Новости за 18.04.2020

Гонконг полициясы 2019-жылы жайындагы массалык протесттерге байланыштуу иш боюнча 14 активистти кармады. Reuter агенттигинин маалыматына ылайык, кармалгандардын арасында укук коргоочу жана Демократиялык партиянын негиздөөчүсү 81 жаштагы Мартин Ли жана медиамагнат Жимми Лай дагы бар. Кытай бийлиги аларды өткөн жылдагы башаламандыктардын уюштуруучусу деп эсептейт. Кармалгандардын тогузу Гонконгдун мурдагы мыйзам чыгаруучулары.   AFP активисттердин соту 18-сентябрга белгиленгенин жазды. Сот бөгөт чарасын кандай чечкени жөнүндө маалымат жок. Читать дальше...

Акындар вирус жөнүндө, дарыгерлердин каармандыгы, мугалимдердин кадыры туурасында ырларды жаза баштады.

Кыргызстан жана Бишкектин епархиясынын маалымат кызматы кыргызстандыктарды православ христиандарынын Пасха майрамы менен куттуктап, 18-апрелде 23:30да диний жөрөлгөлөр башталарын маалымдады.  Кыргызстандык православ христиандарынын диний жөрөлгөлөрүн "Пирамида" телеканалы жана https://www.instagram.com/pravoslaviekg/ баракчасы түз алып көрсөтөт. Сыйынууга беш киши гана катышат. Кыргызстандын президентти Сооронбай Жээнбеков бул күнгө байланыштуу православ христиандарын куттуктады. Мамлекет башчы... Читать дальше...

Жабор Расулов районундагы Коргончо кыштагында бир үй-бүлөдөн сегиз киши карантинге алынды. Буга чейин бул айылда Хабибулло Шодиев аттуу тургундун дене табы көтөрүлүп, пневмониядан каза болгону кабарланган. “Азаттыктын” тажик кызматынына райондук өкмөттөн анонимдүү булак буларды кабарлады.  “Баары бир үй-бүлө мүчөлөрү. 56 жаштагы Абдухалил Журабаев алгач ооруканага небересин алып келген. Анын температурасы жогору болгон. Учурда Абдухалилдин үй-бүлөсү дарыгерлердин көзөмөлүндө”. Аталган райондогу... Читать дальше...

Орусиянын Москва облустук думасынын депутаты, “Бирдиктүү Орусия” фракциясынын башчысынын орун басары Иван Жуков каза болду. 63 жашта депутаттын каза болгону тууралуу кабар думанын сайтына жарыяланды. Анда Иван Жуков мезгилсиз дүйнөдөн кайтканы тууралуу айтылат. "Вести Подмосковья" басылмасы жана Богородск шаардык аймагынын башчысы Игорь Сухин депутаттан коронавирус инфекциясы аныкталганын жазып жатат.  Жуков Москва облусттук думасында 20 жылдан ашуун депутат болгон. Ал бир нече чакырылышта “Бирдиктүү Орусия” фракциясын башкарган. Читать дальше...

АКШ Конгрессиндеги эки партиянын мүчөлөрү Тажикстандын президенти Эмомали Рахмонго "Эркин Европа/Азаттык" радиосунун тажик кызматы -  "Озоди" радиосунун журналисттерин “коркутууну” жана башка тоскоолдуктарды жасоону токтотууга чакырган кат жолдошту. Мыйзам чыгаруучулар тажик бийлигин журналисттердин өз ишмердигин “токтоосуз улантуусуна” уруксат берүүгө үндөшөт.   16-апрелде жазылган катка Калифорниядан шайланган демократ- конгрессмен Адам Шифф жана Огайо штатынын республикачыл мыйзамчысы Стив Шабо кол койгон. Читать дальше...

Америкада бир нече штатта катаал карантин, социалдык обочолонуу эрежелерине каршы нааразылык акциялары өтүп, кээ бир штаттар жакынкы апталарда чектөөлөр азайтыларын билдиришти. Мичиган штатынын губернатору экономиканы акырындап ачуу шарттары 1-майда башталарын жарыялады. Шаршембиде ушул штатта 3000дей киши "жумушка, окууга кайткыбыз келет" деп нааразылык акциясына чыгышкан. Вермонт, Батыш Виржиния, Гавайи жана Монтана штаттары экономиканы жандантуу планы 4-майдан тарта акырындап ишке ашарын билдиришти. Читать дальше...

Баткен районунун мамлекеттик администрациясынын алдындагы коопсуздукту жана укуктук тартипти камсыз кылуу боюнча кеңешинин чечимине ылайык, 18-апрелден тарта район аймагында айылдар арасында коюлган 23 пост алынды. Баткен районунун аймагында 21-март баштап 27 жерге посттор коюлган. Учурда анын төртөө гана калды. Район жетекчилиги мындай чечим жазгы-талаа жумуштарын уюштурууга, мал-жандыктарды жайыттарга алып чыгууга шарт түзүү үчүн кабыл алынганын кабарлады. Коронавирустун алдын-алуу боюнча... Читать дальше...

Бизде бир жаман адат бар ѳз адамдарыбыздын баркына ѳзүбүз жетпей келаткан.

Чехияда коронавирус менен ооруган бейтаптар жаткан эки оорукана жума күнү киберчабуулга туш болгону кабарланды. Тактап айтканда, Острава жана Оломоуц шаарларындагы бейтапканалар чабуулга кабылган. Ага чейин 16-апрель күнү Чехиянын Маалымат жана киберкоопсуздук боюнча улуттук бюросу саламаттык сактоо системасына кибер коркунуч жөнүндө эскерткен. Учурда кимдер, кандай максатта кибер чабуул жасаганы маалымдала элек. Чех бийлигинин өкүлү Reuters агенттигине мунун артында техникалык мыкты даярдалган каршылаштар турганын айтты. Читать дальше...

Коронавирустан улам Өзбекстанда велосипед тээп жүргөндөрдөн үч түрдүү документ талап кылынат. Алар - паспорт, иштеген жеринин күбөлүгү же эмгек дептерчесинин көчүрмөсү жана карантинде да жумушка чыгышы зарыл экенин далилдеген справка. Андай документтери жоктор "карантин эрежесин бузган" деп жоопкерчиликке тартылат.  Бул тууралуу Өзбекстандын ички иштер министринин басма сөз кызматы 17-апрелде кабарлады.  Өзбекстанда 18-апрелдеги расмий кабарга ылайык, COVID-19 вирусун жуктуруп алгандар 1450 кишиге жетти. Читать дальше...

"Whatsapp" аркылуу Кара-Кулжа районундагы "Калпак" санитардык-постунда коронавирус жуктуруп алган киши каза болгону жөнүндө тарап жаткан маалымат жалган экенин Оштун комендатурасынан билдиришти. Маалыматка ылайык, окуя 17-апрелде болгон. Видеодо бир адамдын "белим ооруп жатат" деп жолго жатып алганын көрүүгө болот. Андан тышкары бир нече жаран экспресс-тестти күтпөй кетүүнү талап кылып, милициянын иштөөсүнө тоскоолдук жараткан. Алардын бири өзүнүн автоунаасын жолго токтотуп койгон. Жыйынтыгында... Читать дальше...

Республикалык штаб Кыргызстанда коронавирустун эпидемиясы 20-24-апрелде туу чокусуна жетерин айтып жатат.

Бишкек мэриясы №13 үй-бүлөлүк медицина борбору убактылуу жабылганы тууралуу маалыматты төгүндөдү. Бул тууралуу аталган мекеме сайты аркылуу билдирүү таратты.  Анда шаардык саламаттык сактоо башкармалыгынын жетекчиси Бактыгул Исмаилова №13 үй-бүлөлүк медицина борбору бир да күн жабылбаганын, маал-маалы менен дезинфекция иштери жүргүзүлүп жатканын билдирди. Анын айтымында, бардык медициналык кызматкерлер штаттык режимде иштеп жатат. Мэриянын маалыматына ылайык, коронавирус илдетине чалдыккандар... Читать дальше...

Премьер-министр Мухаммедкалый Абылгазиев №17 Үй-бүлөлүк медицина борборундагы кырдаалды териштирип, күнөөлүүлөрдүн жоопкерчилигин кароону тапшырды. Териштирүүнү көзөмөлдөө вице-премьер-министр Аида Исмаиловага жүктөлдү. Бул тууралуу өкмөттөн кабарлашты. Бишкектин Ленин районундагы Чоң-Арык айылындагы №17 Үй-бүлөлүк медицина борборундагы төрт кызматкер коронавирус жуктуруп алганы аныкталган. Алар учурда Республикалык клиникалык жугуштуу оорулар ооруканасында жатат. Ал эми оорукана убактылуу жабылып, анын 22 кызматкери обсервацияга алынды. Читать дальше...

Кыргызстанда социалдык тармактын колдонуучулары кыздарды видеого тартып жайылткан милиция кызматкерлердин жоопкерчилигин жана банктардын монополиясына жол ачкан мыйзам долбоорун талкуулап жатышат.

Коронавирус пандемиясы дагы канчага созулары, кризис качан басаңдай турганы азырынча беймаалым. Ушундай шартта алдыда жашоо-турмуш кандай болор экен, эмнеге даяр туруу керек, кантип үнөмдөп, оор кырдаалда кантип өнүгүү жолуна түшүүгө болот деген суроолор арбын.

Өзгөчө кырдаалдар министрлигинин аймактагы бөлүмү Хабаровск крайында жеке самолет кулап, төрт киши каза болгонун билдирди. Л-4 маркасындагы жеңил учак Хабаровскиден 30 чакырым алыстыкта окутуп, үйрөтүү максатында учуп жүргөн. "Интерфакс” өз булагына таянып, самолет жергиликтүү ишкер Илье Карабутка таандык экенин жазды. Басылма учак кырсыгында ишкер дагы каза болгонун кабарлады. Учурда кылмыш иши козголуп тергөө жүрүп жатат.

Чикаго шаарыдагы Saint Francis Physician Network, LLС клиникалар тармагында врач-терапевт болуп эмгектенген Алмаз Абдыраков коронавируска байланыштуу Чикаго шаарындагы соңку кырдаал, ооруну дарылоо ыкмалары тууралуу айтып берди.

Саламаттык сактоо министрлигинин имаратын кайтарган милиция кызматкеринде коронавирус аныкталганы тартип сакчыларын кооптонтуп турган кези.

Түркиядан Кыргызстанга кайта албай жаткан 487 мекендешибиздин 211и 17-апрелде Бишкекке учуп келди. Кыргызстандын бул өлкөдөгү элчиси Кубанычбек Өмүралиев менен журтташтарды мекенге жеткирүү иши кандай жүрүп жатканы тууралуу маек курдук.

Түркиядан Кыргызстанга кайта албай жаткан 487 мекендешибиздин 211и 17-апрелде Бишкекке учуп келди. Кыргызстандын бул өлкөдөгү элчиси Кубанычбек Өмүралиев менен журтташтарды мекенге жеткирүү иши кандай жүрүп жатканы тууралуу маек курдук.

Саламаттык сактоо министрлигинин маалыматына ылайык, №17 Үй-бүлөлүк медицина борборунун 22 кызматкери “Garden” отелинде обсервацияда жатат. Медициналык кызматкерлер “Ак-Кеме” мейманканасындагы карантиндик зонага жатуудан баш тартышкан. Алардан алынган анализдердин жыйынтыгы чыга элек. 17-апрелде бул медицина жайынын төрт кызматкеринен коронавирус табылгандыктан №17 бейтапкананын башкы имараты жабылып, филиалы ишин уланта бере турганы кабарланган. №17 бейтапкана Бишкектин Ленин районунун аймагында жайгашкан. Читать дальше...

19-апрелде Кыргызстанда жаан-чачын болбойт. Түнкүсүн Ысык-Көл облусунун дыйканчылык аймактарында 0...-2° үшүк жүрөт. Шамалдын багыты өзгөрүлүп турат, ылдамдыгы секундасына 1-6 метрге  жетет. Абанын температурасы: Чүй өрөөнүндө түнкүсүн 5...10, күндүз 19...24; Талас жергесинде түнкүсүн 4...9, күндүз 19...24; Баткен, Ош, Жалал-Абад дубандарында түнкүсүн 7...12, күндүз 20...25; Ысык-Көл облусунда түнкүсүн 1...6, күндүз 13...18; Нарын аймагында түнкүсүн 0...5, күндүз 13...18; Бийик тоолуу райондордо түнкүсүн -6...-11... Читать дальше...

Бишкектеги Үй-бүлөлүк медицина борборунун аймактык бир дарыгери үй карантинде болгон, кийин андан коронавирус табылган. Учурда дарыгер жугуштуу оорулар ооруканасында жатат. Бул тууралуу республикалык штаб маалымдады. Дарыгерден эки жолу COVID-19 вирусуна анализдер алынып, таза болуп чыкты. Буга чейин Ленин районундагы үй-бүлөлүк медицина борборунун жетекчилиги оорукананын кызматкерлеринин жана калктын коопсуздугу үчүн дарыгерди үй карантинине жиберишкен. Учурда поликлиникада тазалоо иштери жүргүзүлдү. Читать дальше...