Новости за 31.05.2021

(Актаныш, 31 май, «Татар-информ», « Актаныш-информ »). 31 майда Актаныш районында Татарстанның халык шагыйре Гамил Афзалның тууына 100 ел тулуга багышланган бәйрәм булды. Биредә Такталачык авылы бүген бер төркем язучыларны кабул итте.  Бәйрәмдә призерлар түбәндәгечә бүленде: Камилә Галиуллина Гран-при иясе булды. 10 11яшьлек балалар арасында Таңсылу Сәләхова 1 урынны, Салават Нуретдинов 2 урынны, Зилә Шәйхуллина белән Мәрьям Сәүбанова өченче урынны алды. 12-14 яшьлекләр арасында Ләйлә Нуриева 1 урынны... Читать дальше...

(Казан, 31 май, «Татар-информ»). Башкортстанда «7 егет» реалити-шоуның өченче сезоны башлана. Хәзерге вакытта проектны төшерүгә әзерлек бара. Кастинг игълан ителде, анда башкорт телен яхшы белүче 20 яшьтән 28 яшькә кадәрге ир-егетләр катнаша ала. Кастингны узган иң лаеклы җиде егет реалити-шоуның төп геройлары булачак. Бу турыда «Башинформ» хәбәр итә. Тамашаны 12 июльдән 25 июльгә кадәр республиканың иң матур почмакларында — Әбҗәлилов, Белорет, Баймак районнарында төшерәчәкләр. Тапшыру эфирга сентябрьдә... Читать дальше...

(Казан, 31 май, «Татар-информ»). 1 июльдән 3 июльгә кадәр Татарстан Авыл хуҗалыгы һәм азык-төлек министрлыгы кыр форматында оештырган «АГРОВОЛГА-2021» күргәзмәсендә Татарстан мелиораторлары яңа заманча сугару системасын тәкъдим итәчәк. Министрлыкның матбугат хезмәте хәбәр иткәнчә, проектны гамәлгә ашыру көзге-кышкы чорда узды һәм бу атнада уңышлы файдалануга тапшырылды. Система климатик хәвеф-хәтәрләрне киметергә мөмкинлек бирә. Проект мелиорацияне үстерү буенча республика максатчан программасын гамәлгә ашыру кысаларында төзелгән. Читать дальше...

(Казан, 31 май, «Татар-информ», Гадел Әхмәтҗанов). Чит төбәкләрдә яшәүче татарлар Казанның «Гаилә» мәчете оештырган «Васыятьнамә — киләсе буыннарга әйтер сүз» конкурсына кулдан язылган хатлар юллый. «Казаннан катнашучылар, нигездә, яшьләр булса, Татарстаннан читтә яшәгән катнашучылар — өлкәннәр. Кулдан язылган хатлар җибәрәләр. Нигездә, алар туганнарының васыятьнамәләре белән уртаклаша. Аннан соң: „Хатым килеп җиттеме әле?“ — дип белешеп торалар. Үз эшләренә бик җаваплы карыйлар», — диде «Гаилә»... Читать дальше...

(Казан, 31 май, «Татар-информ»). Бүген Татарстан Президенты Рөстәм Миңнеханов Алабуга районында болан үрчетә торган «Вятский берег» хуҗалыгында булды. Татарстан Президентының матбугат хезмәте хәбәр иткәнчә, Рөстәм Миңнеханов хайваннарны асрау шартлары һәм туристлар җәлеп итү планнары белән танышты. Болан асрау буенча проект 2020 елда башланды. Биредә вольерлар төзелгән, азык әзерләнгән. Хәзер барлыгы 479 баш болан бар. Киләсе елга кадәр баш санын меңгә җиткерергә җыеналар. Президентка вольерларны, аларны асрау системасын күрсәттеләр. Читать дальше...

(Казан, 31 май, «Татар-информ», Никита Васильев). Чаллыда телевизорлар җитештерә торган производство булачак. Аны эшләтеп җибәрү өчен «Хайер Индастри РУС» компаниясе Моношәһәрләрне үстерү фондыннан 250 миллион сум күләмендә заем алачак. Акча SmartTV телевизорларын җитештерүне оештыруга да, Haier индустриаль паркы территориясендә урнашкан барлык заводларның товарлары өчен склад төзелешенә дә юнәлдереләчәк. Бу турыда фонд матбугат хезмәте хәбәр итә. Компания инвестицион проектны гамәлгә ашыру нәтиҗәләре... Читать дальше...

(Казан, 31 май, «Татар-информ»), Казанның IT-лицей укучысы Ирек Галиевнең татар телендә электрон китапханә проекты Санкт-Петербург дәүләт университеты базасында узган «Перспектива» мәктәп укучыларының II Бөтенроссия тикшеренү һәм практик проектлары конкурсында җиңде. Татарстан Мәгариф һәм фән министрлыгы хәбәр иткәнчә, Ирек Галиев «Компьютер инжиниринг һәм программалаштыру» номинациясендә җиңде. Укучы «КИТАП» проектын тәкъдим итте. Ул — татар классикларының әсәрләрен укып кына калмыйча, үз китапларын... Читать дальше...

(Казан, 31 май, «Татар-информ», Дарья Сәйфиева). Россиядә цифрлы белем бирү мохитен кертү ярдәмендә мәктәпләрдә өй эшләрен тикшерү процессын автоматлаштыралар. Бу хакта Россия Мәгариф министрлыгына сылтама белән ТАСС хәбәр итә. Профильле ведомство укытучыларга кәгазь эше буенча йөкләнешне сизелерлек киметергә өметләнә. Электрон платформада өй эшләре автомат рәвештә тикшереләчәк. Моннан тыш, цифрлы белем бирү мохите ярдәмендә һәр бала, сыйныф һәм мәктәп буенча автомат рәвештә хисаплар төзеләчәк. Ул... Читать дальше...

(Казан, 31 май, «Татар-информ», Гадел Әхмәтҗанов). Бурятия Республикасы татарларының милли-мәдәни автономиясе рәисе Саҗидә Баталова төбәктә татар телендә өстәмә белем бирүче учреждениеләр кирәклеген әйтте. «Искереп барган якшәмбе мәктәпләре формасыннан баш тарттык. Татар мохитен тоясы килгән кеше Татар мәдәнияте клубына килә ала. Анда милләттәшләребез аралаша, дуслаша, чәй табыны артында утыра. Бу гына җитми. Татарча өстәмә белем бирү учреждениеләре: балалар театрлары, нәфис сөйләү сәнгате, риторика... Читать дальше...

(Казан, 31 май, «Татар-информ»). «Бердәм Россия» партиясе рәисе Дмитрий Медведев «Зур гаилә советы» партия форумында балалар ялы һәм сәламәтләндерү өчен сарыф ителгән акчаларның бер өлешен ел саен кайтару тәкъдиме белән чыкты. Бу хакта РИА Новости хәбәр итә. «Монда берничә мәсьәләне хәл итеп булыр иде, шул исәптән бу ташламаны ел саен эшләтү мәсьәләсе, бу киләчәктә юллама алганда шактый экономияләргә мөмкинлек бирер иде», — диде ул. Исегезгә төшерәбез, элегрәк Россия Президенты Владимир Путин... Читать дальше...

(Казан, 31 май, «Татар-информ»). Россия мөселманнары Диния нәзарәте рәисе вазифаларын башкаручы, Мәскәү ислам институты ректоры, теология докторы Дамир Мөхетдинов Ташкентка эш визиты кысаларында Үзбәкстан диния нәзарәтендә үзбәкләргә лекциясен татарча укыган. Бу турыда Россия мөселманнары Диния нәзарәте матбугат хезмәте хәбәр итә. Татар һәм үзбәк телләре тугандаш булуны истә тотып, лекция татар телендә барды һәм очрашуда катнашучылар арасында зур кызыксыну уятты. Сорау бирүчеләр дә булды. Бу чара Россия һәм Үзбәкстанның фәнни хезмәттәшлеге... Читать дальше...

(Казан, 31 май, «Татар-информ», Елена Симакова). Россия Федераль салым хезмәте «Базарда намуссыз сатуны бетерү» бөтенроссия проектының икенче этабын башлап җибәрде. Әгәр ел башында кассадан башка эшләүче эшмәкәрләргә кисәтү генә ясасалар, хәзер хокук бозучыларга җитди җәза яный. Контроль-касса техникасыннан башка эшләүче шәхси эшмәкәрләр җыелган акчаның дүрттән бер өлешеннән алып икедән бер өлешенә кадәр, ягъни кимендә 10 мең сум күләмендә административ штраф түләргә тиеш була. Юридик затларга шундый... Читать дальше...

(Казан, 31 май, «Татар-информ», Гадел Әхмәтҗанов). Казанның «Гаилә» мәчете оештырган «Васыятьнамә — киләсе буыннарга әйтер сүз» бәйгесе 27 июньгә кадәр озайтылды. Элегрәк конкурска нәтиҗә 1 июньдә ясалырга тиеш иде. «Бәйгенең соңгы ае Рамазан аена туры килде. Рамазанда халык күбрәк гыйбадәт кылды, конкурста катнашырга вакытлары да калмагандыр. Шуңа күрә Рамазан аенда катнаша алмаган кешеләр үз васыятьнамәләрен юлласын өчен, бәйгене озайтырга булдык», — диде «Гаилә» мәчете имам-хатыйбы ярдәмчесе Илмир хәзрәт Хәбибуллин «Татар-информ»га. Читать дальше...

(Казан, 31 май, «Татар-информ», Егор Никитин). Алабугада ачылган люкс-седан җитештерә торган Aurus заводы производствоны 80 процент локальләштерүгә омтылырга тиеш. Предприятиене эшләтеп җибәргәндә мондый йөкләмәне Россия Президенты Владимир Путин бирде.  Хәзердән автомобильнең барлык төп детальләре ил эчендә чыгарыла, дип искәртте ул. «Әгәр проект буенча эшләүче барлык компанияләр төркеме турында сөйләсәк, 2022 елга кадәр локальләштерү дәрәҗәсе 80 процентка чыгарга тиеш. Бүгенге көнгә бу 53 процент... Читать дальше...

(Казан, 31 май, «Татар-информ», Гөлүзә Ибраһимова). 3-5 июнь көннәрендә Казанда үтәчәк XI Бөтенроссия татар дин әһелләре форумында катнашучы делегатларның иң өлкәненә — 96, ә иң яшенә 19 яшь. Бөтендөнья татар конгрессының Башкарма комитеты җитәкчесенең Россия Федерациясе төбәкләрендәге татар иҗтимагый берләшмәләре белән эшләү буенча урынбасары Марс Тукаев сүзләренчә, иң өлкән хәзрәт Хәким Биктеевка март аенда 96 яшь тулган. «Ул — Калининград өлкәсендәге барлык мөселманнарның аксакалы, Бөек Ватан сугышы ветераны. Читать дальше...

(Казан, 31 май, «Татар-информ», Надежда Гордеева). Татарстанда «Бердәм Россия» партиясенең праймеризында 378 480 кеше тавыш бирде, бу республиканың барлык сайлаучыларының 12,9 процентын тәшкил итә. «12,9 процент — бу Россия буенча уртача күрсәткечләрдән югарырак. Без моны бик яхшы нәтиҗә дип саныйбыз. Бу яхшы нәтиҗә, чөнки шулкадәр кеше Дәүләт Думасы депутатларын сайлауларда партиядән кандидат сыйфатында күргән затлар буенча үз фикерен белдерде», — диде ТР Дәүләт Советы Рәисе урынбасары, парламентта «Бердәм Россия» фракциясе җитәкчесе... Читать дальше...

(Казан, 31 май, "Татар-информ"). Бүген Россия Федерациясе Сәнәгать һәм сәүдә министры Денис Мантуров һәм Татарстан Республикасы Президенты Рөстәм Миңнеханов «Алабуга Политех» мәгариф үзәгендә булдылар, дип хәбәр итә Татарстан Президентының матбугат хезмәте. Бу үзәктә «Алабуга» махсус икътисади зонасы предприятие-резидентлары өчен квалификацияле белгечләр әзерлиләр. Резидент компанияләр өчен квалификацияле кадрларга ихтыяҗны канәгатьләндерүгә юнәлдерелгән дуаль система буенча урта һөнәри белем бирү... Читать дальше...

(Казан, 31 май, «Татар-информ», Надежда Гордеева). Татарстанда «Бердәм Россия»нең алдан тавыш бирүенә йомгак ясалды. Утырышта төбәк оештыру комитеты рәисе Юрий Камалтынов иң күп тавыш җыйган кандидатларны атады. Федераль сайлау округы буенча иң күп тавышны Дәүләт Думасының гамәлдәге депутатлары Айрат Фәррахов, Ирек Богуславский, Ольга Павлова, Марат Бариев, Мурад Гаделшин; ТР Дәүләт Советы депутатлары Татьяна Ларионова, Геннадий Глушков; район башлыклары Айдар Метшин, Рөстәм Кәлимуллин, Анатолий Иванов, Вячеслав Козлов җыйды. Читать дальше...

(Казан, 31 май, «Татар-информ», Рифат Каюмов). Галимҗан Ибраһимов исемендәге Тел, әдәбият һәм сәнгать институты директоры урынбасары Олег Хисамов радикаль алымнарсыз гына татар телен фән теле буларак саклап калып булмавын әйтте. Бүген Мәрҗани исемендәге Тарих институтында галимнәр татар теленең фәндә кулланышы, аның киләчәге турында фикер алышты. «Фәнни хезмәткәрнең эшен бәяләү системасы бүгенге көндә татар телебезне фән дөньясыннан этеп чыгаруга китерә. Руслар үзләре дә рус телендә эшли торган... Читать дальше...

(Казан, 31 май, «Татар-информ», Гадел Әхмәтҗанов). «Интертат» сайты Биектау районының Юртыш авылындагы чүплектәге бозау үләксәсе турында мәкалә язганнан соң, Россельхознадзор тикшерү башлаган. Безнең редакциягә Юртыш авылында «Правда» җаваплылыгы чикләнгән җәмгыятенең маллары авыл эчендә теләсә кайда йөрүе, сыер һәм атларның авыл кешеләренең бакчаларын таптавы, юл уртасында хайван үләксәләре ятуы турында хәбәр иттеләр. Без Юртыш авылына барып, андагы хәлне тикшердек. Нәтиҗәдә авылдагы чүплектә бозау үләксәсе таптык. Читать дальше...

(Казан, 31 май, «Татар-информ»). Иртәгә «Сәйдәш» мәдәният үзәгендә «Вглядываясь в мир» күргәзмәсе ачыла. «Әлеге күргәзмә II бөтенроссия балалар иҗаты конкурсы нәтиҗәләре буенча әзерләнде. Конкурс балалар рәсем мәктәпләре, сәнгать мәктәпләре һәм сынлы сәнгать училищеларында укучылар арасында үткәрелгән иде», — дип хәбәр итә Казан сынлы сәнгать училищесы җитәкчелеге. Быел конкурска Россиянең 34 шәһәре һәм бистәсеннән уку йортлары укучылары катнашкан. Конкурсның 137 катнашучысы — лауреатлар һәм дипломантлар... Читать дальше...

(Казан, 31 май, «Татар-информ», Гөлүзә Ибраһимова). Татарстан мөфтиенең мәгариф буенча урынбасары Рәфикъ Мөхәммәтшин фикеренчә, диния нәзарәтләренә, танылган дин әһелләренә Интернет челтәрендә эшләүне активлаштырырга кирәк 3-5 июнь көннәрендә Казанда «Милли тормыш һәм дин» XI Бөтенроссия татар дин әһелләре форумы узачак. Анда дүрт дискуссион мәйдан эшлиячәк. Аларның берсе Интернет челтәрендә милли һәм дини тормышны яктыртуга багышланган. «Интернетның әһәмияте арта бара. Анда уңай мәгълүматтан кала тискәресе дә бар. Читать дальше...

(Казан, 31 май, «Татар-информ», Павел Климчак). Чүпрәле районы Иске Кәкерле авылына керү юлында юл-транспорт һәлакәте булган. «Татар-информ»га шаһитлар хәбәр иткәнчә, автомобиль юлдан чыгып китеп, зур тизлектә агачка бәрелгән. Бәрелүдән соң автомобиль каты яньчелгән. Юл-транспорт һәлакәтендә автомобиль йөртүчесен якындагы хастаханәгә алып киткәннәр.

(Казан, 31 май, «Татар-информ», Гөлүзә Ибраһимова). Алтай республикасы һәм Орел өлкәсе делегатлары быел беренче тапкыр Бөтенроссия татар дин әһелләре форумында катнашачак. Бөтендөнья татар конгрессы 2021 елның 3-5 июнь көннәрендә Казанда «Милли тормыш һәм дин» XI Бөтенроссия татар дин әһелләре форумын үткәрә. «Форумда катнашырга теләк белдерүчеләр күп. Россиянең 72 төбәгеннән 1200 делегатның килүе көтелә. Алтай республикасы һәм Орел өлкәсеннән делегатлар татар дин әһелләре форумында беренче тапкыр катнашачак»... Читать дальше...

(Казан, 31 май, «Татар-информ», Егор Никитин). Россиядә җитештерелгән Aurus люкс-седаннар «КАМАЗ» уңышын кабатлаячак һәм бөтен дөньяга Россия брендын танытачак. Татарстан Президенты Рөстәм Миңнеханов «Алабуга» махсус икътисади зонасы территориясендә Aurus заводын тантаналы төстә эшләтеп җибәрү вакытында шундый фикер әйтте. Ул видеоэлемтә буенча тантанада катнашкан Владимир Путинга республикага Aurus серияле производствоны гамәлгә ашыруны ышанып тапшырганы өчен рәхмәт әйтте. Татарстан автомобиль төбәге буларак күртән билгеле... Читать дальше...