Новости за 25.04.2020

Бул тууралуу саламаттык сактоо министри билдирди. Министрликтин маалыматында, 25-апрелде Польшадан келген дарыгерлердин бир бөлүгү коронавирус илдетин жуктургандар дарыланып жаткан Оштогу облустар аралык бириккен клиникалык ооруканасынан, дагы бир бөлүгү Жалал-Абад облустук клиникалык ооруканасынан кабар алышты. Айрымдары Ош шаарындагы саламаттык сактоо уюмдарынын иши менен таанышты. Польшалык дарыгерлер 26-27-апрель күндөрү Ноокат, Өзгөн, Кара-Суу жана Сузак райондорунун аймактык ооруканаларынан кабар алышат. Читать дальше...

Орусиянын Эсеп палатасынын жетекчиси Алексей Кудрин коронавирус пандемиясынын кесепетинен улам Орусияда жумушсуздардын саны 7-8% чейин өсүшү мүмкүн экенин айтты. Кырдаал өтө татаалдашса, бул көрсөткүч 10% чейин жетиши ыктымал. «Коммерсант» басылмасы 6 миллиондон 9 миллионго чейин киши ишсиз каларын жазып чыкты.     Кудрин буга чейин коронавирустун айынан жумушсуздук ушул жылдын аягына чейин созуларын айткан. Эсеп палатасынын төрагасы белгилегендей, ушул тапта Орусияда жумушсуздуктун деңгээли 1% төмөн. Читать дальше...

Кадырлоо, сыйлоо, алпештеп, кастарлап туруу дегендик.

Батыш маалымат каражаттары жазгандай, Европа Биримдигинин Кытайдын коронавирус пандемиясына байланыштуу жалган маалымат таратканын айыптаган баяндамасы Бээжиндин басымынан улам создугуп жана жумшартылып жарыяланды. «Нью-Йорк Таймс» басылмасы менен «Рейтер» агенттиги 25-апрелде жазып чыккандай, Бээжин Брюсселди доклад үчүн жооп берерин айтып коркуткан.   24-апрелде жарыяланып, Евробиримдиктин өлкөлөрүнө таркатылган докладдын кыска резюмесинде Кытайдын дарегине айтылган сындар алып салынган, жумшартылган же кайра жазылган. Читать дальше...

UFC президенти беттештин айын айтканы менен, кайсы жерде болорун тактаган эмес. Ал эми россиялыктын атаандашы 9-майдагы турнирдин башкы кармашынын жеңүүчүсү болору анык.

Президент Владимир Путин 24-апрелде кол койгон «Орусия жарандыгы тууралуу» мыйзамга өзгөртүүлөргө ылайык, орус жарандыгын алууну каалаган чет өлкөлүктөрдөн мурдагы жарандыгынан баш тартканын расмий тастыктоо талап кылынбайт.  Советтер Союзунун жарандыгы болгон жана мурдагы советтик өлкөлөрдүн атуулдары Орусиянын паспортун алыш үчүн өлкөдө кеминде үч жыл жашап, киреше булактарын ачыкташы керек  деген да талап коюлган эмес.  Орусияда туруктуу жашоого уруксат документи бар молдовалыктар, украиналыктар... Читать дальше...

Кыргызстандын Бириккен Араб Эмираттарындагы башкы консулу Айбек Маматбеков өкмөт кыргызстандыктарга бөлгөн 5 млн. сом боюнча түшүндүрмө берди. Анын сөзү боюнча, бул каражат Кыргызстанга кетиш үчүн учакка билет сатып алууга жумшалбайт. Акча билет сатып алып рейсти күтүп жаткандарга убактылуу жатакана, тамак-аштан жардам берүүгө бөлүнгөн. «5 млн. сом консулдуктун эсебине 20-апрелде түшкөн. 21-апрелде Тышкы иштер министрлигинен акча каякка коротулушу керектиги жазылган кат келген. Ага ылайык, каражат... Читать дальше...

Кошмо Штаттар коронавирусту жуктуруп алгандар жана бул илдеттен каза тапкандардын саны боюнча алдыга чыкты. .

Кыргызстанда COVID-19ду жугузуп алгандарды дарылоо, обсервацияда жаткандарды кароо толугу менен мамлекеттин эсебинен ишке ашууда.

“Талибан” кыймылы ооган өкмөтүнүн орозо айында ок атышууну токтотуу сунушун “максатка ылайыктуу эмес” деп четке какты.   Ооган президенти Ашраф Гани мындай сунушту 23-апрелде орозонун алдында ооган эли коронавирус менен кармашып жаткан маалда жасаган. "Талибандын” басма сөз катчысы Сухаил Шахил ооган өкмөтү менен тынчтык келишиминин шарттары тууралуу пикир келишпестиктен жана түрмөдөгүлөрдү алмашуу процесси кечеңдеп жаткандыктан ок атышуу улана берерин айтты. НАТО “Талибанды” айыптап, “талибдер... Читать дальше...

Каракол шаарынын 47 жаштагы тургуну мектеп жашындагы эки баласын жалгыз тарбиялап келген. Күйөөсү менен мындан бир нече жыл мурда ажырашып кеткен. Карантинге чейин батирде турган аял жалданма жумуштарга чыгып, күнүмдүк тамак-ашка акча таап жүргөн. Бирок карантин башталганы балдарынын курсагын тойгуза албай калган. Бул маалыматты Каракол шаардык мэриясынан тастыкташты. Маалыматка караганда, бул аял үйүнөн дары ичип, жашоо менен кош айтышканга аракет кылган. Дарыгерлер анын өмүрүн сактап калды. Читать дальше...

Быйылкы «Медиа топтоо – 2020» индустриалдык форумунда Кыргызстанда өзгөчө абал режиминде жалпыга маалымдоо каражаттарынын ишин чектөө журналисттердин жумушун бир топ эле аксатканы айтылды. "24.kg" сайтынын редактору Махинур Ниязова Бишкектин комендатурасы башта медианын ишине уруксат берип, кийин белгисиз себептер менен аккредитациядан өткөрүүдөн баш тартканын билдирди. «Кесиптештер калп айттырбаса керек, брифингде министр чыгып эле сүйлөп коёт. Тактоочу суроолорду бере албайсың. Бүгүн бир санды айтса эртең дагы башка санды айтат. Читать дальше...

Тажикстандын бардык мектепке чейинки жана жалпы билим берүүчү мекемелеринде 27-апрелден 10-майга чейин коронавирустун жайылуу коркунучунан улам каникул жарыяланды.  Коңшу өлкөнүн Билим берүү жана илим министрлигинин билдирүүсүнө ылайык, мындай чечим COVID-19 илдетинин жайылышын алдын-алуу үчүн түзүлгөн республикалык штабдын жыйынында кабыл алынган. «Элдин саламаттыгын, өзгөчө балдар менен өспүрүмдөрдүн жана коомдук коопсуздукту сактоо максатында мектепке чейинки жана жалпы билим берүүчү, баштапкы... Читать дальше...

Саламаттык сактоо министрлиги бекиткен алгоритм боюнча, дарыгерлер чек арадан өткөн жүк ташуучу автоунаалардын айдоочуларынын дене табын өлчөйт жана COVID-19 вирусунун белгилери бар-жогун аныктоого экспресс-тест алат. Республикалык штаб эгерде анализдин жыйынтыгы оӊ чыкса, айдоочу обсервацияга алынып, ага ПЧР-тест жасаларын кабарлады. Автоунаа жана жүк дезинфекцияланат. Жүктү алып кетүүгө башка айдоочу келмейинче автоунаа токтотуучу жайда калат. Эгерде айдоочу тапшырган экспресс-тест терс болуп чыкса... Читать дальше...

Өкмөт Орусиядагы кыргызстандыктарга бөлгөн 10 млн. сомдун 4 миллиону которулду. Бул тууралуу Кыргызстандын Орусиядагы элчилиги маалымат таратты. Элчилик акча мекендештерге накталай берилбей турганын түшүндүрдү. Маалыматка караганда, каражат элчиликтин алдындагы штабга түштү. Акча COVID -19 илдетин жуктуруп алгандарга, оорукчандарга, көп балалуу үй-бүлөлөргө, жалгыз бой энелерге, кош бойлуу аялдарга, жашы улгайган кишилерге убактылуу жатакана, тамак-аштан жардам берүүгө жумшалат. Аны Москвадагы... Читать дальше...

Британияда Оксфорд университети коронавируска каршы иштеп чыккан вакцинаны каалоочуларга клиникалык сыноону баштады. Ага өлкөнүн бир нече шаарынан миңден ашык киши катышат. Алардын экөөнө инъекция жасалды. Бир шприцте коронавируска каршы вакцина ал эми экинчисинде менингитке каршы вакцина бар болчу. Окумуштуулар препарат ден соолукка зыян келтирбейби жана COVID-19 вирусуна каршы иммунитетти пайда кыла алабы ушуну билүүнү максат кылып жатышат. Коронавируска каршы вакцина табуунун үстүндө дүйнөдө ондогон лабораториялар иштеп жатат. Читать дальше...

Франциянын президенти Эммануэл Макрон, Германиянын канцлери Ангела Меркел, Түштүк Африка Республикасынын лидери Сирил Рамафоса жана башка лидерлер жума күнү коронавирус пандемиясына каршы күрөштүү күчөтүүнү талкуулаган видео конференцияга катышты. Өпкөнү сезгенткен COVID-19 илдетин дарылоо үчүн эффективдүү жана адамдын организмине коопсуз дары-дармекти, ага чалдыккандарды аныктоо үчүн тесттерди жана вакцинаны чыгарууну тездетүү демилгеси колдоого алынды. Конференцияга катышкандар бай жана жакыр... Читать дальше...

Президент Сооронбай Жээнбеков 25-апрелде Жогорку Кеңештин төрагасы Дастанбек Жумабеков жана премьер-министр Мухаммедкалый Абылгазиев менен жолугуп, өлкөдөгү эпидемиологиялык абалды талкуулады. Бул тууралуу президенттин аппаратты билдирди. Өлкө башчы эпидемиологиялык кырдаалдын мындан аркы өнүгүшүнө жараша экономикалык ишмердүүлүктү этап-этабы менен жандантуунун жолдорун кароо керектигин айтты. Мухаммедкалый Абылгазиев кризиске каршы планды ишке ашыруу, коронавирустун мындан ары жайылышына жол бербөө аракеттери боюнча маалымат берди. Читать дальше...

26-апрелде Ысык-Көл, Нарын облустарынын кээ бир райондорунда, Чүй, Ош, Жалал-Абад, облустарынын тоолуу райондорунда өткүн өтүп, күн күркүрөйт. Талас, Баткен облустарында жаан-чачын болбойт. Бийик тоолуу райондордо жолдор тайгак болот. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын кээ бир райондорунда 15-20 метрге жетет. Абанын температурасы: Чүй өрөөнүндө түнкүсүн 8…13, күндүз 22…27; Талас жергесинде түнкүсүн 7…12, күндүз 22…27; Ош, Баткен, Жалал-Абад дубандарында ​түнкүсүн 10…15... Читать дальше...

Жеке менчик Бонецкий лабораториясы 3500 медицина кызматкерине бекер ПЧР- анализ жүргүзө баштайт. Ошондой эле пенсионерлер жана калктын социалдык аярлуу катмарлары ПЧР-анализинен акысыз өтө алат. Бул тууралуу Кыргызстанда коронавируска каршы күрөшүү боюнча республикалык штаб кабарлады. Маалымат боюнча, андан тышкары мекеме-ишканалардын кызматкерлери акча төлөп, тест тапшырса болот. 25-апрелге карата республика боюнча бул илдетке чалдыккандардын жалпы саны 665 кишиге жетти, каза болгондор – сегиз адам. Читать дальше...

Кыргызстандын Аларча айылынан келген Иса Кураманов 1930-жылдардын башында Украинанын түштүгүндөгү көчүрмө айыл комендантынын жардамчысы болуп дайындалган.  Анын милдети - сүргүндөгү кыргыздардын ишке чыкпай калбашына, качып кетишине жол бербөө болчу. Аны кызматынан кыямат пайдалангандыгы үчүн айыпташып, атууга өкүм кылышкан. Украинанын Коопсуздук кызматынын КГБ архивинде сакталган кылмыш ишинде ал кол алдындагы кыздарды зордуктаганы, сүргүндөгүлөрдү драмалык ийримге катышууга мажбурлаганы, анан... Читать дальше...

Грузиянын өкмөтү Михаил Саакашвили Украинанын вице-премьер кызматына сунушталганына нааразылыгын билдирди. Расмий Тбилиси бул Грузия менен Украинанын алакасына терс таасирин тийгизет деп эсептейт. 24-апрелде Грузиянын өкмөт башчысы Георгий Гахария өз өлкөсүндө кызматынан аша чапкан деп соттолуп, издөө жарыяланган кишинин Украинада чоң кызматка дайындалышы «такыр акылга сыйбайт» деп билдирди. «Эгерде мындай чечим кабыл алынса, биз жок эле дегенде Киевдеги элчибизди кеңешүү үчүн чакыртып алабыз», - деди Гахария. Читать дальше...

«Медиа топтоо – 2020» III индустриалдык форуму коронавирус пандемиясына байланыштуу быйыл биринчи жолу онлайн-форматта өтөт. Форум 25-29-апрель күндөрү саат 15:00-18:00 аралыгында Zoom платформасында болот. Бул жылы «Медиа топтоо» форумунда Кыргызстандагы медианын абалы жана жалпыга маалымдоо каражаттарынын пандемия учурундагы мүмкүнчүлүктөрү талкууланат. Ушундай шартта кантип иштөө керектиги тууралуу презентация да болот. Адамдарга кызыктуу онлайн контент жасоо, пандемия шартында аудитория алдындагы жоопкерчилик маселелери каралат. Читать дальше...

Саламаттык сактоо министри Сабиржан Абдикаримов Кыргызстанда коронавирус жуккан бейтаптарды дарылоого кеткен каражат боюнча түшүндүрмө берди. Анын сөзү боюнча, COVID-19 вирусуна чалдыккан адамдар акысыз дарыланат. Дары-дармек, медициналык каражаттар жана ооруканага жаткандагы орундук үчүн кеткен чыгашалар бюджеттен төлөнөт. «Дарылоо оорунун түрүнө жараша төрткө бөлүнөт: жеӊил, орто, оор жана өтө оор. Илдет кандай түрдө өтүп жатканына жараша, дарылоого 7988 сом (жеңил), 16 370 сом (орто), 74 764 сом (оор)... Читать дальше...

Бир сутка ичинде үч медицина кызматкеринен COVID-19 вирусу чыкты. Алардын баарыБишкек шаарында. Ушуну менен Кыргызстанда коронавирус жуктуруп алган медкызматкерлердин саны 175 кишиге жетти. Бул өлкөдө вирус аныкталгандардын жалпы санынын 25% түзөт. Бул тууралуу саламаттык сактоо министри Сабиржан Абдикаримов 25-апрелде брифингде айтты. Анын сөзүнө караганда, вирус жуктуруп алган дарыгерлерге кенемте төлөө маселеси өкмөттө каралып жатат. «Акыркы күндөрү бул илдетке чалдыккан дарыгерлер көбөйүүдө. Читать дальше...