Новости за 19.05.2021

(Казан, 19 май, «Татар-информ», Екатерина Андреева). Казанның Авиатөзелеш һәм Яңа Савин районнары администрациясенең яңа башлыгы итеп шәһәр зооботсадасының элеккеге директоры Фәнис Нурмөхәммәтов билгеләнде. Бүген яңа җитәкчене коллективка Татарстан башкаласы мэры Илсур Метшин тәкъдим итте. Илсур Метшин районнар командасы алдында торган бурычларны билгеләде. Сүз Авиатөзелеш районының киләчәктәге үсеше турында бара — халыкны җәлеп итү урыннары булдыру, ташландык сәнәгать зоналарын яңадан форматлаштыру... Читать дальше...

(Казан, 19 май, «Татар-информ», Павел Климчак). Бүген иртән Казанның Серов урамында өлкән яшьтәге хатын-кыз тәрәзә пәрдәсен бәйләп алтынчы каттан төшмәкче булган. Әби балкон тәрәзәсеннән ярдәм сорап кычкырган, аннары тәрәзә түлен төшерә башлаган. Узып баручылар әбине күреп алган һәм ашыгыч хезмәтнең 112 бердәм номерына шалтыраткан. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Янгын сүндерүчеләр өлкән яшьтәге хатын-кызның фатирына кереп коткарырга өлгергән. Читать дальше...

(Казан, 19 май, «Татар-информ», Арсений Кәримов). Корал бирү һәм саклау кагыйдәләре яңадан каралырга һәм катгыйландырылырга тиеш, әмма барлык үзгәрешләрне Росгвардия һәм хокук саклау органнары белән берлектә эшләргә кирәк. Татарстан Хөкүмәте позициясе шундый. «Закон проекты Росгвардия һәм хокук саклау органнары белән бергә эшләнәчәк, бу мәсьәлә федераль дәрәҗәдә дә карала. Инициатива тулысынча әзер булгач, анда безнең тәкъдимнәр дә булачак», — диде Татарстан Президенты матбугат хезмәте җитәкчесе Лилия Галимова. Читать дальше...

(Казан, 19 май, «Татар-информ», Рузилә Мөхәммәтова). Шагыйрь Рифат Җамал Татарстан Язучылар берлеге рәисе урынбасары итеп билгеләнде. «Ркаил тәкъдим иткәч ризалаштым. Кешеләр бу яшьтә ялга киткәндә, мин эшли башладым. Язмышың шундый булгач, нишлисең инде?! Икенче атна эштә», — диде Рифат Җамал «Татар-информ» хәбәрчесенә. Рифат Җамал үзенең оештыру эшләре буенча урынбасар булуын әйтте. Ул инде икенче срокка Татарстан язучылар берлегенең идарә әгъзасы итеп сайланган иде. Рифат Җамал — шагыйрь, Һади... Читать дальше...

(Казан, 19 май, «Татар-информ», Арсений Кәримов). Татарстанда Казанның 175нче гимназиясендә фаҗига вакытында батырлык күрсәткән укучылар исемлеген әзерлиләр. Бу хакта республика Президенты матбугат хезмәте җитәкчесе Лилия Галимова хәбәр итте. «175нче гимназиядә коткару операциясендә укучылар үзләре дә катнашты. Хәзер фаҗига вакытында батырлык күрсәткән укытучылар һәм 5 сыйныфтан алып 11 сыйныфка кадәр укучылар исемлеге әзерләнә. Кемдер балаларны чыгарырга, кемдер укытучы белән ишектән керүне чикләргә булышкан, — диде спикер. Читать дальше...

(Казан, 19 май, «Татар-информ»). Россиянең берничә төбәгендә май өчен аномаль эсселек җәй көне күпләп урман янгыннары чыгуга сәбәп булачак. Бу хакта Россия галимнәре сүзләренә сылтама белән РИА Новости хәбәр итә. Урманнар яз ахырында 30 градуслы эссегә тиз арада ияләшә алмый, диде Россия Фәннәр академиясе Пущинский биологик тикшеренүләр фәнни үзәгенең әйдәп баручы фәнни хезмәткәре, табигый бәла-казалар буенча белгеч Алексей Карнаухов. «Нарат, чыршы агачлары орлыктан үскәндә үк үз климат зонасына яраклашкан... Читать дальше...

(Казан, 19 май, «Татар-информ», Арсений Кәримов). Казанның фаҗига булган 175нче гимназиясендә капиталь ремонт вакытында бассейн төзеләчәк. Татарстан Президенты Рөстәм Миңнеханов шундый йөкләмә бирде. Бу турыда республика башлыгы матбугат хезмәте җитәкчесе Лилия Галимова хәбәр итте. «Республика Президентының Казанның 175нче мәктәбендә бассейн төзү мәсьәләсен хәл итү йөкләмәсе бар. Сез беләсез, хәзерге вакытта анда капиталь ремонт эшләре бара, җәй дәвамында мәктәп тулысынча яңартылачак. Президент мәктәпнең эчке төзелешен тулысынча яңарту... Читать дальше...

(Казан, 19 май, «Татар-информ», Алексей Угаров). Татарстанның төп Сабантуе Казанда 26 июньдә була. Татарстан Президенты Рөстәм Миңнеханов Сабантуй милли бәйрәме уздыру турында карарны имзалады. Җирле хакимият органнары тәкъдимнәрен исәпкә алып, авылларда, шул исәптән республика шәһәрләрендә Сабантуе 12-13 июньдә була. «Сабантуе Чаллыда 19 июньдә, Казанда 26 июньдә була», диелә документта. Татарстан Хакимиятенә җирле хакимият органнары белән бергәләп, чикләү кагыйдәләрен исәпкә алып, бәйрәм чараларын үткәрү йөкләнә.

(Казан, 19 май, «Татар-информ», Гөлнар Гарифуллина). Татарстан Дәүләт Советы корал әйләнешен һәм наркотикларга каршы көрәш чараларын катгыйландыру буенча Дәүләт Думасына мөрәҗәгать белән чыгачак. «Корал әйләнешен тәртипкә салу буенча мөрәҗәгать әзерләргә телибез. 2018 елда Керчьтагы вакыйгалардан соң, коралны 21 яшьтән генә сату турында Дәүләт Думасына закон инициативасы белән чыккан идек. Ул вакытта безне хупламадылар, кире кактылар. Шул вакытта кабул ителгән булса, Казанның 175 нче гимназиясендә мондый бәла булмас иде»... Читать дальше...

(Казан, 19 май, «Татар-информ»). Татарстан Президенты Аппараты җитәкчесе Әсгать Сәфәров республика журналистларын Татарстан Республикасы Матбугат көне белән котлады. «Профессиональ, үз эшенә тугрылыклы журналистлар корпусы республиканың динамик социаль-икътисади үсешен тәэмин итүдә, Татарстанның тарихи-мәдәни мирасының күптөрлелеген саклап калуда, җәмгыятьтә патриотизмны, гражданлыкны үстерүдә һәрвакыт ышанычлы таяныч булды һәм булып кала», диелә «Татмедиа» Республика матбугат һәм массакүләм коммуникацияләр... Читать дальше...

(Казан, 19 май, «Татар-информ», Павел Климчак). Чаллыда яшәүче 40 яшьлек ир-атны бер хатын-кызны көчләүдә һәм полицейскийга һөҗүм итүдә гаеплиләр. Тикшерү ачыклаганча, апрельдә ир-ат 40 яшьлек хатын-кызны көчләгән. Аны полиция бүлегенә китергәннәр, анда ул хезмәткәрләрнең берсенә ташланган һәм берничә тапкыр йодрыгы белән суккан. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте. Ир-атка карата «Көчләү», «Сексуаль характердагы... Читать дальше...

(Казан, 19 май, «Татар-информ», Гөлнар Гарифуллина). Татарстан Дәүләт Советы депутаты, Язучылар берлеге рәисе Ркаил Зәйдулла Татарстан һәм Башкортстан өчен Гамил Афзал исемендәге уртак премия булдыруны тәкъдим итте. «Актаныш районында Гамил Афзал премиясе бар. Ул Такталачык авылында туган. Магнитогорск шәһәрендә үскән. Ун ел Башкортстанның Балтач районында яшәгән. Мин бергә килештереп, шушы премиянең статусын күтәрергә теләр идем», — диде Ркаил Зәйдулла Актанышта узган утырышта. Ул Гамил Афзалның шагыйрь булып Башкортстанда формалашканын... Читать дальше...

(Казан, 19 май, «Татар-информ», Гөлнар Гарифуллина). Чаллы шәһәренең балалар бакчаларында башкорт төркемнәре ачылыр дип көтелә. «Чаллыда мәктәпкәчә белем учреждениеләрендә башкорт төркемнәре ачылуына өметләнәбез. Башкортстан мәгариф һәм фән министры быел 5 мартта Чаллыга баргач, шул хакта килешенгән иде», — диде Башкортстанның мәгариф һәм фән министры урынбасары Әлфия Галиева Актанышта узган утырышта. Әлфия Галиева 2019 елда Чаллының 11 нче мәктәбендә дәрестән тыш эшчәнлек кысаларында башкорт теле өйрәтелә башлаганын да искәртте. Читать дальше...

(Казан, 19 май, «Татар-информ»). 19 июньдә Марий Эл Республикасының Бәрәңге районы Портянур авылында Сабантуй бәйрәмендә «Уйнагыз, гармуннар!» фестивале узачак. Фестивальне Портянур авылында яшәүчеләрнең инициатив төркеме оештыра. Бу турыда Бөтендөнья татар конгрессы матбугат хезмәте хәбәр итә. «Уйнагыз, гармуннар!» фестивалендә теләге булган һәр кеше катнаша ала: һәвәскәр һәм профессионал музыкантлар, солистлар, ансамбльләр. Катнашучыларның яше чикләнмәгән. Фестивальдә катнашучылар татар композиторларының музыкаль әсәрләрен... Читать дальше...

(Казан, 19 май, «Татар-информ», Павел Климчак). 17 майда Әгерҗе районының Салагыш авылында асфальт җәю техникасы таптаган 78 яшьлек хатын-кыз һәлак булган. Якынча мәгълүмат буенча, асфальт җәю техникасы артка таба хәрәкәт итә. Бу вакытта юл аша пенсионер хатын-кыз чыгып бара. Техника белән идарә итүче ир-ат аны күрми кала. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте. «Төзелеш эшләре вакытында иминлек кагыйдәләрен бозу» маддәсе буенча җинаять эше кузгатылган. Читать дальше...

(Казан, 19 май, «Татар-информ», «Мәгариф» ). Татарстан Республикасының Мәгариф һәм фән министрлыгы һәм Бөтендөнья татар конгрессы башкарма комитеты белән бергәлектә оештырылган «Авыл укытучысы» бәйгесенә «Мәгариф» журналы редакциясе эшләр кабул итүне дәвам итә. Конкурста Татарстан һәм Россия төбәкләренең район үзәкләрендә, бистәләрдә, шәһәр тибындагы бистәләрдә, авылларда эшләүче мәктәпкәчә, башлангыч, төп һәм урта гомуми, өстәмә һөнәри белем бирү оешмала­рының педагогик хезмәткәрләре катнаша ала. Читать дальше...

(Казан, 19 май, «Татар-информ»). Татарстан Республикасында шикәр базарындагы вазгыять тотрыклы дип бәяләнә. Ел башыннан бирле әлеге продукциягә күпләп җибәрү бәяләре үзгәрешсез кала. Бу турыда Татарстан Авыл хуҗалыгы һәм азык-төлек министрлыгы хәбәр итте. Татарстан Авыл хуҗалыгы һәм азык-төлек министрлыгы белән Сәнәгать һәм сәүдә министрлыгы белән берлектә, Татарстанның төп җитештерүчеләренә җитештерелгән һәм сәүдә челтәрләренә чыгарылган һәр килограмм шикәр өчен дәүләт ярдәме күрсәтү буенча эш алып барыла. Читать дальше...

(Казан, 19 май, «Татар-информ»). Режиссер Тимур Бекмамбетовның «Хуҗа Насретдин» спектакле Казанда бары ике тапкыр гына күрсәтелә. Театрның матбугат хезмәте хәбәр иткәнчә, спектакль 6 июньдә 16.00 һәм 20.00 сәгатьләрдә Камал театрының Кече залында була. «Хуҗа Насретдин» әлеге җанрда һәм Милләтләр театрында дебют спектакль. Пьесаның авторлары — Илгиз Зәйниев һәм Тимур Бекмамбетов.  Тамашачылар Евгений Миронов, Константин Хабенский, Виктор Вержбицкий, Игорь Золотовицкий, Чулпан Хаматова, Елизавета... Читать дальше...

(Казан, 19 май, «Татар-информ»). Казанда «Ышаныч» балаларга һәм яшьләргә психологик-педагогик ярдәм үзәге базасында балигъ булмаганнарга һәм аларның әти-әниләренә ярдәм күрсәтү өчен ышаныч телефоны эшли. Үзәк психологлары тәүлек буе авыр тормыш хәлендә калган, шул исәптән деструктив агымнар һәм берләшмәләр йогынтысына дучар булган балаларга һәм яшүсмерләргә квалификацияле психологик ярдәм күрсәтә, дип хәбәр итә Казан мэриясе. Белгечләргә аларның әти-әниләре дә мөрәҗәгать итә ала. Шалтыратуларны... Читать дальше...

(Казан, 19 май, «Татар-информ»). Татарстан Республикасы Авыл хуҗалыгы һәм азык-төлек министрлыгы 19-20 майда «Хатын-кызлар өчен. Хатын-кызлардан. Авыл өчен» белем бирү программасы оештыра. Татарстан Республикасы Авыл хуҗалыгы һәм азык-төлек министрлыгы хәбәр итүенчә, Аграр яшьләр берләшмәсе узыдра торган чарада яше 35тән артмаган кызлар һәм яшь хатын-кызлар катнаша. Ике көн дәвамында авылда яшәүче хатын-кызларга кагылышлы түбәндәге темалар буенча фикер алышу булачак: сәламәтлек, талантлар, буш вакытны оештыру... Читать дальше...

(Ютазы, 19 май, «Татар-информ», « Ютазы таңы »). Урыссу бистәсендә, Татарстанда Туган телләр һәм Халыклар бердәмлеге елы кысаларында, районның һәм район хатын-кызлар советының 30 еллыгына багышланган, Ютазы районы хатын-кызларының «Без бергә, без бердәм!» дип аталган IV форумы узды. Анда 120дән артык делегат катнашты. Алар арасында — хатын-кызлар хәрәкәте ветераннары, хатын-кыз лидерлар, иҗтимагый оешма рәисләре, башлангыч оешмаларның хатын-кызлар советлары рәисләре, депутатлар, дәүләт хакимияте органнары җитәкчеләре бар иде. Читать дальше...

(Яшел Үзән, 19 май, «Татар-информ», « Яшел Үзән »). Яшел Үзән районының Норлат авылында урам этләре сарайга кереп, 200 баш каз бәбкәсенең башына җиткән. Авыл җирлегенә бу этләр буенча берничә мәртәбә мөрәҗәгать ителгән булган.  «Этләрне атарга ярамый имеш. Ә этләргә кешенең мал туарына тияргә ярыймы? Өч эт тырнап бакча ишеген ачканнар да сарайның стенасын каерганнар», — дип сөйләде зыян күрүче ханым.

(Кайбыч, 19 май, «Татар-информ», « Кайбыч таңнары », Мингазиз Сөнгатуллин). Буа районы башлыгы Ранис Камартдинов җитәкчелегендәге делегация Кайбыч эшмәкәрләрнең эшчәнлеге белән танышырга килде. Аларны район башлыгы Альберт Рәхмәтуллин каршы алды. Районда дәүләт программаларына нигезләнеп эшмәкәрлекне үстерү буенча максатчан эш алып барыла. Әле күптән түгел районга Татарстан Президенты Рөстәм Миңнеханов килгәч, авыл хуҗалыгы һәм азык-төлек министры Марат Җәббаров Кайбычта кооперативлар эшчәнлеге яхшы оештырылуына басым ясаган иде. Читать дальше...

(Балык Бистәсе, 19 май, «Татар-информ», «Авыл офыклары» ). Балык Бистәсе районының Бирдебәк авыл клубы мөдире Евдокия Толстова Үри Чаллысы авылындагы йортта борынгы әйберләрдән тупланган музей булдырган. Биредә бүгенге көндә 1018 экспонат исәпләнә. Керәшен халкының милли киемнәре, көнкүрештә кулланыла торган җиһазлар, хәтта 1862 елгы йон эрли торган кабага кадәр бар монда.

(Яшел Үзән, 19 май, «Татар-информ», «Яшел Үзән» ). Җирле мәдәният йорты артындагы стадионга бөтен илдән конкурсантлар җыелды. Немец овчаркаларының күргәзмәсе Казан, Мәскәү, Екатеринбург, Төмән, Самара һәм Россиянең башка шәһәрләре вәкилләрен берләштерде. «Клуб чемпионнарына кандидатлар» рангына номинантлар үз осталыкларын күрсәтәчәк, жюри иң яхшыларын билгеләячәк.