Новости за 13.01.2021

(Казан, 13 гыйнвар, «Татар-информ», Гадел Әхмәтҗанов). Салкында өшегәндә спиртлы эчемлекләр куллануның файдасы юк. Болай эшләү, киресенчә, хәлне катлауландырырга мөмкин. Бу турыда «Татар-информ» мәгълүмат агентлыгында узган матбугат очрашуында Казанның 7нче номерлы хастаханә хирургы Вячеслав Филиппов хәбәр итте. «Алкоголь кан тамырларын киңәйтә, шуңа күрә кеше үзен җылынган кебек хис итә. Әмма киңәйгән кан тамырлары тәндәге җылылыкны күбрәк сарыф итә. Спиртлы эчемлекләр кулланган кеше урамда тизрәк туңа башлый. Читать дальше...

(Казан, 13 гыйнвар, «Татар-информ», Эвелина Киселёва). Алексеевск районында салкында өшегән баланың дүрт яшьлек апасын да Республика балалар клиник хастаханәсенә алып киләләр. Биредә табиблар өшегән малайны коткара. Бу турыда «Татар-информ» агентлыгына клиника матбугат хезмәтендә хәбәр иттеләр. «Икенче баланың хәле тотрыклы», — дип ачыклык керттеләр Республика балалар клиник хастаханәсендә. Аңа кадәр кыз бала Алексеевск үзәк район хастаханәсендә иде. Кызның бармакларына зыян килгән, хәле уртача авырлыкта. Читать дальше...

(Казан, 13 гыйнвар, «Татар-информ»). Башкортстан Башлыгының Башкортстан Республикасы дәүләт телләрен һәм Башкортстан халыкларының телләрен саклау һем үстерүгә грантлар бирү конкурсы йомгаклары игълан ителде. Җиңүче проектлар арасында татар телендәге «Салават күпере» курчак театры, «СәламPRO» мультимедиа һәм интерактив мобиль кушымтасы, «Республика» блог-туры һәм башка проектлар бар. Бу хакта «Башинформ» хәбәр итә. Башкортстан Республикасы гражданнар җәмгыятенә ярдәм фонды мәгълүматлары буенча, конкурста 38 оешма җиңүче дип табылган. Читать дальше...

(Казан, 13 гыйнвар, «Татар-информ», Гадел Әхмәтҗанов). Шикәр авыруы белән чирләүче ир-ат Татарстан елгасында балык тотканда үзенең өшегәнен сизми калган. Бу турыда «Татар-информ»да узган матбугат конференциясендә Республика клиник хастаханәсенең үлек хирургиясе бүлеге табибы Айрат Ахунҗанов сөйләде. «Быел кышын салкында тәне өшегән бер пациент безнең стационарда ята инде. Хирургия дәвалавы уза, әле кичә генә аңа аутодермопластика ясадылар, аның тән тиресендәге деффектларны төзәтү белән шөгыльләнәнәләр. Читать дальше...

(Казан, 13 гыйнвар, «Татар-информ», Гадел Әхмәтҗанов). Тәннең салкында өшегән урынын кар белән ышку катгый тыела. Бу хакта «Татар-информ»да узган матбугат конференциясендә Казанның 7нче номерлы хастаханә хирургы Вячеслав Филиппов хәбәр итте. «Беренче эш итеп өшегән урынга 5 сантиметр калынлыктагы медицина мамыгын 12 сәгатькә бәйләп куярга кирәк. Мамык булмаса, башка җылы тукыма белән дә бәйләргә була. Өшегән урынга кар ышку катгый тыела», — диде ул. Вячеслав Филиппов сүзләренчә, өшегән кешегә вакытында ярдәм күрсәтелмәсә, ул үләргә мөмкин. Читать дальше...

(Казан, 13 гыйнвар, «Татар-информ», Гөлүзә Ибраһимова). Болгар ислам академиясенең ректоры Данияр Абдрахманов вазифасыннан китә. Бу хәбәрне академия ректорының референты Гөлнара Богданова раслады. «Безнең ректор алмашыначак. Яңа ректорның кем булачагы әле билгеле түгел. Әлегә Айнур Әхәтович Тимерханов вазифаларны башкаручы булып тора. Ул фән буенча проректор булып эшли иде», — дип сөйләде Гөлнара Богданова. Ул ректорның китүенең сәбәпләре билгесез булуны, аның үз теләге белән китүен әйтте. ... Читать дальше...

(Казан, 13 гыйнвар, «Татар-информ», Эвелина Киселёва). Татарстанда бер яшьлек сабый бик нык өшегән. Бу хакта «Татар-информ» мәгълүмат агентлыгында узган матбугат конференциясендә Республика балалар клиник хастаханәсенең 2нче балалар хирургия бүлеге табибы Владимир Линьков сөйләде. «Хәзер Республика балалар клиник хастаханәсенә безнең бригада бик авыр хәлдәге баланы алып килә», - диде табиб. Өшегән сабыйның дүрт яшьлек апасы Алексеевск үзәк хастаханәсендә, аның бармакларына зыян килгән. Табиблар аның хәлен уртача авырлыкта дип бәяли. Читать дальше...

(Казан, 13 гыйнвар, «Татар-информ»). Чечня Республикасы Башлыгы Рамзан Кадыров «Чечен теленең төп орфографик кагыйдәләре җыентыгын раслау турында»гы указны имзалаган. Документ чечен халкының милли телен саклап калу һәм үстерү максатларында кабул ителгән. Бу хакта Чечня Республикасы Мәгариф һәм фән министрлыгы матбугат хезмәте хәбәр итә. Чечен теленең төп орфографик кагыйдәләрен аерым китап итеп чыгарганнар. Авторлар фикеренчә, әлеге җыентык телне өйрәнгәндә бердәм таләпләр булдырырга мөмкинлек бирәчәк. Читать дальше...

(Казан, 13 гыйнвар, «Татар-информ», Эвелина Киселёва). Татарстанда Covid-19 коронавирусы белән катлаулы формада авыручылар саны артмаган. Бу хакта «Татар-информ» мәгълүмат агентлыгында узган матбугат конференциясендә ТР сәламәтлек саклау министры урынбасары Владимир Жаворонков сөйләде. «Авыр формада авыручылар саны артмады. Яшь структурасы элеккечә кала», - дип искәртте спикер. Жаворонков Covid-19 авыруы белән чирләүчеләр санының 5 процентын балалар тәшкил итүен әйтте. Бу күрсәткеч шулай ук үзгәрмәгән. Читать дальше...

(Казан, 13 гыйнвар, «Татар-информ», Наталья Рыбакова). Иртәгә, 14 гыйнварда, быел икенче тапкыр көчле кар явачак.  Тәүлек эчендә 12 мм явым-төшем булуы көтелә. Бу хакта «Татар-информ» мәгълүмат агентлыгында КФУның метеорология, климатология һәм атмосфера экологиясе кафедрасы мөдире профессор һәм география фәннәре докторы Юрий Переведенцев сөйләде. «Алдагы ике тәүлектә һава шартларының җитди үзгәрүе көтелә. Атмосфера фронтында көньяк циклон чыгу сәбәпле, температураның сизелерлек күтәрелүе һәм шактый явым-төшем булуы ихтимал. Читать дальше...

(Казан, 13 гыйнвар, «Татар-информ», Гадел Әхмәтҗанов). Татарстанда Яңа ел ялларында чыккан янгыннарның төп сәбәбе — тәмәке тартканда саксызлык. Бу хакта «Татар-информ» хәбәрчесенә Россия Гадәттән тыш хәлләр министрлыгының Татарстан буенча Баш идарәсенең матбугат хезмәте җитәкчесе Андрей Родыгин хәбәр итте. «Кешеләр үлеменә китергән янгыннарның төп сәбәбе — тәмәке тартканда куркынычсызлык чараларын үтәмәү. Моннан тыш Яңа ел бәйрәмнәрендә чыккан янгыннар ут белән саксыз эш итү, җылыту мичләренең һәм төтен торбаларының төзек булмавы... Читать дальше...

(Казан, 13 гыйнвар, «Татар-информ», Гадел Әхмәтҗанов). Татарстанда Яңа ел ялларында чыккан янгыннарда 14 кеше һәлак булган. Бу узган елның шул ук чоры белән чагыштырганда, 5 кешегә күбрәк. «Татар-информ» хәбәрчесенә Россия Гадәттән тыш хәлләр министрлыгының Татарстан буенча идарәсенең матбугат хезмәте җитәкчесе Андрей Родыгин шул хакта хәбәр итте. «1-10 гыйнвар көннәрендә Татарстанда барлыгы 111 янгын чыкты. Аларда 5 кеше зыян күрде, егермесе коткарылды, 14 кеше үлде. Узган елның шул ук чорында 103 янгын очрагы теркәлде... Читать дальше...

(Казан, 13 гыйнвар, «Татар-информ», Эвелина Киселёва). Татарстанда тәүлек эчендә Covid-19 коронавирусы белән зарарлануның 87 яңа очрагы теркәлгән. Бу хакта «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина сөйләде. «Узган тәүлектә республикада яңа коронавирус инфекциясенең 87 очрагы теркәлгән. Шулай итеп, арту буенча — 14 449 очрак», — дип хәбәр итте спикер. Читать дальше...

(Казан, 13 гыйнвар, «Татар-информ», Эвелина Киселёва). Уку елы башыннан Татарстанда 87 студент, 90 укучы һәм 163 укытучыда Covid-19 коронавирусы ачыкланган. Бу хакта «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе   җитәкчесе урынбасары Любовь Авдонина сөйләде. «Беренче сентябрьдән 90 укучы, 87 студент, 163 педагог авырып китте. Чыганакларның гомуми саны 340 булды. Читать дальше...

(Казан, 13 гыйнвар, «Татар-информ»). Британия коронавирус штаммы йоктырганда балаларда арыганлык һәм баш авыртуы барлыкка килә - авыруларның яртысында шундый симптомнар күзәтелә. Бу хакта Express чыганагына сылтама белән РИА Новости хәбәр итә. Балаларның күбесендә үзләренә бикләнүләре күзәтелә, сабыйларда елау өянәге барлыкка килергә мөмкин. Шулай ук ковидның яңа төре белән авырган балаларның яртысында температура 37 градустан югарырак күтәрелә, тамак авырта. Яшь пациентларның 35 процентында аппетит югалган... Читать дальше...

(Казан, 13 гыйнвар, «Татар-информ»). Америка табибы һәм йогышлы авырулар өлкәсендә белгеч Джошуа Шаффцин коронавирусны дәвалаганда кулланырга ярамаган даруларны атады. Бу хакта ТАСС хәбәр итә. Мәсәлән, медицина фәннәре докторы, Covid-19 симптомнарын бетерү өчен диарейга каршы препаратларны урынлы кулланмауны әйтә. Аның сүзләренчә, косу һәм диарея ашказаны-эчәк трактыннан бактерияләрне чыгару процессында булуны аңлата, ә тыкшынганда бу инфекцияне тулысынча чыгаруда тиешле нәтиҗәгә китерми. Шаффцин билгеләп үткәнчә... Читать дальше...

(Казан, 13 гыйнвар, «Татар-информ»). Татарстан Президенты Аппараты җитәкчесе Әсгать Сәфәров республика журналистларын Россия матбугаты көне белән котлады. «Татмедиа» республика матбугат һәм массакүләм коммуникацияләр агентлыгы җитәкчесе Айдар Сәлимгәрәевка юлланган телеграммада Әсгать Сәфәров массакүләм матбугат чаралары хезмәткәрләренә «һәрвакыт илһамланып эшләүләрен, яңа кызыклы проектлар, барлык башлангычларда уңышлар» теләде. ТР Президенты Аппараты җитәкчесе Татарстанның күп гасырлык журналистлык традицияләре... Читать дальше...

(Казан, 13 гыйнвар, «Татар-информ»). Татарстан халкы социаль челтәрләрдә термометрда -40 градус билгесе торган фотолар куя. Бүген иртән республика халкы, кискен салкынаюга гаҗәпләнеп, социаль челтәрләрдә 40 градуска кадәр суык күрсәткән термометр фотоларын урнаштыра башлады. Күп кенә машина йөртүчеләр эшкә барганда шулай ук үз машиналарындагы термометр мәгълүматлары белән уртаклашырга булган.

(Казан, 13 гыйнвар, «Татар-информ»). Татарстан Дәүләт Советы Рәисе Фәрит Мөхәммәтшин татарстанлыларны Россия матбугаты көне белән котлады. Котлау мөрәҗәгате ТР Дәүләт Советы матбугат хезмәте порталында урнаштырылган. «Хөрмәтле массакүләм мәгълүмат чаралары хезмәткәрләре, журналистлар һәм редакторлар, нәширләр һәм полиграфистлар, ветераннар һәм яшь каләм тибрәтүчеләр! Сезне чын күңелдән һөнәри бәйрәмегез — Россия матбугаты көне белән котлыйм! Кызыксыну, эзләнү һәм чын мәгънәсендә граждан булуның нык традицияләре... Читать дальше...

(Казан, 13 гыйнвар, «Татар-информ»). Күп функцияле үзәкләрнең Казан офислары февраль аеннан хезмәткәрләрне закон яңалыкларына өйрәтү сәбәпле айга бер тапкыр эшләмәячәк. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә. «Без Күп функцияле үзәкләрдә хезмәтләр саны даими артуга бәйле рәвештә хезмәткәрләрне укыту рәвешләрен һәм срокларын яңадан карарга мәҗбүр. Быел гына да алар 51гә арткан. Күп функцияле... Читать дальше...

(Казан, 13 гыйнвар, «Татар-информ»). Яңа ел чыршысының яшәү вакыты якынча ике атна тәшкил итә һәм Иске Яңа елга тәмамлана. Бу хакта «Тормыш киңлеге экологиясе» лабораториясе директоры Антон Ястребцев Sputnik радиосына биргән интервьюсында сөйләде. Ястребцев гадәттә бу датага агач матурлыгын югалта башлаганлыгын әйтте. «Мин ике атнадан артык өйдә тотмас идем. Ике атнадан соң ниндидер күгәрек барлыкка килергә мөмкин», - диде эксперт. Ул җылыту сезоны вакытында фатирларда һава бик коры, шуңа күрә күгәрек тиз үсмәскә яки бөтенләй булмаска мөмкин... Читать дальше...

(Казан, 13 гыйнвар, «Татар-информ», «Шәһри Казан» ). Алкоголь һәм сигаретка акцизлар күтәрелә. Папирос һәм сигаретның бер мең данәсенә 2359 сумга, вейп һәм электрон сигаретның бер данәсенә 60 сумга кадәр арта. Финанс министрлыгы бәяләмәсе буенча, бер кап тәмәке 20 сумга артачак. Алкогольгә акциз 4 процентка күтәрелер дип көтелә. Бөтен спиртлы эчемлекләр «Гознак» махсус маркасы белән сатылачак. Ә документлар алмашы цифрлы булачак. Хезмәт министрлыгы хатын-кызлар өчен тыелган һөнәрләр исемлеген кыскарткан. Читать дальше...

(Азнакай, 13 гыйнвар, «Татар-информ», «Маяк», Резедә Шәрипова). Азнакай районының Мәлбагыш, Актүбә 2нче урта мәктәпләрендә «Татнефть» җәмгыяте ярдәмендә ачылган биология кабинетлары эшли башлады. Бу турыда район басмасы хәбәр итә. Алар микроклонлаштырган биоматериалдан үсентеләр үстерү өчен заманча җиһазлар белән тәэмин ителгән. Җиңү бистәсе мәктәбендә дә шундый лаборатория ачылып, химия-биология укытучылары җиһазлар белән таныштылар һәм беренче тәҗрибәләрен үткәрделәр. Алга таба укучылар биредә фәнни эш белән шөгыльләнәчәк.

(Казан, 12 гыйнвар, «Татар-информ»). 11 гыйнвардан Татарстан Республикасы гомуми белем бирү оешмалары укучылары өчен 24 фән буенча бөтенроссия олимпиадасының төбәк этабы старт алды. Бу хакта ТР Мәгариф һәм фән министрлыгы хәбәр итә. Һәрбер фәннән ярышлар Россия Федерациясенең барлык төбәкләрендә бердәм биремнәр буенча узачак, Анда муниципаль этапта кирәкле күләмдә баллар җыйган, шулай ук 2019-2020 уку елының төбәк этабында җиңүче һәм призёр булган 9-11нче сыйныф укучылары катнашачак. 11-14 гыйнварда француз теле буенча олимпиада узачак. Читать дальше...

(Казан, 13 гыйнвар, «Татар-информ»). Татарстан мөфтие Камил хәзрәт Сәмигуллин Нәзарәттә Иваново өлкәсе мөселманнары Диния нәзарәте рәисе, әлеге төбәкнең татар милли-мәдәни автономиясе рәисе Фәрит хәзрәт Ляпин белән очрашты. Бу хакта нәзарәтнең матбугат хезмәте хәбәр итә. Иң беренче чиратта күренекле дин эшлеклесе Камил хәзрәт җитәкчелегендә әзерләп бастырылган «Кәлам Шәриф. Мәгънәви тәрҗемә» басмасының презентациясен Ивоновода үткәрелгәне һәм аны халыкка бушлай тарату мөмкинлеге тудырылганы өчен тирән рәхмәтләрен белдерде... Читать дальше...