Новости за 30.04.2020

Орусиянын премьер-министри Михаил Мишустинге коронавирус жукканы белгилүү болду. Ушундан улам өкмөт башчынын милдетин аткаруу биринчи-вице-премьер-министр Андрей Белоусовго жүктөлдү. Бул тууралуу Мишустин бейшемби күнү «Россия 24» каналынын эфиринде айтты. Ал башкалардан обочодо болуп, ошол эле кезде өкмөт мүчөлөрү менен байланышта экенин билдирди. Мишустин орусиялыктарга кайрылып, өлкөдө киргизилген чектөөлөргө олуттуу кароого чакырды. Соңку маалыматтар боюнча Орусияда коронавирус 106 498 миң кишиге жукту. Читать дальше...

Кыргызстанда өзгөчө абал режими киргизилген 24-марттан бери Жогорку Кеңеш үч жолу чогулган. Анда парламент жыйыны узакка созулган эмес, депутаттар карантин мөөнөтүн узартып эле тим болушкан.

Таланттуу акын, журналист, Кыргыз Республикасынын маданиятына эмгек сиңирген ишмери, маркум Зайырбек Ажыматовду “Азаттык” радиосу кесиптештеринин, коомдук-маданий ишмерлердин катышуусунда эскерди.

Башкы прокуратура жарандар жана дарыгерлер туура эмес маалымат таратканы үчүн өз каалоосу менен эле кечирим сурап жатканын билдирди. Бул тууралуу Жогорку Кеңештин депутаты Дастан Бекешевге башкы прокурордун орун басары Нурлан Дардановдун жиберген катында жазылган. Катты Бекешев «Твиттердеги» баракчасына жарыялады. «Улуттук коопсуздук органдары жана Ички иштер министрлиги туура эмес маалымат тараткан жарандар менен дарыгерлерди коомчулуктан мажбурлап кечирим суратканы тастыкталган жок. Алар өз каалоосу менен кечирим сурашкан. Читать дальше...

Кытай АКШнын президенти Дональд Трамптын «Бээжин ноябрдагы шайлоодо менин жеңилип калышыма кызыкчылыгы бар» деген дооматын жокко чыгарды. Кытайдын Тышкы иштер министрлигинин расмий өкүлү Гэн Шуан 30-апрелде брифингде «АКШдагы президенттик шайлоо өлкөнүн ички иши болуп саналат, биз ал иштерге кийлигишүүгө кызыкпайбыз. Биз АКШдагы адамдар Кытайды өздөрүнүн шайлоосунун алдындагы саясатына аралаштырбайт деп үмүттөнөбүз», - деди. Дональд Трамп шаршембиде «Reuters» маалымат агенттигиндеги маегинде... Читать дальше...

Пандемия коомдук жашоону көп жагынан өзгөртөрү азыртадан эле билине баштады. Ал эми динге кандай таасир этиши мүмкүн? Ар башка дин өкүлдөрү жашаган, Баш мыйзамда диний ишеним эркиндигине кепилдик берилген секулярдуу Кыргызстанда жарандык жоопкерчилик баарынан жогору турушу керекпи?

Чебер калемгер, чыгаан акын, публицист Зайырбек Ажыматовду эскерүү кечеси "Азаттыктын" кеңсесинде өттү.

Кыргызстанда мамлекеттик да, жеке да бала бакчалар июнь айына чейин иштебейт. Бул тууралуу 30-апрелде онлайн-брифингде билим берүү жана илим министри Каныбек Исаков билдирди. Анын айтымында, июнь айына чейин иштей баштай тургандар болсо чара көрүлөт.  «Мамлекеттик бала бакчабы, менчикпи, баарыбыздын абалыбыз бирдей. Июнга чейин биз аларды иштете албайбыз. Ошондон кийин зарыл болгон, иштеп жаткан ата-энелердин балдары барган бала бакчаларды иштетүүнүн жолдорун издейбиз. Эгер 20-майдан тартып ишке... Читать дальше...

Пандемия учурунда Өзбекстанда мал уурдоо күчөдү. Бийлик элге акысыз азык-түлүк таратуу үчүн ишкерлерди кайрымдуулук кылууга мажбурлай баштады. Ошол эле учурда ташкенттик мугалимдер социалдык тармактарда бийликти мактоо өнөктүгүнө тартылып жатат.

АКШ өкмөтү COVID-19 илдетине каршы эксперименталдык дарыны сыноо үмүт жараткан жыйынтыктарды көрсөткөнүн билдирди. Дүйнөлүк саламаттык сактоо уюму мындай тыянакты кубаттай элек.

Бишкектин тегерегиндеги жаңы конуштарда коронавирус боюнча абал кооптуу. Бул тууралуу 30-апрелде баш калаанын мэри Азиз Суракматов билдирди: «Конуштарда абал бүгүнкү күндө кооптуу. 30-апрелге карата коронавирус жуккан 183 адамдын 43ү жаңы конуштарда. 47 жаңы конуштун 14үндө оору катталган». Шаар башчысынын айтымында, эң көбү Арча-Бешикте – 16 адам. Мындан тышкары Көлмөдө жети, Ак-Босогодо алты, Ак-Өргөдө үч адам катталды. Ал эми Керамическая конушунда экөө, Ак-Ордо, Ынтымак, Кара-Жыгач, Алтын-Ордо... Читать дальше...

Белгилүү акын, Кыргыз маданиятына эмгек сиңирген ишмер, «Азаттык» радиосунун журналисти Зайырбек Ажыматовду санаалаштары, кесиптештери, маданият өкүлдөрү жоктоп, эскерип жатышат.

Түркиянын 24 шаарында окуп жаткан кыргызстандык студенттер Кыргызстандын бул өлкөдөгү элчилиги уюштурган онлайн жыйынга катышты. Жыйында элчи Кубанычбек Өмүралиев менен Түркиядагы билим берүү системасы, студенттердин азыркы абалы, көйгөйлөрү жана пандемиядан улам чыккан айрым жагдайлары талкууланды. Студенттер жетишкендиктери жана ийгиликтери арбын экенин айтып беришти. Бүгүнкү күндө Түркиянын жогорку окуу жайларында 155 миңге жакын чет өлкөлүк студент билим алат. Алардын 2 миңге жакыны кыргызстандыктар. Читать дальше...

Бул тууралуу "Азаттыктын" тажик кызматы премьер-министр Кохир Расулзода жетектеген Коронавирус пандемиясынын алдын алуу боюнча мамлекеттик комиссиядагы ишенимдүү булагына таянып билдирди. Ага ылайык, бул комиссия шарембиде чукул жыйынга чогулган жана анда  Дүйшөмбү шаарында беш адамдан, Хожентте 10 кишиден коронавирус аныкталганы айтылган. Жакынкы сааттарда бул тууралуу мамлекеттик телеканалдан расмий маалымат берилгени жатат.  Буга чейин тажик бийлиги өлкөдө коронавирус каттала электигин билдиргени... Читать дальше...

Чыгаан акын, кесиптешибиз Зайырбек Ажыматовдун мезгилсиз дүйнөдөн кайтышы замандаштарын, калемдештерин, күйөрмандарын күйүткө бөлөп кетти.

АКШ өкмөтү COVID-19 илдетине каршы эксперименталдык дарыны сыноо үмүт жараткан жыйынтыктарды көрсөткөнүн билдирди. Кошмо Штаттардын Аллергия жана инфекциялык оорулар боюнча улуттук институту ремдесивир аттуу препарат коронавируска чалдыккан бейтаптардын тезирээк сакайышына көмөктөшөөрүн жарыялады. Изилдөөчүлөр ремдесивирди ичкендердин абалын бул дары берилбеген бейтаптардын тобу менен салыштырышкан. Натыйжада ремдесивир менен дарылангандар 11 күндө айыгып чыкса, бул препаратты колдобогондор кеминде 4 күнгө кечирээк сакайышкан. Читать дальше...

Экс-президент Роза Отунбаева жана ал негиздеген «Роза Отунбаеванын демилгеси» эл аралык коомдук фонду Кыргыз Республикасынын маданиятына эмгек сиңирген ишмер, белгилүү акын Зайырбек Ажыматовдун дүйнөдөн мезгилсиз өткөндүгүнө байланыштуу үй-бүлөсүнө, жакындарына, калемдештерине жана акынды сүйүп окуган күйөрмандарына терең кайгыруу менен көңүл айтты. Анда: “Зайырбек Ажыматов элибиздин сүймөнчүк акыны эле. Анын ырларын миңдеген окурмандар күтүп, издеп, жан дилден сүйүп окушат. Ал фонддун маданий демилгелерине да катышып... Читать дальше...

Тажикстандын Дүйшөмбү шаарынын жетекчилиги негизинен кийим-кече, буюм-тайым сатылган ири "Корвон" базары баштаган жайларды 30-апрелден 10-майга чейин жапты. Мэрия тараткан учкай билдирүүдө мындай базарлар "Дүйшөмбү шаарынын тургундарынын саламаттыгына кам көрүү максатында жана коронавирустун жайылышынын алдын алуу үчүн" жабылганы айтылат. "Корвон" шаардагы эң ири базар болуп эсептелет жана анын аянты 27 гектарды түзөт. Базарда үч миңден ашык ишкер жүздөгөн соодагерлерди иш менен камсыз кылат. ... Читать дальше...

1-майда түнкүсүн Ысык-Көл облусунун көпчүлүк аймактарында, Чүй, Ош облустарынын кээ бир райондорунда жаан жаап, күн күркүрөйт, бийик тоолордо кар жаайт, калган аймактарда жаан-чачын жаабайт. Күндүз Баткен облусунун кээ бир райондорунда жаан жаап, күн күркүрөшү, бийик тоолуу райондорунда кар жаашы ыктымал, калган аймактарда жаан-чачын жаабайт. Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 6...11, күндүз 21…26; Талас облусунда түнкүсүн 5...10... Читать дальше...

Киевде шаршембиде жүздөгөн ишкерлер өкмөт үйүнүн алдына чогулуп, келаткан жума күндөн тартып санитардык чектөөлөрдү алууну талап кылышты. Алар ошондой эле кирешеден куру калган кичи жана орто бизнеске кенемте төлөп берүү керектигин айтып жатышты. Өкмөт азырынча каржылык колдоо боюнча чечим кабыл ала элек. Ал эми 30-апрелден тартып санитардык эрежени катуу сактоо талабы менен 900дөй базар ачыла турган болду. Эгер вирустун таралуусу күчөп кетпесе башка тейлөө жайлары 11-майдан кийин акырындап ачылмакчы. Читать дальше...

Мындай талапты “Өнүгүү-Прогресс” фракциясынын мүчөсү, Жогорку Кеңештин депутаты Исхак Масалиев бүгүн, 30-апрелде өкмөт башчынын алдында койду. Депутат өзгөчө кырдаал шартында күнү-түнү иштеп жаткан күч түзүмдөрүнүн кызматкерлери мыйзамдуу акчасын алуусу керек деп эскертти: “Мендеги маалыматтар боюнча, март-апрель айларында Мамлекеттик бажы кызматы жана Мамлекеттик салык кызматы бюджетке 13 млрд. сом жыйнаган. Мындан тышкары эл аралык каржы уюмдарынан 123 млн. доллар келди. Анан неге акча жок дейсиңер? Читать дальше...

Түштүк Кореянын Ооруларды көзөмөлдөө жана алдын алуу борбору акыркы суткада өлкө ичинде коронавирус жуккан бир да учур катталбаганын билдирди. Анда жаңы аныкталган төрт адам аэропортто карантинге алынгандардын арасынан чыкканы айтылды. Аталган борбордун дезинфекцияга жооптуу кызматкери Юн Та Ху 30-апрелде мындан эки апта мурун 29 миллиондой адам катышкан парламенттик шайлоодо да коронавирус жуктургандар болбогонун белгиледи. Добуш бергени келген жарандар беткап, мээлей кийип, аралыкты сактоого... Читать дальше...

Ал эми оор формасына чалдыккандарды дарылоого 118 миң сомго чейин чыгаша болот. Бул тууралуу саламаттык сактоо министри Сабиржан Абдикаримов 30-апрелде парламентте билдирди. “Коронавирус илдетинин жеңил, орто, оор жана өтө оор формасы аныкталды. Илдет кандай түрдө өтүп жатканына жараша дарылоого 7 988 сом (жеӊил), 16 370 сом (орто), 74 764 сом (оор), 118 807 сом (өтө оор) сарпталат”, - деди Абдикаримов. 24-апрелде өткөн Республикалык штабдын брифингинде саламаттык сактоо министринин орун басары... Читать дальше...

Бул тууралуу өкмөт башчы Мухаммедкалый Абылгазиев 30-апрелде парламентте депутаттын суроосуна жооп берип жатып билдирди. Анын айтуусунда, коронавирус пандемиясына байланыштуу өзгөчө кырдаал шартында бюджетти үнөмдөө үчүн социалдык мекемелердин курулушу убактылуу токтотулат. Бирок медициналык мекемелердин курулушу токтотулбайт. Кыргыз өкмөтү быйылкы өзгөчө кырдаал шартында мамлекеттик бюджетке 30 млрд. сом жетпей каларын божомолдогон. Ага ылайык, үнөмдөө максатында мамлекеттик кызматкерлердин айлык акысы... Читать дальше...

Белгилүү акын, «Азаттык» радиосунун кабарчысы Зайырбек Ажыматов дүйнөдөн мезгилсиз кайтканына байланыштуу өкмөттөн эскерүү жана көңүл айтуу жарыяланды: Кыргыз маданияты оор жоготууга учурады. 2020-жылдын 28-апрелинде Кыргыз Республикасынын маданиятына эмгек сиңирген ишмер, акын жана журналист Зайырбек Ажыматов 44 жаш курагында мезгилсиз дүйнөдөн кайтты. Зайырбек Ажыматов 1976-жылы 27-майда Жалал-Абад облусунун Аксы районунун Ак-Жол айылында туулган. 1993-жылы айылдык орто мектепти аяктаган соң... Читать дальше...