Новости за 20.04.2020

Төкмө акын, комузчу, Эл артисти Элмирбек Иманалиев 42 жаш курагында мезгилсиз дүйнөдөн кайтты.

Кыргызстанда өзгөчө абал киргенине байланыштуу коомдук жайлар менен катар спорттук залдар, стадиондор убактылуу ишин токтотту. Ушул жылдын июль айына белгиленген Олимпиада оюндары кийинки жылга жылдырылды. Кыргызстанда өтө турган бир канча эл аралык мелдештер да коронавирус коркунучунан улам токтотулду. Кыргызстандын улуттук курама командаларынын окуу-машыгууларына да чектөө кирди. Бирок спортчулар үй шартында машыгуусун токтоткон жок. Алар үчүн үйдөгү түрдүү буюмдар машыгуучу шайманга айланган.

COVID-19 вирусун жугузуп алгандардын айрымдары илдеттин оор түрүнө кабылып, узакка дарыланган соң гана айыгып чыгышат. Андан айыгып чыккандар кантип денеси көгөрүп кеткенин, жакындары менен кантип коштошуп, кандай азапты баштан өткөргөнүн эскеришет.

Өзгөчө абал киргизилгенден бери жөлөк пул албай калган энелер “Эл үнүнө” кайрылышты. Ошондой эле чет өлкөлөрдө ар кандай себептер менен калган жарандар да кыргыз бийлигинен жардам сурашат.

Чындыкка тик караган ак таңдай акын, комузчу, Кыргыз Эл артисти Элмирбек Иманалиев 42 жаш курагында мелгилсиз дүйнөдөн кайтты. Аны жоктогон дагы бир акын Шайлообек Дүйшеевдин залкар замандаш инисин жоктогондогу ыр саптарын, ошондой эле Элмирбектин 2015-жылы август айында "Азаттык" радиосунун "Жан дүйнө" рубрикасына жаздырылып алынган маегин кайра жарыялайбыз.

Төкмө акын, комузчу, Эл артисти Элмирбек Иманалиев 42 жаш курагында мезгилсиз дүйнөдөн кайтты. Бул тууралуу анын чыгармачыл достору кабарлашты. Чыгаан акын Элмирбек Иманалиев 1978-жылы 17-январда Токтогул районунун Өзгөрүш айылында туулган. 13-14 жашынан баштап колуна комуз алып чоң айтыштарга катыша баштаган Элмирбек Иманалиев бир нече республикалык жана эл аралык айтыштардын жеңүүчүсү, калк жактырып уккан бир нече обондордун автору. “Айтыш” коомдук фондусунда көптөгөн жаш акындардын устаты. Читать дальше...

20-апрелдин кечинде "West Texas Intermediate" (WTI) маркасындагы мунайдын бир баррели дээрлик 100% кунун жоготту. Тактап айтканда шейшембиге оогон түнү Лондон биржасында 0,01 долларга чейин түшүп, кайра жогорулады. Белгилей кете турган жагдай, бул WTI мунайынын май айында жеткирилчү бөлүгүнө тиешелүү баа. Финансы талдоочулары фондулук биржа тарыхында баанын мынчалык ыкчам кулашы каттала элек болчу деп жатышат. Арзандоого коронавирустун кесепетинен улам кара майга суроо-талаптын кескин кыскарып... Читать дальше...

Тажикстандын Саламаттык сактоо министрлиги Дүйшөмбү прокуратурасынын бөлүм башчысынын өлүмүнө грипптин H1N1 түрү жана өпкөнүн кош сезгениши себепкер экенин билдирди. «Ал COVID-19 инфекциясына чалдыккан эмес», деп жазылат 20-апрелдеги расмий билдирүүдө.  38 жаштагы Жалолиддин Абдужабборзода 15-апрелде борбордогу инфекциялык ооруканага жеткирилип, 19-апрелде эртең менен көз жумган. Учурда анын карантинге алынган туугандарынын саламаттыгы жакшы экени да билдирүүгө камтылган. Абдужабборзоданын туугандарынын... Читать дальше...

Парламенттеги КСДП фракциясынын депутаты Рыскелди Момбеков мурдагы президент Курманбек Бакиевдин тушунда иштеген генералдар Модомуса Конгантиев жана Нурлан Турсункулов менен эс алып отурган видео боюнча комментарий берди. Эл өкүлү «ачуу сын айтканым үчүн каралоо уюштуруп жатат» деп өкмөттү айыптады. Момбеков эки генерал апрель окуясы боюнча өз жазасын алганын белгилеп, Конгантиев менен Турсункулов 2017-жылы шайлоодо азыркы президент Сооронбай Жээнбековдун штабында иштегенин эске салды.  «Биздин... Читать дальше...

Германияда 20-апрелден тартып аянты 800 чарчы метрден ашпаган дүкөндөр жана соода жайлары ачылды. Мектептер бүтүрүүчү класстар үчүн гана 4-майда ачылат деп күтүлүүдө. Башкалар үчүн жергиликтүү бийлик кырдаалга жараша чечим кабыл алышы керек. Канцлер Ангела Меркел дүйшөмбүдөгү басма сөз жыйынында коомдук жайларды дароо ачып салууга болбой турганын, андай кадам буга чейинки ийгиликтерди тобокелге салууга тете болорун белгиледи. «Биз пандемиянын эң башталышында экенибизди, аны жеңүүгө али көп бар... Читать дальше...

20-апрелге карата Кыргызстанда коронавирус жуккандар 568 адамга жетти. Баш калаа Бишкекте 115 киши ооруп жатканы маалым болду. Адистер баш калаада илдет жуккандар көбөйүп жатканына тынчсызданууда.

Орусия мамлекети менен келишимдин негизинде сатып алынган буудай Кыргызстанга келе баштады. 20-апрелде 15 вагон менен келген 1028 тонна буудай Чүйдүн Кара-Балта шаарында жайгашкан «Дан» мамлекеттик ишканасынын кампасына түшүрүлдү. Бул тууралуу маалымат өкмөттөн алынды. Материалдык резервдер фонду Орусиянын азык-түлүк корпорациясы менен 33 миң тонна буудай сатып алуу боюнча келишимге кол койгон. Ушул аптанын ичинде дагы 36 вагонго жүктөлгөн буудай темир жол аркылуу келет. Калган бөлүгү май айынын аягында келип калары кабарланды. Читать дальше...

Чүй облустук ички иштер башкы башкармалыгы Арашан айылында посттон өтмөкчү болуп ок аткандардын экөө аныкталып, милицияда сурак берип чыкканын маалымдады. Учурда окуяга катышкан башка жарандарды аныктоо жүрүп жатат. Баштапкы маалымат боюнча, алардын бири ооруканада экени кабарланды. Милициянын маалыматына ылайык, 18-апрель күнү түшкө жуук бир нече квадроцикл айдаган он чакты киши Арашан айылында жайгашкан посттон өтүүгө аракет кылышкан. Жергиликтүү тургундар, ыктыярчылар аларды өткөрбөй койгондуктан ортодо чыр чыгып... Читать дальше...

Иран коронавирус жайылышына байланыштуу киргизген айрым чектөөлөрүн алууну улантууда. 20-апрелден тартып шаар аралык кан жолдор жана соода борборлору, анын ичинде Тегерандын башкы Чоң базары ачылды. Ал эми ресторан, спорттук машыгуу залдары жабык бойдон турат.  Расмий маалыматка караганда өлкөдө коронавирус жуккандар 80 миңден ашып, алардын 5 миңден ашууну көз жумду. Ошол эле учурда Иран парламенти COVID-19 кесепетинен өлгөндөр эки эсе көп болушу, оору жуккандардын саны азайтылып көрсөтүлүшү ыктымал экенин билдирүүдө. Читать дальше...

Бийлик менен медициналык кызматкерлердин ортосундагы ажырым улам чоңоюп бара жатат. Бул өлкөдө вирус менен күрөшүүгө өз таасирин тийгизеби? Кыргыз дарыгерлери кандай шартта иштеп жатышат?

Түндүк Осетиянын борбору Владикавказда миңдей киши катышкан митинг өттү. Чогулгандар беткап тагынуудан баш тартып, коронавирус тууралуу кеңири маалымат жетпей жатканына, чектөө чараларынан улам жумуштарын жоготушканына нааразылык билдиришти. Митингчилер «Битаров, чык!» деп кыйкырып, 8-майга чейин анын отставкасын, парламенттин тарашын талап кылышты. ИИМ жана Росгвардия шаардагы Эркиндик аянтын дароо бөгөп салганын «Кавказ.Реалии» сайты маалымдады. Түндүк Осетия башчысы Вячеслав Битаров элге чыгып... Читать дальше...

20-апрелде Кытайдан медициналык кызматкерлердин тобу келди. Кытай медиктери кыргыз дарыгерлерине коронавирус илдетинин жайылышы менен күрөшүүгө жардам беришет. Тажрыйба алмашып, чет өлкөлүк медицина адистери оорулууларды дарылоонун ыкмаларын үйрөтүшөт. Бул тууралуу өкмөттүн басма сөз кызматы маалымды. Медициналык эксперттик топ менен вице-премьер-министр Аида Исмаилова жолугушту. Исмаилова Кытайдан келген дарыгерлер тобу Кыргызстандын саламаттык сактоо систамасында иштеген кызматкерлерин аралыктан окутууну пландаштырып жатканын айтты. Читать дальше...

Быйыл Ысык-Көлгө келген ак куулар адаттагыдан көп. “Сүйүүнүн символу» саналган  канаттуулар көлдү айлана Тоң, Жети-Өгүз, Түп жана Ысык-Көл райондорунун жээктерин байырлашты. Ак куулар Ысык-Көлдө көбөйүп, анан кайра келген жагына учуп кетишет. Аларга кошумча тамак берилбейт, суудагы балыр, курт-кумурска менен тамактанышат. Экологдор белгилегендей, мындан беш-алты жыл мурун Ысык-Көлдө ак куулар жокко эсе эле. Көл жээгине ышылдак жана куркулдак ак куу келет. Жыл сайын алардын арасынан беш жүздөн миңге чукулу кыштап калат.

Кыргызстандагы театр артисттери карантин убагында элге өнөрүн Интернеттен тартуулап жатышат.

Соцтармактардын колдонуучулары Бишкек шаардык мэриянын кызматкеринин "көп балалуу үй-бүлөлөрдү жек көрөм" деген билдирүүсүн кызуу талкуулашты. Ал "жардамга муктаж болуп кайрылгандардын көбү көп балалуу жалгыз бой энелер. Алар үй-бүлөнү пландоону билбейби" деген нааразылыгын билдирген. Ал эми алып баруучу Ассол Молдакматова Кыргызстанга келип түшкөн каражаттын жалпы көлөмү 164 млн. доллардан ашканын жазып, акча эмнеге коротулуп жатканына кызыкты.

Жогорку Кеңеште «Бир Бол» фракциясынын жетекчиси Алтынбек Сулайманов валюта алмаштыруу бюролорун жабуу боюнча мыйзам долбоорун чакыртып алууну сунуш кылды.  Депутат «Фейсбуктагы» баракчасында кызматташтарына видео аркылуу кайрылып, акча алмаштыруучу жайларды жабылышына эмнеге каршы болуп жатканын түшүндүргөн.  «Бул мыйзам долбоорун мен колдобойм. Биринчиден, элге ыңгайсыз болуп, банктарга кезек күткөндөр көбөйөт. Экинчиден, туристтерге ыңгайсыз. Үчүнчүдөн, бул кадам акча алмаштыруучу жайларда иштеп... Читать дальше...

Кыргызстанда туулуп-өскөн жана коронавирустан дарыланып чыккандан кийин өз өмүрүн кыйган Касым Алиевдин сөөгү Түркияда 19-апрелде жерге берилди. Ал 10 жылдан ашык Түркиянын Билежик аймагында туруктуу жашап жүргөн.

20-апрелден тарта Европанын бир катар мамлекеттери коронавирус пандемиясына байланыштуу киргизилген чектөөлөрдү жумшарта баштады. Орусияда 15-июнга чейин миграциялык мыйзам бузган чет өлкөлүктөргө административдик чара колдонулбайт.

Татарстандагы белгилүү ислам аалымы Габдрахман Наумов «тыюу салынган топтун филиалын түзүп, башкарган» деген айып менен камакта отурганы белгилүү болду. Анын адвокаты Руслан Нагиев кардары бир ай мурда «Нуржулар» аттуу диний топтун лидери деген шек менен кармалганын «Азаттыктын» татар кызматына ырастады. Наумов - Татарстандагы Орусия ислам университетинин окутуучусу жана борбор Казандын башкы мечитинин мурдагы имамы. «Анын кармалышы Татарстандагы көпчүлүктү дендароо кылды. Көптөгөн диний жана коомдук ишмерлер Наумовду колдоп жатышат. Читать дальше...

Автобус күткөн жана велосипед менен жумушка келген дарыгерлер. Футбол чебери болгусу келген окуучу кыз Толгонай. Күнөскана курган баткендик фермер. Дүкөндө коронавирустан коркпой жөөлөшкөн эл. Ушул баяндар “Данисте” тележурналынын бул жолку чыгарылышында.