Новости за 10.01.2021

(Казан, 10 гыйнвар, «Татар-информ»). Кичә, 9 гыйнварда Яшел Үзәндә яшәүче Бөек Ватан сугышы ветераны Николай Петрович Лазарев туган көнен билгеләп үтте. Аңа 99 яшь тулды. Бу хакта районның матбугат хезмәте хәбәр итә. Әлеге истәлекле вакыйга белән аны «Бердәм Россия Яшь гвардиясе» Яшел Үзән җирле бүлеге активистлары котлады. Яшел Үзән районы башлыгы, Яшел Үзән мэры Михаил Афанасьев исеменнән истәлекле бүләк тапшырдылар, ныклы сәламәтлек, рух күтәренкелеге һәм иминлек теләделәр. Николай Лазарев — Бөек Ватан сугышы һәм «ПОЗиС» АҖ ветераны... Читать дальше...

(Казан, 10 гыйнвар, «Татар-информ»). 8 гыйнвар көнне Килдебәк авыл китапханәчесе, мәдәният йорты хезмәткәрләре белән берлектә яшьләр өчен «Коррупциягә — юк дип әйтик!» дип исемләнгән коррупциягә каршы темага интеллектуаль-хокукый ринг үткәрделәр, дип яза Саба район матбугат хезмәте. Башта «коррупция» төшенчәсе аңлатылды, аның төрләре һәм формалары, шулай ук аның барлыкка килү сәбәпләре һәм аңа каршы көрәш алымнары турында сөйләнелде. Интеллектуаль турнир вакытында яшьләр коррупция үсешенә нинди факторлар... Читать дальше...

(Казан, 10 гыйнвар, «Татар-информ»). 6 гыйнвар көнне Зәйнең спорт-сәламәтләндерү комплексында бадминтон буенча Раштуа турниры узды. «Барс» спорт мәктәбендә тәрбияләнүчеләр берничә яшь категориясендә үзара көч сынашты. Бу хакта район матбугат хезмәте хәбәр итә. 2011-2012 елгы малайлар арасында 1нче урынны Илья Данилов, 2нче урынны Кәрим Мингалиев, 3нче урынны Кәрим Минибаев алды. 2010-2011 елгы малайлар арасында 1нче урында Богдан Спиридонов, 2нче урында Эмиль Сухих, 3нче урында Гадел Лотфуллин булды. Читать дальше...

(Казан, 10 гыйнвар, «Татар-информ»). Бөгелмәдә бер тәүлек эчендә газ хезмәте хезмәткәрләре булып кыланган җинаятьчеләр кулыннан өч пенсионер зыян күргән. Бу хакта районның матбугат хезмәте хәбәр итә. 5 гыйнварда фатирга яшь кешеләр килә. Газ хезмәте хезмәткәрләре буларак, алар төтен чыга торган торбаны чистарту өчен дигән ялган гамәл белән торакка үтеп керә. Беренче очракта пенсионерның акча янчыгыннан 1500 сум урлыйлар. Калган икесендә төтене чистартуга килешү төзелгән, анда 2000 һәм 3000 сум залог алынган. Читать дальше...

(Казан, 10 гыйнвар, «Татар-информ»). Балтачның Үзәк балалар китапханәсендә «Салават күпере» тозлы камырдан эшләнмәләр клубының чираттагы «Кыш Бабай мәктәбе» дип аталган дәресе үтте. Бу хакта район матбугат хезмәте хәбәр итә. Балалар төрле җәнлек сыннары: керпе, куян һәм аю балалары ясадылар.

(Казан, 10 гыйнвар, «Татар-информ»). АКШта тәүлек эчендә COVID-19 инфекциясенең 273 меңнән артык очрагы ачыкланган , 3735 кеше үлгән. Бу хакта федераль һәм җирле хакимият, шулай ук массакүләм мәгълүмат чаралары һәм башка ачык чыганаклар мәгълүматларын туплаган Джонс Хопкинс университеты хәбәр итә. Университет мәгълүматлары буенча, узган 24 сәгать эчендә табиблар АКШта COVID-19 йоктыручыларның 273 854 очрагын теркәгән. Хопкинс университеты мәгълүматларына караганда, эпидемия башланганнан бирле АКШта... Читать дальше...

(Казан, 10 гыйнвар,«Татар-информ», Полина Шевчук). Чаллыда тугыз катлы йортта өлкән яшьтәге ир белән хатын янгында һәлак булган. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр. Бүген 15.15 сәгатьтә ашыгыч хезмәтләрне бердәм чакыру 112 номерына Яңа шәһәрдә 18/12 номерлы йортның беренче катында фатир януы турында хәбәр алынган. Беренче югары ранг буенча урынга янгын сүндерүчеләр килгән. Өч бүлмәле фатирның йокы бүлмәсендәге җиһазлар һәм әйберләр януы ачыкланган. Читать дальше...

(Казан, 10 гыйнвар, «Татар-информ»). ТР Президенты Рөстәм Миңнеханов Инстаграмында кышкы каникулларда тазарып өлгергән Шүрәле һәм Былтырның шаян фотосын куйган. «Тиздән яллар тәмамлана. Эшкә чыгарга һәм мәктәпләргә барырга сез әзерме?», — дип мөрәҗәгать итә республика Президенты Инстаграм кулланучыларына. Комментарийларда татарстанлылар «Шүрәлене күргәч, каникулларда үземнең дә түгәрәкләнгәнемне сиздем», «эшкә чыгарга әзер», «мин тазармадым, хоккей уйнадым», дип фикерләре белән уртаклаша.

(Казан, 10 гыйнвар, «Татар-информ», Полина Шевчук). Татарстанда буран аркасында трассаларда тукталган автобуслар хәрәкәте яңартылды. Бу хакта «Волго-Вятскуправтодор» оешмасы матбугат хезмәте хәбәр итә. Исегезгә төшерәбез, бүген иртәнге сәгать уннан республиканың төп автоюлларында буран аркасында автобуслар өчен юллар өлешчә ябылган иде. Шулай ук Казан — Оренбург — Акбулак автомобиль юлында, М7 Мәскәү — Владимир — Түбән Новгород — Казан — Уфа трассасының берничә участогында, шулай ук Йошкар-Ола — Яшел Үзән ... Читать дальше...

(Казан, 10 гыйнвар, «Татар-информ», Гөлия Хәсбиуллина). Бүген «Ак Барс» хоккейчылары Уфада «Салават Юлаев» командасына каршы уйнады. Матч Уфа командасы файдасына 7:3 исәбе белән тәмамланды. Уфа командасы керткән җиде алканың дүртесе Теему Хартикайнен исәбендә. Моңа хәтле Казан хоккейчылары рәттән ун уенда җиңгән иде. Ике күрше республика командаларының формаларының төсенә бәйле «Яшел дерби» дип аталган «Ак Барс» — «Салават Юлаев» матчларында җиңүчегә чәкчәк формасында ясалган кубок бирелә. Узган ике уенда әлеге кубокны «Ак Барс» җиңгән булса... Читать дальше...

(Казан, 10 гыйнвар, «Татар-информ»). 2021 елда доллар курсы — 70-80 сум, ә евро 82-92 сум чикләрендә булачак. Бу хакта РИА Новости хәбәр итә. «Ел ахырына рубль, тышкы дөнья базарларындагы уңай яңалыклар белән бәйле рәвештә, доллар һәм еврога карата  акрынлап ныгыды, - дип белдерде „Русский Стандарт“ банкының финанс базарларындагы операцияләр департаменты директоры Максим Тимошенко. - Безнең фараз буенча, 2021 елда сәүдә диапазоннарында АКШ доллары -70-80 сум, ә евро-82-92 сум тирәсендә тирбәләчәк». Читать дальше...

(Казан, 10 гыйнвар, «Татар-информ», Полина Шевчук). Татарстанда М7 трассасында күз күреме начар булу сәбәпле 15 автомобиль юл-транспорт һәлакәтнә эләккән. Бу хакта «Татар-информ»га Татарстан Эчке эшләр министрлыгының матбугат хезмәтендә сөйләделәр. Кыска вакыт эчендә берьюлы 15 автомобиль катнашындагы җиде юл-транспорт һәлакәте М7 автоюлының 916нчы чакрымында булган. Көндезге сәгать икенче яртыларда йөк машинасы йөртүчесе куркынычсыз дистанцияне сайламаган һәм «Фольксваген»га бәрелгән. Шуннан соң фура тагын берничә машинага килеп бәрелгән. Читать дальше...

(Казан, 10 гыйнвар, «Татар-информ»). Хәзерге вакытта банк, медицина һәм башка хезмәтләр рекламаларыннан арынуның бер генә ысулы бар - мондый номерларны блокировкалау чараларын куллану. Әмма хәзер «Реклама турында»гы законга төзәтмәләр проекты эшләнә, ул кулланучылар мөмкинлекләрен киңәйтә. Бу хакта Sputnik радиосы хәбәр итә. «Техник планда мин тәкъдим итә алган бердәнбер нәрсә - „кара“ номерлар, „кара“ электрон адреслар исемлеген булдыру буенча смартфон функциясен куллану. Әлегә рекламачыларның телефоннарын... Читать дальше...

(Казан, 10 гыйнвар, «Татар-информ»). Россия автоузышчысы Анастасия Нифонтова бу көннәрдә Согуд Гарәбстаны чүлләрендә уза торган быелгы «Дакар» раллиенда катнашу бәясе турында сөйләде. «„Дакар“ ның старт битендә иң арзанлы вариант — ул механикларсыз һәм командадан башка original by Motul зачетында мотоцикл яки квадроциклларда катнашу. Бу 15700 еврога төшәчәк. Әгәр сез үзегез белән техник автобус аласыз икән - плюс 4500 евро, әгәр ассистанс внедорожнигы булса - плюс 2500 евро. Инде уңайлыклары булган кемперда йокларга теләсәгез - тагын 7000 евро.

(Казан, 10 гыйнвар, «Татар-информ»). Яңа ел бәйрәмнәре тәмамланганнан соң Россиядә коронавирус белән авыручылар саны артырга мөмкин. Бу хакта «Лидер-медицина» медицина үзәгенең баш табибы, педиатр-инфекционист Евгений Тимаковка сылтама белән ТАСС хәбәр итә. Эксперт сүзләренә караганда, авырулар саны Мәскәүдә дә, бөтен Россия буенча да артачак. Әмма башланган вакцинация һәм иммунитетка ия булган катлау булу кискен арту тудырмас дип фаразларга мөмкинлек бирә. «Без Яңа ел бәйрәмнәреннән соң Мәскәүдә генә түгел... Читать дальше...

(Казан, 10 гыйнвар, «Татар-информ»). «Хайваннар белән рәхимсез мөгамәлә» маддәсе буенча җинаять эше Түбән Камада ир-ат этен пычак белән яралаганнан соң кузгатыла. Бу хакта «Татар-информ»га ТР прокурорының өлкән ярдәмчесе Руслан Галиев хәбәр итте. Эшне тикшерү Түбән Кама прокуратурасы контролендә тора. Элегрәк агентлык 7 гыйнварда ир-ат үз этенә, ким дигәндә, 6 тапкыр пычак белән чәнчегәнлеген хәбәр иткән иде. Хуҗа этенең аңа һөҗүм итүен һәм шул рәвешле ул качып китәргә тырышуын аңлата. Әлеге факт буенча полициядә тикшерү оештырылган.

(Казан, 10 гыйнвар, «Татар-информ»). Тәүлек эчендә Чукотка һәм Ненец автоном округларында COVID-19 буенча үсеш күзәтелмәгән. Бу хакта журналистларга коронавирус таралуга каршы көрәш буенча оператив штабка сылтама белән РИА Новости хәбәр итә. «Тәүлек эчендә үсеш темплары иң аз булган субъектлардан Ненец автономияле округы, Чукотка автономияле округы –аларда 0 процент үсеш. Аннан Тыва Республикасы - 0,1 процент. Еврей автономияле өлкәсендә 0,3 процент үсеш күзәтелә», - диелә хәбәрдә.

(Казан, 10 гыйнвар, «Татар-информ»). Узган тәүлек эчендә тагын 91 татарстанлы коронавирус инфекциясе йоктырган. Биш очрак читтән кертелгән, 86 очрак элемтә юлы белән йоктырылган. Бу хакта ТР Сәламәтлек саклау министрлыгының матбугат хезмәте хәбәр итә. «31 кеше хастаханәгә салынган, 60 кеше өйдә дәвалана», — диелә Татарстан ведомствосы хәбәрендә. Тәүлек эчендә зарарланган кешеләрнең күбесе 30-50 яшьлек татарстанлылар арасында ачыкланган – алар 35 кеше. Авыручылар саны буенча икенче урында — 50дән 60 яшькә кадәрле категория ... Читать дальше...

(Казан, 10 гыйнвар, «Татар-информ»). Башкортстан Республикасы Дәүләт академия рус драма театрының сәнгать җитәкчесе Михаил Рабинович вафат. Бу хакта Камал театры матбугат хезмәте хәбәр итә. «Галиәсгар Камал исемендәге Татар дәүләт Академия театры коллективы якыннарының, туганнарының тирән кайгысын уртаклаша. Ходай Сезгә тирән хәсрәтегезне күтәрә алырдай көч, сабырлык бирсен! Җаны тыныч, урыны җәннәттә булсын», диелгән театр хәбәрендә. Михаил Исакович Рабинович 1940 елның 23 августында Уфада туган. Читать дальше...

(Казан, 10 гыйнвар, «Татар-информ»). Бүген Казан паркларында һәм скверларында 2021 елгы яңа ел программасының соңгы көне уза. Шәһәр халкын һәм кунакларны төрле спорт һәм күңел ачу чараларына чакыралар. Бу хакта Татарстан башкаласы мэриясенең матбугат хезмәте хәбәр итә. Көн уртасында Дәрвишләр бистәсендәге Тынычлык урамындагы паркта «Күңелле стартлар» башлана. Шулай ук 12.00 сәгатьтә Дәрвишләр паркында чаңгыда шуу буенча мастер-класс узачак. Бәйрәм программасының соңгы чарасы 18.00 сәгатьтә була.... Читать дальше...

(Казан, 10 гыйнвар, «Татар-информ»). Авиация өлкәсендә эксперт, «АвиаПорт» агентлыгы башкарма директоры Олег Пантелеев фикеренчә, 2021 елның февраль–март айларында авиабилетларга бәяләр түбән булачак, әмма апрельдән алар тиз арада артачак. Бу хакта РИА Новости хәбәр итә. «Гомумән алганда, бәяләр инде башка төшә алмый дип уйлыйм… Арзанрак — инде бушлай булса гына дигәндәй. Гомумән алганда, бүгенге көндә бәяләр дәрәҗәсе авиапассажирлар ташуның рентабельлеген тәэмин итми, димәк, авиакомпанияләр чыгымнарны... Читать дальше...

(Казан, 10 гыйнвар, «Татар-информ»). Татарстанда буран аркасында автобуслар хәрәкәте вакытлыча чикләнә. Бу хакта «Татар-информ»га республика Дәүләт автоинспекциясендә сөйләделәр. Һава шартлары начарлану сәбәпле, бүген иртәнге сәгать уннан республиканың төп автомагистральләре буенча шәһәрара автобуслар хәрәкәте вакытлыча чикләнә. «Волго-Вятскуправтодор» агентлыгына сөйләүләренчә, 10.00 сәгатьтән 17.00 сәгатькә кадәр Казахстан чигендә Казан — Оренбург — Акбулак автомобиль юлы; М7 юлында Мәскәү — Владимир ... Читать дальше...

(Казан, 10 гыйнвар, «Татар-информ», Полина Шевчук). Казанда каршеринг баганага бәрелгән, машина йөртүче юл-транспорт һәлакәте урыныннан качып киткән. Һәлакәт урыныннан видеоязмаларны кулланучылар социаль челтәрләрдә урнаштырган. Видео авторы сүзләренә караганда, һәлакәт Ершов урамында «Корстон» сәүдә-күңел ачу үзәге янында булган. Машина йөртүче борылышка кергәндә баганага бәрелгән. Әмма ЮХИДИ инспекторларын көтеп тормаган һәм арендага алган ватылган «Яндекс.Драйв» автомобилен ташлап киткән.

(Казан, 10 гыйнвар, «Татар-информ»). Татарстанга көчле салкыннар киләчәк. Бу ТР Гидрометеорология үзәге тарафыннан таратылган фараздан күренә. Дүшәмбе көнне, 11 гыйнварда, көньяк циклон көнчыгышка киткәннән соң, республикада суыта башлый. Һава шартларының үзгәрүенә төньяктан һава агымнары сәбәп булачак, дип искәртә метеорологлар. Һава температурасы төнлә дә, көндез дә -12дән алып -17 градуска кадәр булачак. Төнлә һәм иртәнге сәгатьләрдә аязганда, шулай ук төбәкнең көнбатыш өлешендә термометр баганалары 22 градуска кадәр салкынны күрсәтәчәк.

(Казан, 10 гыйнвар, «Татар-информ»). Россиядә түләүле автомобиль юлы буйлап йөргәндә түләмәгән өчен штрафлар керткән федераль закон үз көченә керде. Бу хакта РИА Новости хәбәр итә. Закон проекты хокукый мәгълүмат рәсми интернет-порталында басылып чыкты. Документ Административ хокук бозулар турында Россия Федерациясе кодексының «Түләүле автомобиль юлларыннан, автомобиль юлларының түләүле участокларыннан транспорт чараларында йөргәнгә түләүне үтәмәгән өчен» яңа12.21.4 маддәсе белән тулыландырыла. Мондый... Читать дальше...