Новости за 19.10.2020

Акыркы эки аптадан бери биринчи жолу бир суткада киши өлүмү катталган жок. Өткөн жума ичинде коронавирус илдети жуккан 25 киши каза болгон. Акыркы күндөрү вирус күнүгө 500гө жакын адамдан чыгып жатат. Мындан улам Бишкектеги күндүзгү стационарлар даярдалып, жугуштуу оорулар ооруканасы карантинге жабылды.

Казакстанда коронавируска чалдыккандар көбөйүп жаткан шартта Алматы шаардык саламаттык сактоо башкармалыгынын башчысы Камалжан Надыров жумуштан алынды. Алматы акимиятынын маалыматы боюнча, Надыров кызматтан кетүүгө өзү арыз жазган. Ал өлкөнүн ири шаарынын башкы дарыгерлигине быйыл июнь айында дайындалган. Ага чейин өлкөнүн саламаттык сактоо министринин орун басары болуп эмгектенип келген. Ал өлкөдө коронавирус жугузгандар көбөйгөн июнь айында жумуштан кеткен саламаттык сактоо министри Елжан Биртановдон соң кызматын алмаштырган. Читать дальше...

Орусиялык оппозициячы Алексей Навальный Орусияга кайтууга даярдык көрүп жатканын, бийликтин опузасынан улам артка чегинбей турганын айтты.

Экономикалык кылмыштарга каршы күрөш боюнча мамлекеттик кызмат (Финансы полициясы) Саламаттык сактоо министрлигинин жетекчилигине жана башка тиешелүү органдардын башчыларына кызмат абалынан пайдалануу фактысы боюнча кылмыш ишин козгоду. Бул тууралуу Финполиция 19-октябрда маалымдады. Финполдун маалыматында: «Тергөө-иликтөө иштерини натыйжасында Саламаттык сактоо министрлиги тарабынан «Газел Соболь» үлгүсүндөгү 10, үч «Форд Транзит» үлгүсүндөгү «Тез жардам» автоунаасын жалпы бир млн. долларга кымбат баада сатып алганы... Читать дальше...

5-6-октябрдагы окуяларда түрмөдөн чыгып кеткен саясатчыларды ичинен Сапар Исаков менен Албек Ибраимов абакка кайта элек. Жаза аткаруу боюнча мамлекеттик кызмат (ЖАМК) бир апта ичинде аларга издөө жарыялай турганын билдирди.

Улуттук коопсуздук боюнча мамлекеттик комитеттин (УКМК) 9-бөлүмүнүн башчысы – УКМКнын төрагасынын орун басары болуп Жумгалбек Шабданбеков дайындалды. Тиешелүү буйрукка президенттин милдетин аткарып жаткан өкмөт башчы Садыр Жапаров бүгүн, 19-октябрда кол койду. УКМКнын төрагалыгына мурдагы өзгөчө кырдаалдар министри, Жогорку Кеңештин мурдагы депутаты, «Ата Журт», «Республика - Ата Журт», «Мекенчил» саясий партияларынын теңтөрагасы, президенттин милдетин аткарып жаткан премьер-министр Садыр Жапаровдун... Читать дальше...

4-октябрдагы шайлоодо бийликчил деп мүнөздөлгөн партияларга байланыштуу каржылык жана укуктук маселе келип чыкты.  «Реформа» партиясы «Конституцияны жана мыйзамдарды бузду» деген негиз менен «Биримдик», «Мекеним Кыргызстан» жана «Кыргызстан» партияларынын ишмердигин токтотууну талап кылууда. Аты аталган партиялар буга макул эмес. Ал арада «Мекеним Кыргызстандын» тизмесиндеги Марлен Маматалиев үгүт өнөктүгүндө өзүнүн партиясы колдонгон ыкмаларды «паракорлукту мыйзамдаштырууга» теңеди. Партия жетекчилиги... Читать дальше...

Кыргыз-казак өкмөттөрүнүн ортосундагы тиешелүү келишимге киргизилген өзгөртүүлөргө ылайык, 2020-жылдын 15-октябрынан тартып Кыргызстан менен Казакстандын 16 жашка чыга элек жарандары мамлекеттик чек арадан паспорт аркылуу гана өткөрүлөт. Бул тууралуу Кыргызстандын Тышкы иштер министрлиги 19-октябрда билдирди.  Маалыматка караганда, эми 16 жашка чыга элек жарандар Казакстанга барыш үчүн жалпы жарандык паспорт алууга тийиш болот.   Буга чейин 16 жашка чыга электер туулгандыгы тууралуу күбөлүк менен өткөрүлүп келген. Читать дальше...

Ноокат районунун тургуну Мухамед Каныбек уулу карактоо үчүн шектүү катары кармалгандан кийин каза болгон. Анын туугандары Мухамед милиция кызматкерлеринин кыйноосунан улам көз жумганын билдирип, прокуратурага жана Улуттук коопсуздук мамлекеттик комитетке кайрылышты.

Өз баласына кошуп өзгөлөргө да көмөк көрсөтүп жүргөн таластык ата. Кыргызча китептер сатылган жалгыз "Нусканын" окурмандары кимдер? Эски орнаменттерди жоолуктарга тогоштурган дизайнер.

Өкмөт башчы Садыр Жапаровдун 19-октябрдагы буйругу менен Бахпурбек Аленов «Эркин-Тоо» басылмасынын башкы редактору болуп дайындалды. Премьер-министрдин башка буйругу менен гезиттин мурунку башкы редактору Дыйканбек Керимбаев кызматынан бошотулду. 4-октябрдагы шайлоонун жыйынтыгына нааразы болгондордун митингдеринен кийин Кыргызстанда бийлик алмашты. Президент Сооронбай Жээнбеков 15-октябрда кызматын тапшырып, анын ордуна 6-октябрда митингчилер түрмөдөн бошотуп алган экс-депутат Садыр Жапаров президенттин милдетин аткарып жатат. Читать дальше...

Премьер-министр жана президенттин милдетин аткаруучу Садыр Жапаровдун 19-октябрдагы буйругуна ылайык, ЭлТР мамлекеттик телерадио компаниясынын башкы директору Керимбек Калыкулов кызматынан бошотулду. Жапаровдун дагы бир буйругу менен телеканалдын башкы директорлугуна журналист Шаиста Шатманова дайындалды. Шатманова Кыргызстандагы  көп нускалуу "Супер Инфо" эркин гезитинде бир канча жыл жетекчи болуп иштеген. 2020-жылдын августунда "жазгандарыбыз бийликке жакпай калды" деген негизде аталган басылмадан кеткен. Читать дальше...

Президенттик аппараттын жаңы жетекчиси болуп 19-октябрда Сүйүнбек Касмамбетов дайындалды. Тийиштүү жарлыкка президенттин милдетин аткарып жаткан премьер-министр Садыр Жапаров кол койгонун өкмөттүн басма сөз кызматы билдирди. Сүйүнбек Касмамбетов 60 жашта. Ал 1995-жылдан бери Жогорку Кеңеште төраганын жардамчысы, эксперттик топтун жетекчиси, 2000-жылдан бери Жогорку Кеңештин аппарат жетекчисинин орун басары, жетекчиси болуп үзгүлтүксүз иштеп келаткан.  Кыргыз Республикасынын III даражадагы мамлекеттик кеңешчиси. Читать дальше...

Кадыржан Семетеев өкмөткө караштуу Мамлекеттик бажы кызматынын төрагасы болуп дайындалды. Тиешелүү жарлыкка президенттин милдетин аткарып жаткан премьер-министр Садыр Жапаров кол койгону 19-октябрда жарыяланды. Кадыржан Семетеев буга чейин Мамлекеттик бажы кызматынын Бажы көзөмөл башкармалыгын жетектеген. Жапаровдун ушул эле күнкү дагы бир буйругу менен Бажы кызматынын төрагасынын орун басарлыгына Элнура Мамбетжунушева дайындалды. Жапаров 14-октябрдагы буйругу менен Мамбетжунушеваны адегенде ушул эле кызматтын төрайымы кылып дайындаган. Читать дальше...

20-октябрда Кыргызстандын аймагында жаан-чачын жаабайт. Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 5…10, күндүз 19…24; Талас жергесинде түнкүсүн 0...5, күндүз 19…24; Ош, Баткен, Жалал-Абад дубандарында ​түнкүсүн 7…12, күндүз 21…26; Ысык-Көл облусунда түнкүсүн 1…6, күндүз 12…17; Нарын облусунда түнкүсүн -3…+2, күндүз 12…17; Бийик тоолуу аймактарда түнкүсүн -4…-9, күндүз 0…5 градус болот. Бишкекте жаан-чачын жаабайт. Читать дальше...

Кыргызстан Түркия менен мурда жетишилген макулдашууларды толук ишке ашыруу маанилүү деп эсептейт. Бул тууралуу 19-октябрда тышкы иштер министри Руслан Казакбаев Түркиянын башкы дипломаты Мевлүт Чавушоглу менен телефон аркылуу сүйлөшкөндө айтканын мекеменин басма сөз кызматы кабарлады. Казакбаев Кыргызстанда ички саясий абал турукташып, мамлекеттик бийликтин бардык бутактары легитимдүү негизде, аткаруу бийлигинин бардык органдары кадимки тартипте иштеп жатышканын айтып берди. Эки министр кызматташтыктын ар кыл багыттары боюнча пикир алмашып... Читать дальше...

АКШнын чабарманы Залмай Халилзад Ооганстандагы токтобой жаткан чабуулдар расмий Кабул менен талибдердин тынчтык сүйлөшүүлөрүнө коркунуч туудуруп жатканын эскертти. Ал мындай билдирүүсүн Гор провинциясындагы 14 кишинин өмүрүн алган чабуулдан кийин таратты.

АКШнын Ооганстандагы чабарманы Залмай Халилзад бул өлкөдө уланып жаткан чабуулдар расмий Кабул менен талибдердин тынчтык сүйлөшүүлөрүнө шек келтирерин эскертти. Ал мындай билдирүүсүн Гор провинциясындагы 14 кишинин өмүрүн алган чабуулдан кийин таратты.  Халилзад 18-октябрда «Твиттердеги» бир нече билдирүүсүндө бул чабуулду «трагедия» деп атады. Ошондой эле ал АКШ менен «Талибандын» ортосундагы келишимдин жана Вашингтон менен Кабулдун ортосундагы декларациянын шарттары сакталышы керек экенин белгиледи. Читать дальше...

Азербайжан менен Армениянын араздашып жаткан Тоолуу Карабактагы ок атууну токтотуу боюнча келишими кайрадан бузулуп жатат. 19-октябрда расмий Ереван колдогон Тоолуу Карабактын жикчил бийлиги азери күчтөрү түндүк жана түштүк тараптан аткылап жатканын билдирди. Ал эми Азербайжандын Коргоо министрлиги болсо армян аскерлери өткөн түнү Геранбой, Тертер, Агдам райондоруна, эртең менен Агжабедин аймагына ок жаадырганын кабарлады. БУУнун Коопсуздук кеңеши 19-октябрда Тоолуу Карабактагы абал боюнча жабык түрдө кеңешкени жатат. Читать дальше...

Президенттин милдетин аткаруучу премьер-министр Садыр Жапаров Улуттук банктын төрагасы Толкунбек Абдыгуловду кабыл алып, макроэкономикалык туруктуулукту камсыз кылуу, банк жана төлөм системасынын коопсуздугу боюнча маселелерди жана валюта рыногундагы соңку абалды талкуулады. Бул тууралуу 19-октябрда өкмөттүн басма сөз кызматы кабарлады. Жапаров каржы-банк системасынын жана улуттук валютанын туруктуулугун камсыз кылуунун зарылдыгын белгилеп, экономика кабылган коркунучтарды азайтууга чакырды.  ... Читать дальше...

Учурда президенттин милдетин аткарып жаткан премьер-министр Садыр Жапаров 19-октябрда Орусиянын «Россия 24» телеканалына берген интервьюсунда президенттик шайлоого байланышкан суроого жооп берди. Ал «Президентти жана Жогорку Кеңештин депутаттарын шайлоо жөнүндө» мыйзамга өзгөртүүлөр даярдалып жатканын билдирди. Эгер мыйзамга өзгөртүүлөр киргизилсе, президенттик шайлоого катышууга даяр экенин айтты. «Учурда парламентте тиешелүү мыйзамга өзгөртүүлөр даярдалып жатат. Эгерде анын жыйынтыгында мыйзамдар өзгөртүлсө, президенттик шайлоого катышам.

Бүгүнкү күндө Кыргызстандын шаарларында жана райондорунда коомдук коопсуздукту камсыз кылыш үчүн күн сайын миңден ашуун милиция кызматкери күзөткө чыгууда. Бул тууралуу 19-октябрда президенттин милдетин аткаруучу, премьер-министр Садыр Жапаров менен жолугушууда ички иштер министри Улан Ниязбеков билдирди. Жолугушууда өлкөдөгү коомдук коопсуздук маселеси талкууланып, Садыр Жапаров кыргызстандыктар ички иштер органдарынан кылмыштуулукка каршы күрөштө олуттуу жыйынтыктарды, укук тартибин жана коомдук... Читать дальше...

Экономикалык кылмыштарга каршы мамлекеттик кызматтын (Финпол) жетекчисинин мурдагы орун басары Эмил Жамгырчиев жана өкмөттүк аппараттын жетекчисинин мурдагы орун басары Бактыбек Калмуратов аткезчилик боюнча ишке байланыштуу кармалды. Алар экөө тең суракка алынып, Улуттук коопсуздук боюнча мамлекеттик комитеттин (УКМК) тергөө абагына камалды. Бул тууралуу жергиликтүү бир катар маалымат булактары жазды. УКМК өзү мындай маалыматты төгүндөй да, бышыктай да элек.  Буга чейинки маалыматтарга караганда... Читать дальше...

Сооронбай Жээнбеков президент кезинде аппаратын жетектеп келген эки аткаминер ээлеген кызматтарынан бошотулду. Аппаратты жетектеп турган Досалы Эсеналиевди Жээнбеков кызматынан кетерден бир күн мурда, 14-октябрда Мамлекеттик кадр кызматынын директорлугуна дайындаган болчу. 19-октябрда президенттин милдетин аткаруучу, премьер-министр Садыр Жапаров аны бул кызматтан бошотуу тууралуу жарлыкка кол койгонун өкмөттүн басма сөз кызматы кабарлады. Эсеналиев президенттик аппаратты 2018-жылдын август айынан бери жетектеп келген. Читать дальше...

Өкмөттүн Жалал-Абад облусундагы ыйгарым укуктуу өкүлү болуп Абсаттар Сыргабаев дайындалды. Тиешелүү буйрукка учурда президенттин милдетин аткарып жаткан премьер-министр Садыр Жапаров кол койду. Сыргабаевди эмгек жамааты менен 19-октябрда вице-премьер-министр Равшан Сабиров тааныштырды.   Абсаттар Сыргабаев буга чейин Сузак районунун Барпы айыл өкмөтүнүн башчысы болуп иштеп келген.  Ал 4-октябрда өткөн парламенттик шайлоодо Садыр Жапаров жана 16-октябрдан тартып УКМКны жетектей баштаган Камчыбек... Читать дальше...