Новости за 07.04.2020

Пост-советтик аймакта коронавирус колунда жокторго катуу сокку уруп жаткан маал. Күнүмдүк иш менен жан баккандар эми кантип тамак-аш табуунун аргасын издеп жатышат. Муктаждарга жардам берген кайрымдуулук уюмдарынын ишмердиги да чектелди.

"Эл үнүнө" материалдык жана тамак-аш жагынан жардам күткөн жалгыз бой энелер жана көп балалуу үй-бүлөлөр кайрылышты. Москванын "Шереметьево" аэропортунда турган мигранттар бийликке дагы кайрылуу жолдошту.

Улуттук статистика комитетинин маалыматына ылайык, өлкө боюнча жалпы жумушсуздардын саны 156 миӊ 300 киши деп эсептелди. Булардын ичинен 97 миң 400ү жумуш менен камсыз кылуу кызматтарына кайрылып, 78 миң киши жумушсуз катары каттоого турган. Бул тууралуу эмгек жана социалдык өнүгүү министри Улукбек Кочкоров маалымдады. Анын айтымында, жумушсуз катары 300 сомдон жөлөкпул алган 155 жаран бар. Мындан сырткары ай сайын 41 миң 200 киши ар кандай категориядагы жеңилдиктердин ордуна 1000 сомдон 7000 сомго чейин акчалай компенсация алышат. Читать дальше...

2010-жылы 7-апрелде Кыргызстанда бийлик алмашып, президент Курманбек Бакиев элдин толкундоонун арты менен кызматтан кеткен. Ал күнү 90дой адамдын өмүрү кыйылган.

Кыргызстанда коронавируска каршы күрөш үчүн атайын ачылган эсепке түшкөн акчанын жалпы суммасы 6-апрелге карата 103 млн. 946 миң 301 сомду түздү. Бул тууралуу Коронавируска каршы республикалык штаб кабарлады. Буга чейин Кыргызстанда атайын эсепке түшкөн каражаттан коронавирус менен күрөшүүгө тартылган медицина кызматкерлерине кошумча төлөм үчүн 38 559 307 сом бөлүнөрү кабарланган. Эсеп илдетке каршы күрөш иштерин жүргүзүүгө жеке жана юридикалык жактардан ыктыярдуу төлөмдөрдү жана кайтарымсыз каражаттарды кабыл алыш үчүн ачылган. Читать дальше...

Орусияда 7-апрелдин таңына карата дагы 1154 адам коронавирус жугузганы аныкталды. Алардын жарымынан көбү борбор Москвада. Илдетке чалдыккандардын жалпы саны 7,5 миң кишиге жетти. Вирустун таралышына каршы түзүлгөн ыкчам штаб акыркы бир күндө COVID-19 кесепетинен 11 киши көз жуумп, курмандыктар 58 адамга жеткенин билдирди. Бир апта ичинде Орусияда коронавирус жугузганы аныкталгандар үч эсе көбөйдү. Роспотребнадзор 800 миңдей адамды коронавируска карата тесттен өткөргөнүн билдирүүдө.  Кырдаалга... Читать дальше...

Айыкпас дарттын аргасын издеп кыйладан бери Москвада дарыланып жаткан белгилүү коомдук ишмер Ташбоо Жумагулов дүйнөдөн кайтты.

"Эл үнүнө" жаз жарышта жерин айда албай жаткан дыйкандар өлкөнүн бардык аймагынан кайрылып жатышат. Кочкор районундагы Кум-Дөбө айылынын тургуну Амандык Сапарбеков жер иштетчү техникага керектүү шаймандар жетпей жатат деп кайрылды.

Ош шаарынын борборундагы көп кабаттуу үйлөрдүн жанында 52 жаштагы жалгыз бой аял 16 жаштагы баласы менен вагондо жашайт. Акыйкатчынын Ош облусу боюнча өкүлчүлүгүнө бул үй-бүлө 15 жылдан ашык убакыттан бери вагондо жашаарын айтып берген. Жалгыз бой аял майып экенин, бирок аны тастыктаган документ ала албагынын айтууда. Ал документ боюнча Райимбеков №4 көчөсүнө катталган.  Бул жаран Ош шаардык мэриясына кайрылып, бирок эч кандай жыйынтык чыкпай жатканын кабарлады. Акыйкатчынын Ош облусу боюнча өкүлчүлүгү анын арызын көзөмөлгө алынарын билдирди.

Жогорку Кеңештин мурдагы депутаты Бактыбек Калмаматов коронавирус пандемиясына байланыштуу президенттик аппараттын саясатын сынга алды.

Коронавирус пандемиясынан улам Түркиядагы бардык жогорку окуу жайлары жайга чейин аралыктан билим берүүгө өткөн. Айрым университеттердин жатаканалары толук жабылган. Түркияда эки миңге жакын кыргызстандык билим алат.

Коменданттык сааттын талаптарын бузуп, милицияга кол көтөргөнү үчүн Ош облустук сотунун судьясына кылмыш иши козголду. Бул тууралуу «Азаттыкка» Ош шаары, Ош облусунун Ноокат, Кара-Суу райондору боюнча коменданттын басма сөз борборунун кызматкери Замир Сыдыков билдирди. Маалыматка ылайык, 6-апрель күнү кечинде Ош облустук сотунун судьясы мас абалында коменданттык сааттын шарттарын бузуп, милиция кызматкерине кол көтөргөн. Бул факты Кылмыштар менен жоруктардын бирдиктүү реестрине катталып, Жазык... Читать дальше...

Ушул тапта УКМКнын тергөө абагында отурган мурунку президент Алмазбек Атамбаев өз кайрылуусунда «мындан он жыл мурун, 7-апрель күнү кыргызстандыктар кандуу режимди кулаткан» деп белгиледи. «86 жаран ошол күнү набыт болуп, 1,5 миңден ашуун адам жаракат алган. Өз өмүрүн келечек үчүн тартуу кылган кыргызстандыктардын эрдиги өз элиңе, мамлекетиңе кызмат кылууга үлгү болуп, жаңы муунду шыктандырып турат. Адам өмүрүнүн баасы менен Кыргызстан бийлик диктатурасынан эркин, демократиялык коомчулукка карай жол кура баштаган. Читать дальше...

Нарын облустук ооруканага обсервацияга 22-мартта жаткан бейтап бир күнгө үйүнө барып келген. Коронавируска каршы күрөш боюнча облустук штабдын мүчөсү Динара Жунусова бейтап үйүнө барган кезде анализи таза чыкканын «Азаттыкка» билдирди. «Бул бейтап 22-мартта Казакстандан Нарынга келген. Дене табы жогору болуп, обсервацияга жаткырылган. Андан экспресс-анализ алганда таза чыккан. Ушундан улам ал 3-апрелде ооруканадан чыгарылган. Бирок Бишкекке жиберилген экинчи анализинин жыйынтыгы келгенде бул бейтап коронавирус жугузганы аныкталды. Читать дальше...

Ала-Букада беш дарыгер жумуш учурунда коронавирус жугузуп алганына байланыштуу Саламаттык сактоо министрлиги аймактык оорукананын башчысын кызматтан алды.

7-апрелде Москванын "Шереметьево" аэропортунда турган мигранттар кыргыз бийлигине дагы кайрылуу жолдошту. Алар кыргыз диаспорасынын өкүлчүлүктөрү жана элчилик уюштурган хостелдерде жашагысы келбей, кандай болсо да Кыргызстанга алып кетүүнү талап кылып жатышат.

Соня Пекова – чехиялык молекулярдык генетик жана вирусолог, Tilia Laboratories менчик лабораториясынын башчысы, таажы вирусту биринчилерден болуп өлкөдө аныктаган адистердин бири.

Мамлекеттик материалдык резервдер фондунун кампаларындагы ундун сапаты байма-бай текшерилип турат. Даяр продукцияны сактоо эрежелери коюлган бардык талаптарга жооп берет. Бул тууралуу өкмөттүк аппараттын маалыматтык саясат бөлүмү “Азаттыкка” кабарлады. Маалыматка ылайык, социалдык тармактарда Мамлекеттик материалдык резервдер фондунун запасынан аз камсыз болгон үй-бүлөлөргө жардам иретинде таратылган ундан курт чыккандыгы тууралуу маалыматтар чындыкка дал келбейт. “Жардамга муктаждарга таратылган... Читать дальше...

Карантин спортчуларды да онлайн платформага өтүүгө түрттү.

Жапониянын премьер-министри Синзо Абэ 7-апрелде өлкөнүн Токио шаары баштаган жети аймагына өзгөчө абал жарыялады. Бул өлкө элинин жарымына жакынынын турмушу кеминде бир ай чектелерин билдирет. Элди үйүнөн чыгарбоо, ишканаларды убактылуу жабуу үчүн өкмөт көбүрөөк ыйгарым укукка ээ болду. Ошол эле учурда эреже бузгандар дээрлик жазага тартылып же айыппул төлөшпөйт. Бийлик жарандардын аң-сезимине, бири-бирин урматтоосуна үмүт артууда. «Эгер биз адамдар ортосундагы контактты жок дегенде 70% же балким 80% азайта алсак... Читать дальше...

Британиянын премьер-министри Борис Жонсон эң мыкты медициналык жардам алып жатат. Бул тууралуу министрлер кабинетинин өкүлү Майкл Гоув 7-апрелде Би-Би-Сиге билдирди. «Премьер-министр реанимацияда. Аны медициналык команда карап жатат. Ал Сент-Томастагы топтун абдан, абдан мыкты жардамын алууда. Биз үмүттөрүбүз, дубаларыбыз ал жана анын үй-бүлөсү менен» - деди Гоув. 55 жаштагы Жонсон коронавирус жугузуп алганы 27-мартта белгилүү болгон. Жонсон коронавирус жугузуп алганы 27-мартта белгилүү болгон. Читать дальше...

«Дордой» базарынын жанындагы конушта жашаган муктаж үй-бүлөлөргө мамлекеттен ун таратуу тууралуу видеодогу кызматкерлер аныкталып, аларга сөгүш жарыяланды. Бул тууралуу 7-апрелде Бишкек мэриясынын аппарат башчысы Балбак Түлөбаев «Фейсбуктагы» жеке баракчасында билдирди. Ал Муниципалдык аймактык башкармалыктын (МАБ) кызматкерлери барган конуштун тургундары менен өзү жолугуп, кечирим сураганын, ун таратылганын айтты: «МАБдын ушундай мамиле кылган кызматкерлерине жана жетекчисине сөгүш жарыяладык. Читать дальше...

Коронавирус жуктуруп алган Британиянын премьер-министри Борис Жонсон 6-апрелде ооруканага жаткырылган күндүн эртеси реанимацияга которулду.

АКШнын Федералдык прокуратурасы алгач ирет футбол тармагына жооп берген мурдагы жетекчилерди Орусия менен Катардан пара алган деп айыптады. Айыптоо корутундусунда Тринидад менен Тобагонун жараны, Эл аралык футбол федерациясынын (ФИФА) мурдагы вице-президенти Жек Уорнер бир нече компаниялар аркылуу Орусиядан 5 миллион доллар алганы белгиленет. Акчанын бир бөлүгүн чемпионатка даярдануу учурунда Орусиянын кызыкчылыгын коргогон америкалык фирмалар төлөп беришкен. Ал эми ФИФАнын аткаруу комитетинин мурдагы мүчөсү... Читать дальше...

Өзгөчө кырдаалдар министрлиги тарабынан коронавирус илдети аныкталган аймактардагы 752 080 метр автоунаа жолу дезинфекцияланды. Мындан тышкары блокпосттор да зыянсыздандырылган. Министрликтин куткаруучулары тарабынан 7-апрелге карата 12077 орундуу обсервациялык жайлар даярдалды. Обсервациядагы жарандарга ысык тамак-аш жеткирилүүдө. Санитардык карантиндик жана блокпостторго Өзгөчө кырдаалдар министрлиги 120 чатыр, 56 көчмө үй тургузуп берди. 112 ыкчам номуруна акыркы суткада 8295 жолу телефон чалынган... Читать дальше...