Новости за 11.10.2020

Бир сутка ичинде Кыргызстанда 22 медициналык кызматкер коронавирус жугузуп алганы аныкталды. Коронавируска каршы күрөшүү боюнча ыкчам штабдын 11-октябрдагы маалыматына караганда, илдетке чалдыккан кызматкерлердин сегизи Ош облусунда, алтоо Ош шаарында, төртөө Баткен, дагы төртөө Жалал-Абад облусунда. Ал эми бир суткада стационардан бир, үй карантинден үч медкызматкер айыгып чыкканы кабарланды. Кыргызстанда COVID-19 диагнозу башталган март айынан бери вирус жугузган медициналык кызматкерлер 3415ке жетти. Читать дальше...

“Адилет” укук клиникасынын директору, укук коргоочу Чолпон Жакупова 10-октябрдын түнүндө борбордук аянтта айрым саясатчылардын тарапташтары түн оокумга чейин салют, абага курал атып, бийлеп майрамдаганын өзгөчө абалды одоно бузуу экенин, ошол эле шаардын тургундары сыртка чыга албай олтурганын адиледсиздик деп баалады: “Депутаттар бардык маселенин мыйзамдуу жагын абдан жакшы түшүнөт. Баары эле аларды чала сабат деп жатпайбы, жок, алар түзүлгөн кырдаалга сонун эле баа бере алышат. Эмнеге алар кечээ... Читать дальше...

Америкалык Хоакин Бакли аралаш мушташ өнөрү боюнча 15 таймаш өткөргөн. Ал 13 жолу жеңишке жетип, эки жолу жеңилүү ызасын тарткан.

Улуттук коопсуздук комитетинин маалыматына караганда, "Электр станциялары" ачык акционердик коомунун мурдагы башкы директору Салайдин Авазов 11-октябрда ыкчам издөө иштеринин негизинде кармалды.  Атайын кызматтын билдирүүсүндө 6-октябрга караган түнү камактан мыйзамсыз бошотулган Авазов Жаза аткаруу кызматына караштуу  абакка жеткириле турганы, ошол жерде жазасын өтөөнү улантары айтылган.  Анын кайсы жерден кармалганы такталган эмес.  Салайдин Авазов Бишкек Жылуулук электр борборундагы коррупцияга байланыштуу соттолгондордун бири. Читать дальше...

Коронавируска каршы республикалык ыкчам штаб элди сак болууга чакырып, бул вирустан жана пневмониядан каза болгондор боюнча көрсөткүч оорлой баштаганын билдирди. Бишкек шаарынын тургуну Раушан Айткулова "Фейсбуктагы" баракчасына таанышы пневмониядан бир күн мурун каза болгонун жазды. Айткулова маркумдун жолдошу да өпкөсү кагынып ооруканада жатканын айтты: «Апамдын курбусу өпкөсү кагынып көз жумду. Ушунчалык ачык адам эле. Анын жолдошу азыр илдет менен күрөшүп жатат. Эжебиз күйөөсүн ооруканада карап жаткан эле. Читать дальше...

Коронавируска каршы күрөшүү боюнча республикалык штабдын 11-октябрдагы маалыматына караганда, COVID-19 жугузуп алгандар кескин көбөйүп жатат. Акыркы суткада вирус жугузуп алган дагы үч киши кайтыш болду. Анын экөө Ош, бирөө Баткен облусунда катталды. Кыргызстанда пневмонияны козгой турган коронавирус аныкталган март айынан бери илдеттен кайтыш болгондордун саны Саламаттык сактоо министрлигинин жаңы эсеби боюнча 1085ке жетти. 18-августка чейин вирустан жалпысынан 1498 кишинин өмүрү кыйылганы расмий айтылып жаткан. Читать дальше...

Жогорку Кеңеш 10-октябрдагы чукул отурумунда абактан жаңы чыккан саясатчы Садыр Жапаровду убактылуу өкмөт башчы кылып шайлагандан кийинки алгачкы ойлор. Тарыхчынын блогу.

Бишкекте 10-11-октябрдын түнү тынч өттү. Бишкек комендатурасынын маалыматына караганда, мүлккө зыян келтирүү, талап-тоноо боюнча фактылар болгон жок. Учурда комендатурада "сall-борбор" иштеп жатат. Ал аркылуу жарандардын кайрылуу-даттануулары кабыл алынат. Президент Сооронбай Жээнбеков акыркы кырдаалга байланыштуу 10-октябрдан 21-октябрга чейин өзгөчө абал киргизүү боюнча жарлыкка кол койгон. Анын негизинде комендатура түзүлгөн. Аны ички иштер министринин орун басары Алмазбек Орозалиев жетектей баштаган. Читать дальше...

Жогорку Кеңеш 10-октябрда премьер-министрликке бекиткен Садыр Жапаров кыргызстандыктарга кайрылуу жасады. Өкмөттүн маалымат кызматы тараткан бул кайрылууда: “Баарыңарга мамлекеттеги эң жооптуу кызматты мага ишенгениңер үчүн терең ыраазычылык билдирип, бардык жоопкерчиликти мойнума алганымды билдирем. Ишенимиңерди актап, өлкөбүздү өнүккөн, заманбап, демократиялык өлкөгө айлантуу үчүн болгон күч-аракетимди жумшайм", - деп айтылат. Жапаров ошондой эле коомдогу прогрессивдүү күчтөр биригип, өлкөнү кризистен чыгаруу мезгили келгенин билдирип... Читать дальше...

Пакистандын бийлиги Түштүк Вазиристан аймагында болгон кагылышуудан эки аскер окко учканын маалымдады. Согушкерлер 10-октябрда Мана Мандра аттуу жерде аскерлерге кол салышкан. Төрт аскер жаракат алганы маалым болду. Кол салуу үчүн жоопкерчиликти азырынча бир да куралдуу топ өзүнө ала элек. Бирок буга чейин Пакистандагы талибдердин “Техрике Талибан Пакистан” аттуу тыюу салынган куралдуу тобу бул аймакта чабуул койгон. Вазиристанда талибдердин чабуулу улам-улам кайталанып турат.

11-октябрда Тажикстанда таңкы саат алтыда өлкө боюнча бардык шайлоо тилкелери ачылып, президенттик шайлоо башталды. 29 жылдык эгемендик тарыхында Тажикстанда бешинчи жолу президенттик шайлоо өтүп жатат. Ага негизинен бийликке жакын партиялар катышат. Оппозициялык партиялар шайлоого катыша албайт же катышуудан баш тартышат. Тажикстан Борбордук шайлоо комиссиясынын маалыматына караганда, өлкөдө 4 900 545 адам добуш бере алат. Алардын бир бөлүгү Орусияда жана Казакстанда миграцияда жүрөт. Тажикстандын өзүндө 3 375... Читать дальше...

Саламаттык сактоо министрлигинин маалыматы боюнча 10-октябрга карата үч сутканын ичинде коронавирус 12 адамдын өмүрүн алды. Бул тууралуу Республикалык штаб маалымдады. Кыргыз-түрк "Достук" ооруканасынын дарыгерлеринин айтымында медициналык уюмга күн сайын клиникалык жактан тастыкталган 10-12 бейтап кайрылууда. Учурда медициналык уюмда 69 адам дарыланып жатат. Алардын төртөө жандандыруу бөлүмүндө, оор абалда экенин дарыгерлер билдиришти. “Жарандар өзүнүн жана жакындарынын саламаттыгына болгон жоопкерчиликти унутуп коюшту. Читать дальше...

Улуттук коопсуздук боюнча мамлекеттик комитет саясатчы Равшан Жээнбековду 11-октябрда эртең мененки саат 10:00го күбө катары суракка чакырды. Бул тууралуу саясатчы өзү “Азаттыкка” маалымдады. Ал “массалык башаламандык уюштурду” деп камап коюу ыктымалдыгы бар экенин, бирок “бир да тарапка эч кандай мыйзамсыз иш-аракет жасабаганын” билдирди. Саясатчы ошондой эле 10-октябрда өткөн парламенттин кезексиз отурумундагы өкмөттү дайындоо тууралуу өз пикирин билдирип: “Өкмөт башчыны дайындоо бир тараптуу добуш берүү менен өттү. Читать дальше...

Жарандык көзөмөл комитети президентке, өкмөткө, Жогорку Кеңешке, укук коргоо органдарына кайрылып, оппозициялык лидерлерди камоону токтотууну талап кылды. «Кыргызстан мыйзамсыздыктын сазына батты. Коопсуздук сектору менен анын болгон ресурстары мыйзамды сыйлаган жарандарды, Конституцияны коргоого багытталбай, саясий оппоненттердин ич ара тирешинин куралына айланды. Саясий оппозиция азыр чоң коркунучта. Жарандык көзөмөл комитети оппозиция лидерлерине кол салып, коркутуп, камоолорду токтотууну талап кылат», - деп жазылган кайрылууда. Читать дальше...