Новости за 13.01.2021

(Казан, 13 гыйнвар, «Татар-информ»). Татарстанның атказанган артисты Артур Исламов җырлау осталыгы буенча бушлай онлайн-дәресләр үткәрә. Бу хакта җырчы үзенең Инстаграм аккаунтында хәбәр итә. Соңгы постта Артур Исламов Инстаграм язылучыларына микрофонны тоту нечкәлекләре турында сөйләде. Хатын-кызлар һәм ир-атларга нинди микрофоннар кирәклеген аңлатты. Шулай ук җырчы видеоларда югары ноталарны алу һәм җырлау манерасы серләренә төшендерә. Дәресләрне @vokalinstam һәм @arturislamov_official Инстаграм аккаунтларында карап була.

(Казан, 13 гыйнвар, «Татар-информ»). 15 гыйнварда Алабуга дәүләт музей-тыюлыгының күргәзмә залында Пермь крае Чайковский шәһәрендә яшәүче Сергей Прачның шәхси коллекциясеннән «Чәйнекләрнең могҗизалы дөньясы» күргәзмәсе ачылачак. Бу турыда «Новая Кама» газетасы яза. Экспозициядә Россия, Кытай, Япония, Үзбәкстан, Украина, Беларусь, Казахстан, Армения, Балтыйк буе илләреннән 300дән артык чәйнек тәкъдим ителәчәк. Экспонатлар төрле материаллардан (фарфор, пыяла, металл, агач, керамика, бәллүр һ.б.) эшләнгән. Читать дальше...

(Казан, 13 гыйнвар, «Татар-информ»). Арча районының Шекә авылында яшәүче Ләйсән Хәмитова Мәскәүдә «Могҗизалар кыры» уенының Яңа ел чыгарылышында катнашты. Видеоны Youtube та Беренче канал порталында карарга мөмкин. Шоуның алыштыргысыз алып баручысы Леонид Якубовичның сораулары 2021 ел — Үгез елы белән бәйле иде. Шуңа күрә «Могҗизалар кыры»нда катнашучылар - терлекчелек өлкәсен белүчеләр. Ләйсән Хәмитова өченче өчлектә уйнады. Уен барышында ул тамашачыларга «Мирас» халык ансамбле һәм җырчы Рөстәм Насыйбуллинны тәкъдим итте. Читать дальше...

(Казан, 13 гыйнвар, «Татар-информ»). Мамадыш районының Арташка авылыннан ерткыч кошлар өйрәтүче Наил Кашапов лачын, карчыга, бөркет белән тиз арада уртак тел таба ала. Наил ерткыч кошларны өйрәтүе турында «Мамадыш ТВ»га сөйләде. Канатлы дусты белән очрашу алдыннан Наил һәрвакыт махсус жилет һәм бер кулына перчатка кия. Бу исә канатлы дустына хуҗасын тизрәк танырга ярдәм итә. Хәер, Наилне «хуҗа» дип атау дөрес түгел, уланың өчен әни кебек. Ул лачынны алты ел элек, кошка бер яшь булганда арендага алган. Читать дальше...

(Апас, 13 гыйнвар, «Татар-информ», «Апастово-информ», Ландыш Гайнуллина). Апас районы хакимияте йортына Апас, Буа, Кукмара һәм Чистай районнары имам-хатыйплары җылы очрашуга җыелды. Алар Апас районында дини-тәрбияви эшенең торышы белән танышты. Бу турыда район басмасы хәбәр итә. Район башкарма комитеты җитәкчесе урынбасары Луиза Сафина дин әһелләренә бу мәсьәләдә үз фикерләрен белдерде. Шуннан соң район мөхтәсибе Мирхәт хәзрәт Җамалиев мәчетләрнең эшчәнлеге турында сөйләде. Мөхтәсиб шулай ук, районда... Читать дальше...

(Зәй, 13 гыйнвар, «Татар-информ», « Зәй офыклары », Николай Шамионов). Узган якшәмбедә шәһәрнең 4нче мәктәбе базасында авиамодель спорты буенча республика ярышлары үтте. Җиңүне Зәйнең «Амфибия» клубы кече төркем балалары китерде. Ярышларда Зәй, Әлмәт, Бөгелмә, Чаллы, Минзәлә һәм Саба районнарыннан килгән 7-16 яшьлек 35 укучы катнашты. «Авиамодель спорты буенча республика ярышларында халыкара класслы (F1N һәм F1N-150 очу дәвамлылыгы буенча) зал өчен планерлар классында шәхси-команда беренчелегендә... Читать дальше...