Новости за 23.05.2021

(Чүпрәле, 23 май, «Татар-информ», «Туган як» , Гөлия Фәизова). 22 майдан район мәктәпләрендә белем алучы 10 сыйныф укучылары өчен хәрби — уку җыеннары  башланды. Алар 26 майга кадәр дәвам итәчәк. Җыеннар гадәттәгечә,  Түбән Чәке урманы аланлыгында урнашкан  «Акчарлак» сәламәтләндерү лагеренда оештырылган. Җыеннарны үткәрүнең максаты булып, хәрби хезмәт үтү өчен кирәкле психологик һәм физик сыйфатларны формалаштыру, ватанпәрвәрлек тәрбияләү, Россиянең тарихи, мәдәни үткәне һәм кораллы көчләргә хөрмәт тәрбияләү тора. Читать дальше...

(Апас, 23 май, «Татар-информ», « Апастово-информ »). Апасның Борнаш авылында, шушы җирлектә туып-үскән, Әфган сугышын кичергән, тыныч тормышта вакытсыз гүр иясе булган каһарман Дамир Миңнебаев йорт капкасына истәлек тактасы урнаштырылды, аның хөрмәтенә чәчәкләр куелды, бер минут тынлык игълан ителде. Батыр әфганчы яшәгән йорт каршысына гаиләсе, райондашлары, ерак араларны якын итеп кайткан хезмәттәшләре, дуслары җыелган иде. Биредә каһарман турында истәлекләр барланды, аның гаиләсе турында җылы фикерләр әйтелде... Читать дальше...

(Әлмәт, 23 май, «Татар-информ», «Әлмәт таңнары» ). «Әлмәт» иҗтимагый-мәдәни үзәгендә «Татнефть» компаниясе грантларын тапшыру тантанасы булды. Чара яңа киноконцертлар залында узды. Быел грантлар конкурсына Россиянең ун төбәгеннән 1415 гариза бирелгән. Грант комитеты экспертлары тарафыннан 102 млн. сумнан артык суммага 184 проект хупланган. Рөстәм Мөхәммәдиев, «Татнефть» генераль директорының социаль үсеш буенча урынбасары, грант алучыларга мөрәҗәгать итеп, «Татнефть» өчен нефть төбәгенең һәм... Читать дальше...

(Казан, 23 май, «Татар-информ»). Россия Дәүләт Думасы депутаты Олег Морозов Түбән Камада дин әһелләре белән очрашты. Очрашуда бүгенге җәмгыятьтә яшь буынга әхлакый-рухи тәрбия бирү мәсьәләсе турында фикер алышынды. Бу турыда Түбән Кама муниципаль районы рәсми сайты нда хәбәр ителде. «Мин сезнең эшкә бик җаваплы карыйм. Сез башкарган эш — бик мөһим, сез кеше күңелен дәвалыйсыз, ә минем бурыч — мөмкин булганча, сезгә ярдәм итү», — дип мөрәҗәгать итте парламентарий. Җәмгыятьнең рухи үсеше, беренче чиратта, бүгенге яшьләр алган тәрбиядән тора. Читать дальше...

(Казан, 23 май, «Татар-информ»). 2021 елда шифаханәдә ике юл белән бушлай дәваланып булачак. Аның беренчесе – әгәр кеше билгеле бер ташламалардан файдаланса, инвалид таныклыгы булса яки тиешле дәвалану һәм тернәкләндерү курсларын таләп иткән берәр авырудан интексә. Икенче юл – медицина күрсәтмәләре буенча. Бу хакта «Российская газета» юридик фәннәр докторы, Россиянең атказанган юристы Иван Соловьевка сылтама белән хәбәр итә. Ул билгеләп үткәнчә, медицина күрсәтмәләре булган очракта илебезнең һәр... Читать дальше...

(Казан, 23 май, «Татар-информ», Павел Климчак). «Татар-информ» агентлыгының Автокаладагы үз хәбәрчесе Валентин Кулагин белдергәнчә, Татарстанда Ык елгасы буенда ял иткәннән соң 51 яшьлек хатын-кыз югалган. Гадәттән тыш хәл республиканың Минзәлә районында, Иске Александровка авылы янында булган. Ир белән хатын Ык елгасы буена ял итәргә килгән. Төнлә хатын-кызның юкка чыгуы ачыкланган. Аның ире полициягә мөрәҗәгать иткән. Россия Гадәттән тыш хәлләр министрлыгының ТР буенча Баш идарәсе матбугат хезмәте агентлыкка хәбәр иткәнчә... Читать дальше...

(Казан, 23 май, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 34 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, бер кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «13 кеше хастаханәгә озатылган, 21 кеше өендә дәвалана», - диелә ведомство хәбәрендә. Чаллыда – 12, Казанда – 9, Лениногорск районында 6 очрак ачыкланган. Соңгы тәүлектә коронавирус инфекциясе... Читать дальше...

(Казан, 23 май, «Татар-информ»). Бизнес вәкилләре Россия икътисадының төрле тармакларына ясалма интеллектны кертүгә бәйле сынау проектларын гамәлгә ашырган вакытта дәүләт ярдәменә өметләнә алачак. Әлеге максатларга 2024 елга кадәр 5,26 миллиард сум акча бүлеп бирү күздә тотыла. Субсидия бирү кагыйдәләрен РФ Премьер-министры Михаил Мишустин раслады. Аларны конкурс нигезендә сайлап алу нәтиҗәләренә карап бүләчәкләр, дип хәбәр итә Россия Хөкүмәтенең матбугат хезмәте. Бер дәгъвачыга билгеләнгән грантның күләме 100 миллион сумнан артмаячак. Читать дальше...

(Казан, 23 май, «Татар-информ»). Россиядә Covid-19 коронавирусына карата күмәк иммунитет ирекле вакцинация нәтиҗәсендә формалашачак, әмма әлегә ул шактый акрын бара. Шуңа бәйле рәвештә, РФ Иминлек советы рәисе урынбасары Дмитрий Медведев Facebook социаль челтәрендәге үз сәхифәсендә элегрәк телгә алган мәҗбүри вакцинация мәсьәләсенә аңлатма бирде. «Нәрсәне яки кемнедер шәрехләгәндә игътибарлы булыгыз», - дип искәртте элеккеге Премьер. Һәм болай дип ачыклык кертте: «Мин түбәндәгеләрне әйткән идем:... Читать дальше...

(Казан, 23 май, «Татар-информ», Эвелина Киселева). Татарстаның Республика балалар клиник хастаханәсендә офтальмологлар һәм теш казнасы-бит хирурглары баланың күзенә (аның малайлар белән сугышкан вакытта орбита стеналары сынган) операция ясады. Клиниканың матбугат хезмәте социаль челтәрләрдә шул хакта хәбәр итә. «Үсмернең күзе малайлар белән тукмашкан вакытта җәрәхәтләнгән. Аның күзендә гематома барлыкка килгән, ул бераз шешкән, үсмер бер әйберне ике итеп күрүгә зарланган. Малайга хәрәкәт итүе, ориентлашуы кыен булган. Читать дальше...

(Казан, 23 май, «Татар-информ»). Пермьдә VIII Изге Коръәнне укучылар төбәкара бәйгесе узды. Россия мөселманнары Диния нәзарәтенең матбугат хезмәте хәбәр иткәнчә, 17 төбәктән килгән 42 вәкил, үз осталыклары һәм белемнәре белән, Изге Коръәнне укучылар мәктәбенең ел саен ныгуын һәм яңа талантлар белән баюын раслады. Бәйгедә катнашучыларны РФ мөселманнары Диния нәзарәте рәисе, мөфти шәех Равил Гайнетдин исеменнән РФ мөселманнары Диния нәзарәтенең Идел буе федераль округындагы вәкаләтле вәкиле Мөнир хәзрәт Беюсов сәламләде. Читать дальше...

(Казан, 23 май, «Татар-информ»). ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр иткәнчә, иртәгә, 24 майда Татарстанда янә һава шартларының бозылуы көтелә. Дүшәмбе көнне төнлә һәм көндез республикада урыны белән яшенле яңгыр явуы ихтимал. Шулай ук көчле җил көтелә, аның тизлеге урыны белән секундына 15-20 метрга кадәр җитәргә мөмкин. Моннан тыш, төнге сәгатьләрдә Казанда, ә көндез республика территориясендә урыны белән боз явуы ихтимал, дип искәртә метеорологлар.

(Казан, 23 май, «Татар-информ»). Россиялеләргә, үзләренең банк счетларын һәм шәхси мәгълүматларын кибермошенниклардан саклау өчен, социаль челтәрләрдә аралашкан вакытта сак булырга, интернетта үзең турында артык мәгълүмат бирмәскә, үз акчаларың белән идарә итү өчен аерым гаджеттан файдаланырга кирәк. Бу хакта РИА Новости агентлыгы Россельхозбанк экспертларына сылтама белән хәбәр итә. «Социаль челтәрләр, мессенджерлар, форумнарда аралашканда, төрле анкеталар тутырганда һәм сораштырулар вакытында сак булыгыз. Читать дальше...

(Казан, 23 май, «Татар-информ», Гөлия Хәсбиуллина). Кичә Казанда «Ак Барс» көрәш сараенда грэпплинг буенча Изге Рамазан кубогы ярышында «Сөннәт» көрәше җиңүчесе билгеле булды. Әлеге ярышта Россиянең төрле төбәкләреннән һәм чит илләрдән килгән спортчылар үзара көч сынашты. Төп бүләк — машинаны Дәгыстан көрәшчесе Руслан Абдулаев алды. Ярышның тантаналы өлешендә ТР спорт министры Владимир Леонов, Россия Дәүләт Думасы депутаты Равил Хөснуллин, Дәгыстан Республикасының физик культура һәм спорт министры Сәҗид Сәҗидов... Читать дальше...

(Казан, 23 май, «Татар-информ»). Моннан ун ел элек Екатеринбургта мөселманнар өчен «Мәгариф» белем бирү үзәге ачыла. «Урал татарлары» сайты хәбәр иткәнчә, аны ачылганнан бирле Казандагы «Мөхәммәдия» югары мөселман мәдрәсәсен һәм Мисырда Ислам миссиясе институтын тәмамлаган Руслан хәзрәт Нурмәмәтов җитәкли. Пандемия дәвам иткән ел ярым вакыт эчендә «Мәгариф» үзәге турында Россиянең бөтен мөселман дөньясында белделәр. Руслан Нурмәмәтов фикердәшләре белән бергә балалар өчен Рамазан аена багышлаган танып белү тапшырулары онлайн-сериясен әзерләде. Читать дальше...

(Казан, 23 май, «Татар-информ», Павел Климчак). Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына белдерүләренчә, бу хакта 112 бердәм номерына шаһитлар хәбәр иткән. Төнлә шул тирәдән үтеп баручылар «Казан» гаилә үзәге тирәсендә, Казансу елгасында ир-ат мәетенә юлыккан. Коткаручылар аны судан чыгарып, полиция хезмәткәрләренә тапшырган. Ир-атның мәетен яр буеннан 5-6 метр ераклыкта табып алганнар. Хәзер әлеге хәлнең барлык нечкәлекләрен һәм мәрхүмнең шәхесен ачыклыйлар.

(Казан, 23 май, «Татар-информ»). Беренче тапкыр паспорт алучы россиялеләргә аның белән бергә Конституция нөсхәсен дә тапшырачаклар. Россия Премьер-министры Михаил Мишустин РФ гражданины паспорты турындагы Нигезләмәгә шундый үзгәреш керткән. Әлеге карар 1 июльдән үз көченә керәчәк. Үзгәрешләр 14 яше тулган россиялеләргә, шулай ук Россия гражданлыгы алучы чит ил кешеләренә кагылачак. Хөкүмәттә фаразлауларынча, кабул ителгән карар «патриотик тәрбия дәрәҗәсен күтәрергә ярдәм итәчәк, шулай ук Россиянең... Читать дальше...

(Казан, 23 май, «Татар-информ», Павел Климчак). Республика клиник хастаханәсенең матбугат хезмәтеннән «Татар-информ» агентлыгына Улан-Удэдан Мәскәүгә юл тоткан һәм Казан аэропортына төшеп утырырга мәҗбүр булган самолеттагы пассажирның хәле турында хәбәр иттеләр. Пассажирга — 24 яшь, ул Бурятиядән, очкычта ризык белән агуланган. Аңа тиешле ярдәм күрсәткәннәр һәм хастаханәдән чыгарганнар. «Татар-информ» агентлыгы Улан-Удэдан Мәскәүгә юл тоткан очкыч, бер пассажирның хәле начараю сәбәпле, Казан аэропортына... Читать дальше...

(Казан, 23 май, «Татар-информ», Рузилә Мөхәммәтова). Кариев театры өй театры традицияләрен яңарткан яңа спектакль чыгарды. Театр «Бәхетле көнем» спектаклен беренче тамашачыларына тәкъдим итте. «Бәхетле көнем» дип аталган спектакль — театрның коллектив хезмәте, аның пьеса авторы юк. Спектакль бәхетле татар гаиләсенең җәйге көнен тасвирлауга корылган. «Минем идея иң бәхетле көн турында спектакль чыгару иде. Артистлар сөйли башладылар. Бөтенебезнең дә иң бәхетле көне балачак һәм авыл белән бәйле булып чыкты», — диде режиссер Екатерина Гороховская.

(Казан, 23 май, «Татар-информ»). Россия Федерациясе мөселманнары Диния нәзарәте рәисе, Россия Мөфтиләр шурасы рәисе, РФ Президенты каршындагы Дини берләшмәләр белән хезмәттәшлек советы әгъзасы, мөфти шәех Равил Гайнетдин танылган Россия рәссамы Таир Сәлаховның вафатына бәйле рәвештә мәрхүмнең туганнары һәм якыннарының кайгысын уртаклашты. Бу хакта Россия Мөфтиләр шурасының матбугат хезмәте хәбәр итә. «Россия Федерациясе мөселманнары Диния нәзарәте һәм шәхсән үз исемемнән күренекле рәссам Таир Сәлаховның... Читать дальше...

(Казан, 23 май, «Татар-информ», Павел Климчак). Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына хәбәр итүләренчә, ир-атны эзләү белән Буа һәм Казан коткаручыларының кизү сменалары шөгыльләнгән. Кичә төнге сәгать дүрттә 112 бердәм номерына республиканың Кама Тамагы районында, Юрьев мәгарәсе янында 25 яшьлек ир-атның югалуы хакында хәбәр килгән. Төнге икеләр тирәсендә ул палаткалардан торган шәһәрчектән каядыр киткән һәм кире әйләнеп кайтмаган. Читать дальше...

(Казан, 23 май, «Татар-информ»). Башкортстанның Мәчетле районы Олы Ыктамак авылында бердәнбер кубыз музее эшли. «Башинформ» агентлыгы хәбәр иткәнчә, биредә бөтен дөньядан җыелган 80нән артык кубыз саклана. Экспозициядә Индонезия генггонгы, япон муккури кубызы, француз гимбарды, белорус дрямбасы, словен друмлясы, Непал мурчунгы һ.б. бар. Барлыгы 30 илдән җыелган уен кораллары тәкъдим ителгән. Виртуоз кубызчы Роберт Заһретдинов җыйган һәм музейга бушлай тапшырган кубызларның уникаль коллекциясе, шулай... Читать дальше...

(Казан, 23 май, «Татар-информ», Павел Климчак). Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына хәбәр итүләренчә, Улан-Удэдан Мәскәүгә юл тоткан самолет, бер пассажирның хәле авыраю сәбәпле, Казан аэропортына төшеп утырырга мәҗбүр булган. Һава судносы иртәнге сигездә аэропортка төшкән һәм пассажирны ашыгыч ярдәм бригадасына тапшырганнар, шуннан соң Республика клиник хастаханәсенә озатканнар.

(Казан, 23 май, «Татар-информ»). Татарстан Республикасы Президенты Рөстәм Миңнеханов Тәтеш муниципаль районында эш сәфәрендә булды. Президент агросәнәгать комплексы үсеше һәм районда республика программаларының гамәлгә ашырылуы белән танышты. Авыл җирлекләре механизаторлары һәм җитәкчеләре белән очрашу Бакырчы авылы янында «Татарстан» ҖЧҖнең көзге бодай кырында узды. Район башлыгы Рәмис Сафиуллов хәбәр иткәнчә, бүгенге көндә барлык язгы кыр эшләре 100%ка башкарылган. 1 гектарга 118 кг минераль ашлама кертелгән ... Читать дальше...

(Казан, 23 май, «Татар-информ»). Казан үзәгендә – Татарстан урамында – һавада зарарлы матдәләрнең рөхсәт ителгән күләмнән артык булуы ачыкланган. ТР Гидрометеорология һәм әйләнә-тирә мохитне күзәтү идарәсе мәгълүматларыннан күренгәнчә, 5нче күзәтү пунктында формальдегид күләме шактый югары. Тиешле норманы бозу очрагы 20 майдан 21 майга кадәрге чорда (13.00-7.00 сәгать аралыгында) теркәлгән. Зарарлы матдә концентрациясе бер кубометрга норма буенча 0,05 миллиграмм туры килергә тиеш. Ә бу очракта ул бер кубометрга 0,064 миллиграмм тәшкил иткән.