләрне тикшерү өчен үрнәк алынды»... Читать дальше...

(Казан, 23 июнь, «Татар-информ»). Татарстан Республикасында яшәүче халыкларның «UenFest» II төбәкара традицион уеннары фестиваленең зона туры 1-2 июльдә «Дубки» балалар лагеренда узачак. Фестивальне ачу тантанасы 2 июль көнне лагерь территориясендә 11:30 сәгатьтә башлана. Алга таба жирәбә салу һәм конкурс программасы булачак, анда катнашучы командалар үз уеннарын тәкъдим итәчәк. Катнашучыларны Татарстан Республикасы авылларындагы традицион халык уеннары буенча мастер-класслар һәм әйлән-бәйлән уеннары көтә. Читать дальше...

(Казан, 23 июнь, «Татар-информ», Эвилена Киселева). Яңа коронавирус инфекциясеннән вакцинация хатын-кызларның бала таба алмавына китерә алмый. Бу хакта Татарстанда оештырылган махсус туры эфирда ТР Сәламәтлек саклау министрлыгының баш акушер-гинекологы Татьяна Шиһабетдинова сөйләде. «Бу сорау тикшерелә, аны миңа шәхсән язып җибәрәләр. Мин бу мифны юкка чыгарырга телим — вакцина үзе хатын-кызларның репродуктив функцияләренә тәэсир итми. Бу прививкага каршы торырга теләгән кешеләрнең ниндидер уйдырмалары», — диде табиб. Читать дальше...

(Казан, 23 июнь, «Татар-информ»). 3 июльдә Болгар музей-тыюлыгы территориясендә беренче тапкыр «Ага-Базар» халыкара этномәдәни фестивале узачак. Фестивальнең үзәк мәйданчыгында урта гасырлардагыча ясалган «Шәрык базары» булачак, анда уникаль кул эшләре товарлары белән сәүдә рәтләре тәкъдим ителәчәк, тематик мәйданчыклар, декоратив-гамәли сәнгать буенча иҗади шөгыльләр белән һөнәрчелек остаханәләре оештырылачак. 11.30 сәгатьтә «AGA BAZAR» этномәдәни фестиваленең рәсми ачылышы була. «Күп аһәңле Татарстан»... Читать дальше...