Татарстанда тагын 46 кеше коронавирус инфекциясе йоктырган
(Казан, 24 август, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 46 яңа очрагы ачыкланган.
ТР Сәламәтлек саклау министрлыгының матбугат хезмәтеннән хәбәр итүләренчә, өч кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән.
«19 кеше хастаханәгә озатылган, 27 кеше өендә дәвалана», — диелә ведомство хәбәрендә.
Казанда — 22, Чаллыда — сигез, Тукай районында — биш, Лаеш районында — өч, Алабуга районында — ике, Актаныш, Алексеевск, Бөгелмә, Менделеевск, Түбән Кама һәм Теләче районнарында берәр очрак ачыкланган.
Пандемия башланганнан алып республикада коронавирус инфекциясенең 25 123 очрагы теркәлгән. 22 054 кеше (шуларның 40ы — узган тәүлектә) терелгән.
Республикада барлыгы 966 676 кеше коронавируска каршы прививка ясаткан. 804 069 кеше икенче дозаны да алган.