Новости за 20.04.2020

Түркияда, Орусияда жана Кошмо Штаттарда COVID-19 илдетине чалдыккандар көбөйүп баратат. 20-апрелден тартып Европанын бир катар мамлекеттери коронавирус пандемиясынан улам киргизилген чектөөлөрдү жумшарта баштады.

Кыргызстандын Саламаттык сактоо министрлиги өлкөгө кирбей жаткан айрым дарыларды сатып аларын жарыялады. Бул тууралуу министрликке караштуу Дары-дармек жана медициналык техника менен камсыз кылуу департаментинин директорунун орун басары Мариям Жанкорозова билдирди. Анын айтымында, чек аралар жабык болгондуктан айрым дарыларды өлкөгө алып келүү мүмкүн болбой жатат. Буга байланыштуу министрлик эл аралык уюмдар бөлгөн каражаттын эсебинен айрым дары-дармектерди салып алууну көздөп жатат. Коронавирустун... Читать дальше...

Ирандын тышкы иштер министри Мохаммад Жавад Зариф дүйшөмбүдө Дамаскка барып Сирия президенти Башар Асадга жолукту. Бул тууралуу Ирандын мамлекеттик ИРНА агенттиги кабарлап, бирок сүйлөшүүнүн мазмуну тууралуу маалымат берген жок. Сапардын алдында Ирандын Тышкы иштер министрлиги жолугушууда эки тараптын мамилеси, аймактагы окуялар жана терроризмге каршы күрөш маселелери талкууланышы керек экенин билдирген. Тегеран - Дамасктагы өкмөттүн жакын өнөктөшү. Ал он жылга аяк баскан жарандык согушта Орусия... Читать дальше...

Казак бийлиги «карантин маалындагы жөлөкпулду мыйзамсыз алгандар жоопко тартылат» деген баштапкы билдирүүсүн жокко чыгарды.

Орусиянын Стратегиялык демилгелер агенттиги өкмөт башчы Михаил Мишустинге эмгек базарын жөнгө салуу боюнча бир нече сунуш киргизди. Анын ичинде жумушсуздук жөлөкпулун жана башка жеңилдик, төлөмдөрдү ала алышы үчүн мигранттардын укугун убактылуу орус жарандарыныкына теңөө тууралуу сунуш да бар. Бул тууралуу РБК маалымат сайты жазып, агенттиктин директору Светлана Чупшева кол койгон каттын мазмуну редакцияга белгилүү экенин кошумчалады. Документте Португалия үлгү катары көрсөтүлүп, коронавирустун... Читать дальше...

Ош шаарынын, Карасуу жана Ноокат райондорунун коменданты Малик Нурдинов 20-апрель күнү брифингде Ош облусунда мурдагы жылга салыштырмалуу үй-бүлөдөгү зордук-зомбулук азайганын айтты. Үй-бүлөдөгү зордук-зомбулукка байланыштуу облуста 56, шаарда тогуз факт катталган. Алардын ичинен жети учуру күйөөсүнө кол көтөргөн аялдар боюнча. Катталган иштер тергелип, мыйзам чегинде чара көрүлөт. Мындан сырткары Ош шаары жана Ош облусу боюнча карантин убагында кылмыштуулук, жол кырсыктары кескин азайган. Бирок... Читать дальше...

Кыргызстандын Эмгек жана социалдык өнүктүрүү министрлигинин маалыматына караганда апрель айынын алгачкы 15 күнүндө өлкө боюнча психологиялык жардам сурап 225 адам кайрылды. Алардын ичинен аялдар -169, эркектер - 43, өспүрүмдөр - 10, карыялар - 3. Мындай сандар психологиялык борборлорго түшкөн маалыматтардын негизинде чыгарылды. Эмгек жана социалдык өнүктүрүү министрлиги райондордогу, шаарлардагы башкармалыктарында балдарга жана ата-энелерге аралыктан (дистанттык) психологиялык жардам берүүчү борборлору уюштурулуп иштеп жаткандыгын кабарлап... Читать дальше...

Ушу тапта дүйнөдө COVID-19га каршы келечеги бар деген ондогон вакциналар жасалууда. Айрымдары клиникалык сыноодон өтүп, дары түтүк айнекте же жаныбарларга сыналбастан, адамдарга берилүүдө.

Казакстанда 42 500 теңге социалдык жөлөкпулду алган адамдардын эч бири кылмыш жоопкерчилигине тартылбайт. Бул тууралуу дүйшөмбүдөгү брифинг учурунда Эмгек жана социалдык коргоо министри Биржан Нурымбетов билдирди. «Калктын басымдуу бөлүгүнүн тапканы аз экени, айлык акы, жөлөкпул көп эмес экени түшүнүктүү. Ошондуктан биз эч кимди текшербейбиз», - деди министр. Өткөн аптада мамлекеттик маалымат каражаттары Эмгек министрлигине шилтеме берүү менен өзгөчө абал режиминен кийин бардык социалдык төлөм алгандар кошумча текшерилерин маалымдашкан. Читать дальше...

Бул тууралуу Кыргызстандын Фармацевттер бирикмесинин төрагасы Эрнист Асанов Бишкекте брифингде билдирди. Анын айтымында, өлкөдөгү дары-дармектердин кымбатташына чек араларынын жабылышынан улам дары алып келүүгө кеткен чыгымдар көбөйгөнү себеп болуп жатат. Буга кошумча доллардын курсунун көтөрүлүшү да таасирин тийгизүүдө.  «Учурда Орусиядагы айрым заводдор дарынын баасын 15-20% чейин көтөрүп жиберишти. Ошондуктан өлкөдө дарылардын кымбатташы сезилип жатат. Буга карабастан биз дары менен камсыз кылып жатабыз», - деди Асанов. Читать дальше...

Ош облусунда жаздык арпа-буудай быйыл 57130 гектарга себилди. Бул мурунку жылдарга салыштырмалуу 113 гектарга көп. Бул өлкөдөгү эпидемиологиялык кырдаалга байланыштуу азык-түлүк коопсуздугун камсыз кылуу максатында, атайын өкмөттүн тапшырмасынын алкагында ишке ашырылып жаткан Ош облусундагы өкүлчүлүк маалымдады. Өкүлчүлүктүн басма сөз кызматкери Нуркыз Кадырбекованын «Азаттыкка» билдиргенине караганда, Ошто жазгы талаа иштери Араван районунда февраль айында башталып, аяктаса, Чоң-Алай районунда эми башталууда. Читать дальше...

Президент Сооронбай Жээнбеков Бишкек шаар мэриясынын муктаж болгон жарандарга гуманитардык жардам таратуу ишинен кабар алды. Бул тууралуу президенттин басма сөз кызматынан кабарлашты. Бишкек мэриясынын маалыматы боюнча учурда борбор калаада 85 миңден ашык үй-бүлөнүн тизмеси түзүлгөн. Анын ичинен Бишкектеги жана анын айланасындагы 44 миңдей үй-бүлөгө жардам көрсөтүлгөн. Ал үчүн өкмөт 300 тонна ун бөлгөн. Жакын арада дагы 300 тонна ун, 90 тонна кумшекер, 30 миң азык-түлүк топтомун бөлүү каралып жатат. Читать дальше...

Стамбулдун Ататүрк аэропортунун үч учуп-конуу тилкесинин экөөнө коронавирустан жабыркагандар үчүн оорукана курулууда. Апрелдин башында өлкө президенти Режеп Тайып Эрдоган ал жерге 45 күндө миң кишилик оорукана куруларын билдирген. Бул чечимди Стамбулдун мэри Экрем Имамоглу кескин сынга алды.  "Чынында Стамбулда жер титирөө сыяктуу башка да коркунучтар бар. Бирок Ататүрк аэропортунун жанында конгресс борбору, ошондой эле бош талаа бар эле. Түрдүү максатка колдонсо боло турган башка жер турганда... Читать дальше...

Бул тууралуу жергиликтүү «Ihlas» кабар агенттиги 19-апрелде маалымат таратты. Маалыматта Түркиянын Билежик аймагынын Карагач айылында жашаган 66 жаштагы кыргызстандык месхет түркү Касым Алиев COVID-19 вирусу менен шаардык ооруканага жаткырылганы жана жети күн бою бул илдеттен дарыланганы жазылган.  Кыргызстандык бейтап дарыланып ооруканадан чыккан соң 17-апрелде үйүндө муунуп каза болгон. Жакындарынын айтымында, коронавирустан улам Касым Алиев оор депрессияга түшкөн.  Каза болгон месхет түркү... Читать дальше...

Бишкек шаарынын коменданты Алмаз Орозалиев күн жылышы менен балдарын ээрчитип алып, парктарда-скверлерде сейилдеген адамдар көбөйүп жатканын белгилеп, бул өзгөчө абалдын талаптарына жооп бербей турганын билдирди: «Ата-энелер балдарын ээрчитип же кол арабаларга салып, сейилдей башташты. Шаарда велосипед минип сейилдегендер да көп болуп жатат. Мен түшүнүп турам, балдар сыртка чыккысы келет. Бирок бул өзүңөрдүн, балдарыңардын өмүрү үчүн кооптуу! Ошондуктан өзгөчө абалдын талаптарын эске алып, сыртка чыкпагыла. Читать дальше...

Бул тууралуу Ош шаарынын, Карасуу жана Ноокат райондорунун коменданты Малик Нурдинов 20-апрель күнү брифингде айтты. Анын айтымында, бүгүнкү күнгө чейин 10 автоунаанын өткөрмө кагазын максатсыз, жеке кызыкчылыктарына пайдаланып жүргөн жеринен айдоочулар кармалып, машинелер атайын айып токтотмосуна коюлган. «Бишкекке, Жалал-Абадга такси айдагандар такыр ал эрежелерди сактабайт. Кооптуу да жагдай болуп жатат. Уруксат кагазын алып жүргөн жарандарга кайрылам. Өзүңөрдү, үй-бүлөңөрдү, алып жүргөн жүргүнчүлөрдү тобокелге салбагыла»... Читать дальше...

Кыргызстан-Кытай чек арасындагы «Эркечтам» өткөрмө бекети 15-апрелден тартып ишин жандантты. Мамлекеттик бажы кызматынын маалыматына караганда, бекет ишке киргенден бери Кытайдан жети жүк ташуучу машинге Кыргызстанга кирген. Алардын ичинен бешөө транзит аркылуу Өзбекстанга кетүүчү, экөө Кытайдан гуманитардык жардам алып келе жаткан машинелер. Мамлекеттик бажы кызматынын басма сөз катчысы Жаманак Мүсүрканов «Азаттыкка» маалымдагандай, COVID-19 вирусунун жайылышынын алдын алыш үчүн атайын талаптар иштелип чыккан. Читать дальше...

«Сөз дайра» берүүсүнүн бул чыгарылышында «ит» деген сөзгө уланган сөздөрдүн маанисин талдайбыз.

Өмүрүн медицина тармагына арнаган Салкынай Мусаева Ат-Башынын Ача-Кайыңды айылындагы фельдшердик-акушердик пункттунда иштегенине 33 жылдан ашты. Анын жалпы эмгек стажы 40 жылга чукулдады. Кесибине берилген медайым бейтаптарына донор болгон учурлары да көп.

Орусияда өткөн дем алыш күндөрү коронавирус дагы 10 миңден ашуун кишиден табылып, инфекцияга чалдыккандар жалпысынан 47 миң адамдан ашты. Муну менен Орусия COVID-19 эң көп катталган он өлкөнүн катарына кирди. Ошол эле учурда Орусияда коронавирустун кесепетинен көз жумгандар менен айыгып чыккандар башкаларга салыштырмалуу кыйла аз. Дүйшөмбүгө карай курмандыктар 405 кишиге жетсе, илдеттен кутулгандар 3,5 миңди чамалады. Дүйнөдө коронавирус жугузганы аныкталгандар 2,4 миллиондон ашты. Алардын дээрлик ар бир үчүнчүсү АКШда.

Эл аралык соода-сатыкта мунайдын баасы кайрадан төмөндөй баштады. Дүйшөмбүгө карай америкалык «West Texas Intermediate» 20% арзандап, бир баррели 15 долларга түштү. Бул акыркы 20 жылдагы эң төмөнкү баа. Ал эми Орусияны «Urals» маркасы 23 долларга түшсө, дүйнөдөгү эң популярдуу «Brent» мунайынын бир челеги 27 долларга чейин арзандады. Мунай баасынын төмөндөшү коронавирус пандемиясынан улам дүйнө өлкөлөрүндөгү экономикалык абалга байланыштуу болуп жатат.  Бааны көтөрүш үчүн бир апта мурда Мунай... Читать дальше...

Мухаммедкалый Абылгазиев башында турган 30-өкмөт туура эки жыл мурун, 2018-жылы 20-апрелде ишин баштаган.

Карантин учурунда жардам сурап кайрылгандардын басымдуу бөлүгү жалгыз бой, балалуу аялдар болууда. Бул туурасында азык-түлүк таратып жүргөн ыктыярчылар да айтып жатышат.

Бул тууралуу саламаттык сактоо министринин орун басары Нурболот Үсөнбаев 20-апрелдеги брифингде билдирди. Анын айтымында, Кытайдан келген адистер жергиликтүү дарыгерлерге коронавируска каршы күрөшүүнүн ыкмаларын көрсөтүп, кеңештерин берет. Буга чейин Кытай бийлиги 15 дарыгерди Кыргызстанга жөнөтүүгө макул болгону кабарланган. Ал эми буга чейин Польшадан келген дарыгерлер бүгүнтөн баштап Бишкек шаарындагы инфекциялык ооруканадагы дарыгерлер менен кошо оорулууларды дарылоого катыша баштады. Сегиз... Читать дальше...

Пандемиянын айынан чек аралар жабылып, аба каттамдары токтоп, Кыргызстанда калып кеткен чет өлкөлүктөр да бар. Алардын басымдуу бөлүгү студенттер.