Новости за 22.04.2020

«Эл үнүнө» Новосибирск шаарынын аэропортунда учакка батпай калган жарандар кайрылды. Москвадагы элчилик мигранттарга «билет саткан» көз боёмочулардан сак болууга чакырат. Эл уулу Элмирбекти жоктогон мекендештердин үнүн да угузабыз.

Ооганстандын өкмөтү шаршембиде дагы 71 талибди түрмөдөн бошотту. Бул тууралуу Улуттук коопсуздук кеңешинин расмий өкүлү Жавед Фейсал «Твиттерге» жазды. Ошондо 8-апрелден бери Кабулдагы өкмөт жалпысынан 432 талибди эркиндикке чыгарды. Ал эми 12-апрелден тартып ооган коопсуздук күчтөрүнүн туткундагы 60 кызматкери бошотулган. Бул оогандардын 19 жылдан берки жарандык согушун токтотуу максатында өз ара сүйлөшүүсүн баштоого карай кадамдар. Февраль айында АКШ бийлиги менен «Талибан» кыймылы макулдашууга жетишкен. Читать дальше...

Орусия Евразия Экономикалык Биримдигинен чыгуу жөнүндө Кыргызстандагы пикирлерге Батыш менен атаандаштык себеп болуп жатат деп эсептейт.

Евробиримдик Чыгыш Европа өлкөлөрүнө, Туниске жана Иорданияга бир жыл ичинде 3 млрд. евро жардам берет. Европарламент менен биримдикке кирген өлкөлөр планды жакынкы апталарда бекиткени турушат.  Еврокомиссия каражат коронавирустун экономикалык кесепеттерин жумшартыш үчүн «абдан пайдалуу шарттар менен» сунушталганын билдирди. Эң чоң бөлүгү – 1,2 млрд. евро - Украинага тиет. Постсоветтик дагы эки өлкө - Грузия 150 млн. евро, Молдова 100 млн. евро алышат. Андан тышкары Босния, Албания, Косово, Түндүк Македония жана Черногория жардам алышат. Читать дальше...

Бишкек шаарынын коменданты Алмазбек Орозалиев учурда карантинге байланыштуу соода жүрбөй жаткандыктан имарат ээлерин соодагерлерден ижара акысын доолабай турууга чакырды. «Дүкөндөр азыр толук иштей албай жатат. Дүкөндүн ээлерине убактылуу ижара акысын талап кылбай, колдон келишинче жардам берип турсаңыздар», - деди Орозалиев. Буга чейин Бишкек шаарынын коменданты батир берген кожоюндардан ижара акысын сурабай тууруну өтүнгөн болчу. Ушу тапта чакан бизнес ээлери насыяларын, имараттын ижара акысын төлөй албай жатканын айтып жатышат. Читать дальше...

Коронавируска байланыштуу дүйнө жүзүндө ачарчылыкка кабылган адамдардын саны эки эсе көбөйүшү ыктымал. Кыргызстанда коронавирус жуккан бир милиция кызматкери реанимацияда жатат. Иран орбитага аскердик жандооч чыгарганын билдирди.

Грузиянын мурдагы президенти жана Одесса облусунун мурдагы губернатору Михаил Саакашвили Украинанын өкмөтүнө келери тууралуу маалыматтарды ырастады. «Президент Зеленскийден реформа маселелери боюнча Украина өкмөтүнө вице-премьер болуу тууралуу сунуш алуу - зор сыймык», деп жазды ал 22-апрелде «Фейсбуктагы» барагына. Саакашвили өкмөт башчы Денис Шмыгаль менен да сүйлөшкөнүн белгиледи. Ал «зарыл өзгөрүүлөр тууралуу сунуштарын» парламентке тааныштырууну көздөп жатканын кошумчалады. Жогорку Рададагы... Читать дальше...

Кыргыз коомчулугу 42 жашында көз жумган комузчу, төкмө акын Элмирбек Иманалиевди акыркы сапарга узатты. Анын сөөгү Бишкектеги «Ала-Арча» көрүстөнүнө коюлуп, өзгөчө абал шартына карабай Эл артисти менен коштошуу зыйнатына келгендер көп болду. Акындын тууган-уругу, чыгармачылыктагы достору анын уюган талантын, ташка тамга баскандай сөздөрүн эскеришти. Ошондой эле курчтугу, акыйкаттыктан тайбаган бетке чабарлыгы менен коомдук-саясий турмуш боюнча чыгармалары тууралуу сөз болду.

Кадамжайдын тоо арасындагы Шыбыран айылында айдоо жери тартыш, жумуш жок. Бирок айылдыктар кол куушуруп отуруп калбай бош убактысында камыш токушат. Жергиликтүү эл аны "чий" деп атап алышкан. Жоондугу эле болбосо, камыштын кадимки чийден айырмасы жок. Кийиз кылганга да жарайт. Жашы-кары дебей камыш токуп, кошумча акча тапкан шыбырандыктар менен кабарчыбыз таанышып келди.

22-апрелде «Манас» эл аралык аэропорту Новосибирскиден келген чартердик рейсти тосуп алды. Коопсуздук чаралары үчүн учакта келген 176 жүргүнчү аба майданынын имаратына киргизилбестен, учуу тилкесинен тейленип, обсервацияга жөнөтүлдү. Эми бул рейс менен Новосибирскиге Бишкектен Орусиянын жарандары учуп кетет. Новосибирскиден Бишкекке 22-апрелде чыккан учакка илинбей калганын айткандар консулдукка нааразылыгын билдирүүдө. Алар 40ка жакын кыргызстандык аэропорттун сыртында калганын айтып, «Азаттыкка» видеолорун жөнөтүштү. Читать дальше...

Ун азыктарынын кымбаттап жатышы дыйкандарды эгин талааларын эстегенге мажбур кылды. Буга өзгөчө абал режиминин шартындагы ундун тартыштыгы жана буудайга болгон суроо-талаптын жогорулашы себеп болууда.

22-апрелде коронавирус илдетин жеңип чыккан 38 бейтаптын жетөө Бишкектеги жугуштуу оорулар ооруканасынан чыккан. Бул тууралуу Саламаттык сактоо министрлиги кабарлады. Жугуштуу оорулар ооруканасынын жетекчисинин орун басары Айнура Узакбаеванын айтымында, алардын эки жолу ПЦР анализдери таза чыккандан кийин үйүнө коё берилди. Айыгып чыккандардын арасында медициналык кызматкерлер да бар. «Бизге диагнозу шектүү жана аныкталган бейтаптар түшүп жатат. Алардын абалы ар кандай болот, симптому жок формада, оор, жеңил абалда. Читать дальше...

Кыргыз Эл артисти, азыркы замандын залкар төкмө акыны, маркум Элмирбек Иманалиевдин сөөгү 22-апрелде “Ала-Арча” көрүстөнүнө коюлду. 42 жашында мезгилсиз дүйнөдөн кайткан көп кырдуу таланттын көрөңгөсү, чыгармаларынын экинчи өмүрү тууралуу “Азаттыктын” журналисттери, эл акыны Шайлообек Дүйшеев менен маданиятка эмгек сиңирген ишмер Бурулкан Сарыгулова маектешти.

Кыргызстанда көрүлгөн чаралар коронавирустун өлкөнүн бардык аймагына кеңири жайылып кетишине жол берген жок. Бул тууралуу президент Сооронбай Жээнбеков 22-апрелде Куралдуу күчтөрдүн Башкы штабынын башчысы Райимберди Дүйшөнбиевди кабыл алганда айтты. Мамлекет башчы белгилегендей, бул чаралар оорунун очокторун жоюуга мүмкүнчүлүк берди. Президенттин басма сөз кызматы маалымдагандай, Жээнбеков чектөөлөр алына баштаса да көзөмөлдү жоготпоо зарыл экенин айтты: «Эпидемиологиялык кырдаалга жараша коюлуп жаткан талаптар жумшарса... Читать дальше...

Коронавирус пандемиясы басма сөз эркиндигине коркунучту көбөйтүп жатат.

Ысык-Көл облустук ички иштер башкармалыгынын басма сөз катчысы Сталбек Усубакуновдун «Азаттыкка» билдиргенине караганда, милиция учурда бул маалыматты иликтеп жатат. Жергиликтүү укук коргоочулар Түп районунун тургуну 17-апрель түнү бойго жете элек өгөй кыздарына мас абалында кол салууга аракет ыклганын, кыздар кошунасыныкына качып үлгүргөнүн социалдык тармактарга жазып, милицияга кабарлашкан. Усубакуновдун маалыматы боюнча, бул факт Түп райондук ички иштер бөлүмүндө 20-апрелде Кылмыштар менен жоруктардын бирдиктүү реестрине катталды. Читать дальше...

Түркиянын президенти Режеп Тайып Эрдоган өлкөсүндө коронавирус таралуу ылдамдыгы азайганын белгилеп, май айы бүтүп баратканда көндүм турмуш башталарын билдирди. «Рамазан айында да эрежелерди болушунча сактаганга аракет кылабыз. Кудай буюрса, өлкөбүздү майрамдан кийин кадимки турмушка кайтарууну максат кылып атабыз», - деди Эрдоган 21-апрелдеги видеожыйын учурунда. 22-апрелдеги маалыматка ылайык, Түркияда коронавирус жукканы аныкталгандар 95 миңден ашты. Анын ичинен 2140 адам көз жумду. 15 миңи айыгып чыкты. Читать дальше...

Бул маалыматты Коронавирустун жайылышынын алдын алуу боюнча республикалык штаб таратты. Маалыматка караганда, бейтап Бишкектеги инфекциялык ооруканага 5-апрелде оор абалда келип түшкөн. Келери менен жандандыруу бөлүмүнө жаткарылган. Аял 1-апрелден 5-апрелге чейин Кемин районундагы ооруканада дарыланып жаткан. Маркумда коронавирус илдетинен тышкары кант диабети, кооптуулугу күч гипертоникалык илдет, жүрөк дарты бар экени аныкталган. Ушуну менен Кыргызстанда коронавирус илдетинен сегиз адам көз жумду. Читать дальше...

№1 тергөө абагында отурган мурдагы өкмөт башчылар колонияга которулмай болду. Жаза аткаруу мамлекеттик кызматы (ЖАМК) 22-апрелде «Азаттыкка» билдиргендей, Сапар Исаков Петровка айылындагы №8 колонияда, Жантөрө Сатыбалдиев Бишкектеги №47 колонияда жазасын өтөйт. Ал эми «Электр станциялары» ишканасынын мурдагы жетекчиси Салайдин Авазов Молдовановка айылындагы №27 колонияга бөлүштүрүлдү. ЖАМКтын атайын комиссиясынын Бишкектин №1 тергөө абагындагы жыйыны 22-апрелде өттү. Анда жалпысынан 86 адамды бөлүштүрүү маселеси каралды. Читать дальше...

Казакстанда калкан бези сезгенген бейтаптарга дары-дармек жетишпей жатат. Карантин учурунда туруктуу ичип жүргөн дарысы түгөнгөндөр аны сатып ала албай жүдөй башташты.

22-апрелде Советтер Союзунун негиздөөчүлөрүнүн бири Владимир Лениндин туулганына 150 жыл толду. Москвадагы карантинге карабастан Коммунисттик партиянын (КПРФ) лидери Геннадий Зюганов жана мүчөлөрү, андан тышкары солчул уюмдардын өкүлдөрү Кызыл аянтка келип, Лениндин мавзолейине гүл коюшту. Орусиянын коммунисттер партиясы Ленин туулган Ульяновск шаарында эскерүү акциясын өткөрдү. КПРФтин мүчөлөрү 21-апрелде Лениндин урматына видеожыйын куруп, аны «Бүткүл союздук салтанаттуу интернет-жыйын» деп атаган. Читать дальше...

«Элден элге бекер нан!» кайрымдуулук долбоорунун алкагында муктаж жана аз камсыз болгон үй-бүлөлөргө таратылып жаткан нан Жаза аткаруу мамлекеттик кызматынын (ЖАМК) №47 абагындагы наабайканада бышырылууда. Нанды Бишкектин четиндеги Ак-Босого, Арча-Бешик, Көк-Жар, Кара-Жыгач, Ак-Ордо жана башка конуштардагы аз камсыз болгон үй-бүлөлөргө, муктаждарга күн сайын жеткирүүгө ЖАМК көмөктөшүп жатат. Мекеменин басма сөз кызматы кабарлагандай, бул долбоордун алкагында күн сайын жаңы конуштардагы 8-9 дүкөнгө 600гө жакын нан таратылат... Читать дальше...

Новосибирскиден Бишкекке 22-апрелде чыккан учакка илинбей калганын айткандар консулдукка нааразылыгын билдирүүдө. Алар 40ка жакын кыргызстандык аэропорттун сыртында калганын айтып, «Азаттыкка» видеолорун жөнөтүштү. Видеодогулар: «Биз 22-марттан бери, бир айдан бери жатабыз. Кечээ эле келип, 1-2-майга билет алгандар учуп кетти. Адилетсиздик, коррупция болду», - деп жатканын угууга болот. «Азаттык» бул билдирүүлөрдүн чын-төгүнүн билиш үчүн Новосибирскидеги консулдукка кайрылды. Мекеменин өкүлү Нуралы Акпаралы уулу дооматтарды четке кагып... Читать дальше...

Ички иштер министрлигинин (ИИМ) Аскердик кызматынын саламаттыктты бекемдөө борборунда ачылган обсервацияга милиция кызматкерлери жайгаштырылат. ИИМдин басма сөз кызматы маалымдагандай, обсервация 19-апрелде ачылган, анда милиция кызматкерлери коронавируска каршы дарылануудан толук өтө алат. Бул үчүн бардык шарттар түзүлгөн. 22-апрелге карата Кыргызстанда коронавирус илдети жуккан 612 адам катталды. Анын ичинен 12си ички иштер органдарынын өкүлдөрү. Бир милиционер реанимацияда. (ZKo)

Украинанын Житомир облусундагы токойдон чыккан өрт бир жумадан бери өчпөй жатат. Бул тууралуу Украинанын Өзгөчө кырдаалдар кызматынын жергиликтүү бөлүмү кабарлады. Беларустун чек арасы менен Чернобыль аймагынын ортосунда Украинанын токойлуу Овруч району жайгашкан. Өрт негизинен ошол райондогу токойго жана жанындагы кыштакка зыян келтирген. Чар тарапты каптаган өрттөн 80 үй толук күйүп кетти.  Украин өкмөтү жабырлануучуларга жакын арада каражат бөлүүгө убада берди. Азыр токойдогу өрттү өчүрүш... Читать дальше...