Новости за 25.08.2021

(Казан, 25 август, «Татар-информ», Павел Климчак). Прокуратура Кама Тамагындагы кунакханә янында табылган кеше калдыклары турындагы мәгълүматны тикшерәчәк. Социаль челтәрләрдә Кама Тамагы районы территориясендәге бер туристик комплекста кеше сөякләре табылуы турында хәбәр пәйда булды. Җирле халык сүзләренчә, кунакханә иске зират урынында төзелгән. Татарстан Республикасы прокурорының өлкән ярдәмчесе Руслан Галиев хәбәр итүенчә, күзәтчелек ведомствосы әлеге мәгълүматны тикшерәчәк. Кеше калдыклары табылган урынга прокуратура вәкиле җибәрелгән.

(Казан, 25 август, «Татар-информ»). Түбән Кама районы башлыгы Айдар Метшин фикеренчә, «Бердәм Россия» партиясенең программасы бик халыкчан килеп чыккан. «Бердәм Россия» партиясенең сайлау алды программасы нигезенә миллионлаган кешеләрнең, шул исәптән Татарстан вәкилләренең теләкләре исәпкә алынган. Ул күпчелек россиялеләрнең фикерләрен һәм ихтыяҗларын чагылдыра. Бу хакта «Бердәм Россия»нең Мәскәүдә узган съездының икенче этабы нәтиҗәләре буенча ТР Түбән Кама районы башлыгы Айдар Метшин әйтте. «Программа чынлап та бик халыкчан килеп чыккан. Читать дальше...

(Казан, 25 август, «Татар-информ», Надежда Гордеева). Бүген Казанда Андрей Кондратьев һәм Сәрия Сабурская сайлаучылар хокукларын яклау турындагы килешүгә кул куйды. Бүген Казанда Дәүләт Думасына сайлауларында үзара хезмәттәшлек турындагы килешүгә Татарстан Үзәк сайлау комиссиясе рәисе Андрей Кондратьев һәм республикада Кеше хокуклары буенча вәкаләтле вәкиле Сәрия Сабурская кул куйдылар.   «Килешү сайлаучыларның хокукларын яклау максатларында үзара бәйләнешне күздә тота. Без мондый документка... Читать дальше...

(Казан, 25 август, «Татар-информ», Зилә Мөбәрәкшина). Беренче май мәйданында Муса Җәлил һәм аның көрәштәш дусларын искә алдылар. Искә алу мәрасимендә Герой-шагыйрьнең кызы Чулпан Җәлил әтисенең кабере янында була алмавы турында сөйләде. «Кызганыч, әтиемнең каберенә барып карау бәхете татымады. Унбер каһарманыбызның Берлиндагы каберләре кайда икәнлеге билгесез. Әмма 25 августта безнең өчен җәлилчеләргә багышланган стелла янында булу — зур бурыч», — диде ул. «Бу минутларда безнең унбер каһарманыбыз хөкем ителә. Читать дальше...

(Казан, 25 август, «Татар-информ»). Пәнҗешәмбе, 26 августта, кичке сәгать алтыда Самараның Петр Алабин исемендәге музейда татар чигүе буенча мастер-класс булачак, дип хәбәр итә «Самара татарлары» газетасы сайты. Очрашу Алабуга дәүләт музей-тыюлыгының «Татарларда кунакта» күргәзмәсе кысаларында уза. Мастер-классны декоратив иҗат өлкәсендәге белгеч, тарихи реконструкция фестивале катнашучысы һәм күпсанлы һөнәрчелек конкурслары җиңүчесе Ладислава Иванцова үткәрәчәк. Ул күргәзмә экспонатлары мисалында татар чигүенең төп принциплары белән таныштыра.

(Казан, 25 август, «Татар-информ», Рузилә Мөхәммәтова). Казанда язучы Кави Нәҗми һәм тәрҗемәче Сәрвәр Әдһәмова истәлегенә мемориаль такта 30 август көнне ачылачак. «Кави Нәҗми һәм Сәрвәр Әдһәмовага үзләре яшәгән йортта — Казан шәһәренең Зур Кызыл урамындагы 57б йортына мемориаль такта куела», — дип хәбәр итә Татарстан язучылар берлегенең матбугат үзәге. Истәлек тактасын ачу тантанасында Татарстан Президенты Рөстәм Миңнехановның катнашуы көтелә.

(Казан, 25 август, «Татар-информ»). Россия Федерациясе регионнарга 3 яшьтән 7 яшькәчә балалар өчен каралган түләүләр өчен регионнарга тагын 21,5 млрд сум акча җибәрәчәк. Россия төбәкләре өч яшьтән җиде яшькә кадәрге балаларга айлык түләүләр өчен өстәмә 21,5 млрд сумнан артык акча алачак. Тиешле боерыкка РФ Премьер-министры Михаил Мишустин кул куйган, дип хәбәр итә дәүләт Хөкүмәтенең матбугат хезмәте. 17 августта Хөкүмәт утырышы барышында Премьер-министр әйтүенчә, быел әлеге түләүләр өчен инде 254 млрд сум җибәрелгән булган. Читать дальше...

(Казан, 25 август, «Татар-информ», Рузилә Мөхәммәтова). Камал театры җитәкчелеге Уфа гастрольләренең сентябрьдән ноябрьгә күчерелүне сәясәткә, аерым алганда, җанисәп вакытына бәйләп карамаска өнди. Камал театрының матбугат үзәге «Татар-информ» соравына җавап итеп, Уфа гастрольләренең вакыты күчерелүнең ике сәбәбен күрсәтте. «Беренчедән, билет сату ягыннан караганда ноябрь уңайлы вакыт. Театраль сезонның кызган чагы була һәм спектакльләр халыкта күбрәк кызыксыну уята. Икенчедән, ноябрь башында „Сәфәр“ спектакленең премьерасын чыгарабыз. Читать дальше...

(Казан, 25 август, «Татар-информ», Зилә Мөбәрәкшина). Камал театры янындагы фонтаннар мәйданчыгына татар милли киемендәге егет белән кыз сурәтләнгән һәм «Булгары» дип язылган стендны Халыклар дуслыгы йорты куйган. Казан мэриясе матбугат хезмәте «Татар-информ» хәбәрчесе хатына шулай дип җавап бирде. «Сезгә Татарстанның Халыклар дуслыгы йортына мөрәҗәгать итәргә кирәк, стендлар әлеге оешма тарафыннан урнаштырылган», — дигән хат килде Казан шәһәре мэриясе матбугат үзәгеннән. Камал театры каршындагы... Читать дальше...

(Казан, 25 август, «Татар-информ»). Сахалин өлкәсе татарларының төбәк милли-мәдәни автономиясе Татарстан көненә багышланган бәйрәм чарасына чакыра. Бәйрәм концерты 30 августта сәгать унбердән көндезгә сәгать икегә кадәр Көньяк Сахалин шәһәрендә Габдулла Тукай исемендәге татар мәдәниятенең этнографик музеенда була. («Дом торговли» сәүдә үзәге янында). Бу хакта Сахалин һәм Курил утравы татарлары социаль челтәрдә хәбәр итә. Анда Татарстан Республикасы көненә багышланган күп милләтле концерт программасы... Читать дальше...

(Казан, 25 август, «Татар-информ»). 3-4 сентябрьдә Болгарда Татарстан мөфтие Камил хәзрәт Сәмигуллин мөселман яшьләре активистлары белән очраша. Татарстан Республикасы мөселманнары Диния нәзарәтенең социаль бүлеге шул уңайдан мөфтият проектларында, «MuslimVol» волонтерлык хәрәкәтендә катнашучыларны ике көнлек сәфәргә чакыра. Актив мөселман яшьләрен кызыклы программа — борынгы Болгар буйлап мавыктыргыч экскурсияләр, Ак мәчеттә намаз уку, Татарстан мөфтие Камил хәзрәт Сәмигуллин белән очрашу, аралашу һәм бүләкләр көтә... Читать дальше...

(Казан, 25 август, «Татар-информ»). Бөтендөнья татар конгрессы башкарма комитеты, Татарстан Республикасы Мәдәният министрлыгы, «Татмедиа» АҖ һәм «Сәхнә» журналы редакциясе мәктәпкәчә һәм мәктәп яшүсмерләр театрларының «Сәйяр-fest» бөтенроссия фестивале башлануы хакында игълан итте. Әлеге чара балаларда туган телгә мәхәббәт, аны өйрәнү һәм үз халкының милли мирасына сакчыл караш тәрбияләү максатында оештырыла. Фестивальдә катнашу өчен Татарстан һәм Россия Федерациясенең мәктәпкәчә һәм урта гомуми... Читать дальше...

(Казан, 25 август, «Татар-информ»). Төмән өлкәсенең Вагай районы Убавыл авылында хәйрия акчасына төзелгән яңа мәчетне ачу тантанасына Тубыл һәм Төмән районы имамнары, Вагай районы татар авылы вәкилләре һәм өлкә үзәгеннән кунаклар килгән. Россия Мөфтиләр шурасы хәбәр иткәнчә, мәчет төзелеше 2017 елда башланган. Төзелешкә акчаны җирле халык җыйган. Шулай ук төбәк администрациясе һәм кайчандыр Убавылда яшәгән кешеләр дә булышкан. Шуларның берсе — запастагы подполковник Руслан Бариев. Туксанынчы еллар башында ук... Читать дальше...

(Казан, 25 август, «Татар-информ»). Кичә, 24 августта, Татарстан Дәүләт Советы Рәисе урынбасарлары Марат Әхмәтов һәм Юрий Камалтынов, Дәүләт Советы Секретаре Лилия Маврина һәм республика парламенты депутатлары Кама Тамагы районында булдылар. Татарстан Дәүләт Советы матбугат хезмәте хәбәр иткәнчә, алар татар драматургиясе классигы, ТАССР Югары Советы һәм 1-4 чакырылыш Дәүләт Советы депутаты Туфан Миңнуллинның Олы Мәрәтхуҗа авылындагы музей-утарын карадылар, район үзгендәге паркта куелган бюстка чәчәкләр салдылар. Читать дальше...

(Казан, 25 август, «Татар-информ»). Forbes журналы Россиянең иң бай хатын-кызлары исемлеген төзегән. 2021 елның июленә белешмә буенча, аларның гомуми байлыгы 25,3 млрд доллардан артып киткән. Топ-25 исемлегенең унтугызынчы баскычында Татарстан вәкиле — «ТАИФ» компанияләр төркеме генераль директорының икътисад һәм финанслар буенча урынбасары Гүзәлия Сафина тора. Журнал Гүзәлия Сафинаның байлыгын 325 млн долларга бәяләгән. «Әлеге рейтингта гаммәви компанияләрнең 2021 елның 12 июлендә булган бәясе теркәлгән», — диелә хәбәрдә. Читать дальше...

(Казан, 25 август, «Татар-информ»). Россия Дәүләт теркәве федераль хезмәтенең (Росреестр) Татарстан Республикасы буенча идарәсе «гараж амнистиясе»н кулланырга өйрәтә. «Гараж амнистиясе»н кемнәр һәм нинди объектларга карата куллана ала? Шушы һәм башка сорауларга 26 августта Татарстан буенча Дәүләт теркәве федераль хезмәте идарәсе җавап бирәчәк. 8 (843) 255-25-71 телефоны буенча иртәнге сәгать уннан төш вакытына кадәр кайнар элемтә эшләячәк, дип хәбәр итә ведомствоның матбугат хезмәте. Белгечләр гражданнарга... Читать дальше...

(Казан, 25 август, «Татар-информ»). 27 августта Тукай әдәби музеенда Татарстан Республикасының Габдулла Тукай исемендәге Дәүләт бүләге иясе, халык рәссамы Михаил Кузнецовның «Тукай дөньясы» күргәзмәсе ачыла. Кичә 14.00 сәгатьтә башлана. Күргәзмәдә рәссамның Тукай әсәрләренә иллюстрацияләре, Идел буенда яшәүче халыкларның тормышына, гореф-гадәтләренә багышланган эшләре урын алачак, дип хәбәр итте музейның матбугат хезмәте. Чара Татарстан Республикасы көне уңаеннан оештырыла, Туган телләр һәм халыклар бердәмлеге елына... Читать дальше...

(Казан, 25 август, «Татар-информ», Полина Шевчук). Татарстанда Кама елгасында көймәдә йөзеп киткәч югалган кызның гәүдәсе табылган дип фаразлыйлар. Әлеге вакытта көймәдә йөзеп китеп югалган ике яшүсмерне эзлиләр. Моңа кадәр 5 нче номерлы зона эзләү-коткаручылар отряды Кама ярын 50 чакрым һәм траления ысулы белән сулык мәйданын карап чыкты. Бүген 5.40 сәгатьтә Танай авылы янында волонтерлар 16 яшьлек кызның гәүдәсен тапканнар, дип хәбәр килде. Элегрәк «Татар-информ» Татарстанда көймәгә утырып... Читать дальше...

(Казан, 25 август, «Татар-информ»). Татарстан Урман хуҗалыгы министрлыгы республика халкын урманнарда янгын куркынычсызлыгы кагыйдәләрен үтәргә өнди. Татарстан Республикасында урманнарда янгын чыгу куркынычының югары классы саклануга бәйле рәвештә гражданнар өчен урманнарга бару һәм транспорт чаралары белән үтеп керүе тыела. Чикләүләр республиканың урман фонды җирләрендә урнашкан урманнарга карата билгеләнә, диелә министрлык хәбәрендә. «Барыгыздан да урманнарга бармавыгыз, урманнарда янгын куркынычсызлыгы... Читать дальше...

(Казан, 25 август, «Татар-информ»). 24 августта Казанның Кол Шәриф мәчетендә Татарстан мөфтие Камил хәзрәт Сәмигуллин халыкны кабул итү көнен уздырды. Халык белән очрашуны атна саен сишәмбе Кол Шәриф мәчетендә дәвам итү ниятләнә. Язылу өчен телефон: +7 (84-32) 37-94-53. Традиция буенча, сишәмбе иртәсендә алдан язылып килүчеләр ике сәгатьтән артык вакыт дәвамында мөфти белән якыннан аралашты, аңа үзләренең гозерләрен җиткерде, киңәш, нәсыйхәтләр сорады. Мөфтигә барлыгы унлап кеше мөрәҗәгать итәргә өлгерде... Читать дальше...

(Казан, 25 август, «Татар-информ», Полина Шевчук). Актаныш районындагы Яңа Кормаш авылында янгын турында кичә 21.35 сәгатьтә коткаручыларга хәбәр итәләр. Урынга килгән янгын сүндерүчеләр агач йортны ут чолгап алуын ачыклый. Ул 40 квадрат метр мәйданда була. Янгын хәрабәләрен актарганда ир-ат мәете табыла, ул йорт хуҗасы дип фаразлыйлар. Янгын вакытында өйдә тагын бер кеше булуы ихтимал дигән белешмә бар. Соңрак биредә үк тагын бер мәет табыла. Янгын сәбәпләре һәм мәетләрнең шәхесләре ачыклана.

(Казан, 25 август, «Татар-информ»). 4 сентябрь көнне 16:00 сәгатьтә чыгарылыш яшендәге мәктәп укучыларын һәм абитуриентларны «Җанлы китаплар» проекты очрашуына чакыралар. Милли китапханәнең матбугат хезмәте хәбәр иткәнчә, «Җанлы китаплар» — ул төрле юнәлешләр буенча төрле шәһәрләрдә һәм илләрдә укып чыккан шәхесләр белән аралашу мөмкинлеге. Теркәлү өчен  сылтамадан  узып теркәлегез.

(Казан, 25 август, «Татар-информ»). Түбән Кама медицина көллиятеннән Яшьлек һәм Җиңүнең 30 еллыгы урамына кадәр маршрут буенча ремонт эшләре алып барыла. Юлның бу участогында асфальт катламын һәм бордюрларны алмаштыралар, күрмәүче яки начар күрүче кешеләр өчен тактиль плитка урнаштыралар. Маршрут буенча көн саен бик күп студентлар уза, күзләре начар күрүче бу яшьләр  — медицина массажына укучы белгечләр. Бу турыда Түбән Кама муниципаль районы рәсми сайты нда хәбәр ителә. Юлда ремонт үткәрү тәкъдимен... Читать дальше...

(Әлки, 25 август, «Татар-информ», « Әлки хәбәрләре », Люция Низамиева). Әлки районы үзәгендә югары көчәнешле электрүткәргечләрнең күбесе шактый иске, тузган хәлдә иде. Район электр челтәрләре җитәкчелеге аларны яңарту мәсьәләсен республика «Челтәр компаниясе» алдында күтәргән. Анда исә әлеге эшне хуплап, аны август, сентябрь, октябрь айларында башкаруны планлаштырганнар. Базарлы Матактагы күп кенә урамнарга яңа электр баганалары кайтарылган. Электрүткәргечләрне реконструкцияләү буенча зур күләмле эшләр Җиңүнең 40 еллыгы... Читать дальше...

(Чүпрәле, 25 август, «Татар-информ», «Туган як» ). 1 сентябрьдә 13.00-15.00 сәгатьләрдә Татарстан Дәүләт Советы депутаты, Законлылык һәм хокук тәртибе комитеты рәисе Шакир Яһүдин шәхси сораулар буенча гражданнарны кабул итәчәк. Кабул итү түбәндәге адрес буенча узачак: Үзәк ур., 13 йорт. Депутат белән очрашуга килү өчен 2-20-95 телефоны буенча алдан язылырга кирәк.