Новости за 23.04.2020

Президент Сооронбай Жээнбеков коронавирус менен күрөшүүгө тартылган ички иштер органдарынын кызматкерлерин жеке коргонуучу каражаттар жана башка зарыл болгон жабдыктар менен камсыз кылыш керек экенин билдирди. Бул тууралуу өлкө башчы 23-апрелде ички иштер министри Кашкар Жунушалиевди кабыл алганда айтканын президенттин аппараты маалымдады. Жунушалиев COVID-19 вирусу менен күрөшүү иштерине катышып жаткан күч кызматкерлери жеке коргонуучу каражаттар менен камсыз болгонун айтты. Министрдин сөзүнө караганда... Читать дальше...

Ноокат аймактык ооруканасында коронавируска чалдыккан 112 кишинин 91 илдетти жеңип чыкты. Алардын ден соолугуна кам көрүп, күнү-түнү алардын жанында болуп, илдетти оңой жеңүүсүнө шарт түзгөн дарыгерлердин бири, врач-реаниматолог Улугбек Урулбаев коронавирус менен күрөш тууралуу жана ооруну дарылоо ыкмалары тууралуу айтып берди. Дарыгер оору менен чогуу күрөшүп жаткан Ноокат аймактык ооруканасында иштеген бардык кесипештерине ыраазычылыгын билдирди.

АКШнын президенти Дональд Трамп Перс булуңунда америкалык кемелерге жакындап, ыдык көрсөткөн ирандык аскер кемелерин жок кылууга буйрук берди. Бул тууралуу Трамп 22-апрелде «Твиттерге» жазды.  «Reuters» жаңылыктар агенттиги жазгандай, бир жума мурун Иран революциясынын сакчылары корпусунун 11 кемеси Перс булуңундагы эл аралык акваторияда АКШ кемесине кооптуу аралыкка жакындаган. Ирандын армиясы АКШ президентинин соңку эскертүүсүнө жооп кайтарып, Трампты андан көрө өз аскерлерин коронавирустан... Читать дальше...

Бул тууралуу 23-апрелде өкмөттүн Ош облусундагы ыйгарым укуктуу өкүлү Узарбек Жылкыбаев брифингде айтты. Анын сөзүнө караганда, Ош облусунда көмүр кендеринде иштеген 12 компаниянын иштешине уруксат берилди. Алар Кыргызстандын ички муктаждыгына жана экспорт үчүн көмүр өндүрөт. «Көмүр кендери айылдан алыс жайгашкандыктан уруксат берилди. Алар көмүр казууга даярдана бербесе эртең эле кыш келет. Андан тышкары облуста үч чоң цемент заводу бар. Үчөө тең ишке кирди. Анткени ички рсоода-сатыкта цементке болгон муктаждык пайда болду»... Читать дальше...

Жалал-Абад облусунун Аксы жана Сузак райондорундагы жер көчкү коркунучу бар алты жер тилкесине Өзгөчө кырдаалдар министрлигинин кызматкерлери көчөт отургузушту. Министрликтин өкүлдөрү «Азаттыкка» билдиргендей, «Жашыл долбоор» программасынын алкагында жер кыртышын бекемдөө максатында Аксы районунун Кызыл-Көл, Кезарт, Шадыбек-Булак тилкелериндеги 7 гектар жерге жаңгак, өрүк, кара жыгачтын көчөттөрү отургузулду. Ал эми Сузак районунун Калмак-Кырчын аймагына мистенин уруктары эгилди. Жалал-Абад облусунун... Читать дальше...

Кыргыз өкмөтү Орусия Федерациясынан келишимдик негизде сатып алынган буудайдын 760 тоннасы (11 вагон) келгенин кабарлады. Буга чейинки жеткирилгендерди кошкондо келишимде көрсөтүлгөн өлчөмдүн 1800 тоннасы Кыргызстанга жеткирилди.  Маалыматка караганда жакынкы күндөрү дагы 53 вагон эгин келиши керек. Кыргыз өкмөтүнө караштуу Мамлекеттик материалдык резерв фонду Орусиянын Азык-түлүк корпорациясы менен 33 миң тонна буудай сатып алууга келишим түзгөн. Кыргыз өкмөтү учурда Мамлекеттик материалдык резерв фондунда буудайдын запасы жетиштүү... Читать дальше...

23-апрелде, Абдылас Малдыбаев атындагы Улуттук опера жана балет театрында дүйнөгө таанымал опера ырчысы, СССР Эл артисти Болот Миңжылкыевдин 80 жылдыгына арналган концерт өтөт. Мекеме билдиргендей, концерт онлайн түрүндө өтүп, КТРКнын «Маданият» каналынан түз көрсөтүлөт.  Концертке Опера жана балет театрынын алдыңкы опера ырчылары, эл артисти Керим Турапов, эмгек сиңирген артисттер Бактыбек Ыбыкеев, Кайымбек Кускаков, эл аралык конкурстардын лауреаттары Глеб Ким, Бактыбек Алмабеков, Бактыгүл Бокоева... Читать дальше...

23-апрелде Бишкек шаарынын Октябрь районунда көп кабаттуу үйдөн чыккан өрт саат 14:13тө толук өчүрүлдү. Өзгөчө кырдаалдар министрлигинин маалыматына караганда, №4 кичирайондо жайгашкан №14 үйдүн батиринен өрт чыккан. Өрттү өчүрүүгө министрликтен бир бөлүм тартылды. Тилсиз жоодон каза болгондор жана жаракат алгандар болгон жок. (BTo)

Пакистандык дарыгерлер өкмөттү динчилдерге мечиттерде намаз окууга уруксат берген чечимин жокко чыгарууга үндөштү. Пакистандык дарыгерлердин биримдиги 22-апрелде премьер-министр Имран Хан менен таасирдүү динаятчыларга кат жазып, элдин мечиттерде топтолушу коронавирустун жайылышына өбөлгө түзөрүн, ансыз да ооруканалар бейтаптарга шыкалып калганын эскертишти.  «COVID-19 илдетин ооздукташ үчүн катуу карантин чаралары зарыл. Бирок биздин жетекчилер туура эмес чечим кабыл алышты. Диний аалымдар да олуттуу мамиле кылышкан жок»... Читать дальше...

Президент Дональд Трамп айрым иммигранттардын АКШда отурукташуусун убактылуу чектеген буйрукка кол койду. Ага ылайык, чет өлкөлүктөргө Кошмо Штаттарда туруктуу жашоого мүмкүнчүлүк түзгөн грин-карталарды берүү жараяны 60 күнгө токтотулат. Бул мөөнөт андан ары узартылышы мүмкүн. Бирок соңку буйрук АКШга убактылуу келип кетүүнү көздөгөндөргө таасирин тийгизбейт.  Трамп мындай чара өлкө экономикасы коронавирустан жабыркап жаткан шартта америкалыктардын жумуш орундарын сактап калууну максат кыларын айтты. Читать дальше...

Тажикстандын парламентин президенттин кызы башкарабы же уулу башкарабы деген суроонун тегерегиндеги талкуу акыры аягына чыкты. Эмомали Рахмондун 32 жаштагы уулу парламентке төрага болуп шайланды.

Тажикстандын баш каалаасы Дүйшөмбүдөгү лицейлердин биринде дене тарбия мугалиминин өлүмүнөн кийин окуучулар таратылды. Мугалимдин кесиптештеринин «Азаттыктын» тажик кызматына билдиргени боюнча, Хуршед Каримов өпкө оорусунан каза болгон.  Лицейде 400дөн ашуун окуучу билим алат. Балдардын ата-энелерине лицей убактылуу жабылганы жана сабактар качан башталары тууралуу кошумча маалымат берилери айтылды. Дүйшөмбүнүн саламаттык сактоо башкармалыгы тынчсызданууга негиз жок экенин, план боюнча №1 лицейде дезинфекция жүргүзүлөрүн гана маалымдады. Читать дальше...

Кыргыз тилинде «сары» деген сөзгө уланып айтылган ар кыл маанидеги сөздөр арбын. Айрымдарына көңүлүңүздөрдү бура кетели.

Коронавируска каршы күрөш боюнча республикалык штабдын жыйынында COVID-19 вирусу жуккан бейтаптардын 48% айыгып, ооруканадан чыгарылганы айтылды. 23-апрелге карата коронавирус 631 адамдан табылды. Стационарда 321 бейтап жатат, алардын бешөө жандандыруу бөлүмүндө. Сегиз киши каза болду. 302 адам оорудан айыкты. Биринчи вице-премьер-министр Кубатбек Боронов штабдын жыйынында аймактарда обсервациялык жайлар кишилерди кабыл алууга даяр турушу керек экенин билдирди. Андан тышкары http://med.tunduk.kg/... Читать дальше...

23-апрель дүйнөгө таанымал опера ырчысы, СССР Эл артисти Болот Миңжылкыевдин туулган күнү. Ал тирүү болгондо быйыл 80 жашка чыкмак.

Президент Сооронбай Жээнбеков бүгүн, 23-апрелде, Кыргызстанда жашаган бардык мусулмандарды Орозо айынын башталышы менен куттуктады. Мамлекет башчынын куттуктоосунда: «Отуз күн кармаган Орозонун касиети менен дил дүйнөбүз тазарат, ыйманыбыз тереңдейт, аруу сезимдер арбып, жакшылыкка болгон үмүтүбүз бекемделет. Биримдикке, ынтымакка, бири-бирибизди колдоого чакырган Орозо күндөрүнүн мааниси - бүгүнкү татаал мезгилде өзгөчө бийик, ушул улуу касиеттер учурда бизге өтө зарыл. Баарыңыздарга бекем ден соолук... Читать дальше...

Чоң-Алай районунун айрым айылдарына оптико-булалык Интернет тартылып жаткан учур карантинге туш келип, үзгүлтүккө учурап калды. Калган бардык аймактарда мектептер Интернет менен камсыз болгон. Санариптик телекөрсөтүү дээрлик бардык айылдарда тартат. Бул тууралуу өкмөттүн Ош облусундагы өкүлү Узарбек Жылкыбаев 23-апрелде брифинг учурунда билдирди. Анын айтымында балдардын карантин учурунда аралыктан билим алышына шарт түзүш үчүн 252 балага телевизор, 81 смартфон алынып берилди. Бул облустук бюджеттен жана меценаттардын берген акчасына алынган. Читать дальше...

97 миллион калкы бар Вьетнам Кытай менен чек аралаш жайгашкан. 22-апрелге карата бул өлкөдө коронавирустан бир да киши каза тапкан эмес, ал эми илдетти жуктуруп алгандардын саны үч жүзгө жетпейт.

Дин иштери боюнча мамлекеттик комиссия кыргызстандык мусулмандарга кайрылып, орозодо карантин эрежелерин сактоого чакырды. 23-апрелде таратылган бул билдирүүдө ооз ачарга, таравих намазга чогулбай, жөрөлгөлөрдүн баарын үйдө, элди чогултпай өткөрүү сунуш кылынган.  Бишкек шаарынын коменданты Алмазбек Орозалиев да 23-апрелдеги брифингде орозо маалында жарандарды өзгөчө абалдын талаптарын бузбоого чакырды: «Быйыл Орозо айы карантин жана өзгөчө абалга туш келип отурат. Ошондуктан, биз бул ыйык айда сабырдуу болуп... Читать дальше...

1994-жылдын август айы. Тажикстанда жарандык согуш улам күчөп жатканына карабай, окууга кирем деп белсенип, бизден 70 чакырым алыс турган райондун борборуна жөө-жалаңдап, арып-ачып араң жеттим.

Коронавирус чуусунан улам Кыргызстанга алыс-жакын мамлекеттерден он миңге жакын мигрант кайтып келди. Орусияда жана Казакстанда дагы жүздөгөн кыргызстандыктар мекенине жөнөгөнгө даяр турушат.

Өкмөттүн маалыматына караганда Кыргызстанда коммерциялык банктар жалпы суммасы 52 млрд. сомду түзгөн насыяга каникул берди. Ошол эле маалда насыя төлөөдө айрым банктар жеңилдик бербей жатканын, кредиттерин төлөй албай калганын айткан адамдар көбөйдү.