Новости за 16.05.2021

(Казан, 16 май, «Татар-информ»). Бу атнада Мамадыш үзәк район хастаханәсендә баш табиб Дамир Хаҗиев Казан, Алабуга һәм Минзәлә медицина көллиятләрен тәмамлаучы студентлар белән очрашты. Очрашу Мамадыш районының сәламәтлек саклау музеенда дустанә шартларда узды. Хәзерге вакытта диплом алды практикасын 15 студент уза, аларның һәркайсы белән баш табиб шәхсән танышты, Район үзәк хастаханәсендә һөнәри үсеш мөмкинлекләре, максатчан юнәлеш буенча югары белем алу, хастаханәне җиһазландыру һәм медицина ярдәме күләмнәре турында сөйләде. Читать дальше...

(Питрәч, 16 май, «Татар-информ», « Питрәч-информ »). Татарстанда файдалануга тапшырылган торак күләме буенча Питрәч районы лидер булып тора. Икенче урында Лаеш районы (1,271 кв. метр), өченчедә — Биектау (0,883 кв. метр). Гыйнвар-март айларында республикада файдалануга тапшырылган торак йортларның гомуми мәйданы җан башына исәпләгәндә 0,229 кв. метр тәшкил итте. Бу турыда Татарстан Икътисад министрлыгының матбугат хезмәте хәбәр итә.

(Чаллы, 16 май, «Татар-информ», «Шәһри Чаллы» ). Чаллы башкарма комитеты проспектларга 100дән артык социаль рекламалы баннер куярга планлаштыра. Бу эшкә шәһәр бюджетыннан 1 миллион сумнан артык акча җәлеп ителәчәк.

(Саба, 16 май, «Татар-информ», «Саба таңнары» , Фәнил Мәүлетов). Шушы көннәрдә Саба районында авыл халкының һәм хуҗалык итүнең кече формаларының эшлеклелек активлыгын арттыру мәсьәләләренә багышланган зона семинар-киңәшмәсе үткәрелде. Чарада республиканың Арча, Әтнә, Балтач, Биектау, Кукмара, Лаеш, Мамадыш, Питрәч, Балык Бистәсе, Саба, Теләче муниципаль районнары башлыклары һәм урынбасарлары, районнарның авыл хуҗалыгы һәм азык-төлек, җирле үзидарәләр идарәләре җитәкчеләре, кооператорлар, фермерлар катнашты. Читать дальше...

(Казан, 16 май, «Татар-информ»). Шәһәр мэриясенең матбугат хезмәте хәбәр иткәнчә, 17 майдан Татарстан башкаласында Мехчылар һәм Академик Лаврентьев урамнарында транспорт хәрәкәте вакытлыча чикләнәчәк. 30 октябрьгә кадәр Мехчылар урамының Девятаев урамыннан Кызыл Татарстан урамына кадәрге өлеше транспорт хәрәкәте өчен ябык булачак. Бу юлда һәм тротуарларда ремонт һәм төзелеш эшләре үткәрү белән бәйле. Шулай ук 17 майдан Академик Лаврентьев урамында да машиналар һәм җәяүлеләр хәрәкәте вакытлыча чикләнәчәк. Читать дальше...

(Казан, 16 май, «Татар-информ», Тимур Касыймов). «Рубин» футбол клубының баш тренеры Леонид Слуцкий Россия Премьер-лигасының 30нчы тур уены («Ротор»га каршы матч 1:1 исәбенә төгәлләнде) һәм тулаем алганда чемпионат нәтиҗәләре турында үз фикерләре белән уртаклашты. «Күп кенә уңайлы моментлар булды. Гадәттә, Бакаев һәм Макаров бу позицияләрдән бик оста файдалана. Әмма җаваплылыкның югары дәрәҗәсе, көннең эссе булуы һәм киеренкелек — боларның барысы да уенда чагылыш тапты дип уйлыйм», — диде Казан клубының остазы матчтан соң. Читать дальше...

(Казан, 16 май, «Татар-информ», Тимур Касыймов). Казанның «Рубин» футбол клубы фаворит сыйфатында Волгоградның «Ротор» командасы белән сезонның соңгы матчына чыкты. Лиганың дүртенче командасы 15нче клуб белән уйнады. Составка бәйле кайбер проблемаларга да карамастан (матчта ярымсакчылар Хвича Кварацхелия һәм Ин Бом Хван, шулай ук сакчы Филип Уремович катнашмады), казанлылар уенны бик актив башлады. «Ротор» составында ярымсакчы Зурико Давиташвили һәм «Рубин»да тәрбияләнгән Данил Степанов үзләрен уңай яктан күрсәтте. Читать дальше...

(Казан, 16 май, «Татар-информ»). ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, дүшәмбе көнне, 17 майда, Татарстанда аномаль җылы һава торышы сакланачак. Көндез термометрның терекөмеш баганасы +30, +35 градуска кадәр күтәреләчәк. Республикада аязучан болытлы һава торышы булачак, явым-төшем көтелми. Көньяк-көнбатыштан талгын җил исәчәк. Төнге сәгатьләрдә һава температурасы +17, +22, түбәнлектә урнашкан районнарда +16 градус тәшкил итәчәк. 14 һәм... Читать дальше...

(Казан, 16 май, «Татар-информ»). 18 майда 15.00 сәгатьтә «Казан Кремле» Музей-тыюлыгының Туп сарае музеенда П. В. Алабин исемендәге Самара өлкә тарихи-туган якны өйрәнү музее фондларында сакланучы экспонатлардан торган «Мушкеттан автоматка кадәр: ату кораллары тарихыннан» дигән күргәзмә ачыла. Музейның матбугат хезмәте хәбәр иткәнчә, күргәзмә утлы корал тарихының үсеш юлын чагылдыра. Экспозициядә Россия, АКШ, Япония, Төркия, Италия һәм башка илләрдә ясалган ату кораллары тәкъдим ителәчәк. Экспонатлар... Читать дальше...

(Казан, 16 май, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 32 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, бер кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «16 кеше хастаханәгә озатылган, тагын 16 кеше өендә дәвалана», — диелә ведомство хәбәрендә. Казанда — 17, Чаллыда — биш, Яшел Үзән районында — дүрт, Биектау районында — ике, Әгерҗе, Азнакай... Читать дальше...

(Казан, 16 май, «Татар-информ»). Казан Башкарма комитетының Торак сәясәте идарәсе матбугат хезмәте хәбәр иткәнчә, Губкин урамындагы «МЧС» торак комплексының икенче йорты өлешчеләренә фатир ачкычлары бирә башладылар. «Сакаллы» төзелеш объекты булган 522 фатирлы йорт апрель ахырында файдалануга тапшырылды. Өлешчеләргә ачкыч тапшыру процедурасы 15 майда башланды, йортның 1-3 подъездларында урнашкан фатир хуҗалары аны алды инде. Якын көннәрдә 500дән артык өлешчегә фатир ачкычлары тапшырылачак. Аларга... Читать дальше...

(Казан, 16 май, «Татар-информ»). «Рубин»ның ярымсакчысы, 20 яшьлек Хвича Кварацхелия бүген, 16 майда, «Ак Барс Арена» стадионында узачак Россия Премьер-лигасының 30нчы тур матчында (казанлылар Волгоградның «Ротор» командасын кабул итә) катнашмый. Моның сәбәбе — 26нчы тур уенында алган җәрәхәтләрдән соң әле тулысынча тернәкләнеп җитә алмавында. Үзәк ярымсакчы Филип Уремович та имгәнү аркасында матчта катнаша алмый. «Рубин» — «Ротор» матчында казанлыларның старт составы мондый: Юрий Дюпин, Илья Самошников... Читать дальше...

(Казан, 16 май, «Татар-информ»). Башкортстанның атказанган артисты — Башкорт опера һәм балет театры солисты Илһам Вәлиев «Татарстанның халык артисты» дигән мактаулы исемгә лаек булды. ТР Президенты Рөстәм Миңнеханов 15 майда шул хактагы указны имзалаган. Тенор «ВКонтакте» һәм Instagram социаль челтәрләрендәге үз сәхифәләрендә әлеге мактаулы исем бирелүе турында язып чыккан. Документ нигезендә, «Татарстанның халык артисты» дигән мактаулы исемгә ул музыка сәнгатенә зур өлеш керткәне һәм күпьеллык иҗади эшчәнлеге өчен лаек булган. Читать дальше...

(Казан, 16 май, «Татар-информ»). ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, ике көн рәттән — 14 һәм 15 майда — Казанда һава температурасы максималь күрсәткечләрне узып киткән. 14 майда ТР башкаласында рекорд куелган — термометрның терекөмеш баганасы +31,3 градуска (2019 елда +30,6 градус) кадәр күтәрелгән. Кичә башкалада һава температурасы Казань-опорная станциясендә +31,4, Казань-аэропорт станциясендә +31,6, Казань-Сокол станциясендә +32,4 градус тәшкил иткән. Читать дальше...

(Казан, 16 май, «Татар-информ»). Казанда Россия Премьер-лигасы футбол сезонының җирле «Рубин» һәм Волгоградның «Ротор» командалары арасындагы соңгы матчына 12 меңгә якын җанатар (шуларның 350се — кунаклар клубының фанатлары) җыелырга мөмкин. Бүген клуб, Россия Футбол берлеге һәм хокук саклау органнары вәкилләре катнашындагы матч алды киңәшмәсендә шундый мәгълүматлар китерелде. Әгәр Казан клубы үз кырында үткәргән соңгы очрашуга 10 меңнән артык кеше җыелса, «Рубин» — «Ротор» матчы бу сезонда тамашачылар саны буенча икенче уен булачак. Читать дальше...

(Казан, 16 май, «Татар-информ»). Кичә Татарстан Президенты Рөстәм Миңнеханов «Кемпф Групп» (Kempf Gruppe) компаниясе вәкилләре катнашындагы очрашуда төзелеш өлкәсендә потенциаль хезмәттәшлек мәсьәләләре хакында фикер алышты. Бу хакта ТР Президентының матбугат хезмәте хәбәр итә. «Компания вәкилләре Казан шәһәренең шәхси торак базарында архитектура, төзелеш, энергия саклау технологияләре стандартларын гамәлгә ашыру программасын тәкъдим итте», — диелә хәбәрдә. «Кемпф Групп» — немец компанияләр төркеме... Читать дальше...

(Казан, 16 май, «Татар-информ», Павел Климчак). Бүген иртән Мөслим районының Үрәзмәт авылында коткаручылар буадан 53 яшьлек ир-атның мәетен чыгарган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр. Авылда яшәүчеләр 112 бердәм номерына шалтыратып белдергәнчә, ир-ат кичә юкка чыккан. Ул су кергән вакытта югалган дип фаразлана — яр буенда аның киемнәрен табып алганнар. Коткаручылар мәетне полиция хезмәткәрләренә тапшырган. Читать дальше...

(Казан, 16 май, «Татар-информ»). Казанда Порт һәм Академик Королев урамнарында транспорт хәрәкәте вакытлыча чикләнә. ТР башкаласы мэриясенең матбугат хезмәте хәбәр иткәнчә, әлеге чара җылылык челтәрләрен ремонтлау максатыннан кабул ителгән. Порт урамының 19нчы йорттан 17а/2нче йортка кадәрге өлешендә машиналар хәрәкәте 2 июньгә кадәр чикләнәчәк. Академик Королев урамының Хәсән Туфан урамыннан «Мәскәү» мәдәният үзәгенә (Академик Королев урамы, 47) кадәрге өлеше 30 июньгә кадәр ябык булачак.

(Казан, 16 май, «Татар-информ»). Татарстан Хөкүмәте Казанның 175нче мәктәбендәге атыш вакытында батырлык күрсәтүчеләрнең исемнәре урын алган исемлек тәкъдим итәчәк. ТАСС агентлыгы ТР Мәгариф һәм фән министрлыгына сылтама белән хәбәр иткәнчә, анда укытучылар да, гимназиянең башка хезмәткәрләре дә керәчәк. «Исемлек әлегә әзер түгел. Якын арада без аны үзебезнең сайтта һәм социаль челтәрләрдә урнаштырачакбыз. Бу бер дә җиңел түгел, беркемне дә онытмаска, берәүне дә үпкәләтмәскә кирәк», — дип хәбәр итә чыганак. Читать дальше...

(Казан, 16 май, «Татар-информ»). ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, якындагы өч көндә Татарстанда аязучан болытлы һава торышы булачак, явым-төшем көтелми, температура +35 градуска кадәр күтәреләчәк. 16 майда көндез температураның +30, +35 градуска кадәр күтәрелүе көтелә. Җилнең тизлеге көчәйгәндә секундына 15-20 метрга кадәр җитәчәк. 17 майда төнлә минималь һава температурасы +12, +17, республиканың көнбатыш районнарында +21 градус тәшкил итәчәк. Читать дальше...

(Казан, 16 май, «Татар-информ», Сергей Гаврилов). Россия җыелма командасының тренерлар штабы Ригада узачак чемпионатта җыелма составына кергән хоккейчыларның исемнәрен атады. Россия Хоккей федерациясе сайты хәбәр иткәнчә, алар арасында Казанның «Ак Барс» хоккей командасы һөҗүмчесе Дмитрий Воронков та бар. Воронков ил җыелма командасы заявкасына керде. Аннан тыш, «Ак Барс»ның тагын бер һөҗүмчесе Илья Сафонов та чемпионатка әзерләнәчәк, әмма ул әле заявкага кертелмәгән. Хоккей буенча дөнья чемпионаты... Читать дальше...

(Казан, 16 май, «Татар-информ»). TIMERMAN спорт чаралары сериясенең матбугат хезмәте хәбәр иткәнчә, 30 майда Казанның «Ак Барс Арена» стадионында «ЗаБег.РФ» Бөтенроссия ярыммарафоны старт ала. «ЗаБег.РФ» — синхрон стартны үз эченә алган зур ярыммарафон ул. Мәскәү вакыты белән 9.00 сәгатьтә бөтен ил күләмендә 100 меңнән артык йөгерешче стартка чыгачак. Ярышларда Россиянең 85 шәһәре катнаша. Ярыммарафон нәтиҗәләре буенча илнең йөгерү башкаласын атаячаклар. Казан әлеге исемгә ике тапкыр (2017 һәм 2018 елларда) лаек булды. Читать дальше...

(Казан, 16 май, «Татар-информ», Гөлия Хәсбиуллина). Кичә Ислам мәдәнияте музеенда каллиграф Әлфия Исхакованың бер көнлек күргәзмәсе оештырылды. Ислам мәдәнияте музеенда, «Музейлар төне» Бөтенроссия акциясе уңаеннан, кичә кич белән каллиграф Әлфия Исхакова күргәзмәсе, мастер-класслар һәм «Кол Шәриф коды» квесты узды. 18 май — Халыкара музейлар көне, шул уңайдан төрле илләрдә «Музейлар төне» үткәрелә, 15 май әлеге акцияне Россия музейлары оештырды. Әлеге акциянең үзенчәлеге — музей эшчәнлегенең төнгә кадәр булуы. Читать дальше...

(Казан, 16 май, «Татар-информ»). Мэриянең матбугат хезмәтеннән хәбәр итүләренчә, 17 майдан Казанның Чуйков урамында ремонт эшләре алып бару сәбәпле транспорт хәрәкәте вакытлыча чикләнәчәк. Әйтик, 30 сентябрьгә кадәр Чуйков урамының Мусин урамыннан Короленко урамына кадәрге өлеше ябык булачак.

(Казан, 16 май, «Татар-информ», Александра Комарова). Мэриянең матбугат хезмәтеннән хәбәр итүләренчә, Казанда 175нче гимназиягә һөҗүм итүгә бәйле рәвештә мошенниклык очраклары ешайган. Әйтик, мошенниклар үзләрен рәсми ведомство хезмәткәрләре дип таныштырып, аларның шәхси мәгълүматларын алу өчен, шәһәрдә яшәүчеләргә, шул исәптән Казан гимназиясендәге атыш вакытында зыян күрүчеләрнең туганнарына һәм укытучыларга шалтырата. Интернетта шулай ук зыян күрүчеләр өчен акча җыю турында хәбәрләр урнаштыралар. Читать дальше...