Әгерҗе спортчысы Дөнья чемпионатында призлы урын алды
(Әгерҗе, 18 декабрь, "Татар-информ", "Әгерҗе хәбәрләре" ). Румыниядә кул көрәше буенча Дөнья чемпионаты узды. Анда Көчек авылында туып-үскән спортчылар – Миләүшә Гыймранова һәм Рияз Баһаутдинов катнашты. Рияз – ике кулы белән дә өченче, Миләүшә бишенче урын алды. Алар шушы көннәрдә Татарстан чемпионатында да сыналдылар. Икесе дә алтын медальләр яуладылар. Әгерҗе спорт мәктәбе тренеры Руслан Закиров шәкертләре Удмуртиянең Завьялово авылында узган ярыштан җиңүләр белән кайттылар. Алмаз Насыйков – беренче, Рузилә Шаһиева – икенче, Илгиз Гыйләҗев өченче урында.