Новости за 26.10.2020

Ысык-Көл облусунда ушул тапта күрөш боюнча курама команданын машыгуулары өтүп жатат. Күрөшкө болгон элдин кызыгуусуна эмне себеп? Таласта эмнеге балдарды балбан кылып тарбиялашат? Жеңилүү ызасы, күйөрмандын талабы жана көптөн күткөн алтын медаль “Данисте” берүүсү бул жолу кыргыз эли сүйгөн күрөшкө арналат.

Өкмөт башчы, президенттин милдетин аткаруучу Садыр Жапаров декабрда кызматтарын тапшырып, президенттик шайлоого катышарын жарыялады.

Кыргызстанда коронавируска байланыштуу кырдаал курчуп, соңку бир жумадан бери вирус жуккандардын саны 400дөн түшө элек.

Өзбекстандын 200дөй жараны Орусия менен Казакстандын чек арасында, Астрахан облусунда мекенине өтө албай турушат. Алар чек ара ачык деген туура эмес маалыматты угуп алып жолго чыгышкан. Бирок Казакстан аймагына ал жакта туруктуу жашагандар, жакын туугандары казак жарандары болсо, катуу ооруган жакындарын караганы же өздөрү дарылануу үчүн баратса гана кире алышат. Өзбекстандыктар акчасы түгөнгөнүн, суук түшкөнүн, жергиликтүү тургундар аларга тамак-аш жагынан жардам берип жатышканын айтышууда. Мигранттар машинелерде... Читать дальше...

Жардыруу 25-октябрда өлкөнүн түштүк-батышындагы Белужистан аймагынын борбору Кветта шаарында болду. Бул шаарда ушул күнү оппозициячыл партиялардын тарапкерлери Пакистандын премьер-министри Имран Хандын бийликтен кетишин талап кылып митинг өткөрүп жатышкан. Бул жерден бир нече чакырым алыстыкта жайгашкан базардын жанында мотоциклге орнотулган жардыруучу зат жарылды. Жергиликтүү телеканалдар көрсөткөн тасмада бир нече автоунаа күйүп жатканын көрүүгө болот. Бул жардыруу үчүн жоопкерчиликти өзүнө эч ким ала элек. Читать дальше...

Жогорку Кеңештин депутаты Жанарбек Акаев Бишкек шаарынын мэрлигине талапкерлигин көрсөтүү боюнча маалымат чындыкка жатпайт. Бул тууралуу Акаев «Азаттыкка» билдирди. Анын айтымында, борбор шаардын башчылыгына талапкерлиги көрсөтүлгөнү боюнча такталбаган кабарларды маалымат каражаттарынан окуган. «Мага мэрлик кызматка барууну эч ким сунуш кылган жок жана маалыматтын кайдан чыкканын билбейм. Бишкектин мэрлигине баруу планым жок», - деди Акаев. Буга чейин айрым маалымат каражаттары өкмөттөгү булактарына таянып... Читать дальше...

Кыргызстандагы «Журналисттик иликтөөлөр фонду»  GIJN - Глобалдык иликтөөчү журналисттердин тармагына мүчө болуп кирди. Бул тууралуу «Азаттыкка» фонддун аткаруучу директору Аделя Лаишева маалымат берди.  GIJN - журналисттик иликтөөлөр менен алектенген мекеме-уюмдарды өзүнө камтыган дүйнөдөгү алдыңкы биримдиктердин бири. Учурда ассоциацияга 81 мамлекеттен 203 мекеме мүчө. «Азаттыктын» иликтөөчү журналисти Уланбек Эгизбаевдин жаркын элесине арналган «Журналисттик иликтөөлөр фонду»  2018-жылы 14-сентябрда түптөлгөн. Читать дальше...

Борбордук шайлоо комиссиясынын (БШК) төрайымы Нуржан Шайлдабекованын 26-октябрдагы жыйында билдиргени боюнча, Бишкек шаарынын мэрин шайлоо дайындалбайт. Анткени борбор калаанын макамына байланыштуу шаардык кеңештин жана шаар башчысынын кызмат мөөнөтү жарым жыл калганда түрдүү себептер менен токтотулса, шайлоо дайындалбайт.  «БШКнын юридикалык кызматы тарабынан коомчулукка расмий түшүндүрмө берип коюуну туура көрдүм. Борбор шаардын макамына ылайык, Бишкектин мэри иш мөөнөтү жарым жыл калганда ушундай өзгөрүүлөр болуп жатса... Читать дальше...

26-октябрь күнү тажикстандык жарандар Баткен облусунун Баткен районундагы Үч-Дөбө аймагына бир күн мурун койгон суу түтүктөрүн чыгарып кетишти. Бул тууралуу Мамлекеттик чек ара кызматынын төрагасынын орун басары Абдикарим Алимбаев журналисттерге билдирди: «25-октябрдан бери эки тараптуу сүйлөшүүлөр жүрдү. Биз тажик тараптан кечээ орнотулган суу түтүктөрдү чыгарып, жолду калыбына келтирүүсүн талап кылдык. Бүгүн алар түтүктөрүн чыгарып, жолду калыбына келтиришти». Алимбаевдин маалыматына караганда... Читать дальше...

Борбордук шайлоо комиссиясы (БШК) Бишкектин административдик сотунун 20-декабрга белгиленген парламенттик кайра шайлоону жокко чыгарган токтомуна каршы арызданат.

«Реформа» партиясынын лидери Клара Сооронкулованын маалыматына караганда, 22-октябрда парламент кабыл алган «Кыргызстандын президентин жана Жогорку Кеңештин депутаттарын шайлоо жөнүндө» конституциялык мыйзамдын айрым ченемдерин колдонууну токтото туруу жөнүндө мыйзамга каршы Конституциялык палатага кайрылуу даярдалды. Анын айтымында, бул мыйзам Конституциянын бир нече беренесине дал келбейт. «Мындай болуп кабыл алынган Конституциянын өзү легитимсиз болуп калат. Баркын жоготуп коёт. 52-беренеде так жазылып турат. Читать дальше...

Мурдагы президент Алмазбек Атамбаев Улуттук коопсуздук боюнча мамлекеттик комитеттин (УКМК) тергөө абагынан Бишкектин №1 тергөө абагына которулду. Бул тууралуу 26-октябрда «Азаттыкка» анын адвокаты Замир Жоошев билдирди. Анын айтымында, Атамбаевди бүгүн, 26-октябрда УКМКнын тергөө абагынан которуп, мурда өлүм жазасына кесилген кылмышкерлер кармалуучу жертөлөдөгү камерага отургузушту. Ошондой эле адвокат Жоошев А.Атамбаев ачкачылык акциясын баштаганын, ушундан улам абалы начар экенин билдирди. Маалыматка караганда... Читать дальше...

Көкбөрүчү өзү бул маалыматты тастыктай элек, бирок буга чейин башка командага өтүү боюнча сүйлөшүүлөр жүрүп жатканын Sputnik агенттигине билдирген болчу.

Президенттин милдетин аткарып жаткан Садыр Жапаровдун билдирүүсү юристтердин талкуусуна жем таштады. Мурдагы юстиция министри Алмамбет Шыкмаматовдун «Азаттыкка» билдиргенине караганда мамлекетти башкаруу кайрадан Жогорку Кеңештин төрагасына өтүшү мүмкүн. Ал эми «Адилет» укуктук клиникасынын жетекчиси Чолпон Жакупова  «Vesti.kg» сайтына Садыр Жапаров президенттик шайлоого кетсе өлкөдө укуктук туңгуюк жаралышы мүмкүн экенин айтты. Анын айтымында, мыйзам боюнча президенттин милдетин парламент төрагасы гана аткара алат. Читать дальше...

Армения жана Азербайжан Тоолуу Карабактагы ок атууну токтотуу боюнча жаңы режимдин бузулушу үчүн бири-бирин айыптап жатышат. Буга чейин  26-октябрдан тартып АКШнын арачылыгы менен эки тарап ок атууну токтотууга макул болушкан. Армениянын Коргоо министрлиги жаңы келишим күчүнө киргенден бери Азербайжандын аскерлери эки жолу ок атканын кабарлады. Мындай маалыматты четке каккан Азербайжандын аскердик жетекчилиги болсо, тескерисинче Армения Тертер шаарын аткылаганын билдирди. Өз кезегинде Армениянын... Читать дальше...

«Бүтүн Кыргызстан» партиясынын тарапкерлери бүгүн, 26-октябрда Борбордук шайлоо комиссиясынын (БШК) Бишкектеги кеңсесинин алдында өткөн митингде президенттин милдетин аткарып жаткан премьер-министр Садыр Жапаровго кайрылышты. Алар парламенттик кайра шайлоону 20-декабрга белгилөөнү талап кылышты жана парламенттик шайлоонун мөөнөтүнүн жылышына каршы экенин билдиришти. «120 депутат дагы алты айга мөөнөтүн узартып алышы мыйзамсыз. Булар мыйзамды одоно бузуп, тебеледи. Азыркы парламенттин мөөнөтү 28-октябрда бүтөт. Читать дальше...

Режиссёр Артыкпай Сүйүндүковдун «Шамбала» тасмасы Орусиянын Анапа шаарында өткөн «Киношок» кинофестивалында эки сыйлык алды. Кыргыз кинематографиясын өнүктүрүү фондунун расмий сайтындагы маалыматка караганда, көркөм образды мыкты жеткиргендиги үчүн Шамбаланын ролун аткарган актер Артур Аманалиев калыстар тобунун атайын диплому менен сыйланды, композитор Мурзали Жээнбаевге сыйлык мыкты музыкасы үчүн ыйгарылды. «Киношок» фестивалы быйыл 17-23-октябрь күндөрү өттү. 1992-жылы негизделген фестиваль көрүүчүлөрдү жана сынчыларды Литвада... Читать дальше...

Европанын көпчүлүк өлкөлөрү экинчи толкун менен күрөшүп, чара көрүп жаткан кезде Австралия 26-октябрда жайында илдеттин эпицентри болуп келген Мелбурн шаарында төрт айлык карантин аяктай турганын билдирди. Шейшембиден тартып бардык дүкөндөр жана ресторандар ачылмакчы. 9-ноябрдан тартып шаар тургундары үйлөрүнөн 25 чакырым алыс чыга алышат. Жалпысынан Австралия коронавирусту ооздуктоонун ийгиликтүү үлгүсү катары каралып келатат. 25 миллион адам жашаган өлкөдө вируска 27,5 миң киши чалдыкты, 905 киши көз жумду. Читать дальше...

Беларуста 26-октябрда айрым ири ишканаларда элдик иш таштоо башталды. Анын алдында, жекшембиде оппозиция лидери Светлана Тихановская жарандарды ушундай каршылык акциясын өткөрүүгө чакырган. 25-октябрда Минск баштаган бир катар шаарларда түмөндөгөн адамдар кайрадан нааразылык акциясына чыгышты. Күч түзүмдөрү демонстранттарды кууп таратып, ондогон адамдар камакка алынды. Беларуста 2,5 айдан бери Александр Лукашенконун бийликтен кетишин талап кылган акциялар токтобой жатат. «Элдик ультиматумдун мөөнөтү бүттү. Читать дальше...

Украинанын президенти Владимир Зеленский 25-октябрда өткөн жергиликтүү шайлоолор эркин өткөнүн жана өлкө туура жолдо бара жатканын билдирди. Ал добуш берүү аяктаган соң «Фейсбуктагы» баракчасына жазган билдирүүсүндө Украинада анын айрым коңшуларынан айырмаланып, эркин шайлоо негизги артыкчылык экенин белгиледи. Зеленский шайлоо системасында бир катар маселелер бар экенин моюнга алып, «таза эмес акча жана медиа ресурстар» добуш берүүнүн жыйынтыгына таасир этип жатканын жазды. Бирок украин президенти... Читать дальше...

Жогорку Кеңештин депутаты Акылбек Жапаров акыркы саясий кырдаал, Баш мыйзамга өзгөртүү киргизүү демилгелери, парламенттик шайлоо мөөнөтүн кечеңдетүү ж.б. тууралуу "Азаттыктын" кабарчысы менен маек курду.

Кыргызстанда президенттикке талапкерлерди көрсөтүүнүн мөөнөтү 15-ноябрда бүтөт. Бул тууралуу Борбордук шайлоо комиссиясынын (БШК) жетекчисинин орун басары Абдыжапар Бекматов 26-октябрда президенттик шайлоонун мөөнөтү тууралуу журналисттерге маалымат берип жатып билдирди. Анын айтымында, мыйзам боюнча президенттин ыйгарым укуктары мөөнөтүнөн мурда токтогон учурда парламент бир жума аралыгында жаңы президенттик шайлоонун мөөнөтүн белгилеши керек. Жогорку Кеңеш мөөнөттү бекитпеген шартта президенттик... Читать дальше...

Кыргызстанда президенттик шайлоо 10-январда өтөт жана ага мамлекет башчынын милдетин аткарып жаткан премьер-министр Садыр Жапаров да катышат. Бул тууралуу Жапаровдун 25-октябрда Кочкор районунда жергиликтүү тургундар менен жолугушууда айткан видеосу Интернетте тарады. «10-январда президенттик шайлоо болот. Мен декабрдын башында бүгүнкү кызматымды тапшырып берип, катардагы адам катары катышам. Өтсөм ажо болом, өтпөсөм сиздердин араңыздарда жөнөкөй эле жаран бойдон калам», - деди ал. 16-октябрда... Читать дальше...

27-октябрда Кыргызстандын аймагында жаан-чачын жаабайт. Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 2…7, күндүз 17…22; Талас жергесинде түнкүсүн -2...+3, күндүз 16…21; Ош, Баткен, Жалал-Абад дубандарында ​түнкүсүн 2…7, күндүз 18…23; Ысык-Көл облусунда түнкүсүн -1…+4, күндүз 11…16; Нарын облусунда түнкүсүн -2…-7, күндүз 11…16; Бийик тоолуу аймактарда түнкүсүн -10…-15, күндүз -2…+3 градус болот. Бишкекте жаан-чачын жаабайт. Читать дальше...

Борбордук шайлоо комиссиясынын (БШК) Бишкектеги баш кеңсесинин алдында учурда ондогон кишилер топтолуп, нааразылык акциясын өткөрүп жатышат. Бул тууралуу БШКнын өкүлдөрү «Азаттыкка» маалымдашты. Маалыматка караганда, чогулгандар Конституцияны өзгөртүүгө каршы чыгып, парламенттик шайлоону мыйзам чегинде Боршайком белгилеген убакытта өткөрүүнү талап кылып жатышат. Ошондой эле БШКнын парламенттик жана президенттик шайлоо боюнча чечимдери мыйзамдуу жана туура экенин айтышууда. Акциянын катышуучулары «Конституцияны ордуна кой!»... Читать дальше...