Әлмәт егете «Ел студенты - 2021» Россия илкүләм премиясе финалисты булды
(Әлмәт, 20 декабрь, «Татар-информ», «Әлмәт таңнары» ). Әлмәт сәүдә-икътисад техникумының 4нче курс студенты Илнур Каметов Татарстанны «Ел студенты» Россия илкүләм премиясендә тәкъдим итте. Ул «Ел студенты — 2021» Россия илкүләм премиясе финалисты булды. Әлмәт егете һөнәри белем бирү оешмалары арасында «Ел профессионалы» номинациясендә катнашты. Бәйге Россия мәгариф оешмаларында укучыларны ачыклау һәм аларга ярдәм итү, аларның һөнәри эшчәнлектә, иҗатта, спортта, яшьләр сәясәтендә, студентлар лидерлыгында, иҗтимагый эшчәнлектә аерым казанышларын ачыклау максатыннан уздырыла. «Үзпрезентация», «Россиянең фәнни казанышлары», «Һөнәрне тәкъдир итү» һәм «Компетентлы уен» кебек катлаулы сынаулар артта калды.