Новости за 13.04.2020

Новосибирск шаарында ара жолдо калган мигранттар өкмөткө кайра-кайра кайрылышууда. Ошондой эле энелер каатчылык каптаганын айтып, жардам сурап жатышат.

Кыргызстандын Тышкы иштер министрлиги 10-апрелдеги маалымат боюнча Орусиянын Соль-Илецк шаарында Казакстандын чек арасынын ачылышын күтүп 67 автоунаа жана 110 кыргыз жараны турганын билдирди. Тышкы саясат мекемеси Кыргызстандын Орусиядагы элчилигинин алдындагы штабдын мүчөлөрү Оренбург облусунун жана Соль-Илецк шаарынын жетекчилиги менен жолукканын кабарлады. Жергиликтүү дарыгерлер кыргызстандыктардын ден соолугун текшерип жатышканын, саламаттыгынын начарлашы боюнча кайрылгандар болбогонун айтышкан. Читать дальше...

Грузиянын мурдагы коргоо министри Ираклий Окруашвили беш жылга эркинен ажыратылды. Тбилисинин соту аны былтыр 21-июнда парламент имаратын басып алууга тиешеси бар деп тапты. 2019-жылы жайында Орусиянын Мамлекеттик Думасынын депутаты, коммунист Сергей Гаврилов грузин парламентини спикеринин ордуна отургандан кийин оппозициялык активисттер нааразылыкка чыгышкан.  Демонстранттар парламентти курчоого алганда жүздөгөн киши оор жарадар болгон. Полиция митингчилерди токтотуп калган. Андан соң Грузиянын... Читать дальше...

Мамлекеттик чек ара кызматы социалдык тармактарга чыккан «Лейлек районунун Раззаков айылында Тажикстандын чек арачылары ээн-эркин басып жүрөт» деген видео боюнча түшүндүрмө берди. Мекеме тараткан маалыматка караганда, 12-апрелде саат 15:10до кыргыз-тажик чек арачылары коронавируска каршы күрөшүү боюнча сүйлөшүүлөрдү өткөрмөк. Бирок ал 14-апрелге жылдырылып Тажикстандын чек арачылары кайра кайтышкан. Видео ошол учурда тартылган. Мамлекеттик чек ара кызматы тажик чек арачылары Кыргызстандын аймагы менен кетүүгө уруксат алышканын... Читать дальше...

Кыргызстанда 15-апрелге чейин киргизилген өзгөчө абалдын мөөнөтүн узартуу сунушталууда. Бул тууралуу биринчи вице-премьер-министр Кубатбек Боронов президент Сооронбай Жээнбеков менен жолукканда айтты.

Коронавируска каршы республикалык штабдын жетекчиси, биринчи вице-премьер-министр Кубатбек Боронов медициналык каражаттардын кору тууралуу маалымат берди. Анын сөзү боюнча, өлкөдө бир жолу колдонулуучу 16 миң 388, көп жолу колдонулуучу 13 миң 60 коргоочу костюм бар. Андан тышкары 792 миң 836 медициналык беткап, 410 миң 692 бахила, 6 579 медициналык көз айнек, 6 млн. 259 миң 603 мээлей, 41 миң 611 респиратор бар.   Боронов медицина кызматкерлерин жеке коргоочу каражаттар менен камсыз кылуу республикалык штабдын көзөмөлүндө экенин... Читать дальше...

Орусиянын Новосибирск шаарында калган ондогон жаран өкмөткө кайра-кайра кайрылуу жолдоп, бир жолун таап, мекенге алып кетүүнү суранып жатышат. 13-мартта "Азаттык" радиосуна келген кайрылуу.

Жогорку Кеңештин депутаты Жанарбек Акаев күч органдарын өз укуктарынан ашыкча пайдаланбоого чакырып, сын айткан адамдарды кечирим суратып жатканын айыптады. Эл өкүлү видео кайрылуу таратып, коронавируска байланыштуу өлкөдөгү кырдаалдан пайдаланып басым-кысым кылгандар эртели-кеч жооп берерин эскертти:  «Улут аралык кастыкты козуткан же будуң-чаң салган билдирүүлөр болсо туура түшүнмөкпүз. Бирок сын айткан адамдын баарын кечирим суратып, аны Интернетке чыгаруу баатырдык эмес. Коронавирус илдети бүткөндөн кийин ИИМ болобу... Читать дальше...

Дүйнөдө COVID-19га чалдыккан адамдардын саны 1 миллион 850 миң кишиден ашты, 114 миңден көбү көз жумду. Кытайда коронавирус жугузуп алгандар кайра көбөйө баштады. Алардын басымдуу бөлүгү - чет жактардан кайтып келген кытайлар.

Белгилүү кыргызстандык сүрөтчү Данакан Адашканова 13-апрелде 69 жашында жүрөгү кармап каза болду. Кыргыз Республикасынын маданиятына эмгеги сиңген ишмер Адашканова 1951-жылы Ош облусунун Сары-Камыш айылында туулган. Бишкектеги С.Чуйков атындагы көркөм сүрөт окуу жайын, кийин Ленинградда И. Репин атындагы Живопись, скульптура жана архитектура институтун аяктаган. СССРдин Көркөм академиясындагы чыгармачыл өнөрканада билим алган. Анын эмгектери республикалык жана эл аралык көргөзмөлөргө коюлган. ... Читать дальше...

Кыргызстанда 79 медкызматкер коронавируска кабылды. АКШ СOVID-19дан көз жумгандардын саны боюнча алдыга чыкты. Коронавирус пандемиясына карабай Беларуста футбол боюнча улуттук чемпионат уланып жатат.

Социалдык тармактардын колдонуучулары Ысык-Ата райондук үй-бүлөлүк дарыгерлер тобунун кызматкери Бектур Апышевдин мурдагы сөзүнөн танып, кечирим сураган окуясынан кийин атайын акцияларды башташты.

Коронавирус үйүнөн алыста жылдап иштеп жүргөн мигранттарды, окуп жүргөн студенттерди үйүнө кайтарды. Биздин каармандар да өзгөчө кырдаалдан улам Баткен районундагы Төрт-Гүл конушунда жалгыз калган ата-энесинин үйүнө келип, баштарын бириктирип отурган кези.

43 жаштагы кыргызстандык С. А. аттуу жаран Новосибирск шаарында убактылуу жашап, ооруканада жаткан. Анын өлүмүнө оор онкологиялык оорусу себеп болгон. Бул тууралуу Кыргызстандын Орусиянын Новосибирск облусундагы башкы консулдугу маалымдады. Анда ошондой эле айрым маалымат каражаттарында жана соцтармактарда «ал Новосибирск аэропортунда учак күтүп жатып, каза тапты» деп жазылган маалыматтар чындыкка дал келбей тургандыгы да кабарланган. Маалыматка ылайык, маркумдун сөөгү анын туугандарынын макулдугу... Читать дальше...

Коронавируска каршы республикалык штабды жетектеп жаткан биринчи вице-премьер-министр Кубатбек Боронов илдет жуккан медицина кызматкерлери анын сөзүн туура эмес түшүнүп алышкан деп эсептейт. 13-апрелде Боронов брифинг учурунда бул маселеге токтолуп, кимдир-бирөөнүн аты-жөнүн же купуя сырын атабаганын, бирок аны социалдык түйүндөрдө айыптап жатышканын белгиледи.  Боронов бирөөнү ашкерелөө максаты болбогонун, коронавируска каршы күрөшүп жаткан медицина кызматкерлерин гана эмес, баарын ишин так аткарып... Читать дальше...

Кытай өкмөтү 10-апрелден тартып медициналык каражаттарды сыртка экспорттоодо айрым товарлардын сапатын жана коопсуздугун көзөмөл кылууну чечкен. Тышкы иштер министрлиги кыргызстандык ишкерлерге Кытайдан төмөндөгү товарларды алып чыгууда бул өлкөнүн бажы кызматтарынын талаптарын эске алууну эскертти. Маалыматка ылайык, Кытайдан: - медициналык беткаптар: - коргоочу кийимдер; - инфракызыл тап өлчөгүчтөр (термометр); - дем алдыруучу аппараттар; - медициналык баш кийим, көз айнек, кол кап, бахила;... Читать дальше...

Коронавирус пандемиясы Украинадагы совет доорунан калган өпкөнү жасалма дем алдыруучу аппарат чыгарган заводду көпчүлүктүн эсине салды. Бул завод көп жылдан бери иштебей турат.

Кыргызстанда дарыгерлерге басым жасалып жатат деген шартта Жогорку Кеңештин депутаты Дастан Бекешев атайын токтом долбоорун даярдап, парламентке жолдоду. Депутат бул токтом коронавируска каршы күрөшүп жаткан медицина кызматкерлерин колдоого багытталганын билдирди. “Азаттык” Бекешев менен "Скайп" аркылуу байланышып, акыркы кырдаал боюнча пикирин сурады.

ОПЕК уюму, Орусия жана мунай экспорттогон башка мамлекеттер кара май өндүрүүнү азайтууга макул болушту. Ага ылайык, алдыдагы айларда бир күндө дүйнө жүзүндө өндүрүлгөн мунай дээрлик он пайызга кыскарат.

Өзбекстандын Анжиян облусунда коронавируска чалдыккан 90 бейтаптын 78и медицина кызматкери экени белгилүү болду. Бул тууралуу 12-апрелде облустун акими Шухрат Абдурахманов элге кайрылганда айтканын маалымат каражаттары жазып чыкты. Андан мурда Наманган облусунун башчысы Хайрулло Бозоров коомчулукту коронавирустун алдын алуу чараларын күчөтүүгө чакырган. Аким COVID-19 вирусуна чалдыккан бейтаптар аны кайдан жугузуп алганын билбей турганын айткан. 13-апрелдеги расмий маалыматка ылайык, Өзбекстанда... Читать дальше...

14-апрелде түнкүсүн Чүй, Талас, Ош, Жалал-Абад, Баткен, Нарын облустарынын көпчүлүк аймактарында, Ысык-Көл облусунун кээ бир райондорунда маал-маалы менен жаан, тоолуу райондордо кар жаайт. Күндүз көпчүлүк аймактарда маал-маалы менен жаан, тоолуу райондордо кар жаайт. Чүй, Талас, Ош, Жалал-Абад, Баткен облустарынын кээ бир райондорунда жаан-чачын катуу жаайт. Тоолуу райондордо жолдор тайгак болот. Батыш тараптан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет. Читать дальше...

Кыргызстанда айрым коомдук уюмдардын өкүлдөрү COVID-19га каршы күрөш үчүн чет жактан келип жаткан жардам кандайча бөлүштүрүлгөнү тууралуу маалыматтын ачык болушун талап кылышты. 13-апрелде «Жарандык көзөмөл комитети» уюму президентке, өкмөткө, Финансы министрлигине жана Коронавируска каршы республикалык штабга кайрылып, эл аралык коомчулук «болуп көрбөгөндөй көп» өлчөмдө жардам бергенин белгиледи. Уюмдун кайрылуусунда бул жардам Кыргызстанга пайда алып келип, туура пайдаланылышы өтө маанилүү экени айтылат. Читать дальше...

Мамлекеттик бажы кызматынын Ош облустук башкармалыгынын мурдагы кызматкери Эмилбек Кимсанов "тергөө абагында сабалды" деген маалымат жалган. Бул тууралуу Жаза аткаруу мамлекеттик кызматынын (ЖАМК) басма сөз катчысы Самат Калыков «Азаттыкка» билдирди. Анын айтымында, 13-апрелге караган түнү «Эмилбек Кимсановдун өмүрүнө коркунуч туулду» деген маалымат чыгаары менен ЖАМКтын атайын тобу барып, анын абалынан кабар алып келген.  «Биздин атайын ыкчам топ барып, Кимсановго жолугуп келди. Ал өз колу менен түшүнүк кат жазып бериптир... Читать дальше...

Карантин маалындагы жазгы талаа иштери. Айылда жалгыз калган ата-энесинин үйүнө чогулган үй-бүлө. Бала-чакасы менен үйүндө органикалык азык өндүргөн ишкер. Наристелердин саламаттыгына кам көрүүнүн өзгөчө жолун издеген айылдагы жаш дарыгер.

Түркиянын президенти Режеп Тайып Эрдоган ички иштер министри Сулейман Сойлунун кызматтан кетүү тууралуу жазган арызын кабыл алган жок. Бул тууралуу президенттин басма сөз катчысы билдирди. Сойлу эки күндүк коменданттык саат киргизгени үчүн сынга кабылган соң кызматтан кетүү тууралуу арыз жазганын «Твиттер» аркылуу маалымдаган. Түркияда коменданттык саат жума күнү кечинде, күчүнө кирерге бир нече саат гана калганда жарыяланган. Ушундан улам элдин баары дүкөндөргө чуркап, узун кезектер пайда болгон. Читать дальше...