Новости за 15.04.2020

Пакистанда коронавирус пандемиясына байланыштуу киргизилген чектөөлөргө баш ийбеген ашынган динчилдер бийликти беймаза кылууда. Алар “Бизди Аллах сактайт” деп тыюу салынганына карабай мечитке жума намазга барып жатышат. Бийлик аларга күч колдонуудан кооптонуп турат. 15-апрелге карата бул өлкөдө вирусту жуктуруп алгандар 6500дөн ашты.

“Эл үнү” программасына Кыргызстанга келе албай жаткан миңдеген мекендештин маселеси боюнча кайрылгандардын саны арбын. Он күн мурда көз жарган жалгыз бой эне жардам сурайт.

Кытайдын маалымат сайттары Казакстан жана Кыргызстан жайгашкан аймак мурда Цин империясына караштуу болгон деген маанайдагы макалаларды жарыялай баштады.

Жогорку Кеңеш 15-апрелдеги жыйынында буудайды ташып келүүгө жана ун өндүрүүгө кошумча нарк салыгын алып таштоо боюнча мыйзам долбоорун дароо үч окууда кабыл алды. «Салык кодексин колдонууга киргизүү жөнүндө» мыйзамга өзгөртүү киргизүү тууралуу документтин автору, депутат Экмат Байбакпаев мыйзам ата мекендик дан өндүрүүчүлөрдү колдоп, ун аткезчилигин токтото турганын айтты. «Өзүңөр билгендей Кыргызстандын базарын Казакстандан аткезчилик менен ташылган уну ээлеп албадыбы», - деди Байбакпаев. Документтин маалыматтык негиздемесине караганда... Читать дальше...

Кыргызстандын көпчүлүк аймактарында бир жумадан бери жааган жамгырдан улам ӨКМ жер көчкү жүрүшү мүмкүн деген жерде жашагандарга эскертүү берди. Бирок ага карабай кооптуу аймакта жашагандар ордунан козголбой жатат.

Жогорку Кеңештин депутаты Зиядин Жамалдинов Бишкектеги №1 тергөө абагында кармалып турган мурдагы бажы кызматкери Эмилбек Кимсановдун коопсуздугуна байланыштуу маселе көтөрдү. Эл өкүлү парламенттин 15-апрелдеги жыйынында Башкы прокуратура менен Жаза аткаруу мамлекеттик кызматына (ЖАМК) кайрылды. «Туугандары «Эмилбек Кимсановдун өмүрүнө коркунуч келип жатат» деп кайрылып жатышат. Аны өзүнчө камерага отургузуп, көзөмөлгө алып койсоңор. Ал Башкы прокуратурага да кат менен кайрылган. Силер аны карап жооп берип койсоңор», - деди Жамалдинов. Читать дальше...

Өзбекстандын Самарканд облусунун бийлиги Ислам Каримов бийликте турганда анын демилгеси менен 2006-жылы курулган дубалды буздурганы жатат.  Бул тууралуу «Азаттыктын» өзбек кызматына облустун маданият боюнча башкармалыгы кабарлады. Анын маалыматына ылайык, дубал убагында коопсуздук максатында гана , Ислам Каримов аянтта сүйлөп жатканда ар кандай кол салуунун алдын алыш үчүн эле курулган жана эч кандай маданий баалуулугу жок. Бийиктиги үч метр дубал тарыхый Регистан аянтын шаардын эски бөлүгүнөн... Читать дальше...

АКШ президенти Дональд Трамп Дүйнөлүк саламаттык сактоо уюмун (ДССУ) каржылоону убактылуу токтотконун Германия, Орусия, Кытай өңдүү өлкөлөр жана Бириккен Улуттар Уюму (БУУ) айыптап чыкты. Германиянын тышкы иштер министри Хейко Маас «Твиттердеги» баракчасына «Башкаларды күнөөлөө жакшылык алып келбейт. Эң мыкты инвестиция – бул БУУну, каражаттан каржалган Дүйнөлүк саламаттык сактоо уюмун бекемдөө жана тесттерди, вакцинаны иштеп чыгып, таратуу» деп жазды. Дональд Трамп 14-апрелдеги брифингде аталган... Читать дальше...

Нурлан Акматов Евразия өнүктүрүү банкынын Кыргызстандагы өкүлчүлүгүнүн директору болуп дайындалды. Бул тууралуу Евразия экономикалык комиссиянын басма сөз кызматы билдирди. Маалыматка караганда, Акматов жаңы кызматына 21-апрелден баштап киришет. Ал буга чейин аталган комиссиянын бажы кызматташтыгы боюнча коллегиясынын мүчөсү болчу. Нурлан Акматов кесиби боюнча экономист жана юрист. Ал 2011-2018-жылдары «Газпром Нефть Азия» ишканасынын директорунун бизнести өнүктүрүү боюнча орун басары болуп иштеген. Читать дальше...

Парламент Кыргызстандын айрым аймактарындагы өзгөчө абал режимин дагы 15 күнгө узартууну колдоду.

Дүйнөнүн бир катар өлкөлөрүндө пандемия маалында миллиондогон киши үйдө отурууга аргасыз. Активисттер карантин учурунда үй бүлөдөгү зордук-зомбулук көбөйүп, айрыкча аялдар запкы тартып жатканы тууралуу коңгуроо кагышууда.

Кыргызстанда өзгөчө абал режими 30-апрелге чейин узартылгандыктан Рамазан айында таравих намазы үйдөн окулат. Бул тууралуу Кыргызстандын муфтийи Максатбек ажы Токтомушев 15-апрелде видеокайрылуусунда айтты. «Абал турукташканга чейин таравих намазын үйдө окуйбуз. Жума намаздын ордуна бешим намазын, беш убак намазды үйдө окуп жаткандан кийин таравих намазын да үйдө бала-чака менен окуп турабыз», - деди Максатбек ажы Токтомушев. Муфтий андан тышкары коронавируска байланыштуу кырдаалдан улам орозо... Читать дальше...

Жогорку Кеңеш чет мамлекеттерден келе албай жаткан кыргызстандыктарды кайтаруу маселесин чечүүгө өкмөткө бир жума убакыт берди. Бул тууралуу парламент 15-апрелдеги отурумда кабыл алган токтомдо айтылат. Ошондой эле токтомдо өкмөткө чет мамлекеттерде калган кыргызстандык жарандарга жардам берүү, алардын укуктарын коргоонун үстүндө иштөө тапшырылды. Пандемияга байланыштуу чет жакта калууга аргасыз болуп жаткан кыргызстандыктарды колдош үчүн бюджеттен акча бөлүү милдеттендирилди.  Аткарылган иштер... Читать дальше...

Сөгүнгөнү Интернетте тараган кыздын жоругу «Ээнбаштык» деген беренеге туура келбейт. Мындай пикирин 15-апрелде «Медиа Полиси Институту» уюму билдирди.  Уюм тараткан билдирүүдө «ошол видеону талдап чыгып, биз кыздын кылганы «Ээнбаштык» деген беренеге жатпайт деген бүтүмгө келдик. Бирок ички иштер органынын кызматкеринин өзгөчө абал учурундагы мыйзамдуу талабына баш ийбөө сыяктуу эреже бузууну көрүүгө болот (бул үчүн 3 миң сом айыппул салынат). Ошондой эле өзгөчө абалдын талабын бузуу бар (жазасы ... Читать дальше...

Жогорку Кеңештин Эл аралык иштер, коргоо жана коопсуздук комитети менен Укук тартиби, кылмыштуулук менен күрөшүү жана коррупцияга каршы аракеттенүү комитетинин биргелешкен отуруму иштеп чыгып, сунуш кылган токтомду парламент 15-апрель күнү жалпы отурумунда карап, кабыл алды.  Токтомго ылайык, парламент өкмөттү жазгы талаа иштерин жүргүзүүгө, азык-түлүк коопсуздугун камсыз кылууга, коронавирустун жайылып кетишинин алдын алууда иштеп жаткан медицина, күч, өзгөчө кырдаалдар кызматкерлеринин коопсуздугун сактоого жана аларга бөлүнгөн сый акы... Читать дальше...

Жалал-Абадда медицина кызматкерлеринин жумушка барып келүүсү кооптуу жана татаал бойдон калууда. Айылдардан каттап иштегендер блокпосттордон жөө өтүшсө, шаар ичинде топтолуп автобустарда жүргөн медиктер арбын болууда. Аймактын коменданты дарыгерлердин жеке автоунааларына саналуу гана өткөрүү кагаздары берилгенин айтып, автобустардын санын көбөйтүүнү айткан.

Учурда Кыргызстандын чет өлкөдө жашап, окуп же иштеп жүргөн 4371 жараны келе албай турат. Бул тууралуу бүгүн, 15-апрелдеги Жогорку Кеңештин жыйынында айтылды.

Дүйнө жүзүндө коронавиурска кабылгандар эки миллион адамдан ашты. Өзбекстан мусулмандар башкармалыгы карантин маалындагы орозого байланыштуу фатва чыгарды. Индонезияда «ач арбак» сымал кийинген ыктыярчылар түнү менен айыл аралап, карантин маалында үйүндө отургусу келбегендерди коркутушууда.

Жогорку Кеңештин депутаты Жанарбек Акаев Тышкы иштер министрлигинин өкүлүнөн учак жөнөтүүгө уруксат бербөө жөнүндө орус бийлинин маалымдамасын көрсөтүүнү талап кылды. «Мына, жок, эч кандай кагаз! Иштебей атасыңар. Өкмөттүн ушул кырдаалда кылган бир гана иши – Интернетте сөгүнгөндөрдү кармап, жазалоо гана болуп калды. Башка эч кандай иш кылган жоксуңар. Бир жума дебей, бир ай десек иштебей коёсуңар», - деди Жанарбек Акаев. Ушул тапта парламент кыргыз өкмөтүнүн өзгөчө кырдаал учурундагы ишине баа берип жатат. Читать дальше...

Карантин учурунда мас болуп жүргөнү айтылган милиция кызматкери "куру дооматка кабылдым" деп, жетекчилик менен соттошо турганын билдирди.

Орусияда соңку бир күн ичинде коронавирус 3388 адамдан табылды. Илдет 28 адамдын өмүрүн алды. Ошентип ооругандардын жалпы саны 24,5 миң адамга чукулдап, каза болгондор 200 кишиге жеткени калды. Расмий маалымат боюнча, ушул тушта 130 миңден ашык адам коронавирус жугузуп алышы ыктымал деген шек менен дарыгерлердин көзөмөлүндө турат. Өлкө боюнча 1,5 миллиондой тест алынды. Дүйнө жүзү боюнча коронавирус жугузуп алгандардын саны эки миллиондон ашты. Оору 125 миңден ашык кишинин өмүрүн алды. АКШ ооруга... Читать дальше...

Германияда «Ислам мамлекети» террорчул уюмунун мүчөлөрү деген шек менен Тажикстандын төрт жараны камалды. Полиция алар 15-апрелде таң эрте Түндүк Рейн-Вестфалия аймагынын ар кайсы жерлеринен колго түшкөнүн, алар Германиядагы АКШнын аскердик жайларына кол салууну көздөп жүргөнүн маалымдады. Федералдык прокурорлор тараткан маалыматта кылмышка шектүүлөр Азизжон Б., Мухаммадали Г., Фарходжон К. жана Сунатулло К. аттуу адамдар экени айтылат, бирок алардын сүрөттөрү жарыяланган жок. Прокурорлордун айтымында... Читать дальше...

АКШ президенти Дональд Трамп «Дүйнөлүк саламаттык сактоо уюму (ДССУ) пандемияны жөнгө салууда чабалдыгын көргөздү» деп билдирди.

Тажикстандын Дүйшөмбү шаарындагы Шомансур райондук соту журналист Далер Шарифовдун ишин териштире баштады. Анын адвокаты Абдурахмон Шарифов 15-апрелде судья сот жараянын ачык өткөрүүгө макул болгону менен «Дүйнөлүк саламаттык сактоо уюмунун пандемияга байланыштуу эскертүүлөрүнөн улам сот залына саналуу гана адамдар киргизилет» деп айтканын маалымдады. Журналист ушул жылдын башында Тажикстандагы парламенттик шайлоону утурлай камалган. Ага «улут аралык жана диний кастыкты козуткан», өлкөдө 2006-жылдан... Читать дальше...

«Өнүгүү-Прогресс» фракциясынын мүчөсү Исхак Масалиев өкмөттү өзгөчө кырдаал учурунда парламент депутаттарынын айлыгын гана калтырып, калган чыгашаларын төлөбөөгө чакырды. «Мындай оор кырдаалда машине, кызмат сапарлары жана башка чыгашалардан баш тартып тура алабыз. Айлык акыдан башкасын чектеп туруңуздар», - деди Масалиев. Жогорку Кеңеште алты саясий партиядан шайланып келген 120 депутат бар. Өткөн аптада айрым маалымат каражаттарында Жогорку Кеңеш апрель айында 2 миллион сомдон ашыкча чыгымдай турганы жөнүндө маалымат тарап... Читать дальше...