Новости за 31.01.2021

(Казан, 31 гыйнвар, «Татар-информ»). Әлмәттә Татарстан Фәннәр академиясенең Татар энциклопедиясе һәм төбәкне өйрәнү институты басмаларын тәкъдим ителде. Анда тарих фәннәре докторы, Татарстан Фәннәр академиясе академигы Искәндәр Гыйләҗев һәм югары уку йорты вәкилләре катнашты. Вакыйга җәмәгатьчелек, мәдәният һәм мәгариф вәкилләре катнашында узды. Бу хакта « Знамя труда» газетасы яза. Искәндәр Гыйләҗев сүзләренчә, институт басмаларын республика районнарында тәкъдим итү күркәм традициягә әйләнде. Читать дальше...

(Казан, 31 гыйнвар, «Татар-информ»). Кукмара районы үзәк хастаханәсендә «кызыл зона»да эшли торган табиб-инфекционисты Илдус Сәмигуллин яңа коронавирус инфекциясеннән прививка ясатты. Кукмара үзәк хастаханәсендә бу көннәрдә медик «Гам-КОВИД-Вак» вакцинасының беренче компонентын алган, 21 көннән ул икенче прививканы ясатачак, дип ачыклык керттеләр. Бу хакта «Трудовая слава» газетасы яза. Районга 140 препарат комплекты кайтарылган. Вакцинация Кукмара үзәк район хастаханәсенең 223нче прививка кабинетында уздырыла. Читать дальше...

(Казан, 31 гыйнвар, «Татар-информ»). Мамадышта Скандинав йөреше буенча күнегүләр башланды. «Кайгырту» социаль үзәгендә Скандинав йөреше берничә ел алып барыла. Күптән түгел «Сәламәтлек сукмагы» дип исемләнгән үзәк проекты Татарстанда социаль һәм мәдәни проектлар конкурсында җиңде. Откан акчаларга биредә 25 пар скандинав таягы сатып алганнар һәм өлкән яшьтәге мамадышлылар белән дәресләр үткәрә башлаганнар. Бу турыда «Нократ» газетасы яза. Социаль-тернәкләндерү бүлеге мөдире сүзләренчә, быел үзәк хезмәткәрләре... Читать дальше...

(Казан, 31 гыйнвар, «Татар-информ»). Казанда федераль протест акциясе кысаларында узган икенче митинг тәмамланды. Яшьләр төшкә таба җыела башлаган иде - Камал театры каршындагы мәйданга берничә дистә кеше килде. Хокук саклау органнары хезмәткәрләре тәртип үтәлешен күзәтте. Мәйданга җыелган яшьләр янына ТР Яшьләр эшләре министры Дамир Фәттахов килде . Ул бүгенге акцияне законсыз дип аңлатты, чөнки оештыручылар аны үткәрүгә гариза бирмәгән, акциянең законлы характерда булуын кайгыртмаган. Соңрак... Читать дальше...

(Казан, 31 гыйнвар, «Татар-информ», Гадел Әхмәтҗанов). Телне саклау бурычы Коръәндә әмер ителгән, ди «Мөхәммәдия» мәдрәсәсе директоры урынбасары, Татарстан мөселманнары Диния нәзарәтенең Голәмәләр шурасы әгъзасы Зөлфәт хәзрәт Габдуллин. «Телне саклау — Коръәндә әмер ителгән бурыч. Аллаһы Тәгалә: „Без сезне халык итеп, төрле телле итеп яраттык“, — диде. Шуңа күрә телне саклау иман белән, ә иман исә шушы тел белән бәйле. Безнең киләчәгебез якты, өметебез бар, Аллага шөкер», — диде ул «Татар-информ»да журналистлар белән очрашуда. Читать дальше...

(Казан, 31 гыйнвар, «Татар-информ»). Иртәгә, 1 февральдә, Татарстанда кабат һава шартларының начараюы көтелә ТР Гидрометеорология үзәге хәбәр итүенчә, төнлә һәм иртән республика буенча, шул исәптән Казанда да, буран булырга мөмкин. 18-23 метрга кадәр көчле җил булачак. Юлларда көчле бозлавык хасил була. Элек «Татар-информ» мәгълүмат агентлыгы метеорологлар мәгълүматларына сылтама белән хәбәр иткәнчә, төбәк территориясендә аномаль җылы һава торышы саклана .

(Казан, 31 гыйнвар, «Татар-информ»). Уфада Халыкара интернетсез көнгә багышланган концертта Элвин Грей чыгыш ясады. «Башинформ» хәбәр итүенчә, Дәүләт академия рус драма театры каршындагы мәйданда Россия студентлары көненә һәм Халыкара интернетсыз көнгә багышланган концерт булды. Анда «Йәшлек шоу-2020. Перезагрузка» Бөтенроссия яшьләр фестивалендә катнашучылар, башкорт эстрадасы йолдызлары, шулай ук «Elvin Grey» лейблы артистлары катнашты. Чараның хедлайнеры - Башкортстан Республикасының атказанган артисты Elvin Grey (Радик Юльякшин). Читать дальше...

(Казан, 31 гыйнвар, «Татар-информ»). Татарстанда иртәгә, 1 февральдә, чагыштырмача җылы һәм дымлы һава торышы саклана.  ТР Гидрометеорология үзәге хәбәр итүенчә, республикада   болытлы, көндез аязучан болытлы һава торышы күзәтелә. Төнлә һәм иртәнге сәгатьләрдә бераз кар көтелә, кайбер районнарда буран булырга мөмкин. Көндезге сәгатьләрдә шактый явым-төшем булу мөмкинлеге фаразлана. Көньяк-көнчыгыштан көньяк-көнбатышка таба үзгәрүчән талгын җил күзәтелә. Төнлә һәм иртән ул 18-23 метрга кадәр көчәячәк. Читать дальше...

(Казан, 31 гыйнвар, «Татар-информ», Гадел Әхмәтҗанов). Ялган кешенең күңелен каралта һәм дөрес юлда киртә булып тора, дигән фикердә Казанның «Саләх» мәчете имам-хатыйбы Тимергали хәзрәт Юлдашев. «Ялган кешенең калебен, ягъни күңелен каралта һәм хак юлда аңа киртә булып тора. Кеше алдаган вакытта аның күңелендә кара тап барлыкка килә. Аннан соң бу таплар арта һәм күңел тулысынча шушы кара таплар белән каплана. Мондый кеше Аллаһ каршында ялганчы булып языла», — диде ул «Татар-информ» хәбәрчесе белән әңгәмәдә . Читать дальше...

(Казан, 31 гыйнвар, «Татар-информ»). Казанның Вахитов районы прокуратурасы шәһәр үзәгендә санкцияләнмәгән акция вакытында ЮХИДИ хезмәткәрен кыйнаганнан соң тикшерү башлады. Элегрәк агентлык законсыз акциядә катнашучыларның берсен инспекторның Сул Болак урамында туктатырга җыенуын, кулыннан эләктереп алуын, егетнең таеп егылуын хәбәр иткән иде. Бу вакытта берничә яшь кеше йөгереп килеп егетне кысрыклый һәм  юл-патруль хезмәте инспекторына ташлана. Агентлыкка мәгълүм булганча, Сул Болак буенча 42нче  йорт каршында берничә кеше узарга комачаулап... Читать дальше...

(Казан, 31 гыйнвар, «Татар-информ»). Клиник картина күзлегеннән караганда, грипп Covid-19 коронавирусына караганда җиңелрәк кичерелә. Әлеге авыруларның аермасы турында табиб-иммунолог Ирина Ярцева сөйләде. «Вечерняя Москва» газетасы язуынча, белгеч грипп вакытында температураның 39 градуска кадәр югары булуын, алты көн торуын әйтә. Covid-19 булганда, температура 10-12 көнгә кадәр торырга мөмкин, бу җиңел формасы санала, дип искәртә табиб. Белгеч сүзләренә караганда, коронавирус вакытында интоксикация... Читать дальше...

(Казан, 31 гыйнвар, «Татар-информ»). Казанда йөк машинасы кузовыннан авып төшкән кран аркасында барлыкка килгән бөкене видеога төшергәннәр. «Татар-информ»га үз чыганагы хәбәр итүенчә, бүген Казанның Воровский урамында кран аркасында бөке хасил була, кран йөк машинасы кузовыннан авып төшә. «Яндекс. Бөкеләр» мәгълүматлары буенча, хәзерге вакытта әлеге урында Декабристлар урамы белән кисешкән җир генә кызыл төс белән билгеләнгән.

(Казан, 31 гыйнвар, «Татар-информ»). Фура ике автомобиль белән бәрелешкәч, Яшел Үзән трассасында ягулык түгелгән. «Татар-информ»га авария шаһитлары хәбәр итүенчә, бүген иртән Яшел Үзән янындагы трассада массакүләм юл-транспорт һәлакәте булган: «Тойота»  фураның ян ягына килеп бәрелгән. Шуннан соң «Тойота» га арттан бер җиңел машина килеп төртелгән. Шаһитлар сүзләренә караганда, һәлакәттә беркем дә зыян күрмәгән. Бәрелештән соң юлга ягулык түгелгән.

(Казан, 31 гыйнвар, «Татар-информ»). Казанда санкцияләнмәгән акциядә катнашучылар ЮХИДИ хезмәткәренә һөҗүм иткән. Шушы мизгел шаһитлар һәм журналистлар камералары объективларына эләккән. Юл-патруль хезмәте инспекторы законсыз акциядә катнашучыларның берсен туктатырга җыена, аны кулыннан эләктерә, егет таеп егыла. Бу вакытта берничә яшь кеше йөгереп килеп, егетне кысрыклый һәм юл-патруль хезмәте инспекторына ташлана. Берничә кеше аңа торырга ирек бирми, соңыннан барысы да йөгерә, ЮХИДИ хезмәткәре зыян күрми.

(Казан, 31 гыйнвар, «Татар-информ»). Санкцияләнмәгән акция вакытында Казан үзәгендә танылган Россия сәясәтчесе һәм җәмәгать эшлеклесе Максим Шевченко тоткарланды. Хокук саклау органнары хезмәткәрләре аны Болакта Казан Кремленә барган вакытта тоткарлаган. Документларны тикшергәннән соң, сәясәтче шунда ук җибәрелгән. «Татар-информ» хәбәрчеләре әйтүенчә, тоткарлау корректлы формада үткәрелгән. Максим Шевченко - Владимир өлкәсе Закон чыгару җыены депутаты, элек РФ Иҗтимагый палатасы әгъзасы, РФ Президенты... Читать дальше...

(Казан, 31 гыйнвар, «Татар-информ»). Камал театры янындагы мәйданда җыелучыларга Татарстан яшьләр эшләре министры Дамир Фәттахов мөрәҗәгать итте. Аның сүзләренчә, ул яшьләрдән бүген нинди максат белән урамга чыгулары турында сорарга килгән. «Сезнең изге ният белән чыгуыгызда шик юк, ул хөрмәт уята. Мин диалогның төрле формалары балыгын әйтәсем килә, сез моны бик яхшы аңлыйсыздыр, мин һәрхәлдә, моңа ышанам. Бүген монда, кызганыч, законсыз митинг, оештыручылар беренчесендә дә, икенче тапкыр да хәтта гариза да бирмәгән»... Читать дальше...

(Казан, 31 гыйнвар, «Татар-информ»). Татарстан 2020 елда илкүләм проектларны гамәлгә ашыру контекстында телгә алыну буенча Россия төбәкләре арасында икенче булды. Рейтингны «Медиалогия» компаниясе әзерләде. Республика 281 649,1 медиаиндексы белән икенче позициядә урнашты. Ул лидер булган Краснодар краена (медиаиндекс — 307 382,6) оттырды, әмма Түбән Новгород өлкәсен (медиаиндекс — 259 168,3) узып китте. Аерым алганда, массакүләм мәгълүмат чаралары игътибарын Казанда «Мәгариф» илкүләм проекты буенча... Читать дальше...

(Казан, 31 гыйнвар, «Татар-информ»). Казанда ике җиңел машина һәм бронетранспортер катнашындагы юл-транспорт һәлакәтен видеога төшергәннәр.  Авария шаһитлары хәбәр итүенчә, кичә социаль челтәрләрдә массакүләм юл-транспорт һәлакәте нәтиҗәләре белән видео пәйда булды. Авария Казанда «Яшьләр үзәге» тукталышы янында килеп чыккан. Авариядә, ике җиңел машина кузовына да җитди зыян килгән. «Бронетранспортер үз полосасында ничек торган булса, шулай тора. Хәтта селкенмәгән дә», - дип шәрехли видео авторы.

(Казан, 31 гыйнвар, «Татар-информ»). Санкцияләнмәгән акциягә Казан үзәгенә нибары берничә дистә кеше килгән. Урыннардан агентлык хәбәрчеләре хәбәр итүенчә, акция Камал театры каршындагы мәйданда уза, хокук саклау органнары вәкилләре закон һәм тәртип үтәлешен күзәтә. Хәзерге вакытта шәһәр үзәгендә барысы да тыныч. Камал театрына җыелучылар белән аралашу өчен ТР Яшьләр эшләре министры Дамир Фәттахов килде. Ул бүгенге акцияләрнең законсыз булуын аңлатты, аларны оештыручылар закон буенча тиешле гариза тапшырмаган. Читать дальше...

(Казан, 31 гыйнвар, «Татар-информ»). Вакцинациядән соң һәр кешенең иммунитеты билгеле бер вакыт дәвамында саклана. Антитәнчекләрнең дәрәҗәсен күзәтергә һәм вакыт-вакыт тест тапшырырга кирәк. РИА Новости Фундаменталь трансляция медицинасы үзәгенең фәнни хезмәткәре, «Вектор» үзәгенең аеруча куркыныч инфекцияләр лабораториясенең элеккеге мөдире Александр Чепурновка сылтама белән: «Антитәнчекләрне күзәтергә, ярты елга бер тапкыр тест тапшырырга кирәк. Кайберәүләрдә хәтта сигез айдан соң да антитәнчекләр кимеми, кемдәдер өч айдан соң ук югала. Читать дальше...

(Казан, 31 гыйнвар, «Татар-информ»). Татарстанда узган тәүлектә коронавирусның тагын 87 очрагы теркәлгән, шул исәптән берсе читтән кертелгән. ТР Сәламәтлек саклау министрлыгының матбугат хезмәтендә хәбәр итүләренчә, утыз бер кеше хастаханәгә салынган, 56 кеше өйдә дәвалана. Авыручыларның күбесе 60 яшьтән 70 яшькә кадәр һәм 30дан 50 яшькә кадәр булганнар арасында — 23 һәм 21 кеше. Инфекция йоктыручылар арасында ике балигъ булмаган бала бар. 90 яшьтән өлкәнрәкләр юк. Авыручыларның күбесе Казанда теркәлгән, анда 38 кеше чир йоктырган. Читать дальше...

(Казан, 31 гыйнвар, «Татар-информ»). Февраль аенда Татарстанны аномаль җылы һава торышы көтә.    «Республикада һава торышы тотрыксыз булачак: циркуляция шартлары үзгәрә, безгә җылы атмосфера фронтлары килә. Февраль ае температура күрсәткечләре буенча нормадан 8-10 градуска югарырак булуы көтелә», — диде Казан федераль университетының метеорология, климатология һәм атмосфера экологиясе кафедрасы мөдире — профессор, география фәннәре докторы Юрий Переведенцев. Метеоролог хәбәр итүенчә, аерым алганда, кышның өченче ае башы да бик җылы булачак. Читать дальше...

(Казан, 31 гыйнвар, «Татар-информ»). Татарстан трассасында ике автомобиль бәрелешкәннән соң ике зыян күрүчене хастаханәгә алып киткәннәр. Авария шаһитлары хәбәр итүенчә, кичә иртән Лениногорск районында Зәй-Каратай авылы янында юл-транспорт һәлакәте булган. Юлда ике автомобиль бәрелешкән, шуннан соң аларның берсе юлдан читкә чыгып киткән. Ике машина кузовына да җитди зыян килгән. Шаһитлар сүзләренчә, авариядә бер автомобильдә ике кеше зыян күргән. Ирне һәм хатын-кызны төрле җәрәхәтләр белән җирле хастаханәгә алып киткәннәр.

(Казан, 31 гыйнвар, «Татар-информ»). 2021 елда хаҗ үткәрү форматы Согуд Гарәбстаны тарафыннан хаҗилар киләчәк барлык илләрдәге коронавирус инфекциясе пандемиясе белән бәйле вазгыятьтән чыгып билгеләнәчәк. Россия Мөфтиләр шурасы хәбәр итүенчә, бу хакта Россия Федерациясенең Согуд Гарәбстаны Генераль консулы Баһаветдин Алиев, 28 гыйнварда Мәскәү Җәмигъ мәчетендә Россия мөселманнарының Диния нәзарәте рәисе мөфти шәех Равил Гайнетдин белән очрашу вакытында сөйләде. Хәзерге вакытта Согуд Гарәбстаны хакимияте... Читать дальше...

(Казан, 31 гыйнвар, «Татар-информ»). 4 мартта Мостай Кәримнең шул исемдәге повесте буенча «Отряд Таганок» фильмы киң прокатка чыга. «Башинформ» фильм турында биш кызыклы фактны атады. Фильм төшерү 2018 елда башлана һәм бер елга якын дәвам итә. Кастингны 500дән артык яшь актерүткән. Нәтиҗәдә Илдар Биккулов (Габдулла), Руслан Кадаев (Айдар), Арслан Галиев (вәзир), Ильяс Киньябулатов (Якуп) сайлап алына. Малайларның актерлык тәҗрибәсе юк. Фильмның төп төшерүләре Башкортстан Республикасының Гафури районы Толпар авылында узган. Читать дальше...