Новости за 02.10.2020

ارمنستان د ډله‌ییز امنیتي تړون له سازمانه د افغانستان د ایستلو غوښتنه وکړه.  د ارمنستان د پارلمان رئيس ارارات میرزویان پرون (پنجشنبه) دا غوښتنه وروسته له دې وکړه چې د افغانستان دولت د نګورنو قره‌باغ په لانجه کې د اذربایجان ملاتړ وکړ.  د افغانستان د بهرنیو چارو وزارت د میزان په اوومه په نګورنو قره‌باغ کې پر جګړې اندېښنه څرګنده کړې وه او د دې سیمې د غضب د پای ته رسېدا غوښتنه‌یې کړې وه.   د ارمنستان د پارلمان ملي جرګې د ډله‌ییز امنیتي تړون له سازمانه رسماً غوښتنه کړې چې د اذربایجان د ملاتړ د څرګندولو... Читать дальше...

په کابل کې د فوټبال غوره لیګ د سیالیو په دوام نن سپین غر بازان او اباسین څپې له یو بل سره مخامخ کېږي.   پرون ماښام د هندوکش عقابان او شاهین اسمايي یو پر یو مساوي شول.  په دې سیالیو کې ۸ لوبډلې برخه لري.

د فراه ولایت د فراه رود ولسوالۍ اوسېدونکي شکایت کوي چې وسله‌والو طالبانو پرې لارې بندې کړې دي.  له فراه څخه د ازادي راډیو د خبریال له راپور سره سم، طالبانو له دوو اوونیو راهیسې د فراه رود لاره بنده کړې چې له کبله‌یې په دې ولسوالۍ کې د اړتیا وړ شیانو بیې لوړې شوې دي.  د فراه د امنیه قوماندانۍ ویاند محب‌الله محب ازادي راډیو ته وویل چې امنیتي ځواکونه هڅه کوي چې د فراه رود ولسوالۍ لاره خلاصه کړي.  طالبانو تر اوسه په دې اړه څه نه‌دي ویلي.

دوه فرانسوي خبریالان چې د فرانسې د لیموند ورځپاڼې لپاره‌یې کار کاوه، پرون (پنجشنبه) د نګورنو قره‌باغ په لانجمنه سیمه کې سخت ژوبل شول.  د فرانسې ولسمشر امانوئل مکرون وویل، د هېواد د بهرنیو چارو وزارت‌یې هڅه کوي هر څومره ژر چې ممکنه وي دا دوه ټپي ژورنالېستان خپل هېواد ته ورولي.  په همدې حال کې د نګورنو قره‌باغ سیمې د بهرنیو چارو وزیر وویل چې د دواړو ژورنالېستانو حالت نازک دی، د سیمې د ډاکترانو له لوري یې جراحي عملیات شوي او د ارمنستان پلازمېنې ایروان ته به ولېږدول شي.  پرون د جګړې په پنځمه ورځ هم د دواړو خواوو ترمنځ سختې نښتې روانې وې.

د افغانستان لوی درستیز او د غوڅ ملاتړ مأموریت عمومي قوماندان د افغانستان د شمالي ولایتونو د وضعیت د ارزولو لپاره پرون فاریاب ته لاړل. ستر جنرال محمد یاسین ضیا او جنرال سکاټ مېلر په فاریاب کې د شمالي ولایتونو پر امینتي وضعیت د غور ترڅنګ پر نویو امنیتي پلانونو خبرې وکړې. لوی درستیز ستر جنرال ضیا وویل، سره له دې چې په دوحه کې د سولې لپاره هلې ځلې روانې دي، خو طالبان لا هم په افغانستان کې تاوتریخوالو ته دوام ورکوي. د ناټو د غوڅ ملاتړ مأموریت قوماندان جنرال مېلر وویل، که څه هم افغان امنیتي او دفاعي... Читать дальше...

د امریکا متحده ایالاتو ولسمشر ډونالد ټرمپ وايي، په کرونا ویروس د یوې نږدې همکارې تر اخته کېدو وروسته د «قرنطین لړۍ» پیلوي. هوپ هیکس چې دا اوونۍ له ولسمشر ټرمپ سره په څو سفرونو کې ملګرې وه، پرون‌یې د معایناتو نتیجه مثبته وه. ولسمشر ټرمپ په ټویټر کې لیکلي چې هوپ هیکس په شدت، له خنډ او ځنډ پرته کار کړی او دا ډاروونکې ده چې د 'کووېډ-۱۹' ناروغۍ د معایناتو نتیجه‌یې مثبته وه. ولسمشر ټرمپ لیکلي چې دی او لومړۍ مېرمن ملانیا ټرمپ هم د خپلو معایناتو نتیجې ته په تمه دي او د ځانونو د قرنطین پروسه به پیل کړي. Читать дальше...

په داسې حال کې چې د عراق حکومت له خپلې خاورې د امریکا د وتلو د احتمال په اړه اندېښنه ښکاره کړه، واشنګټن خبرداری ورکړ چې د ایران پلوه ملېشو له لوري د امریکا پر ګټو حملې به ونه‌زغمي. د نږدې ختیځ د چارو لپاره د امریکا د بهرنیو چارو وزارت مرستیال ډېوېډ شینکر پرون (پنجشنبه) په واشنګټن کې خبریالانو ته وویل، خپلو خلکو ته چې له هېواده دباندې خدمت کوي، ګواښ نه‌شي زغملی.  ښاغلي شینکر د امریکا د متحده ایالاتو د دې خبرداري په اړه څه ونه‌ویل چې خپل پوځیان به له عراقه وباسي او په بغداد کې به خپل سفارت بند کړي، مګر دا چې پر هغو بریدونه ودرول شي. Читать дальше...

د افغانستان سولې لپاره د امریکا ځانګړی استازی زلمی خلیلزاد په دوحه کې دی چېرې چې د افغانستان د دولت او طالبانو مرکچي پلاوي د سولې د خبرو لپاره غونډې کوي.  خلیلزاد وروسته له دې قطر ته لاړ چې د درېیو اوونیو له تېرېدو وروسته هم د افغانستان د دولت او طالبانو د مرکچي پلاوو د تماس ډلې د رسمي خبرو لپاره د اجنډا او کړنلارې پر سر جوړ نه‌دي راغلي.  د افغانستان د ملي مصالحې عالي شورا مرستیال عزیزالله دین محمد د دې خنډ د پای ته رسېدو لپاره پر دواړو خواوو غږ وکړ چې په دې نیت دې خبرې نه‌کوي چې د یو بل دښمنان دي. Читать дальше...

د اکټوبر دوهمه د عدم تشدد نړیواله ورځ، دا ورځ په ۱۸۶۹ کال کې د هند د خپلواکۍ خوځښت رهبر مهاتما ګاندي د زېږېدو د نېټې په مناسبت نومول شوې ده. د ملګرو ملتونو عمومي مجمعې په ۲۰۰۷ کال د جون په ۱۵مه د اکټوبر دوهمه د عدم تشدد د نړیوالې ورځې په نوم ونوموله. ګاندي پرته له تاوتریخوالي په اوږدې مبارزې وکولای شول چې په ۱۹۴۷ کال کې د هند خپلواکۍ خوځښت د بریتانیا په وړاندې بریالیتوب ته ورسوي. په دې نوم د دې ورځې د نومولو هدف د سولې فرهنګ دودول او له تاوتریخوالي څخه پرهېز او تفاهم دی. ټینګار پر دې دی... Читать дальше...