Новости за 16.04.2020

АКШдагы Жорж Вашингтон университетинин ооруканасынын адистери коронавирус жуккан бейтаптын өпкөсүнүн сүрөтүн атайын программага салып, виртуалдык реалдуулукта карап чыгышкан. Анда өпкөнүн SARS-CoV-2 вирусунан сезгенген жана таза бөлүгү бири-биринен кескин айырмаланат.

Түркияда калган кыргызстандыктар 17-апрелге караган түнү Стамбул-Бишкек авиакаттамы менен Кыргызстанга учат деп күтүлүүдө. Бул тууралуу «Азаттыкка» Жогорку Кеңештин Эл аралык иштер, коргоо жана коопсуздук боюнча комитетинин төрагасы, депутат Исхак Пирматов билдирди. «Мендеги маалымат боюнча, учак Түркиядан түндө учканы жатат. Өкмөт менен да сүйлөштүм. Андан тышкары Новосибирск шаарындагы кыргызстандыктарды да алып келүү боюнча иштер жүрүп жатыптыр», - деди Пирматов. Анын сөзүнө караганда Түркиядан учак 17-апрелде түнкү саат 3тө учат. Читать дальше...

Дүйнөнүн бир катар өлкөлөрүндө COVID-19 вирусунун алдын алуу максатында мектептер жабылган. Ага карабай окуучулар, мугалимдер билим берүүнү үзгүлтүккө учуратпаш үчүн түрдүү технологияларды, ыкмаларды колдонуп жатышат.

Өзгөчө абал 30-апрелге чейин узартылгандан кийин үй-бүлөнү тамак-аш жана башка зарыл нерселер менен кантип камсыздайбыз деген түйшөлгөндөр арбын. Талас обулусунда сүттүн баасы арзан болуп жатканын айткан тургундун суроосуна облус жетекчиси жооп берди.

Орусиянын президенти Владимир Путин коронавирус жайылып жаткандыктан 9-майда Жеңиш күнүнө арналган парадды жылдырууну сунуштады. Путин бул тууралуу 16-апрелде Коопсуздук кеңешинин жыйынында билдирди. Мунун алдында ардагерлердин бир катар уюмдары президентке кайрылып, майрамды жылдырууну суранышкан. Быйыл орус бийлиги Экинчи дүйнөлүк согуштун аякташынын 75 жылдык мааракесин ири иш-чаралар менен белгилегени жаткан. Москвадагы парадга 15 миңдей адам, 400гө чукул техника чыгарылмак жана Франциянын... Читать дальше...

Жапон бийлиги коронавируска байланыштуу жагдайдан улам бүтүндөй өлкөгө өзгөчө абал киргизди. Премьер-министр Синдзо Абэ 16-апрелдеги телекайрылуусунда мындай режим бери дегенде 7-майга чейин сакталарын айтты. Ал муну оору тарап жатканы менен негиздеди. Өкмөт башчы оору жуктургандардын санын кыскартуу үчүн адамдардын ортосундагы байланышты 80 пайызга чейин азайтуу керектигин белгиледи. Өлкөнүн ар бир жаранына карантин маалында ай сайын миң доллардай төлөнүп турарын маалымдады. Жапон өкмөтү борбор... Читать дальше...

Өзбекстан «Урал аба жолдору» авикомпаниясы аркылуу Орусиянын Екатеринбург шаарынан 152 жаранын алып келди. Бул эки өлкөнүн өкмөттөрүнүн сүйлөшүүсү менен ишке ашты. Мигранттар учакка билети болгону менен мекенине кайта албай, бир жумадан бери шаардагы чет элдик жарандарды убактылуу кармоочу жайда турушкан.  Коронавируска байланыштуу жагдайдан улам чек аралар жабылып, учактар каттамы токтогондон бери Орусияда Борбор Азия өлкөрүнөн барган жүздөгөн мигранттар ара жолдо калышкан. Кыргыз өкмөтүнүн маалыматына ылайык... Читать дальше...

Кыргыз өкмөтү онкологиялык ооруга чалдыккан адамдар үчүн дары-дармек сатып алууга 160 млн. сом бөлдү. Анын 60 млн. сому бул илдеттен жабыркаган балдардын дарысын алууга жумшалат. Бул тууралуу коронавируска каршы күрөшүү боюнча республикалык штаб кабарлап, Улуттук онкология жана гематология борборунда бар дарылардын тизмесин жарыялады. Ага ылайык, балдар онкологиясы жана гематология бөлүмүндө залалдуу шишиктерге каршы циклофосфан, аспарагиназа, ритуксимаб, карбоплатин, иринотекан, этопозид, цисплатин... Читать дальше...

Ооганстандын Коргоо министрлиги «Талибан» кыймылы өлкөнүн чыгышындагы Логар провинциясынын Чарх районундагы аскердик бекетке түн жамынып кол салганын билдирди. Министрликтин басма сөз өкүлү Фавад Аман ооган армиясынын тогуз жоокери окко учканын, талибдер да олуттуу жоготууга учураганын айтты. Бирок жоочу деп шек саналган канча адам өлгөнү азырынча белгисиз. «Талибан» бул кол салууга байланыштуу комментарий берген жок. Талиб жоочулары АКШ менен түзүлгөн тынчтык келишимине карабай аймактагы чабуулдарын токтото элек. Читать дальше...

Кыргызстанда өзгөчө абалдын экономикага тийгизген таасири, анын кесепетин азайтуу жолдору талкууланып жатат.

Саламаттык сактоо министрлиги Кыргызстанда кан тапшырган донорлор кескин азайып кеткени менен кан борборлорунда жетиштүү кан жана препараттар бар экенин билдирди. Министрликтин басма сөз кызматы тараткан маалыматка ылайык, ушу тапта өлкөдө бардык кан борборлору дем алышсыз иштеп, медициналык мекемелерди кан менен толук камсыз кылып жатат. Коронавирустан улам бир катар аймактарда киргизилген өзгөчө абалга байланыштуу донорлорду кан борборлорунун атайын автоунаалары менен ташып жаткан экен. Ошондой... Читать дальше...

16-апрелде коронавирус дагы 17 адамдан табылды, жаңы учурдун 11и Нарын облусунда экени белгилүү болду. Бул аймакта 15-апрелден тартып өзгөчө абал режими киргизилген.

Кыргыз бийлиги пандемиядан улам ара жолдо калган чет жактагы жарандарын алып келиш үчүн автобус жөнөтүп, апрель-майда эки миңдей кыргызстандык мекенине кайтарыларын билдирди. Германияда Тажикстандын беш жаранына "террордук акт даярдоого катышкан" деген айып тагылды.

Нарындын Пакистанга дааватка барып келген тургуну бир күндө төрт адамга коронавирус жугузган. Бул тууралуу 16-апрелде брифингде Нарын шаарынын жана Ат-Башы районунун коменданты Уланбек Аалиев билдирди: «Пакистандан Өзбекстанга учуп келип, ал жактан Бишкекке 15-мартта келген, - деди ал. - Бишкекте 19-мартка чейин болгон. 19-мартта такси менен Нарын шаарына келген. Таксинин ичинде чогуу келген төрт адам тең бул ооруну жугузуп алган». Аалиевдин айтымында, бул факт боюнча кылмыш иши козголуп, кылмышка шектүү адамдын иши тергелип жатат. Читать дальше...

Кыргызстан менен Түркиянын тышкы иштер министрлери өз жарандарын алып кетүүгө чартердик каттам уюштуруу жөнүндө сүйлөштү. Бул тууралуу «Азаттыкка» Кыргызстандын Тышкы иштер министрлигинин басма сөз катчысы Уланбек Дыйканбаев маалымдады. Сүйлөшүү онлайн видео жыйын форматында болду. «Кыргызстандын тышкы иштер министри Чыңгыз Айдарбеков Түркиянын тышкы иштер министри Мевлүд Чавушоглуга учак каттамдары токтоп калганына байланыштуу Түркияда жүрүү мөөнөтү өтүп кеткен кыргызстандыктардан айып пул албоо тууралуу чечим үчүн ыраазычылык билдирди. Читать дальше...

Октябрь райондук сотунун 11-апрелдеги чечими менен кылмышка шектүү Т. С. аттуу жаран үй камагына чыгарылды. Жогорку соттун басма сөз кызматынын 16-апрелде «Азаттыкка» билдиргенине караганда буга прокуратуранын сотко жиберген өтүнүчү негиз болгон. Үй камагына чыгарылган адамдын аты-жөнү ачык айтылган жок.  Айрым маалымат булактары жергиликтүү банктардын биринде иштеген Т. С. аттуу жаран аялын сабады деген негиз менен кармалып, кайра тилкат менен кое берилгенин жазып чыгышты. Бишкек шаарынын тургуну... Читать дальше...

Ысык-Көлдө иштеген медайым Жеңишгүл Эсенаманова күн алыс велосипед менен 10 чакырым жол жүрүп, Балыкчыдагы постко барып жатат. Үч баланын апасы Сары-Камыш айылын кыдырып, элдин саламаттыгына кам көрөт.

17-апрелде Кыргызстандын тоолуу райондорунда кар жаайт, дыйканчылык аймактарда жаан-чачын жаабайт. Күндүз кээ бир жерлерде жаан, тоолуу райондордо кар жаайт. Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 1…6, күндүз 14…19; Талас жергесинде түнкүсүн -2…+3, күндүз 13…18; Баткен дубанында түнкүсүн 2…7, күндүз 18…23; Ош, Баткен, Жалал-Абад дубандарында түнкүсүн 2…7, күндүз 17…22; Ысык-Көл облусунда түнкүсүн -2…+3, күндүз 11…16; Нарын облусунда түнкүсүн -4…+1... Читать дальше...

Кыргызстанда 9-апрелде аба ырайы кескин өзгөрүп, өлкөнүн айрым аймактарына кар жаады. Жазгы кар бат эле эрип кеткенине карабай, өлкө аймагында дагы күндүн кабагы ачыла элек. Күн сайын жааган жамгыр блокпосттордо турган милиция кызматкерлеринин ишин кыйындатты.

Орусияда COVID-19га чалдыккандардын саны 28 миңге чукулдады. Кремль карантин шартында ишкерлерди колдойбуз дегени менен чакан бизнестердин кожоюндары мындай убадалар аткарылбай жатканын айтышууда. Эл аралык Валюта Фонду билдиргендей, быйыл Орусиянын экономикасы 5,5 пайызга төмөндөшү мүмкүн.

Юстиция министрлиги элдик демилге катары көтөрүлүп чыккан эки сунушту каттоодон баш тартты. Бул тууралуу маалымат мекеменин расмий сайтына жарыяланды. Маалыматта «Люстрация» демилге тобу жана анын «Люстрация жана коррупциянын алдын алуу жөнүндө» мыйзам долбоору каттоого алынбаганы айтылат. Ошондой эле министрлик «1 округ – 1 депутат» демилге тобунун Конституцияны өзгөртүш үчүн референдум өткөрүүгө жана президент менен парламент депутаттарын шайлоо мыйзамын өзгөртүүгө багытталган мыйзам долбоорун да каттоодон баш тартканы белгилүү болду. Читать дальше...

Дүйшөмбү шаарынын мэриясы баш калаанын күнүнө карата салтанаттуу иш-чараларды өткөрүү тууралуу чечимин жокко чыгарды. Мэриянын басма сөз кызматы бул чечим «коронавирус илдетинин жайылып кетишинин алдын алуу жана калктын саламаттыгын сактоо максатында» кабыл алынганын билдирди. Жыл сайын апрель айынын үчүнчү ишембисинде Дүйшөмбү шаарынын күнү белгиленет. Адатта анда ири маданий жана спорттук иш-чаралар өткөрүлөт.  Тажик бийлиги өлкөдө коронавирус илдетине кабылгандар жок экенин билдирип келет жана карантин жарыялаган эмес. Читать дальше...

Дүйнөдө 2 миллиондон көп киши коронавируска кабылды, 137 миңден ашуун бейтап илдеттен көз жумду. Президент Дональд Трамп экономиканы жандандыруу планын жарыялай турган болду. Ал эми Түштүк Кореяда пандемияга карабай парламенттик шайлоо өттү.

Нидерланддардын Роттердам шаарынын жетекчилиги эл аралык Евровидение ыр сынагын өткөрүүгө даярдалган залга коронавирус менен ооругандарды жаткырууну чечти. Буга ооруканаларга бейтаптар батпай калганы себеп болду. Ыр сынагына арналган жайда жалпысынан  680 керебет жайгаштырылмакчы жана алардын 80дейи даяр.  Бейтаптар дүйшөмбүдөн тарта кабыл алынат. Май айынын ортосуна белгиленген ыр сынагы коронавирус пандемиясына байланыштуу 64 жылдык тарыхында биринчи жолу өтпөй калды. Былтыр Израилде уюштурулуп... Читать дальше...

Британияда 99 жаштагы Дүйнөлүк экинчи согуштун ардагери Том Мур дарыгерлерге акча топтоо жараянынын алкагында 15 миллион доллардан ашык каражат топтоду.  Жашы 100гө таяган карыя өзүн өсмөдөн дарылаган Саламаттык сактоо боюнча улуттук кызматка ыраазычылык билдирүү максатында жана анын жаңы вирус менен күрөшүүдөгү мээнет-түйшүгүн сыйлап акча чогултуу жараянын 6-апрелде баштаган.  Анда үйүнүн короосун чыгырыктын жардамы менен айланып, күнүнө 25 метрдей басып турарын билдирген. Башында короону 100 жолу айланып... Читать дальше...